南대門韓國料理

營業中

休息中

自從厚福街平時食開lunch嘅韓國餐廳唔見左之後，已經好耐冇係尖沙咀食韓國野。心血來潮，係韓國街行左一轉之後，就鎖定左呢間。不過，視乎中伏了。。。首先，入到去見到個餐牌點解同出面果個有d唔同，原來係價錢可能佢有好細隻字要加錢我冇留意，但都冇可能咁，因為入面個餐牌已經直接顯示貴嘅價錢，根本2幅圖。。。不過重點嘅始終係食物，首先係4碟小食，冇驚喜，正常野，係個薯仔比較入味。跟住就係大醬湯，只能講同之前食開果間味道争左d，味道偏淡，要知道大醬湯整到偏淡其實係失敗之作。。。講到淡，點走得甩呢碗海鮮刀削麵。個師傅唔知係趕落場定為我地健康著想，真係好淡，至於其他餸，只能係一般到冇其他形容詞🤦🏻‍♂️PS:愈食愈熱，原來個職員開左門唔關，而且懷疑佢地熄左冷氣

去到尖沙咀韓國街，間間都係韓國野，其實沒甚麼款式可選，只有價錢及門面可選，行到尾，見有間韓國街坊格局的，還有韓國姨姨問阿囡女食紫菜卷，中正下懷，吸引小朋友就入去了。街坊快餐格局，樸實簡約，甫坐下就送來兩杯熱茶和4碟泡菜，好豐富，可能我們兩人有4碟，一人都有三大碟，真的在韓國街，韓國前菜一點不吝嗇。見餐牌除了紫菜卷，還有海鮮刀削麵，有阿女喜愛的蜆蝦，來到真係好豐富，滿滿的材料，麵也有很多。蝦像脫殼蝦，甚至有蝦膏，蜆有6-7隻，食到阿女滿足哂。阿囡很積極咁食，好少見。後來仲玩選麵最長。麵煙韌，有點似烏冬，但又有刀削麵口感，少少甜好滑，好易入口，也可以雪雪聲咁食，但韓國禮儀就唔好食出聲，所以自己雪住食好了。食完佢碗細碗,加多一大堆都都食得哂，不過食完兩碗仔話辣，真係小朋友先知的敏感味覺，阿女辣住都要食，證明都幾好味，湯底是蜆湯，少少蝦味，好清甜。麵都好食，韓國姨姨也好人。不過店面實在簡單，冷氣也因間中開大門而不夠冷，實屬快餐，不是慢慢歎慢慢傾偈的高價餐廳。

今晚約左朋友食餐好，本來想去大商場的韓國餐廳，但朋友建議去韓國街吃正宗韓國菜，而且價錢抵好多可以試到更多美食！！前菜有五碟不同款式，大多唔辣又開胃，幾滿意。平日去韓國餐廳一定會點紫菜飯團，今次也點。這裡的飯團很大碟，涼食加上芝麻很開胃，我和朋友好快吃完最驚喜是這裡的炸醬麵好好食，不會太咸同太酸，雖然很大碗，但食極唔厭，下次來想再點吃完濃味，我們也叫了清湯牛肋骨，湯底超清甜，牛肋骨也很多，唯多筋，有點難咬，但也好味最後加了海鮮薄餅，皮夠軟化，趁熱吃有點脆，有八爪魚、蔥同埋辣椒做料，口感豐盛，加埋酸甜醬更加好吃！下次可以叫多些朋友來吃，因為每碟份量很大，而且比出面抵食

中午約左人係尖沙咀，本來想去買盒魚仔乾俾個仔食，見未夠鐘就跟住個LUNCH 先去買，行左成條街最後先到街尾入左呢間。本來想又有得食辣, 又有牛肉食幾好，因為見好多間如果辣麵就會係得海鮮。所以就入左呢間試下。可能因為得12.30左右所以未有好多人，見到甘抵食48蚊又有牛肉又有麵，諗住今次無去錯地方了。點餐後馬上送上3碟前菜，係幾好食嘅。但個麵一到感覺完全伏左！唉！牛肉呢？心諗會唔會另上呀？過左一陣都未有，攪下碗麵發現有粒米甘上下大嘅牛肉碎係度 甘我就知我真係諗多左喇。碗麵有好多蔬菜，同有蛋。但個湯係唔係好辣。食左半碗最後統計係有4粒牛肉碎。個麵就無乜特別，不過係尖沙咀算係抵食之選

