南記粉麵 (春園街)

營業中

休息中

同朋友諗住食南記，但係又唔想喺同人迫，所以就叫咗外賣返屋企食，我哋用佢嘅外賣程式，成個落單嘅程序都非常方便，而且好清晰，叫完之後亦都好快就可以有，推介大家可以直接喺嗰度落單最鍾意食佢嘅春卷，所以就叫咗春卷米線，我哋就叫咗中辣啊，所以味道上都非常辣，不過佢再加埋腩肉嘅味道亦都非常夾，春卷不嬲都係呢一間餐廳嘅名菜，咬落去魚肉嘅香味非常香濃，都難怪長期春卷係佢嘅榜首，鍾意食春卷嘅朋友絕對唔可以錯過，整體外賣嘅質素都OK，唔會話落差太大，大家都可以叫下🤝

今朝早餐食咗南記呢一個招牌河粉早餐，原來早晨嘅時候朝早都好多人，我揀咗河粉，包兩粒魚蛋牛丸同埋兩條春卷，另外送多一杯豆漿。大概3分鐘就準備好成個套餐。🙈 速度上都幾快。先講吓啲河粉，可能係人手不足嘅問題，我覺得整得有啲太軟，非常影響成個食用嘅口感，不過呢個價錢嚟講都冇乜可以挑剔，春卷就不嬲都係非常出色，呢一個絕對係餐廳嘅名物，魚蛋亦都爽口彈牙做得非常好食🙈 整體三個餸牛丸都唔差，呢一個價錢非常經濟實惠！早餐價錢唔算太貴，豆漿就冇乜特別我覺得🙈🙈

今日做個廿四孝老婆，去左接老公收工，心血來潮想食米線，就行入左灣仔一間歷史悠久的米線店今日平日唔算好多人，可能因為天氣比較熱，所以少左人食，但店內冷氣夠涼，坐得都舒服😌😌我地叫左呢度的招牌，即係有辣豬肉，春卷，魚片同香菇的小窩米線。招牌就係招牌😋😋果然好吃！！！辣豬肉咸得黎夠冧，春卷夠入味，魚片好爽口彈牙，香菇好大舊好入味，加杯少甜少冰的凍檸茶正丫😍大家行經灣仔必吃之選！！！抵食之選！！！

南記粉麵係一間好受歡迎嘅米線店，今次試咗佢哋嘅招牌魚肉春卷同埋腩肉小鍋米線，真係好好味！魚肉春卷炸得香口，裡面嘅魚肉餡料好彈牙，味道豐富。腩肉就更加出色，滷水味濃郁而不鹹，不鞋口，米線煮得好滑嫩，配上啲野味濃郁酸辣嘅湯底，味道唔會太油膩。而且，啲腩肉煮得好腍身，唔會太肥膩。不過，腩肉小鍋米線嘅份量比較少，唔夠飽肚，而且價錢有啲貴。總括黎講，南記粉麵嘅招牌魚肉春卷同埋腩肉小鍋米線真係好好味，值得一試。如果鍾意嘅話，都可以試下佢哋嘅其他小食，絕對唔會失望！

今日約咗一位喺灣仔做嘢嘅朋友夜晚食飯，佢提議食南記，send咗呢間位於春園街既分店地址俾我，點知佢去錯咗第二間分店😂😂😂 笑死我😂😂😂 呢間分店面積唔算大，我去到嘅時候都幾full，我要坐喺廁所出面嘅位置用餐，聞到有少少渠味，有啲影響用餐體驗 🤏🏻招牌春卷+酸菜米線 ($54)我每次食都會叫呢個招牌春捲，因為個春捲煙韌彈牙，有魚味，外皮有少少煎香左，令口感豐富左👍🏻 至於酸菜方面，佢呢隻酸係雪菜果種酸，同三哥嘅酸味好唔同。我自己就prefer食得酸d，所以中意三哥既酸菜多啲。我叫咗蕃茄湯底，加咗少少枱面上嘅辣椒油，加少少辣好味啲。凍豆漿 ($14)店員斟得好滿，拎埋位嘅時候爭啲倒瀉😅 味道唔算太甜，飲下飲下就好快飲晒。

