厚福館 (南角道)

營業中

休息中

30-11-2008天氣凍得咁突然, 今晚一行 4 人決定去打邊爐. 輝哥去到厭, 名城價錢太貴, 又唔想去方榮記, 結果0黎了未試過的呢間試試. 又係叫返最常吃0個 d 0野食及湯底, 食完除0左飽到褲頭帶都就0黎爆之外, 食物質素仲好過上次 da Bino (見 http://www.openrice.com/restaurant/commentdetail.htm?commentid=1894748), 令人幾滿意的:- 先講講自助混醬配料: 有生蒜粒, 「熟」蒜粒, 蔥花, 辣椒及辣椒油, 可自行加入豉油, 而我就覺得落生蒜粒係最好食的, 蒜味香濃辛辣, 食完個口勁臭, 哈哈!- 豬肝併豬腰: 第一次打邊爐食豬內臟... 豬腰一樣爽口, 無「壓」味, 不過亦無乜味道, 要蘸蒜蓉豉油; 豬潤好爽口, 味道鮮, 不錯.- 雞肝: 軟軟的又好滑, 而且好「黃沙潤」feel, 幾好食. 不過用0黎打邊爐係唔太食到雞肝0既獨特甘香味的, 我都係鍾意蜜燒多 d.- 桶蠔: 一客得 4 隻, 但絕對肥美鮮甜, 十分唔錯!- 脆肉鯇魚腩: 脆到 sok sok 聲, 味道就普通

睇左食評所以同朋友來試下，叫左皮蛋芫茜同所謂牛尾湯底，個牛尾湯即係蕃茄加牛尾，大佬呀早少少煲下D湯，放低已經睇到水還水，蕃茄還蕃茄，牛尾重未熟，唔得知道衰咗。最好食就係牛肉粒可以一讚，不過湯底我覺得配合唔到，服務都可以。最後埋單3個人七佰幾，唔算好抵食，3個人總結下次都係去方榮記叫沙爹湯底好食，未來過可以考慮清楚。

食物唔錯, 點左$60 蝦丸, 墨丸 同 鯪魚球 大粒得黎都幾好食蝦丸, 係有原蝦加蟹子, 唔係蝦打發成蝦膠墨丸, 無咩特別鯪魚球 係幾唔錯, 不過要小心有姐細骨$148 ( 大 ) 肥牛肉都幾薄 同 幾唔錯九菜餃, 幾香, 唔錯A菜, 仲有碟野不過埋單都成 $4xx貴左d....

住九龍城咁多年，其實對附近餐廳都有d 感情唔可以話好深，但試過一次唔得，都會再試第二次，希望佢係一時"行差踏錯"厚福館，吃左幾年，由好好好食到近排覺得佢近排開始有d 掠水，我覺得應該留個紀錄，唔好令其他人期望過高，山長水遠入到黎，只剩一場失望這個餐店，我同屋企人平日都會去下，尤其間中諗住食得豪小小的時候因為佢對品質控制真係ok，而且佢地門口班人雖然望落好似好惡咁，但埋去就知佢地其實幾nice 下一直去到上年尾，4 人飯局，叫左個魚頭(佢收我$60)，竟然只有3 片(無魚雲的，真係薄薄的3 片魚頭)真係火滾，跟住有2 個月，明明有錢又想打邊，都唔想去\___/到今個月，有朋友話想試，咁是但啦，一齊再去點知又係逼人食咩海蝦，10 隻收我地2 百幾，都唔覺有乜好食(最重要係我當時跟本唔想食蝦，佢夾硬幫我叫，唔通反面咩！)喂，哥仔，下次我來食得清清淡淡，簡簡單單，你唔好夾硬sell 我至得架！

尋晚突然想去九龍城搵野食, 朋友又想打邊爐, 但今次想試下第2間唔好成日都去方榮記. d野都好新鮮, 驚喜既係魚片頭打邊爐原本好好味架同埋d蝦丸非只係蝦容, 每粒入面還有2-3隻細蝦, 很有趙口.切牛黑豚肉魚片頭墨魚滑蝦丸生菜忌廉3支鯊魚骨湯底- 越肴越有味埋單約300既, resonable. 食完先發覺全部都係高蛋固醇重有我想講好多人話點菜沒價錢好唔穩陣, 其實所有價錢都有寫入menu架, menu係邊? 未係係d卡位之間條隙到lor. 佢\地沒印係張寫紙單到, 係費視成日改.

尋晚突然想去九龍城搵野食, 朋友又想打邊爐, 但今次想試下第2間唔好成日都去方榮記. d野都好新鮮, 驚喜既係魚片頭打邊爐原本好好味架同埋d蝦丸非只係蝦容, 每粒入面還有2-3隻細蝦, 很有趙口.切牛黑豚肉魚片頭墨魚滑蝦丸生菜忌廉3支鯊魚骨湯底- 越肴越有味埋單約300既, resonable. 食完先發覺全部都係高蛋固醇重有我想講好多人話點菜沒價錢好唔穩陣, 其實所有價錢都有寫入menu架, menu係邊? 未係係d卡位之間條隙到lor. 佢\地沒印係張寫紙單到, 係費視成日改.

