博多拉麵別天神 (已結業)

其實呢間別天神嘅位置應該係尖東嘅港晶中心，唔算係紅磡。我平時去開灣仔嘅別天神，見今日去開附近Hotel Icon聽講座，就試下呢間啦。有選擇困難症嘅我，一般都會點晒餐牌上的原味豚骨湯麵同蝦味噌豚骨湯麵，當然唔少得餃子同小龍蝦蟹籽沙律同老公開心share啦。點完餐，倒杯麵店提供的麥茶，竟然有隻烏蠅仔跟住d茶倒出來😰，超嘔心！有些杯還有漬和食物殘渣🤦🏻‍♀️！即使灣仔分店位於馬路邊，衞生情況都無呢間分店咁差！個人比較喜歡蝦味噌豚骨湯麵，除了有櫻花蝦仲有香濃的蝦油，湯底夠濃，但不太黏，麵底硬度適中，半熟蛋夠入味👍🏻仲有小龍蝦蟹子沙律，用紫菜包住食👍🏻！而原味嘅豚骨湯麵，味道無咁突出，豚肉較瘦，餃子都一般，不過算juice嘅。雖然食物唔錯，保持到一貫水準，但成餐飯要不停趕走烏蠅，有d仲唔怕人，趕唔走🤦🏻‍♀️，如果麵店再唔改善下d衞生，睇怕真係等拍烏蠅了！

今日係紅磡做完義工已經差唔多一點 隨便行落尖東橋搵午餐 但呢個時間間間都好多人 咁啱見到呢間別天神拉麵有位就即刻入去坐啦餐廳淨係得吧台位 位置唔多 但好彩咁啱有兩個連坐可以同朋友一齊食呢間拉麵店湯底選擇唔多 淨係得豚骨湯同蝦味豚骨湯揀 咁我當然想試下蝦味豚骨湯拉麵啦估唔到好快拉麵就上啦 賣相都幾吸引 好有食慾試下個湯底先 味道普普通通 有豚骨湯味 但又唔算濃 而見到湯上面咁多蝦一開始都有小小驚喜 但結果湯底蝦味就好少 有小小失望而兩塊叉燒都味道都唔錯 肉質幾好 可惜有點薄而麵底都算唔錯 掛湯幾好 份量都足可惜就係拉麵唔包半熟蛋 要另加十蚊先有睇黎可能下次食返豚骨湯就算 仲要可以平十蚊

拉麵款式就唔多但係一食難忘😋豚骨湯麵🍜超喜歡的濃郁豬骨湯底😍我朋友都引唔住飲多好多湯麵彈牙的 麵上加了葱、木耳👍而且豚肉好淋好入味真材實料的一間日本拉麵店😋拉麵ranking排行榜呢間一定三甲喔🙈

第一次黎食！！！感覺好好！！！😛😛😛好似係九州福岡食嗰間既味道，好有旅行嘅感覺🤓🤓！！！環境好似日本傳統的拉麵店裝修！！！雖然座位不多但環境舒適！！因為本人喜歡食較熱的湯底！！！湯頭夠熱而且食完冇口渴！真正嘅豬骨湯👍👍餃子正！！還有必食龍蝦沙律！！還有免費添加的麥茶！！好似日本咁好飲！！😛😛而且服務一流態度友善！！好有親切感！！他還主動問我味道如何！！！抵讚！👍👍下次一定會返嚟再食😎😎

全港最好食的別天神！尖沙咀加連威老道全港最好食！碗麵有夠熱，味道又好，夠濃👍🏻👍🏻👍🏻👍🏻價錢適中！師傅熟拉麵手勢一流！我見好多人食！全場爆場👍🏻👍🏻服務當然好，店員有笑容😊

拉麵永遠都在我top3想食嘅食物內，假日一出街見到間間餐廳都排長龍就會二話不說：算啦，食拉麵啦，又快又好食。今次係我第３次食別天神，但就係我第１次食蝦味噌口味。本身都好掙扎係咪應該忠於自己口味食返豚骨湯拉麵算，但見左右２邊嘅客人都係叫蝦我就好奇心驅使下跟人叫咗。拉麵到，第一步係飲湯，嗯，一如以往地好。湯底係用壓力煲煮，好濃郁，有少少杰身，濃郁到有少少張住個咀，咁樣就係別天神啦麵彈牙，叉燒較淋身，不過始終別天神個湯底先係精髓，成碗麵連湯飲埋用咗20分鐘。喺檯面倒多杯自助冰水飲，好滿足。

