南豐餐廳

營業中

休息中

南豐一向是我的飯堂，對於一個茶餐廳來說，食物不錯，價格亦算合理，一星期最少有3-4次的光顧。但過了今天，相信以後也不會再光顧了，我亦要寫我第一個食評，以抒發心中的不滿，今天叫了外賣，2個粉麵，加一個油菜。餐牌上寫明嗌粉麵加油菜是加12元，但收銀員收了油菜20元。向收銀員查詢原因，她說外賣油菜要收正價20元。我說我之前買了很多次外賣，每次都是收12元的。收銀員說之前不是她收錢，其他人不知道外賣應該是正價的。她又說：「如果唔想要，可以幫我取消個油菜」，講到好似係我的錯。我說8元我可以支付，只是餐牌根本沒有寫明外賣要收正價，收銀員聴到後也無話可說，只是說可以收我便宜一點16元。這算是什麼？我當然不會接受，20元我照付。個人覺得如果餐廳要外賣堂食收取不同的價錢當然是可以的，顧客自己決定。但若只有收銀員知道外賣及堂食的價錢，餐廳的其他同事及顧客不會知道，本人便覺得很有問題了🤬

近期都少了外出用膳，這天，終於有機會。來到以前都間中會來的麗晶花園，以前有些大排檔，亦都有些餐廳在外邊，原來麗晶花園還有僅存一間椰林閣。除此之外，這兒還有翠河，旁邊就有這間南豐餐廳，內裏都是大大間，有各式下午茶炒粉麵飯，或是菠蘿油麵包或是炸雞脾沙律等等。有些友人都在說麵條恐防會比較乾，又或是炒公仔麵比較乾旱，但是友人還是點了，我偷了兩箸，感覺鑊氣也不錯，有少許焦味，味道都不錯的。雖然同行友人不少人表示叉燒不錯，但是我看上去，好像有點太乾太瘦，換轉是我，一定又會叫肥叉燒，感覺應該會比較好。眾人皆選我獨挑，通常我都未必會吃大家都喜歡吃的東西，於是點了一個炸雞脾沙律，炸雞脾，體積也不算太少，但比起上次在青衣的賓墟餐廳，雞脾不算太過肥美，亦都不算太大隻，雞脾肉還算滑溜，不會太乾，雞皮都不算太肥膩，薄薄的雞皮，炸到香脆，味道也不錯，但是整體來說，不算肉汁豐富的雞髀。反而較出色的，就是沙律，因為沙律不只是有蘋果或是薯仔或是蘿蔔等等行貨，反而我覺得這種雜果沙律更好吃，因為畢竟你開一罐罐頭的雜果，也不便宜，而且內裏還會混入很多沙律醬，酸酸的，開胃。凍檸茶味道也不算格外特別，茶味未算非常香濃，反而友人的

晚飯時段經過九龍灣，想起上次南豐餐廳的燒味飯也不錯，於是走過來看看有什麼好吃，看了餐牌之後，決定試下他們的小菜，剛巧想吃一些比較濃味的食物，要是點了邪惡的啫啫雞煲，晚餐已經包一個白飯，例湯，熱飲。雞煲上枱嘅時候不是超熱的狀態，但即食剛剛好，配料有洋蔥，蒜頭，冬菇，豬膶，滑雞，滑雞的比例大概佔所有雞的一半吧，冬菇豬膶很入味，醬汁很濃，但不是很咸的那種。唯一要挑剔，就是每次點凍檸茶少冰的時候，都會裝滿大半杯冰，還好跟他們說，他們會幫我弄一杯。

第一次食既燒味飯，麗晶泊車方便是重點講返個飯，最好味係個燒肉有軟骨， 肥瘦比例岩岩好唔會太硬太肥不過叉燒太乾身， 有點老味道可以接受以價錢來講已經實抵食之選下次剩食燒肉就得😂

最近行過麗晶商場地下，見南豐餐廳裝修完之後，果然煥然一新，光缐充足、環境舒適，晚市飯餐有優惠A餐至H餐共八款，叫咗個燒鵝飯$54元有湯有飲品、潮蓮燒鵝醃得好入味，飯淋上秘製汁撈勻一齊食零舍好味道，碗老火湯夠滾熱辣，相比之前進步好多。，

牛雜腩粉麵寫住22蚊，原來係要再加20蚊，問啲伙記係咪22蚊，佢仲叫我自己睇。咁唔好寫牛雜腩粉麵22蚊啦！嚴重誤導食客，42蚊既話就唔食呢個，食其他野好過啦！仲要係下午茶時段，咁樣做生意，唔會再有下次。

正如相片所見，可以話係貨不對板，餐牌名叫足料番茄薯仔排骨湯粉麵餐，但我點嘅米線上到嚟就只有兩粒細細粒嘅排骨碎喺碗米線度，因為我都經常去食嘢，所以我都冇同餐廳反映，點知碗米線食落淡茂茂，好似無落鹽咁樣，啲番茄薯仔排骨湯底就好似啲啱啱學煮嘢食嘅人咁，隨便將啲番茄薯仔切開，連同啲排骨粒放啲水去煮淋就可以了，完全都冇啲番茄薯仔排骨湯應有嘅味道！做廚師做到咁嘅樣，簡直就是垃圾，冇啲廚師應有嘅水準同要求，快啲返歸瞓覺喇！

叫了三個早餐：一個沙嗲牛肉通粉、腸仔煎蛋、凍齋啡；一個火煺奄列餐、多士、央走；一個火煺奄列餐、多士、熱華田外賣；結果來了熱齋啡；另一個餐，來了央走及其他跟餐的火煺蛋。叫伙計跟。結果到賣單，也無跟過⋯只有外賣啱。想把堂食央走改單飲正價，結果又打多一杯央走。曾經想過換了老闆裝修後可以有改善，但有些伙計仍是那些（不變的服務態度，特別是那個阿姐：上次要俾八達通，但阿姐話吾識又坐收銀，結果要我出去㩒機😡），應該不會再幫襯。