還下人情債,一行5人又去厚福館打邊爐.大肥牛-今次同上次唔同,林過上次少少不過依然好有牛味,趙口就上次多D,兩次都正!腐竹-ok桂花蚌-ok蠔仔牛肉餃-ok魚片頭-依然正!墨魚滑-爽口彈牙好過機製墨魚丸墨魚丸-一般蝦丸-我冇食但都同事話好彈牙好爽喎福州魚丸-係咪攪錯左?點解係醬爆豬肉丸咁.一般.炸魚皮-ok,打邊爐點少得!?白鱔片-ok生蠔-今之好大只,得3只!好正(註:我是蠔魔王)龍蝦仔開邊(伙計勁推介)-龍蝦仔都好大只喎(連頭都有8-9吋長),新鮮-開哂邊落滾水時仲郁郁下.西洋菜-新鮮大棵亦洗得算乾淨生菜-翠綠新鮮大大棵亦洗得算乾淨酸梅湯好大jar,一人都有2杯!試埋新野:-豬天梯(口感好得意,但有陣味...大家都因而卻步)-魚扣(口感好得意,但有陣味...大家都因而卻步)埋單$97x(免加一),比想像中平.服務好咁好$1000齊頭啦~

上個星期第一次去呢間到打邊爐, 雖然食物都係一般大類野, 但值得一讚既係佢地既服務態度, 你咪睇佢地個個好似上o左年紀, 又或者好似一o的大佬咁, 相信佢地係有睇過劉華既專業同誠懇既態度對客人.......雖然個鋪面冇好似其他出名既裝潢, 但勝在夠平民化....可以推介

打邊爐:-人太多,通常都食唔到自己'六'果幾舊;-人太少,叫唔得多款式最perfect都係4-6人的配搭.今次3個人去厚福館,都ok喎先是近期好興既蕃茄薯仔湯底-清清地幾好;食到中斷個湯就越來越好味.大牛肉(是機切的,起左雙飛),紅卜卜,好新鲜咁.睇落似牛展,唔肥,好有牛味,有趙口鮮打墨丸拼鮮打鯪魚丸(夠新鮮)蠔仔牛肉鮫拼魚片頭(魚片頭正!)金姑拼鮮東姑(大大只,乾身夠新鮮)生蠔(最大果只成6-7吋長)西洋菜-好粗好大棵,好靚唔少得汽水3罐啦咪睇D老世呀,侍仔呀,個樣都係出黎行既大佬咁:服務好好喎!尋晚過哂9點先到步,等一陣就可以入座了.我地3個都話好滿足,正!埋單$500有找;好過果D任食任飲冇主題都收你過佰一位啦.

Jan 10 晚去食芫茜皮蛋湯底牛肉粒例牌肥牛草脘腩墨魚滑鱔片白菜仔唐生茉魚蓉麵酸梅湯一渣$601有卡位坐好舒服下次會再去好奇怪佢個餐牌冇價錢我又唔敢問佢點解

已經好久無來打邊爐，厚福館既生牛肉片依然好食。是日食0左生牛肉片，象拔蚌刺身，鱔片，牛肉粒，同鯊魚骨湯底。生牛肉片: 好好食象拔蚌刺身: 好新鮮鱔片: 唔錯，無骨牛肉粒: 唔得，好un，好hai鯊魚骨湯底: 材料好足，清清甜甜，唔錯唔錯如有駕車，厚福館會收待客拍車費，好似系$25。駕車既朋友，唔好四圍Park 車，每逢七八點，九龍城會來一次洗街，無park 0米鏢位既朋友，預0左食牛肉乾都得喇。

This is one of the best hotpot restaurant that i love, their food is very fresh. But not a lot of choice of the soup base (rather mild too). Their beef are great

厚福館食野可平可貴。同老闆(3兄弟)或D夥記熟要邊有邊，要脊有脊。但我認為最抵食是生牛肉，咁既價錢去邊度搵！只要D夥記唔好成日哦你食海鮮，咁就very good.

3人去打邊爐...志在吹水~不過周圍都好嘈...想靜ge免問...亦都冇分非吸煙區~食物方面,如主題...一切都ok一般......間唔中食下都ok ge..........

前晚一家四口去九龍城打邊爐，屋企人話成日食方榮記，想試新野，靈機一觸諗起呢間厚福館，一於去試。去到門口，舖頭面積唔大。入到去伙計即刻安排入座，未坐定已經俾晒menu同埋推介佢地的特色食品。不過個menu竟然無列價錢。湯底就叫左番茄牛尾拼杞子豬骨，送料叫左肥牛，肥牛粒，墨魚滑，蝦丸拼豬肉丸，福州魚丸，象拔蚌，魚麵，黑豬肉及羊肉。肥牛賣相好靚，食味一流，既鮮味又滑口。肥牛粒好有質感，灼耐左都唔會鞋。墨魚滑好似鯪魚肉，入口都頗滑。蝦丸及豬肉丸係自家打的，真係非常爽口鮮味。而黑豬肉及羊肉都唔錯。最後就係魚麵，一個唧袋裝住然後唧落湯，又好食又好玩。最後埋單要七百九十咁滯，雖然貴左d，但係味道好及服務殷勤，都係值得一去的。