厚福館 (南角道)

營業中

休息中

第一次到這裹打邊爐, 覺得的食物好新鮮且好好味；先叫了一個芫茜皮蛋湯底(值得一提是松花皮蛋靚都不得了)，本地牛肉很嫩口；鱔片很鮮甜且切得夠薄，不會吃到骨；日本生蠔很新鮮好味；丸類都是手打的，最好吃的是貢丸，墨魚丸則稍嫌多粉，水餃皮薄料正…. 價錢比稻香稍貴一點，但食物品質好且招呼不錯，座位不會太迫,幾好坐, 呢間都食得過。.

海鮮火鍋料好新鮮，仲有鮮牛刺身食，都係新鮮，丸又係手打的，乜都新鮮，正都不得了。雖然價錢會貴少少，但有質素又唔怕喎，推介俾大家。

今晚同D舊同事聚會，佢話打邊爐。老老實實火店真係冇乜地方好評論(可能除個湯底外)。雖然本人一向都唔多鍾意打邊爐，不過都要讚一讚佢魚蓉麵，好有口感，絕對值得推介。

次次係九龍城打邊爐我都會揀厚福館，最鐘意食牛肉粒，d牛肉粒係愈滾愈好味，而d魚蓉麵吸收埋d湯底o既鮮味，真係好正!

最近報紙都有講有兩位天后, 係頒獎禮後一齊去慶祝. 原本一直都想試, 卒之都有機會.環境唔太舒適, 雖然有地下同2樓, 不過坐得好密, 大檯仲會分幾個爐, 多人既時候有可能要搭檯.服務方面, 最初以為個個忙到七彩, 會求其敷衍了事, 不過估錯左. 佢地好落力, 態度都ok, 仲會同你講笑.到最後食物方面, 我會比8.5分個晚兩個人點菜: 中蝦(例牌), 2隻大花鮑($48隻), 象拔蚌(一份), 星斑(一份), 墨魚刺身(一份)再加打邊爐必食既牛肉, 埋單七百幾最好食係牛肉同墨魚刺身, 好新鮮, 好鮮甜!另外見到隔離檯叫左個"花雕大花蟹烏冬底", 都好正! 值得一去!如果有車人士, 佢地都有泊車service, 仲會將你平時比開個$20入埋落張單到. 如果唔鍾意既, 泊carpark都得.