南龍冰室 (已結業)

本人很喜歡吃包，和去一些傳統有味道的舊式冰室，在銅鑼灣區工作，在這裡尋找到適合我要求的冰室，一看見有麵包磚就吸引了我去光顧了，和友人叫了一個麵包磚和一個炒飯，但發覺原來一個麵包磚也足夠2人吃了，因為真的很大份，首先來了炒飯，炒飯味道不錯，炒得乾身而不油，然後吃了一大半才來麵包磚，我選擇了咖啡豬頸肉，麵包很脆，其實整個磚我們吃了一半也沒有便放棄了，因為真的很飽，雖然真的很浪費，咖哩汁是另上的，我把包點咖哩汁吃，非常有印度的風味，豬頸肉很香口，加上咖哩汁，如果我們只點這個磚，一定可以提它吃完的，因為我們進來的時候看見有人叫了一人一個麵包磚，所以本人以為是一人份量，才會叫多一個炒飯。

昨日中午老公話要去嗰間食，到場未有位門口有個牌要排隊，我哋前面有人等(6個)，我們(2個)，後面(2個)，之後再有(2人冇排隊直接入去就坐底)，個職員冇叫佢哋出去排隊，我們同前面(6個)都話佢哋冇排隊，我老公走入去理論話我們都係(2個)佢哋冇排隊，個職員仲幫住哋話有一個係裡面等，跟本就唔係囉。之後再有位，個職員叫2個，我哋後面個2個入咗，扒頭個女人拉住個女，一過我位，我就出聲我哋都係2個，個女人扮聽唔到照入去坐，個職員又唔理照帶位比佢地坐，仲串話咁換比你坐囉，態度差惡劣。食物普通，金磚咖哩牛飯外表好睇內裡唔好食，仲生米。

見到OPENRICE咁多讚好的食評, 專程行去食個LUNCH, 見當日幾個午餐的選擇都不合口味, 於是叫海南雞飯, 但是等了10分鐘還未到, 催了伙記, 叫等多陣, 再10分鐘, 都係未到, 個伙記都唔好意思, 同我同枱的都走左兩轉客啦, 結果足足半小時才到, 還要大失所望, 首先成個餐是凍的, 係咪做好了半個鐘都無人拿來吹凍曬呀? 海南"雪藏"雞極度難食, 又硬又無味, D飯都是凍又硬, 唔會再幫襯, 還有還有...那個高高大大似係老闆的男人,好無禮貌咁同收銀講D客食完唔走郁住晒,大佬你講都唔好咁大聲比客聽到,真係唔明點解咁多讚好囉

雖然寫過幾次南龍，對她有不錯的評價，但這次海南雞飯套餐的質量卻令我跌碎眼鏡。海南雞(1st round) 送來，有六件，雞骨佔70%以上。即時向員工查詢是否一貫的出品，員工亦即時處理，謝謝。等了一會，海南雞(2nd round) 送到。我簡單說重點：1. 雞件剛剛蒸熱，但海南雞也許應是涼吃的。2. 雞油飯缺乏味道。3. 油菜 Okay。4. 醬油，冇意見。埋單：$59總結：如題。不過，要鳴謝員工即時為我處理。 

Great breakfast with very yummy bread and fried eggs. The bread included in the breaskfast is special with taste of garglic. The fried eggs was delicious with smooth texture. The spaghetti with soup is good but not special compared with other restaurant and its portion is too small. It will be better if the restaurant provides delivery service to causeway bay egion. I will recommend this place if you want a good Hong Kong style breakfast.

在銅鑼灣行得累眼前一間餐廳就走左入去來醫下肚先~裝飾好有70年代的茶餐廳的本色有四款的午餐好想吃豉汁豆腐蒸班想要豉汁來撈飯吃.但~~~是沒有豉汁的,豆腐淡而無味,加上飯是生米.我真係忍不住向侍應反映這問題他都有心機聽我講完後,馬上收走叫我轉其他餐轉了香草海鮮龍脷意粉比剛的飯可口得多龍脷柳是香煎,有少少魷魚粒,蜆肉,意粉都好食的.香濃的熱檸茶

