南記粉麵 (已結業)

放lunch同朋友想食平啲就黎左南記。叫左春卷小鍋米線小辣走韭菜，係一貫叫開既。一碗有4大舊春卷，咬落去好香腐皮味,啖啖肉，春卷果然係招牌。但係個小鍋米線就完全唔得，又唔酸又唔辣，平時食開另一連鎖米線店既5小辣，而呢個湯可以話係完全唔辣，酸味就只係靠面頭浮下浮下嗰幾條所謂酸菜。為左春卷都係會再黎，不過可能下次要試下中辣

我已經幫襯了天樂里摩理臣山的南記超過七年，但這兩星期開始發覺這店的腩肉小窩米線質素大幅下降，腩肉少左，湯底浠如水，連主打的肉碎湯底少到近乎冇肉碎。其實我可以不再幫襯，但真心想管理層見到此文能作改善，因我實在太喜愛吃腩肉小窩米缐，不希望轉飯堂，謝謝！

今個星期已經係第二次幫襯，兩次都係酸辣小窩米線豬腩肉加春卷，一模一樣，因為真係勁好味大大碗份量足，夠飽肚，湯底夠味，豬頸肉又淋又入味，咪比個名嚇親，佢一啲都唔肥架，好似瘦肉咁，但難得一啲都唔鞋。春卷咁多年黎都保持到水準。再叫一杯凍洛神花茶，酸酸地好清新。

super tasteless nam kee shop in hk,super saltyxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

呢間D酸辣米線比想像中好食，今次叫咗三牛小鍋，湯底酸酸甜甜好開胃，而且牛朒好好食，一D都吾肥，牛丸就一般，同平時差不多，另外既牛展都吾錯，易入口，牛根就麻麻，個人吾太鐘意食，不過D湯底真係吾錯，有炸醬，酸菜，整體而言，真係吾錯，再多D面就好啦

去左南記食麵~我叫左小麻辣豬腩肉加春卷小窩米線~第一次食南記既麻辣~之前都只係食過酸辣！我覺得麻辣湯底相當唔錯~好易入口又夠香！有塊好吸味既腐竹！張麻辣既味道滲哂落去！！超好味豬腩肉非常淋身一d都唔韌！薄切口感都好正！仲有招牌春卷啦~~又係一試會愛上架啦！未試過麻辣湯底既朋友，一定要試下呢

行到晚飯時候我要去南記食魚肉春卷^0^車爸爸的招牌河$24有魚肉春卷魚蛋和牛丸好抵食喎,車爸爸話南記除咗魚肉春卷魚蛋都不錯可惜此分店好像質素較差咬下不夠彈牙好彩並冇腥味~我要魚肉春卷魚蛋雙拼$24春卷真係百吃不厭河粉也夠滑溜,真不好彩是夜竟然冇冬菜供應碗粉即時失色不少~車爸爸笑說應該太多同胞喜歡食呀haha~凍檸檬茶加$8沒甚特別D茶唔反已OK,車爸爸飲豆漿大$10他說風味不俗呢!!

下晝經過南記，原本係唔係太肚餓，但係又有啲口痕，所以就入咗去諗住食物碗粉面，填一填個肚。鍾意選擇食南記下午茶嘅其中一個原因，係佢有瀨粉呢個選擇。因為好多粥粉面店，只有河粉、面或者米線、米粉。瀨粉就比較少有。佢嘅招牌下午茶＄20，我要求轉左瀨粉。自家製春卷都係佢哋比較出名嘅食材，見到佢連餐紙上都印着每日新鮮製造，就知道味道唔錯。其實食咗咁多次我都唔係好清楚佢係有魚肉或者豬肉。外層係唔經油炸既腐皮，食想去真係唔錯。不過佢個湯底食水淡如水，帶少少咸，冇乜鮮味。好彩佢有辣椒，魚露同埋紅醋俾客人添加。所以我都亂咁放一堆調味料先開始食。整體感都幾抵食，但份量唔係regular size, 所以如果諗住食飽，男士可能有啲勉強。如果口痕食下都唔錯。加幾蚊仲可以有埋豆漿或者凍飲添！

今次要介紹既呢間位於灣仔天樂里既香港仔南記。南記永遠俾我既印象都係逼逼“gip" "gip" , 但係自從南記擴張，衝出市區後，身為顧客既我就坐得舒服得多了，再無背貼背既一幕，同普通既快餐店格局無異了。而我今次食既係 “肥牛小鍋酸辣米線”，$33。論份量嚟講其實真係幾夠，米線夠多，肥牛夠喉不過就有啲 “ 鞋 ”；而佢個湯底名乎其實，有酸味有辣味，無話其中一隻味太出咁樣。可惜自從試過呢個酸辣粉後，先發覺真正酸辣適中既湯其實唔過癮，食辣好似仲正 lol 但係如果真係中意食酸辣粉既不妨試下呢間 ～

