南龍冰室 (已結業)

是日同好耐冇見既朋友出黎食晚飯近排突然好想去冰室果一類懷舊下所以就同友人一齊黎到哩度哩度唔太就腳 搵左一陣先黎到唔洗等位 一入去就有店員招呼好有懷舊既味道雞脾薯條 好正好耐冇食過果D咩"大X樂"哩D連所店點及茶記～每人叫左杯凍檸賓 唔係度度都有檸賓架啦今時今日～藍莓西多 D藍莓一粒粒好有咬口配埋西多好好食其實仲叫左個飯不過冇影都係好有茶記風味！環境：好有懷舊既味道 好中意而且可以坐勁耐都唔會趕你走 可以傾下計服務：D夥記好Nice同你有講有笑 好有人情味見到佢地既笑容食都食得開心D 衛生：普通茶記咁冇咩特別抵食：賣單＄6X 晚餐差唔多 

原本在筲箕灣經營了超過50年的「南龍冰室」，去年因大幅加租而結業。最近聯同老牌茶餐廳金記的老闆在銅鑼灣重開南龍，將老字號延續下去。門口有南龍冰室的鐵閘, 充滿懷舊冰室的味道。門口更設有新鮮出爐麵包, 未入門口已十分期待。一入內, 地上的傳統階磚令人充滿回憶。新店共兩層，地方比舊店大。樓底高，天花掛上大小不一的黑白色鳥籠, 懷舊得來帶點時尚。這裡以傳統冰室的卡座為主, 卡座寬敞可容納六人, 加上百子櫃布置, 装潢充滿心思。卡通化的餐牌, 加上內容插入二次創作的電影海報, 令我多看一眼。食物除了不少本土美食外, 加入不少新派食物。剛好2點半, 點了個下午茶餐。干炒牛河配凍奶茶$42。干炒牛河份量迷你, 豉油顏色不太平均, 河粉沒有炒得條條分明。牛肉份量多, 肉質不太鞋口。不過不失的干炒牛河。奶茶味道不錯, 茶香奶滑, 比例恰到好處。總結: 冰室裝潢融合新舊文化, 食物一般但夠本地化, 充滿香港情懷。四十元有個H炒粉麵下午茶餐, 價錢都合理化算。

南龍冰室@#foodki銅鑼灣XO醬豬扒炒公仔麵(6.5/10)($45)巨型金磚係南龍既招牌,但炒公仔麵其實都唔錯。南龍既公仔麵,XO醬份量合適,炒到好有鑊氣,麵亦都炒得爽身😛,滿意。豬扒就麻麻地,太過韌,而且有少少雪味,不過勝在XO醬同鼓油可以掩蓋到啲味。最後,而家好多冰室都係賣裝修,南龍既裝修都係好有香港味。

近日在面書上看到好幾位朋友都放了誘人的美腿照，看得我口水猛流⋯我當然是指炸雞髀。更有食家朋友留言說山珍海錯也不及一口炸髀的皮，由他這位有能力走進「公仔箱」的專業食評家說出來特別有說服力。是日約了朋友到銅鑼灣，吃炸髀的機會來了！我們來到有幾十年歷史的南龍冰室。雖說是冰室，但裝潢很典雅，環境整潔，絕不是殘舊老土的地方。連餐牌也很特別，印有以港式食品為題材的漫畫。港式下午茶當然少不了紅豆冰，這杯紅豆冰甜度剛好，紅豆粒粒分明有咬口。檸茶是朋友的最愛，我見他喝了兩、三杯，檸茶都被他抽乾了⋯主角當然是炸雞髀配薯條（$37）！久違了的炸雞髀，皮脆肉嫩，無～得～輸！薯條是我喜歡的波浪薯條，如果再粗一點和脆一點就更好了。快樂下午茶後，正式開始我們的雪糕之旅…

