18
14
2
營業時間
星期一至四
12:00 - 22:00
星期五至六
12:00 - 23:00
星期日
12:00 - 22:00
以上資料只供參考, 請與餐廳確認詳情
同朋友去睇戲,見未夠鐘就諗住食啲嘢,但係又唔想食得太飽咁,見到呢間餐廳好似有啲輕食所以就去試下 。我哋叫咗日式燒雞同漢堡扒,燒雞味道唔錯,肉質嫩滑。漢堡扒就稍為鹹咗少少,不過總算真材實料,好過有啲漢堡扒食落去 粉多過肉 。兩碟雖然都稱之為輕食,不過如果其實唔係太肚餓又 或者胃口細嘅人其實都夠飽嘅。
繼續閱讀
約了友人晚上小聚, 所以選了呢間可以坐得舒舒服服又安靜既餐廳!因為Set dinner唔岩食, 所以點了兩個湯, 一個意粉同一份漢堡!玉米湯個湯都幾足料, 麵包粒好香脆! 不錯不錯!卡邦尼意粉意粉就一般, 但係個麵包好好味! 麵包好香牛油味, 而且有少少甜味, 咬落去好香軟! 如果可以焗脆d, 再厚切d, 就會再好d啦! 因為佢d 麵包有分厚度, 佢隨意粉送果個就薄左少少!蘑菇牛肉漢堡牛肉漢堡沒有什麼驚喜, 切開都沒有肉汁流出來! 薯條一般!總括黎講, 呢間餐廳最好味既都係麵包, 仲要係厚切! 其他野就一般啦! 下次黎都係叫番份三文治好d!
繼續閱讀
博洛尼亞幾年前剛開業時已超受歡迎, 奈何一直提不起勁到鴨巴甸街, 直到銅鑼灣開分店時才跟朋友去試傳說中的81層丹麥麵包到底有多好那時熱潮已過, 所以不用排隊, 立刻就有位子了麵包果然是主打, 整個餐牌由早餐, 主食到甜品都有麵包的蹤影肚子蠻餓的, 所以點了 Carbonara 跟漢堡扒三文治分吃Carbonara ($75) 用小碗盛著, 還有兩塊切半的麵包, 車厘茄和半個奇異果, 是一貫日式洋食的健康配搭意粉有做到al dente, 有不少煙肉和蘑菇, 醬汁比平時的清淡但也不錯, 麵包稍微烘過, 鬆軟微甜又帶牛油香, 單吃已經很好吃, 但份量太少近鏡可以看到麵包的層次和密度, 但好像沒到81層那麼多噢…漢堡扒三文治($82) 的配菜只有薯條, 更是大型快餐店幼的那種, 有點小失望, 漢堡扒無甚特別, 最可取還是麵包整體來說食物只算中規中矩, 最突出的只有麵包, 但又不是好吃到要特地去排隊的感覺, 加上份量偏少定價又稍高, 再訪的話應該只會買麵包吧
繼續閱讀
久仰大名,呢間店食麵包真係好出名,之前多啦X夢係尖咀店搞個FUNCTION令佢更炙手可熱其實想黎食好耐,不過一直都冇時間,近排見到呢間店出團購,驚為天人,咁出名咁多人,仲做團購咪迫爆?!之後發現...不過算啦, 唔買都買左咯,即管試下OK我認我食左少少見記得影相@@個ALL DAY BREAKFAST好普通,只係一般炒蛋,茄汁豆等合埋一齊,要食呢樣野唔需要黎呢度食試左"全日早餐"對熱狗冇乜期望,上桌既時候我不禁哇左一聲,居然咁大?仲以為餐牌幅相影咁近係為左掩飾佢好細其實熱狗最緊要係麵包同腸,佢既麵包脆得黎有D似酥皮,但又冇咁油膩,麵包味道香, 像新鮮法包般吸引,加上茄醬及芥辣洽到好處,真的很開胃,很好吃!
繼續閱讀
我好小寫食評,但今次好火,呢間野我上年1/7本身隔離間吉列專門店同男友食飯睇煙花)佢係cbc,未睇過煙花,第一次來香港),佢地唔比book,去到又無位,結果就去左呢間野,入去前講睇煙花最低消費$350,咁ok啦,入到去唔係比window seat,比的地坐距離window seat第五張檯,其他檯就係老細既親朋坐哂,我地叫左果d toast set ,都係6點幾,煙花8點開始,佢地就不斷地話最低消費$350,之後有3-4個人行過來講,成晚講左6-7次,我心諗我地踢拖入來姐,你唔使睇唔起我地下話..再之後,有個人行來過,係每人最低$350,我即刻覺得有無搞錯,我地無嘈之後我地叫左2set 龍蝦(得半邊,半隻手掌大+Sirloin(stabucks杯蓋size) 再叫$4x一杯的特飲先夠數,痴線,佢地呢間野點叫到$350一個人?加上佢地個set,講真,toast係唔錯的,但果個lobater+sirloin set同茶記牛排差唔多,唔好食,我求其sogo買果d一百蚊大大塊用sea salt grill真係好食過佢..我以後唔會再去!
繼續閱讀