占美餅店 (已結業)

好有驚喜! 路過見有包店, 順道買番幾個包做早餐。買左個蘋果酥包, 本身唔太中意吃蘋果酥, 但呢間竟然出奇地好味。 個包唔似外面吃到既空心包, 空氣包咁。 佢餡足料, 包又飽滿, 唔使一味吃個餡, 有d包夾埋d料平衡下。吃完都好滿足下。下次行經都要買番個番家呢。小店有時都有驚喜的, 款式味道都不比連鎖經營/貴價包店差。吃得多連鎖個d, 吃番d經典面包款其實真係百食不厭。

占美係爸爸指定既蛋糕店🤗🤗 父親節就一於買個氹下佢開心😘 因為時間關係訂唔切所以walk in去買 遲咗一步冇晒雜果蛋糕 唯有試吓栗子啦 一樣係咁好味 cream永遠唔會好甜 食一大塊都唔會（溜）

呢間舊式既麵包店啲麵包超好食🤤上次試過佢既吞拿魚包簡直驚為天人😱真係好好食今次試下佢既蛋撻果然無令人失望😆蛋撻黎講識食一定要食曲奇皮😍曲奇皮好脆蛋漿好有蛋香又好滑不過蛋撻太細個幾啖就食完🙁要食兩個先夠喉但真心幾好食雖然蛋撻好難會整到好難食🤣除左曲奇皮蛋撻我仲買左紅豆燒餅以前食過啲唔好食既紅豆燒餅燒餅外層會有陣鹹味同油味🤦🏻‍♀️😂呢間紅豆燒餅外層唔會有怪味而且燒餅皮好煙韌😍紅豆餡多到😍但又唔會太甜好好味呀🤤

呢日行過太子 下午茶時間 經過呢間餅店見到d 蛋撻用個熱爐烘住一時忍唔著口 叫左個曲奇皮蛋撻食下一拎上食 係超級熱😂😂😂攤左一陣 食落 係好熟悉嘅味記 曲奇皮夠脆 蛋漿夠蛋味 唔錯👍🏻👍🏻

當老麥賣緊一個十一蚊嘅魚柳飽，你會覺得好抵時，我就推薦占美餅店嘅麵包，佢有個粟米火腿包，第一次食我以為係粟米沙律加火腿啦，點知食落有碎蛋沙律入面有粟米，火腿隔離夾左佢老友芝士，加埋個底係有小小生菜同最面有塊青瓜襯托，麵包係麥包，做入埋落個靚靚紙袋仔13蚊嘅誠意之作而且個包都好贅手，拍埋包375ml鈣思寶真係有返咁上下大，真係點都好過食完魚柳包好似無食過咁一早已經有飽嘅感覺，呢個係我食過最有誠意嘅碎蛋包，讚！容許我食食下先映相食晒先記得映相，個包就係個面包紙咁大

早餐是是但但買個包食，最近喉嚨痛所以只好叫一啲比較普通嘅麵包類。叫咗一個麥包有少少提子嘅，只係$4，佢個外皮都整得幾除同埋幾甜，不過入面就勁少嘢食，佢發到好大個包但係入面啲麵粉其實唔係太多，食完都唔會飽。如果要飽嘅話起碼要食兩至三個麵包！不過如果講佢個味道，甜甜地又有少少提子都唔算太差。

占美係一家開左超過廿年既老字号包店，93年自從屋企人搬到去太子，佢已經係度，可以話係陪住我成長既包店，屹立不倒多年，全因有一班熟客，才可面對附近的連鎖競爭對手！始終老式包店有種特別既情懷，呢度出品不是老餅家，但已名符其實可稱為老牌包店了！！   呢度無方便的發達通找數，但見証住佢地既革新，近來店員已換上一致的工作服，而麵包旦糕的價錢都提升不少，才可對抗現今昂貴的舖租！慶幸雖然價格增加不少，但仍是比外面的店來得合理！今日要介紹的是我吃了超過十年的香蕉旦糕，旦糕用上新鮮香蕉和蕉油造成！我喜歡把整個旦糕從錫紙包裝內，整個移出，然後大塊塊的享用！是最廉價而又滿足的味道！小時候索價不過5.5，現在轉眼間已達7.5，但其實都是平到偷笑的價錢！不用十元，已能吃到啖啖濃濃的蕉香，十分經濟是種，家庭式便宜的味道呀！喜歡它那飽滿而又面面底底旦糕焗到啡黃美麗的表皮外層，入面是真材實料實淨的口感，而不是像海綿旦糕吃空氣，食完不飽肚的感覺！自小被舍妹稱為包后，因為每天放學，總會去買上幾個來吃方願罷休小學最愛吃吞拿魚包，不腥的吞拿醬又是很足料飽滿！中學時這裡開始有芝士旦糕賣，試過最好吃的時當時看著它由12元左右，

家姐買左一盒啫喱回來. 係兩層雜果的味道, 一層係提子味, 一層係青檸味加雜果. 好硬身的啫喱, 好多雜果啊. 唔會水汪汪架, 仲有係好大杯的, 又唔會好甜. 好食啊.

