原居民 (已結業)

以前成日周圍探索去食好西，但自從番工之後再少左時間周圍搵食，不過平靜左一段時間，就有啲懷念以前大魚大肉既日子～CHICKEN突然話要帶我食好西，我懷住興奮期待既心情黎到依間「原居民」。目測應該係一間西餐廳，而且環境寧靜有格調，同餐廳既名字有幾分出入，總覺得「原居民」聽落去似一間台式餐廳XD 可能我自己諗太多~有得食久違既西餐當然有啲興奮，店員放左一塊企身既黑板係我地面前，1前菜同湯配1主食再配一杯飲品，大約有6,7款選擇，感覺上好多都好想食！係揀緊餐之際，店員就放左兜蒜蓉包係我地眼前，話通常有客人黎到都會送，未必日日都係蒜蓉包，但感覺上相當貼心。味道方面，蒜蓉包相當脆口，包面係一層濃濃既蒜蓉味，充滿咸香，好好食～日本芥末三文魚件甜蝦，以撻仔形式上碟，裡面係切成粒狀且拌上芥末醬三文魚，而甜蝦則搭左係中央位置，賣相好有睇頭，但食上去就麻煩左少少。因為三文魚粒好滑身，好易冼手，另外係要食左撻同餡料好難同時一齊食～味道方面，三文魚原來既味已被芥末醬覆蓋，軟淋既口感，甜蝦夠鮮甜，而個撻幾脆，感覺不錯。鮮蠔栗米湯，第一次飲既鮮蠔湯，入口已經即刻感受到湯中既鮮甜味覺，粟米溶同蠔味溶埋一齊，味道好夾～

今日去開以前間大學，由於寒風處處，經過附近走入一間餐廳，餐廳裡面幾有格調，燈光微暗，餐桌白布上擺滿刀叉，整體有點像歐陸式的餐廳。隨意叫了一份晚餐，首先來餐湯和餐包，餐湯是蕃茄南瓜湯，橙紅色的餐湯，裡面還有南瓜茸味道帶甜，舌背後還有點蕃茄酸，寒冷天氣有這溫暖熱湯尤其暖胃。餐包不是普通軟包，係蒜蓉焗包切成一格格，入口爽脆，比薯片仲要脆，蒜蓉味唔太濃，浸落餐湯口感即變成鬆軟。頭盤係鵝肝醬多士，鍾意幾多自己可以搽幾多，軟得像牛油的鵝肝口感軟滑，與脆多士的口感形成強烈對比，鵝肝醬味道香滑，入口即溶，美味。主菜係法國粟飼燒春雞，係成隻咁上，細心廚師將春雞切開四份。春雞外皮燒到金黃脆，雞肉帶少量脂肪，雞油令雞肉吃起來更香，肉質嫩滑尤其兩隻雞脾。餐廳還注重營養分佈，附上菠菜炒雜菇，令吃完肉可以吃份蔬菜。另外仲有原隻焗薯，焗薯香噴噴，薯肉軟淋淋，令晚餐更飽滿。

Finally a western dinner after all the Chinese cuisine during Chinese New Year. Star Café because I was attracted by the old style ambience when passed by this café few months ago. Had a nice long catch-up with my old good friend that night.(Old style indeed- written menu on a blackboard. The waitress had it placed on the nearby chair during the moments of choices. No English.)Food is delivered according to the traditional order of dinner without overlap- appetizer, soup, main.I had 煙英國膳凱撒沙律 as

今日同女性朋友食飯，聽同事講佐敦有一間餐廳情調環境幾好，而且食物都好好味，最重要係又唔係好貴，咁一於去試下。同女性朋友食飯，緊係會book 定位，做定凖備，大約幾日前book 位都冇問題，都可以book 到。去到餐廳，餐廳既格調果然唔錯，而每日既menu 都唔同，所以佢每日都會更新個黑板。餐單每日不同，最主要嘅原因係睇吓邊種食材較為新鮮，再決定餐單，所以餐單上嘅食物都有質量嘅保證，保證新鮮。Nachos 呢個又香又脆嘅芝士粟米片，非常香口，配埋個salsa 醬，更加開胃，做前菜一流凱撒沙律呢個凱撒沙律個醬比較一般嘅凱撤沙律醬胃酸，不過我幾鍾意，因為咁樣更加開胃，而且所有沙律菜都好新鮮，加上有麵包碎乾有啲咬口，正香煎法國鱸魚日本帶子皇虎蝦伴龍蝦汁呢個鱸魚非常之滑同埋鮮甜，我平時都好鍾意食魚，條魚都煎得好香，魚皮脆脆地，日本帶子喎好大粒，而且非常彈牙，好有口感，虎蝦就大大隻，亦都好彈牙，呢一碟海鮮非常抵食，全部海鮮都好高質，非常值得一讚！最重要係我個女性朋友都非常滿意呢一間餐廳，情人節如果可以再帶佢嚟就好啦！good luck！