一早去到門口，見要排隊等位，地方特登裝修到好有懷舊風情，又唔會污糟，幾好！我只係想買個麵包做早餐！入去問個店員，佢叫我去收銀買票先，想食紅豆包同菠蘿包都未有，最後叫了雞尾包，收銀打票後，門口麵包部有部機出票，店員就包比我，簡單袋入個紙袋！欣賞用紙袋，吸了水氣唔會焗濕個麵包！雞尾包：好大個，一個$7唔平，但好足料，麵包焗到啡黃色，好飽滿，麵包好鬆軟，又足料，唔會輕飄飄，一路行一路食，中間椰絲餡好多，又唔會過甜，滿嘴甜香，餡料多到最後有啲膩！但真係好滿足！收銀阿姐講嘢比較倔，好似我要紅豆包，一句「無！」就算，不過都唔係專登去無禮貌！佢都有笑容（好難形容點樣倔得來又笑）夾包個阿叔又好笑容！我影相佢又好包容我啲港女習慣，兩個都好爽手！

假日的下午，應該找一個地方慢吃，讓靈魂休息。是日運動後，從跑馬地步行到銅鑼灣，從一個較寧靜閒逸的社區走到另一個較熱鬧忙碌的地方。腦內忽然想起銅鑼灣有一個好地方─南龍，可以讓喜歡慢半拍的我，能悠閒寫意地吃點東西。走進南龍，地面九成半滿座，員工早已在門外預備了排隊的設置。走到樓上，也已經八成滿座，我倆坐在四人卡位不久，已經有食客搭枱了，welcome。點了兩客下午茶餐：芙蓉蛋飯和蕃茄牛肉飯，兩杯凍檸茶。在等候侯食物時，望向窗外冥想，無意中發現窗花並非窗花，原來只是貼在玻璃上的典型窗花圖案，是illusion，但同時也是reality。繁花滿眼，孰真孰假，在一個輕鬆的假日下午，毫不重要！食物來了，先是芙蓉蛋飯，也是學生時代的賣飛佛碟頭飯之一，不只命名優雅，這裡的出品亦美觀。煎蛋的手藝高明，少少焦，陣陣飄香，內裡juicy，餡料雖然是芽菜和其他所謂的cheap嘢，但就弄出這出色的芙蓉蛋。白飯也在標準之上，米身結實，絕不削。我也無需加入豉油，只用蛋伴白飯，已經把它滋味地吃光，亦不覺得芙蓉蛋內有放味精。不枉我多次幫襯。如果......飯有炒底，更加冇得頂。另外是蕃茄牛肉飯，友人賜了我少許試食。調味

菠蘿紅豆包($9)冬天早餐都想食d 暖粒粒嘅野食，呢間冰室的麵包可以外賣。雖然價錢都唔算好平，但總好過食連鎖店的空氣包。 菠蘿紅豆包大大個，食完夠飽，入面紅豆夠綿又唔會太甜。唯獨菠蘿包脆皮一咬就散，跌晒入紙袋。

如果你跟我一樣，在聖誕節期間銀包重創而要暫時節儉dd的話，以下是人均少於八十元的好選擇。南龍冰室位於銅鑼灣區較邊緣的位置，但其實距離希慎廣場只有五至七分鐘步程。我也到過此店嘆下午茶，樓下有雀籠裝飾，有閣樓，紙皮石地板，是茶餐廳的集體回憶。我亦不介意多走幾步路。是日晚餐餐牌簡潔，特別適合本人（本人有選擇困難症）閱讀。一於試試「是日晚餐」($68)，四道菜。1. 頭盤：春卷。起初以為是馬馬虎虎一條春卷上。估不到係有三條，而且係又熱又脆，還有一片頗新鮮的番茄和一株小西蘭花伴碟。頭盤已經給人良好的印象。2. 餐湯：中式例湯或南瓜湯。又以為中式例湯是味精溝水，錯怪好人了。事實上是一碗沒有味精的自家蕃茄薯仔湯，less is more！另外，南瓜味道不明顯的同時，也不覺得有味精，合格。此南瓜湯稍後會再提及。3. 主菜：黑椒牛扒拼帶子，跟白飯或意大利粉。(不提供薯菜)個人習慣要求汁另上，但侍應叔叔說未能提供。唯有走汁，因為這些汁往往都是超多味精和油膩，而本人也不愛吃黑椒汁。牛扒是簿切，份量不算大件，味道普通，是以疏打粉弄至「林林的」那一種。雖然不是steak的級數，但這就是跟我們一起長大的茶餐廳。

