南대門韓國料理

營業中

休息中

喺尖沙咀又想食韓國野，去金巴利道嗰頭搵就啱晒🤩，我地是但入左一間試下～招呼我地既人應該都係韓國人，佢地用少少英文同少少廣東話同我地溝通～落左單之後，就會上幾小碟前菜，分別係泡菜、茄子同青瓜，但青瓜都幾咸。1️⃣辣泡菜炒飯（$72）除左辣泡菜，仲加左豬肉去炒，炒飯上色平均，睇落好吸引！👏🏻👍🏻味道同平時喺其他店食開既唔同，帶有些少咸味。2️⃣辣芝士炒年糕（$82）叫左少辣，剛好～好鍾意辣炒年糕既醬汁😋，如果冇咁咸就仲正！總括黎講，食物係幾好味既，但偏咸。

突然好想食韓國菜但好想食嗰間正宗韓國餐廳已經Full booking了，只怪自己無做足功課來到韓國街亂入, 見有人排隊諗住味道不錯吧，睇相又靚, 排左大概15分鐘左右, 可能抱住大期望卦有點失落店員端上餐前小菜, 有芽菜，醃蘿蔔同泡菜, 味道平平，我最期待嘅泡菜有點不妙, 微酸不正宗, 絕對唔會令人想再再添那種，所以即使份量偏少我都無再主動提岀添加了(後來爬文更發現原來係無得添😅)🥢紫菜包飯 $56普通，平庸，啖口無咩味道, 份量以$56黎講算唔算少 ？我唔知巿價, 唯一係賣相ok的 (我好唔知醜咁同朋友講我自己包比佢更好食🤣)🥢辣炒年糕$72依個又係普通貨色, 唔算好食🥢海鮮辣豆腐湯$72不過不失，因為我唔食得辣所以辣度係啱我的，係豆腐嫩口，湯唔咸但唔算吸引服務態度真係有點兒不快 🥲首先個豆腐湯未飲完店員未問過已經想收起(好彩叫停左), 之後收其他吉碟又收埋我地對筷子，咁我地點食呢？🤔 最差係4隻筷子比你撈亂哂仲想分返開比我地, 比兩對新嘅比我地有咁難嗎？結論係想吃正宗一點的韓國菜還是寧願早點預約吧

🌸尖沙咀美食🌸南대門韓國料理🇰🇷今日晚上放工到尖沙咀看電影，所以今晚打算到尖沙咀嘗用晚餐❗️由於已經沒有到韓國旅行了一段日子，而恰巧尖沙咀金巴利街一帶有各式各樣的韓國料理❗️有韓式烤肉、及韓式料理等，當中不更有不少由韓國人開設食肆❗️所以今晚決定享用韓國料理一解思念韓國旅程之愁😊今次選擇了這間間由韓國人開設的韓國料理店❗️我們一行2人共點了以下2款韓國傳統料理❗️👉🏻這間餐廳會提供3款傳統韓國前菜給予客人1️⃣海鮮辣豆腐湯（配有白飯）$68這款湯品是韓國🇰🇷傳統特色料理之一❗️海鮮湯🍲是滾炳炳地上菜的❗️有炳炳炳著🎶的感覺🤣而且海鮮配料十分豐富❗️配有大蜆、大蝦、豆腐及泡菜等❗️每一口吃著時啖啖也充斥著配菜👍🏻辣味也恰好❗️十分推薦給喜歡吃辣海鮮湯的朋友✅美味指數：⭕⭕⭕⭕️⭕️賣相指數：⭕⭕⭕❌❌抵食指數：⭕⭕⭕⭕️❌2️⃣韓式雜錦拌飯 $68這款餐品也是韓國傳統料理之一，石鍋飯配有蘿蔔絲、牛肉、紫菜及翠肉瓜絲等，然後自行利用店主提供的傳統韓國辣椒醬放入拌飯中攪拌即可❗️辣味取決於添加了的辣椒醬份量❗️米飯粒粒分明、配料豐富，是正宗韓國的味道❗️值得推薦給大家✅美味指數：⭕⭕⭕⭕️⭕️賣相指數：⭕⭕⭕❌❌抵食指數：⭕⭕⭕⭕️❌注