臨近新年，約一家人去食團年飯，其實都係一件幾頭痛嘅事，又要坐得舒服，又要食物質素好，又要價錢合理，又要預約到位，真係一啲都唔簡單，位置方便都係其中一個選擇條件，因為要方便大家，要符合咁多要求，呢間原居民就可以符合到！南瓜蕃茄湯呢個湯番茄嘅酸味比較出，而且南瓜蓉打得好滑，而且好香濃，加埋個熱辣辣嘅蒜蓉包，有趣又香蒜蓉味，簡直無得頂日本芥末三文魚半甜蝦頭盤整得非常精美，擺碟都花咗好多心思，三文魚好香好鮮，芥末味啱啱好，芥末味可以提升三文魚同甜蝦嘅鮮味，甜蝦亦都非常鮮甜，呢個頭盤令人喜出望外，非常有特色，亦都好好味！虎蝦蟹肉美國蜆蘑菇意大利飯主菜一出場，就被碟入面嘅美國蜆同虎蝦吸引住，蜆同蝦都非常大隻，唔單止個樣好吸睛，味道都非常好食，蜆同蝦又彈牙又有鮮味，而且個意大利飯汁一啲都唔流，味道好夾，而且蟹肉係拆晒出嚟撈落啲意大利飯內，所以飯都好鮮甜，同埋意大利飯唔會好硬身，所以老人家食都非常啱！一家大細，有老有嫩，都一致讚好，果然無揀錯呢一間餐廳，建議一大班去食都好合適！

去佐敦見客，客人推介佢屋企附近既呢間原居民，咁見價格都唔算好貴，又見到評語都幾好，咁揀呢一間，所以就訂位食呢一間。平時好怕揸車去油尖旺，因為泊車好麻煩，而且夜晚又約左人飮番兩杯，所以今日決定唔揸車，撘地鐵，餐廳距離佐敦地鐵站大約8分鐘腳程，其實真係幾方便就腳，個客仲方便，屋企落黎5分鐘到，餐廳位置方便大家。餐廳環境一流，而且比較淸靜，加上輕柔的背景音樂，非常適合見客，而且服務好細心好有禮貌，予人感覺好舒服。我點了一個set dinner：前菜意大利風乾火腿伴蜜瓜呢個意大利風乾火腿味道比較濃，所以配蜜瓜一切食味道會好一點，蜜瓜既鮮甜多汁，同埋新鮮清新，正正配合意大利風乾火腿的乾身及濃郁的味道，這一個複雜的味道配撘簡直是天依無縫！香煎法國海鱸魚日本帶子皇虎蝦伴龍蝦汁鱸魚由法國運港，而帶子皇選用日本，食材來源地都比較可靠，所以食物質素非常高。由於食材質量好，以香煎這個比較簡單既烹調方式就最好不過，不用其他調味料，只用少許鹽去提升海鮮的鮮味，是明智之舉。法國海鱸魚鮮甜，肉質新鮮，鱸魚的表面煎到金黃色，既香囗又帶少少脆的囗感，非常出色。帶子皇肥厚大隻，口感彈牙而且鮮味十足，不加任何醬汁食都一流！