悠長日本之旅回港，很想念港式茶餐廳！於是相約朋友在銅鑼灣區也找間好坐的茶餐廳～第一次來到南龍冰室，感覺有點懷舊老香港味道，卻與時代感交錯，加上環境頗企理乾淨，座位頗鬆動，枱與枱之間很有空間感，不錯的茶餐廳環境！地舖滿座了，侍應帶我們上一樓～沒想到一樓環境更是寬敞，窗邊掛了現代簡約的雀籠裝飾，模仿昔日的酒樓環境。一樓暫時未有其他客人，很有包場的感覺！看看menu，寫著「始於一九六一年」？！原來舊舖有五十多年歷史，在租金這麼瘋狂的年代仍然迄立不倒，很佩服！Menu設計很可愛，也很搞笑，食物分類很清楚，讚～法蘭西多士 ($24)好一陣子沒吃過西多士，一看到menu有就忍不住order，即使已是晚飯時間 XD 嘩，真的好厚！好像很好吃，很想獨吞整份！炸得一身金黃色的果然蛋香十足，多士質感非常鬆軟，中間塗了一層帶有花生碎粒的花生醬，略嫌花生醬不夠，但朋友覺得還可以，下次我會order多醬的了 =p美味指數：8 / 10雞翼薯條 ($35)另一道邪惡的下午茶，大大碟雞翼薯條 @0@ 救命～ 真的很大碟，要請其他朋友幫下口！吃鬼佬薯條太多，有時覺得還是喜歡茶餐廳曲曲炸薯條多一點，新鮮炸出來，金黃色的

近來發覺冰室愈開愈多，我公司附近都新開了3間呢!而銅鑼灣原來也不少，最近跟朋友亂打亂撞撞入了南龍冰室！我總是抗拒不了懷舊味道的裝修呢，但地方就整潔多了，食物選擇也不少。得2個人，所以只點了蝦醬叉燒炒飯及我最愛吃的咕嚕肉。(咕嚕肉是我每次到茶記/食中菜/大排檔的必食之選!)極力推介咕嚕肉!脆醬剛剛好，不會食到成口粉。炸得香口又爽口。亦不會明明叫咕嚕肉但總會夾D骨落去。而且個甜酸汁很好吃，令人一夾再夾！跟朋友的宗旨是叫白飯不如叫炒飯，眾多炒飯中，最吸引我的就是蝦醬叉燒炒飯。因為我愛吃濃味嘛～炒飯炒得乾身，粒粒分明！蝦醬的鹹香味令人開胃，但又不會過鹹！令人忍唔著一吃再吃。用來送咕嚕肉更是一絕的配搭～唯一不足的就是叉燒少了點，多一點會更好吃！

跟家人講起舊時，話題總會連到荔園和冰室。我對荔園印象不大，可幸的是荔園將會於六月重臨，家人談及時他們那份興奮的心情卻是無法掩蓋，畢竟對他們來說荔園陪伴著他們的童年。除了荔園之外，冰室也是一個懷勉昔日香港的重要地點，而南龍冰室翻新後保持原有的冰室模樣，讓人回味以前的感覺。無論是門前的大閘、舊式的卡位、綠白格仔地磚、鳥籠，都有昔日冰室的影子。南龍冰室雖然不在銅鑼灣的熱鬧地段，但是總算相當方便，位置不難找，而且兩樓讓人坐得舒舒服服。蝦醬叉燒炒飯：炒飯帶有蝦醬的香味，很夠鑊氣！叉燒配著蝦醬，味道非常合拍！只嫌蝦醬不夠多，味道不夠濃味呢。旁邊偏愛吃清淡的朋友卻覺得味道剛剛好。大概是每人口味各有不同吧！金磚咖喱牛腩飯： 金磚這個夠晒噱頭，意思是把麵包掘空，然後放滿飯再淋上咖喱牛腩的醬汁，只講外型，足以令隔離枱的人議論紛紛。切開後，除了旁邊的麵包能吃之外，入面的飯沾上咖喱醬汁也是相當入味，份量應該夠三人享用，味道還是不錯的喔！黑白多士： 加入朱古力醬及奶醬的多士，吃上來也不錯。多士的醬料分佈不平均，每口的朱古力醬和奶醬的比例都略有不同，因此每口味道都不一，而且只售 $14，簡單美味！餐牌列出多款不同

