原味屋 (已結業)

在荔枝角食早餐，選擇較少。很多時都走進這間原味屋餐廳，贪其座位夠多，早餐價不過30蚊。今早就選了原味D餐，五香肉丁米，餐肉炒蛋配個包，熱奶茶，盛惠28元。這裏的米粉很幼细，索了肉丁汁特別入味，而奶茶雖然没有新開張時又滑又香，茶味特别濃，但總好過附近其它茶餐廳。

新年前夕，在早放半天的一天，我來荔枝角的目的當然是想再去一次《程班長》。可是，沒有留意網上公告的我，到埗才知道他們已放年假。撲空後，感覺當然是空虛，突然無目的地尋食，有時的確是幾頭痛，於是，我隨心找，就在該工業大廈的樓下，看見這一間《原味屋》，有簡單兼便宜的午餐供應，於是，就不理三七二十一，入去入去....原因，我已經很肚餓。中午飯，當然是套餐，30多元有湯有飯有飲品，習慣了在港島區食午飯的我真的是非常之開心。而是日，我要了西式的紅湯，亦即是羅宋湯，這湯味道香口，牛肉味也有，味道也十分之濃郁，是異常的出色的茶記羅宋湯。飯，是咖喱豬頸肉飯，咖喱汁不太辣，但香口，沒有很刺激的熱氣感覺，反而覺得有少少奶油香，豬頸肉爽口，香口，是日胃口一般的我也能夠完美食全碟清，只因那咖喱汁夠好。奶茶雖好，但我只能給予一個剛比合格好的5.1分，因為奶味未夠，但茶倒是夠香夠濃的。吃後有點開心，原因是，我無意中找到了一間稱得上是好食的茶仔。

第一次來，雖然一踏入餐廳就有一陣臭膠味，但仍坐下點了個餐(其實幾難頂，應該係裝修味)。馬來喇沙金邊粉，有冬菇、豆卜、札肉做基本，再可自選一餸，我就選了肥牛，另配熱奶茶，後來店員還會送上中湯/西湯。喇沙湯底味很濃，不錯。唯一美中不足就係金邊粉太碎，夾唔起，而且剛上枱就很糊。

今日半日工作，又早左一個鍾到目的地，人家9點半開工，我8點到，哈，當然找吃，最近愛上了肉丁麵，剛巧找到間同二合一樣的餐，有對比了，呢到多味餸可選，我選了腸加肉丁都，今次呢間用光身麵，唔太淋，比較彈牙，肉丁比二合小但一樣好味，腸都是普通貨色，多士好脆，牛油都唔差，奄列做得好如，開，有蛋汁同火腿都多，餐檸檬茶好大杯，有5片檸檬，算好好了，工廈開店，好處在於大，坐位多，好易找位

位於荔枝角既工業大廈地下，竟然有一間幾平既茶餐廳，每日午餐都有大約6-7個選擇，C餐好多時都係意份，印象中最好味既係個CARBONARA。等位一般黎講都要15分鐘到。一般黎講一個餐大約係36蚊到，包野飲，意粉同飯既份量好多，我次次叫少飯少意粉都食唔晒，堂食既話仲會送埋餐湯，可以揀中湯或者西湯，真係幾超值。因為係呢頭返工，所以一星期都黎幾次，今日食既係焗豬扒飯，D豬扒諗就夠諗，但係無咩蕃茄味，可以試下落少少茄膏同醋。至於個羅宋湯，真係落重料，夠晒味。

因為係呢頭返工，所以一星期都總會黎呢到食幾次，今日食既係焗菠菜吞拿魚蟹棒意粉。本身比較細食同埋唔多鍾意食芝士，一早叫左少意粉同少芝士，份量剛剛好，白汁配吞拿魚簡直係完美配搭，蟹棒又夠諗，菠菜同吞拿魚既比例剛剛好，係意粉到加少少TABASCO，真係美味無窮。餐湯係羅宋湯，落足料，好有蕃茄味，唯一美中不足既就係無餐包配。