早餐最中意就係食麵，等別中意叫沙嗲牛肉麵，其實大多數茶餐廳既都係差唔多，但呢個都要講一講，以往食既麵，大多數餐廳都會選用大光麵，身邊既朋友一聽就知道係咩黎，而我本身都仍然獨愛大光麵，因為真係好食，而呢度既麵，雖然唔知用左邊間，但係呢個麵都係夠爽，都可以留意一下，因為好多時餐廳唔用大光麵（原因聽講貴左）就會搵其他品牌，但有一個問題係，通常麵太淋，所以呢度食麵係好食既！沙嗲牛肉既沙嗲汁都夠濃，撈一撈個麵，湯底都明顯地變濃！抵讚今次叫左太陽蛋配腸仔，腸仔輕輕炸過（我估），所以明顯會比起出面烚一烚好食，其實真心腸仔真係要煎一煎/炸一炸先好食，呢個加工程序希望餐廳會一直Keep住唔偷懶之前食都無餐包，而家有，其實好多人都唔太食（個人覺得），如果職員能夠多口問一問就好喇！仲可以減少浪費

晚餐時間又到啦，左諗右諗都唔知食乜好，就入左茶餐廳食，見到門口餐牌有鳯梨咕嚕肉（即係菠蘿生炒骨）就真係吸引左我入去，當然真係有點到呢味餸，煮得都唔錯，唔會好溜，有時好怕食到啲太酸，太油，呢個就完全無呢啲問題，但唯一想佢改善既地方係有啲肉位過瘦，不過整體都Like!，另一個餸就叫左三色蒸水蛋，老實說我原本可以比4星，但因為誠實既人要說誠實話，呢個水蛋，我無諗到會有肉碎，因為餐牌寫左健康素食，所以其實味道係ok，都夠滑，就只係個標題同實際有出入，希望餐廳會留意到，如果真係有肉，應該同食客講一聲會比較貼心。

星期日食指大動又不想走太遠，於是走去南豐吃個晚飯。別輕看今時今日的茶餐廳，享受茶樓級數的餸菜卻不用加一加茶芥。今次首先吃了小妹最喜愛的瑤柱豆苗，嫩口而不油膩的豆苗，加上味道濃淡適中的瑤柱蠔油獻汁，正!然後來了個鎮店之寶香煎豬肉蓮藕餅，外面金黃脆口內裡濕潤而帶點彈性，再加上爽爽藕粒增加口感層次，重點是調味不太濃能將蓮藕豬肉味道帶出來，推薦!再來了一客小妹最喜愛的黃金蝦，在家真的很難做出這味菜，所以出街才有機吃…火喉控制得不俗，吃落甘香乾爽不油膩，蝦殼也是脆脆的，而蝦肉是爽爽的，為食的我連殼吃還有清蒸龍躉仔，蔥花夾集了薑絲伴著咸中帶微甜的鼓汁，魚肉成熟程度剛剛好，okok整體來說，小菜質素好比酒樓，最欣賞這餐廳的食物美味而不油膩，味道濃淡度適中。會再encore!

每次去麗晶都係食牛腩麵多今次一大班人，就去南豐試下聽同事講佢地燒味好好食就叫左燒鵝，真係好好味非常入味，又唔會好平時食果啲中間肋骨既位置會突然咸左👍🏻燒腩仔，份量都多，但個表皮唔算好脆對比燒鵝有啲失色冬菇忟豆腐味道偏淡，唔算吸引西蘭花花枝片花枝片都好多，啲蒜味都唔錯奶茶都係值得一試茶味好香，夠滑，正有三位同事都額外買多三杯🤣小菜黎講，都唔錯既選擇平均$60-$70左右一個小菜座位就比較逼，同嘈

食材新鲜，品种多样化，潮汕粉麵汤底适中健康有营，烧味既日出炉鲜味多汁，食之回味无穷。炒粉麵家常小炒既日海鲜俾人感觉到家的味道，每-道菜都品味到师傅的专业同爱心，服務亲善之余总会有偶爾的惊喜，哈哈！真心值得推介。

去開果頭開工，見到有間新野就入去試下啦！一坐低餐牌都未睇， 就聽到阿姐問我食乜嘢！真係有好效率！！ 叫咗個五香牛筋腩飯！ 嗰飯嚟到見到個賣相都算喇！到食喇，五香無五香味！ 牛筋牛腩唔夠淋又唔入味！

門外有人拉客入去，態度都好殷勤。但係一入到去，就感受到都市嘅腳步，中環嘅急速，慢一點也不行。一坐低，餐牌都未睇，已經有阿姐走嚟問我地食乜，我一拿起餐牌，還來不及看， 個阿姐已經好唔耐煩咁從我面前消失。點了一個肉片炒河， 肉片就搵唔到，肉絲就得幾條。 其他食物跟肉片炒河嘅情況大概差唔多。食到一半， 跟朋友聊天， 啲阿姐已經急不及待， 左邊問我碗湯飲完未， 兩秒後，又邊又有另一個阿姐問我啲飯食完未。 唔知係我反應慢，定係佢動作快， 佢未問完我問題，我未嚟得切反應，啲湯同飯已經消失咗之後，發生口角，個阿姐話，攞走啲嘢唔好阻住你哋傾計，之後我同佢講我，哋會盡快走唔想阻住你做生意。 阿姐話，後生仔唔使咁講野，跟住阿姐就二話不說，安排幾個人喺我哋後面等枱。食得飽飽，全肚都係氣，一肚氣！