懷舊熱潮越燒越利害，發現近年開得越來越多冰室餐廳係用懷舊嘅裝修，擁有現代嘅清潔感，去到食嘢嘅食客自然可以響一個舒適乾淨嘅情景品嚐食物和品味懷舊的感覺。今次剛好行過銅鑼灣渣甸坊附近嘅南龍冰室！當日因為已比較趕時間嘅關係，所以黎到都係點一啲比較快嘅食物。等朋友，即刻叫個茶記經典菠蘿油先！好彩晚市呢度都仲有供應菠蘿油，俾我解解口癮！雖然晚市了，個包唔係即新鮮剛焗好，但都仲係外脆內軟。又大個都幾好食。之後叫左個蝦醬叉燒炒飯。本身都唔諗住食呢個炒飯架！但係呢見到隔離枱帶咗勁香！啊諗唔到嘅時候不如就試吓啦！呢個蝦醬炒飯最適合我呢啲食得比較濃味嘅朋友！蝦醬炒落去很有鹹香。飯粒全部都炒得好鬆開唔會一舊一舊。飯粒公開，顏色分布平均我深信呢d係如何判斷好炒飯嘅因素！味道更加不在話下，我一口氣都食咗半碟有多！就知佢幾搶口幾好味啦！晚飯一定要食少少肉嘅所以就試咗個咕嚕肉。我見附近一兩台都有食呢個，首先我要讚嘅就係呢一度嘅咕嚕肉係真係肉嚟嘅。唔會係得少少肉。外皮唔會好厚。個汁又好味。肉又唔會太實。必吃！呢度個餐牌嘅設計都好獨特，我響度等朋友嘅時候一路睇一路喺度自己笑，隔離枱可能以為我傻咖。哈

之前試過到冰室食飯後, 又想再食一次, 今次改為在銅鑼灣食, 去了南龍冰室.這裡的裝修幾特別, 以鳥籠做裝飾~而餐牌有點不同, 用了卡通插畫~來到這裡, 等點一杯熱奶茶. 平日我較少飲奶茶, 但來到就一試. 奶茶幾幼滑, 甜味適中, 茶味對我來講就夠啦.接着, 就是炸雞翼拼薯條. 上枱已聞到香味噗鼻, 雞翼外脆內嫩, 而薯條是我最愛的粗身薯條, 不論味道或是口感也較幼身薯條好味.另外, 點了金磚茄汁龍利柳飯.上枱時已被佢的份量嚇親,有成差不多半條麵包.麵包面放上茄汁龍利柳, 另附上茄汁.切開後, 內裡是炒飯.茄汁味道不錯, 配上龍利柳, 味道剛好. 由於我鍾意多汁, 可以另點茄汁. 而炒飯幾乾身, 硬度適中.因為仲有炒飯剩, 所以點了一個小菜. 點了西蘭花炒魚塊.份量也不少, 魚質幾滑, 不會腥, 我自己最怕食到有魚的腥味. 這個用來伴飯一流.