門口個自動門不斷發出吱吱聲，好明顯無落潤滑油好耐。對門每30秒開關一次，坐左係度30分鐘好辛苦，只係想快啲食完離開。職員好似無動於衷。收銀員好無禮貌，落緊單時候後面突然出現左兩個人排隊，我望住menu諗左5秒到就比收銀員催落單。南記幾時變左茶記，慢兩秒都比人話。以後唔會再去，去一次真係人都癲。

呢間由12月開始已一而再再而三俾漏嘢，第一次加咗魚片頭小食，淨係得包粉；第二次嗌艇仔粉套餐又俾漏魚皮…今次仲要無走韮芽！你哋廚房啲人係新嚟定就嚟last day呀？？

阿囡想喺灣仔租樓住，於是同佢去了灣仔睇樓，到了晚上， 又餓又攰 ,突然好想食麻辣米線， 於是阿囡就介紹去灣仔春園街的南記粉麵。我們叫了一個麻辣湯底辣豬肉加春卷米線， 湯底充滿麻香， 辣度啱我 ，辣豬肉夠入味， 魚肉春卷香口好味。另一個新麻酸湯底魚餃加腐皮米線， 一口吃下麻酸辣湯底的米線，有幾種層次， 再加埋魚餃及腐皮， 味道真不錯。 不過最有驚喜的就係shake脆炸魚皮,首先將炸魚皮放入紙袋內，然後加入麻辣粉， 搖幾下，令麻辣粉佈滿魚皮，香脆可口的炸魚皮再加埋麻辣粉，令人食過返尋味。

本身上網睇到呢一間南記分店嘅營業時間係11:00開始，但心思思嘅我死心不息，係都要行去望下有無做早市，結果真係有開早市！個店員仲同我講星期一至五係開07:30，所以呢個故事教精我唔可以信哂網絡上嘅資訊，因為好多時係唔準確架！我08:20入到去，店內已經座無虛席，而且大部分都係上班族，可能好多人都習慣返到公司附近先食早餐。我點左一份早餐A，有一碗蕃茄春卷米通、魚皮餃生菜同埋一杯熱飲，盛惠$32。味道方面，米通最令人驚喜，因為佢口感有啲似"狗仔粉+年糕"，有狗仔粉嘅形狀，又有年糕嘅煙韌，好特別！至於我同樣重視嘅蕃茄湯底一樣味道唔錯，濃香色豐。整體嚟講，呢一餐性價比嚟講真係無得輸！

灣仔午膳時間啲粉麵鋪好難搵位，難得見到南記有位就入咗去先。見到餐牌有好多選擇，但係因為見到後邊好多人排隊，我就是是但但叫左一碗珍寶小窩米線，因為今日想食得清清地，所以我就選擇左清湯底。原來小窩米線嘅配菜主要都係丸，丸，丸，同埋一條招牌春卷。珍寶小窩米線 $57味道方便，普普通通啦，唔係話好大驚喜，最好食當然係佢條招牌春卷。不過因為周圍都冇位，南記有個位可以坐下已經好滿足。於是我就簡簡單單，匆匆忙忙完成咗我今日嘅午餐。

住新界嘅我 出到黎真係成日都想食南記叫咗 春卷菜肉餃擔擔麵套餐 + 酸辣牛魔王試咗個湯 還可以 如果個麻醬再重手啲就好啦個人鍾意酸辣湯多啲但我老公覺得擔擔面個湯好飲d見仁見智啦肉碎份量都夠菜肉餃係 偏多菜少肉 啱我何車豆腐卜切條 連埋個擔擔湯一流索晒成個湯嘅精華諗過 如果豆腐卜條 放喺酸辣湯 咁就無出色牛魔王套餐跟餐送豆漿個豆漿冇影 糖分量非常好 微甜啱晒我下面嗰杯芒果冷泡鐵觀音我插咗支飲筒入去之後 一下就飲落肚千祈唔好 好甜下面個底有啲芒果加糖漿我唔記得咗攪勻佢先飲撈勻左成杯嘢 都幾好飲南記 你快啲喺新界區開多幾間分店啦我想食南記 多個食x仔/x哥題外話 支付寶如果登記咗消費券佢有額外嘅飲食coupon南記係其中一間 滿$80就減$10$50就減$5User friendly 過揀x仔/x哥張coupon要食滿三餸先減 過橋米線唔用得