呢度選擇唔多，只得兩款拉麵可以點。但可能正正因為佢少選擇，所以先可以做得精～今日我同朋友分別嗌左一人一碗。豚骨拉麵一上檯，已經聞到濃濃嘅香味！佢地強調湯底係自家熬製，無添加，而又真係飲到佢地嘅誠意～湯底唔咸，麵上面只係簡單鋪左豚肉，木耳同埋蔥花。每啖都會食到配料。麵條un度煮得剛剛好，一啖麵連埋湯底一齊食，真係好好味好滿足😳朋友嗌左蝦味豚骨拉麵+溏心蛋（$10）呢碗拉麵如果唔望餐牌，都會飲得出係蝦味👍🏼而且可能係用左一千隻蝦而熬製嘅湯底🤣味道同普通豚骨拉麵好唔同，各有各特色，喜歡食蝦嘅朋友一定要點呢個試下👀麵條無乜大分別，但推介大家加隻蛋（無蛋又點算日本拉麵呢），價錢唔貴，令成碗麵昇華左不少😍不過唯一唔好嘅就係鋪頭比較細，坐位只得幾張。同時希望門口可以加返道趟門，咁坐門口時唔洗比啲風吹到食唔到碗麵了🤣

本人大愛拉麵，今次去博多拉麵別天神。 內部裝修似日本自助式拉麵店，牆上有衣架掛外套，L型吧枱，枱下有勾可掛袋，枱上有冷水供客人自己斟，枱上亦有店主提示板教客人按自己口味用枱上各式調味品調味。食品方面與日本拉麵店相似，貴精不貴多，拉麵有兩款選擇: 豚骨湯麵，蝦味噌豚骨湯麵。今次叫左豚骨湯麵+半熟蛋。食拉麵當然先飲湯，呢間拉麵店強調豬骨湯並無添加味精或奶類製品。豬骨湯的確非常濃郁，但唔係好heavy好濃厚個種，同先前去日本福岡中洲屋台食既拉麵豬骨湯底味道非常相似!!! 大推!!! 好難係香港揾到甘似既味，一定會再食!!!

這店已光顧過2-3次，每次都愛點蝦味噌拉麵，因為喜歡來的時候鋪滿了櫻花蝦!!! 這裡的湯底比較濃，不會太鹹。先介紹主角蝦味噌拉麵：你都看到店主豪不吝嗇，有大量櫻花蝦拉麵中有幾片厚切的豚肉，很稔而且沒有肥，所以怕肥的我吃得很安心!小龍蝦蟹子沙律：這很特別，因為紫菜很脆，可以包著沙律來吃，一流!餃子：新鮮煎起，很可口!餐牌：後記：這裡有冰凍的茶或水，自助式拿來喝，還有Tempo盒裝紙巾 (掛於枱對上的天花)，及掛衫的勾 (在座位後的牆上)，真的很貼心。桌上還有辣芽菜、新鮮蒜蓉、醃漬過的薑及七味粉，可以加進拉麵內。辣芽菜真的頗辣，所以愛吃辣的不要走寶!

咁凍既天氣，除咗打邊爐之外，當然就係食番碗熱辣辣嘅拉麵暖下個胃仔啦！冬天可能個人凍得滯，胃口都變得比平時大咗，成日都想食野！🤣叫咗個別天神拉麵套餐，連埋餃子都只係105元！等咗幾分鐘到師傅就已經好快手整好咗放係我面前啦~一睇到個份量就已經覺得超贊啦！啲配料同拉麵份量都好多，完全係超越一蘭拉麵，又抵食過一蘭好多，因為一蘭啲配料全部都要另外再加錢，拉麵嘅份量又少，真係食完都吾夠飽吖！不過唯一有啲美中不足嘅係佢同一蘭都係得冰水提供，冬天飲冰水真係凍到入心🤣

小龍蝦蟹子沙律 $35通常食日本野嗰啲沙律前菜我哋都唔係好理佢。但係今次呢一個小龍蝦蟹子沙律就十分之好食同開胃，份量亦都小。大家叫嘅時候一定要留意啊！煎餃子做得十分之香口，值得一試！蝦味噌豚骨湯麵 $85呢一個拉麵真係落足料，大家睇到張圖，成個匙羹都係蝦。湯底亦都係用濃郁嘅豬骨煲成，再配上香口嘅蝦仔，係冬天嘅暖胃既首選。豚骨湯麵 $75呢一個就係比較傳統嘅叉燒拉麵，但係越傳統就更考功夫。佢濃郁嘅湯底再配上有肉汁嘅叉燒，食得出同出邊係有唔同！