今晚揸車到尖沙咀，本來諗住去厚福街搵野食，但去到加連威佬道兜左2個圈都無車位，呢排成日抄牌，所以都唔敢亂泊，兜到去韓國街，突然有個錶位，二話不說泊埋去啦！最終喺呢條街搵野食，見到呢間有位，就即興試下，2個人叫個3個野，八爪魚飯（影漏左），味道真不錯，不過可惜比較濕，如果係乾身啲會比較好，辣炒年糕拉麵味道非常好，辣味仍都適中，只係賣相唔夠吸引，最後泡菜餅，夠薄身，唔會成口粉。值得一讚，兩個人三樣野埋單三百鬆，價錢合理

This place is perpetually full. I chanced upon this place walking around the area and seeing that there were a couple of tables free, went straight in to grab a seat. I ordered the Spicy Tofu and Seafood Soup ($72), my staple, and the banchan quickly followed. It was a simple trifecta of kimchi, marinated big bean sprouts, and green beans. I'm not sure if I was hungry, but when I tasted these, they were all packed full of flavour. I especially enjoyed the bean sprouts, which were crunchy and eac

大概也就是用300多元吃了個在家花30塊就能搞定的火鍋吧....問題是不是一般的難吃 光是準備這個難吃的火鍋 店家居然花了30多分鐘才準備好 我也是服了 身為一個在香港六年的港漂 表示吃過的最具欺詐性的一頓飯了 韓國人民要是憑藉這樣的部隊火鍋 怕是軍隊裡的人就該跨越邊境逃去北韓了 對 身為一個真的去過北韓的人 北韓的飯都比這裡好吃所以勸各位想要入這家店的人三思！當然，如果你想減肥的話，那應該是很適合，但話又說回來了，300塊錢你不如去買點保健品去油脂也比在這裏吃飯強F**k

⭐️ 呢餐係：「好地地賣燒肉咪算做咩賣超辣雞」嘅一餐今次朋友請食飯🤩 帶咗我地去間韓國餐廳～ 以前食過佢啲燒肉都ok！今次就試下其他野🥳 佢有4間分店，但係其實3間都喺韓國街，都好近😂 閒日夜晚都唔洗等位👍🏻🥘春村炒辣雞（M）$280一開始問佢話係二人份，點知黎到似四人份多啲。就算唔嗌其他野，得兩個人都唔會食得曬😂 黎到嘅時候我已經諗係咪炒辣雞黎，點解配料唔一樣嘅🧐 煮到滾又冇人幫手搞下，但係啲廚具又唔俾我地，好不知所措😅 食落都唔係平時啲炒辣雞味，個汁都好稀😭🍜水冷麵 $80夏天嘅來臨就梗係要食返碗水冷麵🤩 涼涼地酸酸地幾開味。抵讚係醋同埋芥末都係另上俾你自己加，可以因自己喜好加👍🏻 🫓泡菜煎餅 $108呢個有驚喜！🤩 熱辣辣就基本，厚得黎仲要脆邊！😋 好多韓國嘅韓食餐廳都未必有脆邊👍🏻 泡菜味都夠，但係唔知點解食到有一塊竟然有兩粒類似軟骨嘅嘢？🥴🐔甜辣醬炸雞 $190黎到隻碟好壯觀（留意係隻碟😂）食咗兩件都係雞胸，鞋都好正常，唔算juicy。朋友就話雞髀都滑幾好味。炸皮唔會太厚，又脆，配埋個醬，甜甜地，都算唔錯！仲有多三粒炸餃子，但係就係超市買到嗰啲韓式餃子，好普通。環境質素：🌕🌕🌕