10多年前喺灣仔返工，經常幫襯南記，不過係謝斐道嗰一間，今日經過雖然唔肚餓，都坐低食碗麵，懷舊一吓！😂見到門口poster推介春捲墨丸米線，試一試。湯底唔夠酸唔夠辣，淡少少，都好，味食少啲味精🤔米線唔錯，彈牙唔會淋pat pat；春捲，墨魚丸，都保持到水準。配菜，有啲鹹酸菜，如果有d芽菜就仲好。鋪頭都乾淨，餐具都乾淨衛生。👍另外而家好識做生意，食一碗麵，有幾張 coupon, 再食早、午、晚餐都有優惠😂

1）食物品質可以，鮮香味濃，下午茶招牌河，魚肉春卷牛丸魚蛋各二，份量足，價格實惠。在灣仔區，這個價錢冇得輸。2）店舖環境尚可，有卡位，疫情時期，四人卡位兩人搭枱對角坐，除口罩心安樂。下午茶時段，客人一波接一波，店員執碗抹枱，清潔態度可。3）唯收銀員不公不正，竟然先為後到人士下單？既沒守規矩，又何必揚聲叫人排隊？總結：香港唔係得一間南記，無規無矩無秩序，講一套做一套，唔想再受氣，春園街分店，真的不了！

遍佈港九既南記, 應該好多人都認識架喇, 招牌春卷應該都係眾人必食首選.而我都一樣, 周不時都釣癮想食南記.配搭都會有好多選擇, 淨係粉麵都有米線、米粉、河粉同麵揀. 不過近排好似唔見左牛筋哩個選項, 令到我D同事稍有卻步.不過唔緊要, 春卷始終係深得民心既, 而酸辣湯亦都係常駐選擇既榜首, 雖然佢不定期會出新款, 試完都仲係會回歸春卷酸辣既懷抱.辣度我一向都會叫中辣, 有時叫大辣好似又辣左D, 食唔倒個香味, 而有得揀的話, 我盡量都唔會選米線, 因為米線太過彈口喇, 當然好多人就係喜歡食佢既彈口感覺. 雖然南記既河粉唔似一般粉麵舖既幼滑, 但融入左酸辣湯, 口感即時變左另一個層次. 選單餸春卷的話, 佢會比4條你, 每一啖河粉, 都可以配搭春卷黎咬, 簡直係不得了. 仲有佢既配菜都不容忽視, 酸菜同芽菜都係好爽口好味, 酸菜唔會太酸, 不過塊腐皮我就唔太喜歡, 因為咬落口個質地有少少怪, 好似膠膠地咁, 不過留待最尾, 我都會食埋佢既, 但唔可以全塊食落口, 細細啖咬既話, 就唔會有個個奇怪感覺喇.

今日諗住lunch time行玩具街，所以响附近快食個lunch，就準備行街買嘢。12:15到達春園街，其實都有好多野食，但見到南記就好想食碗酸辣春卷粉，又見唔多人排隊、有位坐，所以決定食佢。排隊俾錢都幾快，無意間俾我知道，係可以早15分鐘打電話落order，過幾個字就可以攞外賣走，唔駛响條街度熱住等！今日我係堂食嘅，本身叫左兩餸河粉(招牌春卷、魚腐、酸辣湯底), $39，加左杯細豆漿$8，維持到食平嘢嘅水平👍🏻但攞食物時，河粉變左米線😩同埋兩條春卷好似燶左咁😅不過我唔太抗拒米線，所以無換返。酸菜好味，但兩條春卷(細左)同兩件魚腐就比較少餸咁，好彩佢湯底有肉碎🤪