我同爸爸食完金翠羊鞍後準備搭車回家,經過占美餅店,我視線被門口餅櫃內嘅鬆餅曲奇餅吸引,於是入餅店內參觀......原內店裏有更加吸引我嘅西餅--合桃牛油蛋糕($4.5)及香蕉蛋糕($7),外表樸素,令我想起讀幼稚園時每次舉行生日會嘅歡樂時光,同學仔都會得到一盒兩件嘅蛋糕,外貌就如占美蛋糕一樣,於是我將兩款蛋糕買回家.因為爸爸戒吃甜食,所以兩款蛋糕最後都被我食清光.合桃牛油蛋糕--質地結實,有牛油香但唔會過於油膩,有合桃,抵食!香蕉蛋糕--含有肉眼都睇到嘅香蕉纖維,蛋糕充滿香蕉香味而唔係假假嘅香精,真材實料,抵讚!下次逛完花墟,我又多一個享受平食嘅選擇!

每朝反學放學都經過占美,朝朝都食個到啲三文治做早餐...知道占美既分店唔係多, 所以都幾開心學校附近有今日放學之後入去睇下有咩食~見到凍櫃有新甜點 忌廉芝士,抹茶忌廉芝士etc~~~$5 一舊抵到喊 買左2舊忌廉芝士:$賣相絕對不比酒店自助餐個d dessert差食落口,wow軟綿綿既芝士~成本應該不少吧中間有啲朱古力粒,好似有少少cake係底好好味!!! 成舊野起碼80%係忌廉芝士足料. 新野都可以做得咁好, 抵你多生意!

成日都會經過太子，又好想食包，所以睇食評，見到呢間都幾多人話好，咪黎試下咁岩有新鮮出爐的蛋撻，所以就買左個黎試！熱辣辣好正，雖然冇我最中意的酥皮，不過曲奇皮都真係幾好味！好香牛油味，蛋好濃，不會好淡

好少可黎埋麵包因為佢d麵包質地比較硬實唔係我鍾意果種『軟熟真空型』不過唔講你唔知其實哩家最掂既係佢d海綿蛋糕我買左兩個獨立包裝既切片瑞士卷分別係原味同咖啡味瑞士卷本身好重手攞上手就覺得佢好軟熟雖然cream唔係多不過咁啱啱好 咖啡味最好味 好香濃口感好軟滑好軟綿綿提醒各位如果要買西餅最好買本身有蛋糕體果隻有保證嘛~而芝士餅果類型呢~ 我試過.....麻麻

某個早上想吃個好早餐, 有感近來在公司樓下的delifrance總是遇不上小麥圈, 經過太子時就想起占美的"菠蘿占"。 小妹對石硤尾店的西餅特別喜愛, 也想有機會試試名物菠蘿占, 本來先想試石硤尾店的, 但既然貪就腳趕返工就先在太子店買1個。去到夾麵包前1刻, 望見菠蘿占的外表 -- 似是酥餅面多於港式菠蘿包面,,, 但有理無理照買回去... 果然是不對勁 / . \ 根本外層是包裹著厚重的酥皮, 又實又硬沉甸甸的感覺,,,, 麵包也不鬆軟, 而且靈魂之"占"的果占非常非常少...... 試過幾次, 質素確實是石硤尾店的比太子店的好得多.........

聽聞依度既拿破崙蛋糕好似幾唔錯咁，所以今日突然心血來潮就跑黎試下。同普通餅店一樣，依度有好多種類既西點同蛋糕，當我發現目標就系某個2層高的架子上，就迫不及待地去挪翻個。哇，果然好重手啊，體下價錢要40大元，念在這個蛋糕重量都唔輕，所以就毫不猶豫咁買翻個翻屋企慢慢嘆啊~~~可惜啊，熱切期待并沒有想像中好，皆因好奇怪距入面的每層餡料，脆得黎無咗果陣香味，咬落去好似覺得太脆而缺少了口感，真系非常奇怪啊，再加上距好似系某層入面有好甜的糖料，總之本人就覺得唔系咁好吃咯。體黎以後買野都系要思前顧後啊，唔系就白白浪費左，唉

經朋友介紹下，在占美餅店買了拿破崙回家吃。以前吃過的拿破崙，通常都是很脆但較為實淨；但這個，朋友說是由老師傅做的，當刀子切下，已感到很鬆，而且沒有被卡住，很容易便切了下去。放到入口，酥皮很香脆，又鬆化（買完之後超過四個小時才吃，還很脆呢！）接近底部還有些合桃粒增加口感，真的很好味，而且價錢都只是$40一整條，相當抵食！