跟男友想食返啲港式口味。咪以為銅鑼灣，只有「來佬貨」餐廳。其實仲有好多舊式茶記、冰室。左哄右哄，走咗去南龍冰室！睇下啲裝修，幾鬼有香港風味！就連個水吧，都特別有懷舊感～～很可愛的餐牌！今晚就食返啲茶記小菜！XD口痕痕，先黎個菠蘿油！個包，好鬼軟熟。食起上黎軟線線，如果片牛油再大塊啲，就仲正！蝦醬叉燒炒飯雖則個叉燒少咗啲，但不得不讚個蝦醬又夠晒味！而且好鬼香！呢個炒飯會濕少少，不會極度乾身。食起上黎，就會少啲熱氣感。而且夠晒蝦醬味，就更為惹味了！啫啫雞煲，我去茶記食晚飯必叫！呢度個雞煲夠晒入味！而且，雞都幾滑溜，惹味到停唔到口！黑椒鐵板豬手原隻上，夠晒霸氣！而且黑椒不會太辣，重香、重惹味。點個醬汁，食起上黎就特別香濃。內裡的肉，火喉剛剛好，不會太老，也不會鞋口。點汁食就一流了！咕嚕肉，是這裡必食的小菜。因為真係炸得很香，個甜酸汁調配個味一流，剛剛好！入面啲肉，仲要有啲鬆化感，好好食呢～～ 令人滿足的一餐

大約一年前，看到食友的食評中，位於銅鑼灣的 <南龍冰室> 供應金磚焗茄汁豬扒飯，當時令我蠢蠢欲動想試！ 於是，我記住這間店名，日後如果跟朋友去開銅鑼灣的話，有機會一定要幫襯！ 那天晚上，跟朋友出銅鑼灣，順道走去 <南龍冰室> 食飯！由於餐廳位於敬誠街，我們不太熟識哪裡是敬誠街？！  只好靠手機上的地圖幫手吧！ 這間開設一年有多的冰室以懷舊的裝潢，對於我們這一輩來說，反而有新鮮感！ 由入門口見到的鐵閘、掛滿雀籠、卡位、地下的紙皮石、貼上可口可樂舊廣告...我就是喜歡那懷舊的裝潢！ 還有，細心看到有趣的是裝潢上的穿崩位！ 最驚喜！莫過於餐牌的設計，加入插畫，打破沉悶的框框！  很欣賞插畫師的心思與構圖！ 供應的是茶餐廳貨色，在銅鑼灣區，價錢算是平宜！  而為我們落單的女店員又幾靚女喎！  她殷勤有禮，服務態度不錯！值得一讚！ 紅豆冰 $21懷舊紅豆冰是冰室必點之一！ 炎炎夏日，喝一大杯紅豆冰夠消暑！  玻璃杯已突出三層的層次感！  單是賣相已夠出眾！紅豆大大粒，部份入口粉腍，部份卻有點硬，煮得不均勻，佔全杯的三份之二，份量十足，

下雨天,工作上無啦啦被屈,加加埋埋,心情非常鬱悶,心裡確實想快d返到屋企摺埋,朋友話,有個地方我應該會開心,咁就來睇睇啦!原來今日我們會吃茶餐廳,正所謂食得多Fine Dinning, 有時都想食下公仔麵,厚多士吧!始終這些才是我們是Comfort Food....南龍冰室的裝修依然都停留在舊香港的風貌,不論地板選用的街磚,都充滿了80年代的感覺,我自己就最喜歡掛在中間的以大小不一的鳥籠作藍本的燈,又靚又特別~~餐牌的插畫也是充滿港式的感覺,很有趣~~把香港的耳熟能詳的電影都做成Poster, 撈麵仔,你又會想起那一套電影呢?一場來到,今晚決定要食盡港式的風味,先來一個 法蘭西多士 ,炸得金黃, 從旁邊看差不多有兩吋的厚度,熱辣辣的西多士上,放上了牛油, 看著牛油由正方形,慢慢地融化.....切開見到入面有一層花生醬作餡料,口感酥軟,加少少糖漿真是肥死都抵!不過我個人覺得花生醬可以多返一些,或者用粗粒的,係係係我知花生醬好肥,但都食緊西多,都不會爭在這少少啦,哈!!朋友點了咖央多士因為只是輕烘過,當然是比西多士輕盈一大截,咖央醬甜味不高,受不起太甜的朋友,這個應該適合你喔!!再點了 火