是次點了招牌春卷+魚皮餃小窩米線味道依舊好味! 小辣，另外再加枱面的辣醬會特別惹味呢…這裡的春卷並不是脆口的春卷，似是腐皮包著魚肉，好彈牙，而且又有鮮味，真的不錯，每次來，必吃之一! 至於魚皮餃，味道似四x個款，也很好味呢!米線份量也足夠，以這個價錢來說，絕對食得過!只是店舖比細，搭枱是必然的…

又是星期一的晚上, 天寒地凍. 雖然時間不多, 但難得有空檔, 可以吃點東西才上課. 就近地在上課地點附近的南記吃碗粉. 這間來自香港仔的南記, 歷史悠久, 近年形象年輕化, 以快餐店形式經營. 這裡有一般的港式湯粉麵出售, 也有雲南小窩米線出售. 當晚不是太餓, 又不想吃小窩米線, 所以只是簡單的吃碗招牌河. 在收銀處付款後, 自行拿著單據取食物,  不足三數分鐘已經有得吃, 很有效率!招牌河: 招牌河包括春卷, 牛丸和魚丸, 每款各兩件, 加上例牌的青蔥, 看起來賣相尚好.春卷: 所謂的春卷, 其實是炸過的魚肉卷, 入口彈牙帶點魚肉味和香料味, 不過卻不如其他食友所說的外皮酥脆, 可能與不是剛炸好有關; 牛丸和魚丸的大小跟平常見到的差不多, 入口彈牙且帶有牛肉和魚肉味, 不錯. 河粉入口尚算滑溜, 不過粉量較少, 食量不大的我, 吃完也只是僅僅夠飽. 吃到一半, 才見到食客拿著碗子, 到廚房外拿冬菜! 聽說這裡的冬菜是店家自制的, 單吃的話味道很鹹, 放進湯內可增加鹹鮮味. 不過衛生卻很一般, 在整個吃的過程中, 這隻小蒼蠅常伴我左右...雖然店子衛生程度很一般, 不過價錢尚算便宜

星期日下午時間銅鑼灣滿是人,肚餓想搵地方食嘢,就行遠D,去灣仔食南記,可以搵到位座下午茶真係好抵,$30不到就有一碗牛腩春卷麵同凍奶茶.我有少少因為呢度個春卷先來,春卷其實是魚卷,好似無咩地方可以食到又係好味的,下午茶都俾兩條長春卷,算多份量,牛腩好肥,有牛的油脂味.凍奶茶大大杯,但茶有D苦澀味

周一的晚餐，買了南記的春卷牛丸小鍋米線帶走回家吃春卷牛丸小鍋米線中辣走肉碎($29)米線份量很多！湯底香辣酸甜，但有湯面油花蠻多！選了中辣，是有點辣度，很刺激！米線幼滑彈牙；配菜有腐竹、韮菜、酸菜、芽菜…當中最美味的是酸菜，又多又夠味，酸湯和米線同吃能增加風味，其他的質量一般；春卷一樣好吃，但牛丸卻遜色了牛丸整體變細粒了，還有些特別細粒…牛丸味道也走樣了，沒了以前的肉汁甜味，太可惜了

一早到達，又是坐低安安定定食早餐的時候了，公司附近仲有什麼早餐熱點我要試，實在多的是，是日就近近地，南記。這是，是一間粉麵店，所以正常想食下公仔麵，麵包豬雞扒是沒有的，一清早要食廣東式的全蛋麵，其實是有丁點不習慣的。叫了一份魚皮餃牛腩麵，在帶一點潮州風味的麵店，魚皮餃煙煙韌韌的皮，充滿魚肉同魚油的皮，比起魚蛋，魚肉，炸魚皮更加的吸引。一夾起，油立立的餃皮是魚油的表現，食落香味肉汁四溢，彈牙，肉香皮香，不腥就是最好。而牛腩，味道濃香，帶有牛筋的牛腩，再加上五白粉的香，也是可口的表現。麵條爽，輕輕的梘水味更是配搭得好。奶茶，副產品，普通過得去就算了。雖然南記是連鎖店，但味道上比起不少小麵店的還要高，不錯。

今日過來灣仔上training，一心打算training完後到跑馬地覓食落雨的關係，使我覓食意欲大減於是走左去食香港仔南記。一點多，正值午飯時間座無虛席可能店舖位置不是處於人流旺的地段，等位到坐下都只是花了數分鐘今次是第二次光顧南記，記得上次點了個四寶/雜錦，好大碗的這次獨自午餐，點了個招牌春卷拼貢丸米線，反正單拼同雙拼也是同價此餐店可以說是粉麵快餐店吧？都是自助形式的，在櫃台下單付款後，拿著單據到取餐處取食物不足三分鐘已經煮好，很快！清湯底比較清淡，記得上次吃的時候有「加料」加了些辣醬和醃咸冬菜的米線惹味得多醃咸冬菜下了湯度咸度適中春卷的魚肉彈牙但就沒有了上次食那種外皮是脆的感覺，一向較少吃丸類的食物，比較喜歡的就是貢丸和墨魚丸貢丸不錯　香菇粒的份量，比平時吃的多即使不太愛吃丸類的我也把三粒貢丸吃光總括：味道不錯，份量適中單拼/雙拼粉麵($18) 屬抵食粉麵之選:）