天氣凍啦！要食熱辣辣嘅食物拉麵係我冬天嘅飛佛😎豚骨湯拉麵 $75 🍜奶白色嘅豚骨湯 非常濃郁🤤更標榜無加任何味精 贊👍🏻再加啲蒜泥黑胡椒 調較自己適合嘅味道💓麵條軟硬適中 叉燒肥瘦平均☺️跟餐會有埋糖心蛋 同四隻餃子 大食嘅就啱唒嚕🤤

今日俾同事捉左去食拉麵, 雖然公司附近呢間博多拉麵別天神好就腳, 但因為唔好博多拉麵所以一直無食過, 不過今日同事話事就試一試佢啦博多拉麵得一味豬骨湯都預左既, 不過Menu見有蝦味既期間限定都幾特別, 就佢啦!叫左個連餃子既套餐 ($115), 即叫即煮麵底唔錯, 勁彈牙, 至於個湯..........完全要對博多拉麵改觀呀, 估唔到蝦味同豬骨湯可以咁match, 仲提升左個鮮味, 最後連湯都飲晒店內有日文中文告示, 應該黎食既日本人都不少, 信心都大d博多拉麵就當然係主打豬骨湯啦, 不過蝦味既期間限定都幾特別筷子都別有用心蝦味噌豬骨拉麵套餐既餃子

今日黎到尖東裡的博多別天神拉麵，地址雖是加連威老道，但正正就是尖東裡！門口小小，店鋪小小，座位全是對住廚房的吧枱晏就2點食個lunch，暫時未見有其他食客，可以靜靜傾住計食個麵全店餐牌只有2款拉麵2款小食，結果我同朋友各選一款，可以試晒各款！而散叫同套餐分別係平$5。吧枱上都有各款調味料、7味粉等可選擇加上另都有大水壺同茶可自行斟豚骨拉麵+自選餃子4隻套餐湯底濃郁、麵質幼身煙靱，留心蛋幾好味，每碗都附上2-3塊豚肉。餃子4隻：皮薄味道不錯，但如果熱辣辣會好味啲。蝦味噌豚骨拉麵+自選小龍蝦蟹子沙律套餐湯底味道比豚骨拉麵再濃烈，不同之處只是多咗少少櫻花蝦點綴，其他餸大致一樣小龍蝦蟹子沙律：呢個幾唔錯，沙律凍冰冰配上紫菜但紫菜可以在脆身點就完美了不用加一，埋單每人$105/115。

今晚約了姊妹試裙，星期日要做姊妹，最後試身，以前在這附近讀書，知道這邊很多東西吃，舊地重遊，由於要在短短的一小時完成我們的晚餐，看到這間拉麵店(曾經聽人介紹過)，座位不多，大約只能容納8人，圍著拉麵師傅的吧枱坐，二話不說便進去了。只有一個餐牌，亦只有拉麵可以選擇，有兩種湯底可選 - 豚骨湯 和 蝦味噌豚骨湯。吧枱上有教食客如何調校濃味/辛辣味湯底，架上放了蒜蓉、芝麻、辣芽菜、七味粉、拉麵汁、紅薑和拉麵胡椒。雖然店面較小，但牆上有衣架方便食客掛起外套~而抬頭就可以伸手取紙巾，枱底亦有掛鈎可以掛手袋，非常細心的設計~無提供汽水/啤酒飲料，只有一壺凍茶，非常滑而不澀口，解渴!我們各點了一個拉麵套餐各配一款小食，先來小龍蝦蟹籽沙律用紫菜包著來吃，吃到龍蝦肉和蟹籽，鮮味十足，我還有吃到一點芥末味，很喜歡這個沙律另一小食是煎餃子(有4隻)，煎的香香的~我的豚骨湯拉麵 -  先試了一口湯，很濃郁和滑，而且有少少黏稠，我試過一些豚骨湯底有種我不喜歡的豬羶味，而它強調百分百豬骨熬成，不含奶和味精，本身帶著疑惑的心去吃，但是我錯了，原來真的可以煮出這麼好味的豚骨湯，一試愛上我自己放了蒜蓉、芝麻、辣芽菜和七