住喺紅磡附近，除咗交通方便，附近有好多商場之外，仲有好多餐廳唔同食肆，搵食一啲都唔愁，附近有一間好高質素嘅西餐廳，有時想奬勵下自己食好啲就會落去食。蕃茄南瓜湯個湯味道非常新鮮，一飲就知道用左好新鮮既材料，而且個湯打得好細緻，所以入口好滑，配上蒜蓉包一齊食，無得頂蘇格蘭煙三文魚呢個前菜份量好足，大大片煙三文魚，三文魚好新鮮，色澤同質感都非常新鮮，口感一流，仲有三文治配上，唔使淨係食煙三文魚咁dry炭燒西冷牛扒快西冷扒好香，一切，好多牛肉汁，入口好滑，而且西冷扒煎得好香， medium well 嘅火候控制得好適中，讚。配菜有一個焗薯， 個焗薯非常之香同滑，而且有好多其他菜，連配菜都做得咁認真，真係物超所值住喺紅磡咁耐，都係第一次走過黎呢邊食飯，其實紅磡過黎都係十幾分鐘到，都算方便，以後一定會多d過黎食

之前準備了一個美味的生日蛋糕跟老媽慶祝生日, 大家都吃得好開心, 但老媽卻細細聲問我, 為何只記得她生日, 而忘記了老爸的生日? 冤枉呀! 不是這樣的, 是你們當時留下我去了台灣開心呀! 其實我一早已訂了初七人日跟老爸補祝生日, 還揀了一間有他喜歡吃的菜式餐廳, 不要再話我不細心啦!認識這間餐廳是一位只見過一兩次面的人兄介紹, 他有次透過 Messenger (無錯! 我們連 Whatsapp 都沒有, 可見生疏程度, 哈!) 傳送食物相片和餐牌, 還極力推薦, 話自己是常客。當時我已心思思, 乘勢叫他帶我去, 結果……他只再傳來一個地址給我, 哼! 事隔半年多, 竟有另一位好友推介, 看來必要一去, 一於訂位和老爸慶祝。離遠便看到店名招牌高高掛在空中, 門口擺放了兩塊黑板餐牌, 一中一英, 當然不少得還有一些賀年的擺設。沿兩級小樓梯走進店內, 地方寬敞, 燈光柔和, 還播着輕柔的英文歌曲, 蠻有情調。用餐區分左右兩邉, 設有多張二至四人枱, 亦有數張六人枱, 而中間的通道挺闊落, 方便出入。最盡頭是廚房重地, 再細心觀察, 原來旁邊還有間可容納十多人的獨立房, 地方的確不少。店員的確

原居民位置介乎於佐敦、紅磡和尖沙咀之間，雖近有點隔涉，但論食物質素、餐廳服務都很好，絕對值得來！餐廳內不太多人，座位都很寬敞，我和朋友不知不覺間就在這裡坐了個多小時，是與朋友暢談的好地方！晚餐套餐包括前菜、餐湯蒜蓉包、主菜和飲品，甜品另點。先來一客煙三文魚。這樣的配搭我是第一次試，把碎蛋和洋蔥粒混在三文魚內，再夾在小片的麵包裡。加入檸檬汁後整個味道酸酸甜甜的，非常開胃。另一道前菜點了煙英國鱔凱撒沙律，放入了不少煙肉粒、麵包粒和parmesan cheese。一般的凱撒沙律都是用雞肉或蝦肉的，這個用上的鱔肉口感嫩滑，給這 classic caesar salad 帶來一點驚喜。七成熟的好味黑毛豬～平時在西餐廳很少供應黑毛豬，見這裡有便立即選了。黑毛豬可說是眾多豬類中唯一可以不煮熟透的，給予廚師更大的烹飪自由。平時吃豬肉都很怕它不夠熟，這塊雖是七成熟但煎得剛好，肉邊更是煎至脆口的。黑毛豬扒夠厚肉，配上蜜桃汁令黑毛豬扒帶點甜味，易入口。羊架用上 classic羊架的煮法，用上迷迭香、黑椒、海鹽、rosemary 等多種香料，再配羊架必備的兩款醬汁—薄荷啫喱和芥末醬。七成熟的羊架中心看似紅通通