一心諗住來韓國街搵食，點知個朋友話唔好搵啦⋯⋯搵一間唔需要排隊，因太肚餓呀。咁就入左這間人不多的小店，好快就選擇左，最基本的韓國料理：豆腐泡菜鍋、炸醬麵姐姐也好快手送上三小碟冷前菜給我們，味道都唔錯。豆腐泡菜鍋- 泡菜好少、豆腐一般、小小豬肉，只食到小小辣味。先不跟係首爾的地道小店相比，之前係附近的其中一店都好味多得炸醬麵味道較淡口，麺太林，有點黏在一起。炸醬係整碗麺的主要味道，可惜還有好多進步空間。如果下次有機會再來幫襯，可以輓回少少評分。

同阿仔去尖沙咀攞完Passport，行過隔離金巴利道韓國街搵食，呢問間Kamdaemoon One 好多人氣，應該唔錯！唔係太肚餓，於是三個人叫了兩份餐，一個辣魷魚飯，一個牛肉雜菜炒粉絲。附送前菜四小碟，味道不俗！尢其個薯仔，唔知點解咁香，特別好味！牛肉雜菜炒粉絲$58配上個韓式醬汁，炒粉絲甜甜地好香口 。辣魷魚飯$58開頭食只覺少少辣，好醒胃，點知食到一半覺得真係幾辣下，最後都係由愛辣嘅老婆完成佢！

每逢happy Friday, 朋友們都會周圍搵嘢食，一齊去happy gathering!!!韓風仍然未減，我哋仍然好鍾意食韓國菜，所以上個月就去咗韓國街睇吓有咩食，點知可能係星期五關係，全部都座無虛席，反正間間都要排，就揀間最長龍嘅隊來排！🚶🏼🚶🏼‍♀️所以選咗呢一間試吓🤣誰不知食物又幾好味！特別推介泡菜煎餅！外脆內軟，食完一片再一片！但反而比較貴的海鮮煎餅都不及泡菜煎餅好味！韓式紫菜卷就冇乜味，要夾住泡菜一起食先好食點，但平平淡淡嘅湯辛辣麵反而很好吃，如果想簡簡單單食一餐韓國快餐，呢度錯嘅選擇！😋👍🏻不過呢間小店座位非常狹窄，非常不舒適，食完就要即刻走啊。

同朋友約尖沙咀吃飯，好耐無食韓國野，所以特登行左黎韓國街睇下有冇咩新餐廳可以試試～間間都好多人，又唔想等位。差唔多行到街尾先見到呢間無乜人，好啦隨便都係一餐。一坐低就有好多前菜，泡菜真係一般，唔咸唔辣，其他前菜就ok，但都唔太好食。餓餓地，上菜都算快，叫左紫菜包飯，最普通既韓國野，但味道真係好一般，又係無乜味。朋友叫左泡菜豆腐鍋跟飯，都幾大盤，夠曬熱，不過泡菜唔多，全部都係豆腐，我覺得唔夠辣。熱熱地都唔錯，但唔係太好吃。叫左好耐無食既炸醬麵，都算大盤架！而且炸醬好多，撈埋一齊都夠醬，最好食應該係呢個。呢個價錢既話，應該下次唔食。

味道不行，也不足。史上最难吃，最不划算的韩餐了。。点了一份牛肉汤，菜单上满满的牛肉。一上桌竟然全都是韭菜和豆芽。。。然后还只收现金。。 总之能不来就别来。 太太太不划算了。。。

The picture showed a soup full of beef. Yet what we got was a soup with 3 thin and disgusting beef slices with a lot of bean sprouts. The soup flavor was also quite dull. Do yourself a flavour and do not eat here.

如果有負分，我想俾負分，暫時食過最難食嘅韓食由於上星期去完韓國旅行番黎，偶爾都仲會掛住韓食嘅味道，所以琴晚趁住要去尖沙咀就揀間韓國野食。呢條街隔住隔住有3間比較平價嘅韓國料理，因為去完韓國覺得韓食本來就係啲平價材料，大概呢幾間餐廳嘅價位先合理點。週日6點鐘左右，前面兩間基本上係滿座狀態，行到呢間，只有兩枱客食緊。個腦果個moment淨係諗：是但啦，呢間唔洗等位，反正想食嘅菜式都係基本野，應該唔會差得去邊。(結果當然係難食到痴左線)一坐低都例牌遞上幾碟小菜，我又諗：咦都大方喎，兩位都有5款小菜~第一樣當然係試下啲泡菜，一食完已經心知不奶妙，唔通要中伏了？泡菜得個酸字，好少好少辣，完全唔正宗。本來仲打算如果好食嘅話會點黎食，因為見餐牌中寫一份泡菜要$30，好在冇點！其餘幾碟唔難食。揭左一揭餐牌，基本上我已經諗好食乜，因為去韓國果幾日都食左幾次，所以好想再食。海鮮豆腐湯 $65一上枱，見到個顏色已經心諗，咦，淺色左少少喎，擔心緊會唔會唔夠辣。食落去，亦都證實左諗法是對的，唔單止唔夠辣，直頭完全唔係海鮮豆腐湯果回事！要問我咩味，我只可以話係怪，又唔夠辣，但又有啲鹹，不知所謂。如果真係韓國人開嘅