今日同男朋友食lunch，佢帶咗我嚟依間韓國餐廳，因為12點幾，所以仲未開始多人，環境幾清靜，一去到店員就好nice咁同我地打招呼，之後比左杯茶我地。點餐方法係將餐牌上既號碼寫落memo紙，寫曬想叫既野，比店員就ok，男朋友叫左海鮮辣豆腐湯飯，我就叫左海鮮豆腐湯食(唔辣)點餐後店員即刻遞上幾碗配菜，味道雖然冇香港其他韓國料理店咁濃，佢清清地我覺得更易入口更好食上菜速度很快，配菜食到七七八八時，店員就將海鮮(辣)豆腐湯飯送到嚟啦！我個人覺得唔辣既海鮮豆腐湯飯味道淡得滯，感覺就係鹹鹹地又有少少味精既水，但食慣清淡野既我都還可以接受，男朋友試左一啖，冇出聲，繼續食佢自己嗰碗🤣🤣….我試左佢既(辣)海鮮豆腐湯飯，果然唔同好多，唔係好辣，雖然成碗都係紅色，但對於唔太食得辣既我嚟講，係可以接受的，湯入面有好多隻蜆，同有一隻蝦，令湯帶鮮甜味但老實講，下次如果有機會再嚟，我唔會再食海鮮豆腐湯飯，雖然價錢同店鋪位置及食物質素都成正比既…

行過肚餓，唔洗排隊所以選擇依間，面門唔算大，差唔多坐滿人，一坐底店完即俾餐廳同啲紙仔我地 自己寫號碼落單 都未落單就送左三小碟小食上黎泡菜、大豆芽？！同南瓜我地叫左以下三款食物1 ： 泡菜煎餅一送到黎即刻食 味道剛剛好 外脆內軟 又香同小食泡菜一齊食更加好味2 ： 紫菜包飯 （我唔肯定係咪咁叫）啲飯感覺食落散散地同有少少濕 紫菜淋到有少少韌3 ： 芝士年糕一開始冇撈勻食都冇乜野，熱辣辣味道正常，但撈勻之後吾知點解好咸，特別係啲一片片既魚糕超級咸，冇乜味既紫菜包飯加魚糕一齊食先冇咁咸食野途中，我地坐角落位，望出去係街，咁間店舖入面職員掉垃圾出門口，垃圾堆高左，變左同袋垃圾只係隔左一個窗，感覺有少少吾良好但因為個泡菜煎餅我會再黎食，下次睇下會唔會好少少我估計係 我去既時候 2:30pm左右，佢地3:00pm截單，所以做野時想快手少少所以失準？！以上純粹個人意見

疫情嚴重，唯有留喺屋企煲劇，追完兩套韓劇之後，好想食韓食黎填補空虛，唔係炸雞燒肉，係住家韓食感…去到尖沙咀韓國街，中午時分都有人排隊喎，店舖細細，又有好吸引我嘅辣豆腐湯同埋牛肋骨湯，一於試吓佢三款小食，好夠味喎韓式壽司卷，不過不失啦海鮮辣豆腐湯其實為咗呢個入黎，真係好好味呀！辣味啱啱好，蜆肉鮮，豆腐滑，加埋隻蛋真係可以清底。牛肋骨粉絲湯呢個就稍為清咗啲，咁應該係少味精，牛肋骨都好林好滑，係有幾塊牛肉鞋咗小小總括嚟講真係大滿足，一定會再嚟試炒年糕同埋冷麵！

想食水冷面，香港食過個人認為好好食係"學校食物" ，自從佢執鬼晒就無得食咁上網搵韓國街啦，見有人話呢間不錯，咁就試下成街都有人排，呢間就比較少，不過唔緊要，都試下啦入得喇，啲位相當窄，不過唔緊要，都仲坐得落睇餐牌，除左水冷面，對其他好似無乜興趣喎，之但係無理由2個人食一碗面架嘛咁加多個年糕啦佢有個碗仔裝啲醋，想落想唔落想落少少都得覺得佢個湯怪怪地然後佢又有支芥末醬，我諗係撈埋一齊食，個人認為一般面質唔算難咬，肉方面，印象中好似得1-2舊芝士年糕，唔算好辣，又唔算好食佢有啲魚腐之類一齊炒，好咸個店員想趕我地走，過黎想收走碟野，都未食晒成碟野我覺得好浪費個胃既位置好彩係只叫左2樣野，我諗其他都應該一般吧