今天去了接個朋友仔收工，其後去到位於銅鑼灣的「南龍冰室」，簡單地點了幾款小食醫下肚，裝修都以一般的冰室模樣，紙皮石的地磚、門外的鐵閘、木枱、木櫈、等等.....整體都好企理乾淨。不過牆上的天花不是傳統的吊風扇，而是大大小小的黑或白色的雀籠，真是好壯觀又特別。此冰室混入了不少新穎可愛的卡通元素，店中的餐牌的設計都非常有趣，附上彩色的圖畫及食物的照片，再加入不少創意的漫畫角色，鬼馬有趣已讓人一笑，帶給不少客人的歡樂。想潤下喉嚨，先點了一杯熱柑橘蜜($15)，味道都幾清甜微酸，生津潤喉，有陣陣柑橘香味。而另外點了一杯熱奶茶($15)，口感尚算幼滑，可是茶味不夠濃郁甘香，美中不足。 然後點了幾款小食一起共享，一埸來到冰室我也不忘點番個法蘭西多士($24)，友人也是喜歡相機食先的食客，牛油也隨著這塊剛炸好又熱辣辣的西多而溶掉了，蘸上香甜潤滑的糖漿，真是完美的配搭，味道一流。西多士內更塗上香滑可口的花生醬，外脆內軟的口感夾雜陣陣的花生醬香，讓人食得更滋味。炸雞翼薯條($35 )是我幼時的喜愛小食之一，好大碟真是好足份量。用上了粗身的薯條，內裡的薯蓉好足夠，剛炸起真是熱辣辣，香脆又不算太油膩，灑上

認識此店，是很久之前看到個有團購coupon，大概現在很多新開的餐廳都是先要以團購優惠價作招徠，讓人認識了名字就比較客易吸引人流。在店內看到冰室曾經在大陸拿到了一些獎項，才知道冰室在內地有兩家店，香港是最新的一家分店。可惜可惜，這家冰室只有環境是很新潮和有特色，但食物的味道真的強差人意。 除了想試的招牌金磚茄汁豬扒飯，還想試多一款食品。將menu由左至右，右至左，翻了十多遍也沒有選好。一來太多款式，有炒野、小菜、煲類、常餐，不知選哪一種類。二來，很怕中伏 很多菜式看來也吸引，但價錢就偏貴，大概都要$70左右。花了十多分鐘，最後選了八珍豆腐煲配白飯。起碼豆腐應該都唔會太差。不過要中伏的，還是會中。 首先，八珍包括了唔新鮮的魷魚、火腿、咸死人的火腩、算比較正常的冬菇、洋蔥、蔥頭等等。豆腐雖然口感正常，但整體醬汁偏咸。 加上白飯非常硬身，接近「食唔落口」的程度。好啦，亂選的八珍豆腐煲中伏了也沒辦法，那我就留肚來試試店家招牌的金磚茄汁豬扒飯。「金磚」好大，學隔離檯用刀先切開4份1面的包，再取出飯與豬扒跟包一起吃。不過塊豬扒唔夠稔，又痴牙。有一碗汁另上，又或者可以話因為本身的汁真的太少。對

星期六晚無突發外出吃個晚飯。本想去鼎泰豐，但排隊的人潮太強勁。放棄。行了一會，入了這間還算是新開的茶餐廳，見餐牌價錢合理( 真的合理，吃個晚餐$78, 一碟滑蛋牛肉飯$42, 銅鑼灣吃一頓飯，真的是開心價) 環境尚算舒適( 不是太好是因為2人食的話，一定要share 枱) 我們叫了茶餐，份量正常比例。我的炸菜肉絲通可以，但男友的五香肉丁湯意是驚喜！肉丁量多，比超現在很多大型出名茶餐廳，真的是驚喜多。正！附送的牛油多士，驚喜！麵包鬆軟，烘得夠香脆，牛油塗得足，不是一抹！滑蛋牛飯味道稍淡。炸雞脾薯條炸得不錯，沒有一口油膩。