是日一人走到韓國行覓食，街尾走起時見到一間新開小店，裝修簡單，價錢合理，便立即決定一試。款式算多，有小食、湯麵、蓋飯等等選擇，價錢全部都十分相宜。我點了泡菜鍋（$50），份量適中，主要有五花肉、豆腐、泡菜和大蔥等，泡菜湯微辣，但配上飯吃，不會太辣。反而五花肉切成薄片，很細塊，但數量都算多，只是太薄少了些口感，不過五花肉肉味都很濃，不錯。餐廳性價比都算高，午市套餐一個人會有三款配菜，味道亦很好！抵食之選

金巴利道想平平哋食一餐晚餐 可以去韓式小店同朋友坐低都唔錯 選擇唔多不過價錢唔貴 ✨雜菜炒粉絲 ($35)✨雜菜好多分佈得夠均勻 仲有撒上芝麻碎炒粉絲煙韌彈牙 入口唔會太油膩 不過份量大 ✨雜菜拌飯 ($45)✨ 賣相平庸 攪拌雜菜同煎蛋味道普通唔夠惹味只有單單的麻油同埋韓式辣醬嘅味道 相對乏味勝在份量夠大幾飽肚 作快餐仍是不錯的選擇 ✨韓式飯卷 ($25)✨蛋捲朝早包好放係枱面 未有翻熱就係室溫進食飯粒未太乾 不過成個味道好清淡 有火腿亦未夠鹹香✨玉子燒 ($25)✨朝早整好 叫完叮熱 感覺味道單調亦未夠鹹香有蔬一點點的痕跡 不過食落仍然只有純樸的煎蛋味✨泡菜餅 ($35)✨即叫即煎的泡菜餅份量偏小 質感煙韌邊位香脆當中泡菜份量唔多 有少少麵粉嘅感覺 丁點油膩對比價錢份量就唔係太多 同朋友分享還不錯大約$50pp唔貴但未太令人回味 較適合外賣Rating💁🏻(7*/10*)

首先，見到好多人話服務差，真心覺得有位呀姐服務麻麻，我地2個人一坐低，想先叫個辣湯再慢慢睇menu，但呀姐要求我地一次過叫野食。心諗，點解唔可以飲個湯先喎！結果怕眼闊肚窄，都係叫住2樣野先。前菜小食：普通。好似食平價韓燒啲小食咁，泡菜味淡，其他醃菜亦無咩特色。豆腐辣湯：不算太辣，啱我。味道不過不失，即係又無乜特別，味道似一般泡菜湯，不過豆腐非常嫩滑。食到最底見到有一隻細蝦同幾粒蜆仔，哦，先知道原來有海鮮成份，真係唔講唔知有海鮮。一個字，嫩豆腐好味，勁加分。辣炒五花肉(真餸名唔記得)：上枱見到成碟都係肉，心諗唔好食就大鑊了，到時唔知點食得晒。結果，出奇地好味！！每小塊五花肉都一半肥膏、一半肉，味道辣中帶甜，而且五花肉好入味，炒得香又唔乾身，最後為左佢加多一碗白飯。好惹味。份量都算大，2個人，一湯一肉，2個白飯，剛剛好。店內其實有另外一個呀姐又幾nice 既，有傾有講真心介紹有咩好食。食店環境細，背脊差唔多掂到後面個背脊，適合簡單快食，價錢合理。就係咁。

太約7點，進店，等野食等左5分中，食左5分中，比服務員迫埋單，全程15分中本身一入去淨得一張4人枱，兩個人坐對面，然後點一個炸醬面，上菜時，服務員已經不滿我地淨係點一樣食物，然後進餐期間多次'提醒'我地，出面多人等位，叫我地食快d我見佢想要枱，咪坐埋一邊再食，點知我一起身，佢就黎收小食碟，甚至有意圖收起未食完既炸醬面，問我地食完未？但碗入面仲有好多未食wo轉完位就有兩個到齊哂野食既客人，被轉位，真心好無奈，我地一肚氣咁走，所以以後都一定吾再黎食！