-🦄南대門韓國料理-水冷麵 Hkd62Rating🌕🌕🌕🌕🌑-前排我好沉迷於日本🇯🇵料理🙈但呢排我就沉迷於韓國🇰🇷料理😂講到韓國🇰🇷料理‼️👊🏻我最愛就係食水冷麵🥣同埋紫菜包飯🤤真係可以食來食去都係呢兩味🤣🤣可能間唔中會食下年糕同魚糕咁😌😌所以今次我就要介紹呢間餐廳嘅水冷麵比大家👻-星期一個日嘅中午時分 我就去左尖沙咀韓國🇰🇷街個日落住好大好大雨☔️基本上有遮都會濕😫我一路行行到盡頭 都冇得比我左簡右簡🙃🙃見到呢間餐廳唔洗加一而且食物選擇又多於是就入左去喇🙈最緊要係唔需要等位😀唔係咁大雨都真係唔知點算好呀😫-如果我無估錯嘅話餐廳嘅員工都應該係韓國🇰🇷人我叫左個水冷麵之後好快就送左啲前菜比我個豆角幾好味🤤佢用左蒜蓉調味鍾意食蒜嘅朋友仔會覺得好正🤤🤤然後芽菜普普通通 都係正宗典型韓國🇰🇷前菜嘅味道泡菜就比較鹹 唔會辣🔥🔥👍🏻👍🏻可能要就返香港🇭🇰人嘅口味掛😂到個主角水冷麵喇‼️我鍾意佢嘅點係佢超夠凍係呢啲熱辣辣嘅天氣食真係透心涼呀🤤💦面頭有爽口嘅青瓜同雪梨🍐仲有隻蛋🍳不過對於我來講 我一直食慣左半熟蛋🥚所以真係真係好想佢呢隻蛋都係流心😂‼️不過如果變咗流心咁又好似唔係好夾咁😂湯底係我好鐘意嘅清甜

今日去附近整野，走黎食韓國菜。見到南門都幾多人， 即管試下。2個人叫3樣野， 辣醬炒5花腩，牛助骨醬湯同韓或炸醬麵， 冇諗到份量都幾大， 岩晒我地。辣醬炒5花腩係用韓式辣醬， 唔算辣，5花腩係好味， 入味， 每1片基本上都有肥肉同瘦肉， 食落去味道好夾， 唔會太膩或者太乾。牛肋骨醬湯有2大舊肉同d細片既牛肉， d肉唔鞋，個湯底好清， 唔太咸， 配飯食岩岩好。韓式炸醬麵有d肉粒， 多數都係洋蔥片，食落去味道普通， 我覺得可以唔洗試。

🥢尖沙咀韓國街外賣辣辣水冷麵 🥢今個星期六日多左好多人出街，尖沙咀區好似大解放咁好多人，出去食lunch都未必有位座，最後決定買外賣返去食，好似夏天咁熱既天氣梗係要食返個凍食既野🥢辣拌冷麵 $62湯底醬料超紅的韓國辣醬，配以冰凍的水冷麵，食落冰凍又夠辣，麵條彈性有咬口，配料有蛋同叉燒一塊，青瓜條雪梨條，抹一起食夠曬清新，夏天食最好不過啦🥢好啱食的一個麵，辣辣地好開胃，又係一間可以食lunch 餐廳的選擇 南대門韓國料理 地址: 尖沙咀金巴利街1B恆港中心地下3號 

今年第一天嚟韓國街食飯, 無乜idea ,隨意一間就入，呢間好似未食過，裝修有啲舊，檯面有啲黐笠笠，不過係我鍾意嘅高樓底。前菜到，四款，其中一款蔔中一點蝦，個樣好得意。雖然我唔係好食得辣，但今日突然好想食個泡菜湯，好彩係我接受倒嘅程度，除咗泡菜仲有豆腐同豬肉，都唔錯，同事點咗個海鮮刀削麵，賣相好靚，有蝦，蜆，好青綠嘅翠玉瓜同新鮮嘅紅蘿蔔，我平時都係食開台灣嘅刀削麵，較粗身，呢度係幼身好多，似烏冬多啲，我問同事有咩comment , 佢答：家嘅感覺。我即刻笑咗，佢話湯好清無乜味，好似自己喺屋企煮咁，wakaka …