下晝肚餓搵食，咁啱經過，於是入左去。好抵喎~沙嗲牛、司華力腸通粉，仲有熱奶茶，都係$28。銅鑼灣去邊搵？不過對奶茶有要求的話，基本上可以放棄唔洗試~奶茶澀既~是但搵食填肚既話，OK啦~

冰室呢個名不禁令人覺得好懷舊，但食嘅野又好新潮。坐低見到隔離兩位小姐食緊金磚咖哩飯，見到就吸引，可惜一個人一定食唔晒。唯有叫是日午餐啦揀黎揀去，最後決定食最普通嘅B餐估唔到汁同意份原來是分開上的，客人可以自己選擇落幾多汁，真係好貼心喔一邊食一邊撈，汁裡面有好外火腿同雞絲，又有好多粟米粒，用料充足個汁就係忌廉汁，甜甜地囉，由於份量算多，雖然已經好努力食，但都係食唔晒。

是日去工展會, 梗係去銅鑼灣食個早餐, 見咁多好評咪試吓, 失望而回.點了豪華早餐中吉列魚柳+自家製麵包+蛋+司華力腸 (本點餐肉但阿姐聽錯)+熱奶茶吉列魚柳 - 不算太熱, 食下去時覺得好油膩.蛋 - 以為個餐炒蛋, 點知煎雙蛋, 有D失望因為以為可以試炒蛋 (網評話嫩滑). 煎蛋一般啦.芝華司腸 - 來貨冇特別自家製麵包 - 反而覺得幾好食, 不像普通餐包, 有D其他材料加入.熱奶茶 - 茶味多過奶味, 落多咗糖.環境 - 話叫"樓上雅座", 嘈到成個街市, 被阿姐點去搭一張圓枱和5個師奶坐, 師奶食完早餐都唔走, 隔著我都吹吹吹   服務 - 除咗聽錯外, 另餐牌暫斜放在腿上拍照, 剛拍完有阿姐一聲不響一手取餐牌放在架上.以$35呢個價錢我就唔會再去食

有說冰室是香港茶餐廳的前身，又是香港引入西方飲食文化之始。冰室這種食肆，在六七十年代大放異彩，起初只賣小食飲品，只是到後來面對來自的競爭，才開始推出炒粉麵飯等增強競爭力。又一個在時代巨輪中式微的行業，但其演變過程，亦可見香港人識變通的精神。生於九十年代的我，對冰室著實沒有什麼認識，但位於旺角的某冰室卻是我常到訪的，感覺就是三個字：人情味。地方不是有華麗的裝潢，侍記忙到「踢晒腳」，當然也不會跟你好好禮貌地唔該前唔該後，但總是很有人情味，而且總是價廉物美的好地方。南龍冰室原來本是位於筲箕灣的一家老字號，最近才搬到來銅鑼灣。冰室位於的地段是人流比較少的一帶，若不是恰好路經或特意來潮聖，也不易發現。這天我就和友人約定，來看看這舊冰室如何新做。冰室內的裝潢當然是走懷舊路線，將一個個鳥籠掛在天花板的意念。不過，剛剛裝修好的新淨感當然亦十分鮮明，如此新舊交織，也是一種風味吧！另一邊則以百子櫃為主題。先要說這裡的侍應十分有禮，笑容滿面，做事爽快，第一印象不錯。朋友未到，於是我先研究一下餐牌，都是一般冰室賣的炒粉麵飯類，但餐牌本身的設計卻可愛得很。主理人的心思，我看到了！人在江湖，哈哈。最後，我們二人是

行過好多次都冇機會入去試吓，今日終於有機，見佢午餐有牛河，就試一試，因為牛河最易試出師傅工架，喂！得喎夠鑊氣，河粉滑而不油膩，牛肉鬆軟有質感，牙菜洋蔥比例均勻，可以話連好多大酒樓都食唔到呢d質素— 覺得很棒