今日約左屋企人一齊去睇演唱會，咁去睇演唱會之前緊係一齊食晩飯先去，所以喺附近預約左一間餐廳，而呢間原居民位於紅磡附近，由餐廳去紅館大約十分鐘左右，所以地理上非常方便。餐廳好有空間感，枱與枱之間有足夠距離，私隱度不俗，如果情人節去都幾有氣氛。每人都點左一份晚餐，我比較喜歡食海鮮，所以揀左：鮮芒果火箭菜沙律用咗新鮮芒果做沙律汁，個沙律汁酸酸甜甜，加埋火箭菜，味道非常之夾，芒果汁可以掩蓋火箭菜嘅青味，而且加強芒果嘅鮮甜，你度前菜非常之特別，大蝦鮮甜就唔使講美國蜆蟹肉大蝦意大利飯第一次食意大利飯，餸仲多過飯，蝦既份量又多又大隻，鮮味又彈牙，拆哂新鮮嘅蟹肉加入意大利飯，更加鮮味，而且食蟹唔使自己拆，非常方便，仲有好多美國蜆，蜆肉好大隻，一啲都唔腥，淡淡海鮮，正！呢間餐廳環境又正，食物質素又好好，服務一流，其實性價比好高，啱晒情人節黎，情人節有多個選擇！

今日日文同學離棄我 要等兩個鐘先夠鐘上堂 周圍行下 搵間好d既餐廳食個晚餐再努力吧 就快考試 壓力真大。行左去柯士甸道 有雞煲 意大利菜 西餐 揀左呢間原居民 靜靜地 一個人享受寧靜 在香港其實都有點難度呢 就今夜對自己好點吧。餐牌寫了在黑板 好環保喎。晚餐包了前菜 餐湯 蒜蓉包 主菜 飲品 幾豐富～ 意大利風乾火腿配蜜瓜蜜瓜大大片 好清甜 火腿帶點甘香 微微的咸香 夾著蜜瓜一起吃 好開胃。意大利菜湯濃濃蕃茄味 雜菜全部都好入味 配埋香脆蒜蓉包 yummy!登登登登～主菜炭燒西冷配紅酒汁 真是色香味俱全！炭燒的肉味撲鼻 西冷燒到有網紋 看上去已經覺得好juicy, 肉汁好豐富 七成熟 帶點紅 肉質好嫩口 肉味又夠濃 吃不停口。配菜有酸忌廉焗薯 剛好是賣飛佛 哈哈。旁邊再伴上炒菜 幾健康。一個人的晚上 安靜而又滿足～ 臨走的時候 店員介紹午餐不需要加一 仲抵食 咁下次真是要再食過。

發現左間係柯士甸道既西餐廳幾正想介紹比大家！！地方又大又闊落，而家好少餐廳可以咁寬闊架啦！播著輕快既英文歌令氣氛更正！食左個set dimner, 小食有d墨西哥栗米脆片，餐廳自家制左d醬汁可以mix埋d栗米脆片度食，甜甜辣辣超開胃好味，忍唔住口叫店員refill左次添呀😁😁！！頭盤叫左個煙英國鱔凱撒沙津~麵包粒香口脆身，沙津菜亦夠哂清爽~煙鱔亦夠哂濃郁鮮味，整體超正好味。個餐湯亦都好濃好香。味道不錯！！主菜叫左澳洲肉眼扒拼鵝肝，鵝肝表層煎到香脆，內層綿滑細緻！口感creamy!! 而塊肉眼扒煎到剛好！一d都唔韌。牛味滲哂出黎好好味。旁邊d薯菜亦唔可以睇少！連個菜都好味~真係用心之作呀！！最後貪得意食多個甜品牛古力心太軟！流心效果超正~又唔會太甜！！太飽了~~

好姐妹生日 食西餐慶祝最好。之前聖誕去尖沙咀食韓食 經過呢間star cafe的menu都幾吸引 已經mark好左為2017想試既餐廳之一 趁住有節慶 就去試下。先有墨西哥脆片配蕃茄莎莎醬。香脆新鮮 蕃茄醬微微辣 帶點酸 好開胃 作為餐前小食一流～餐湯是意大利菜湯 好足料 蕃茄味好濃 唔會太酸 幾款雜菜再配上意大利粉 不俗。頭盤~鵝肝醬多士鵝肝醬好滑溜 帶有淡淡酒香 微微甘香 配上新鮮焗的薄脆多士 一流！主菜～西班牙黑毛豬配蜜桃汁黑毛豬扒厚切 大約七成熟 帶點微微粉紅。外面煎的金黃香脆 一切開 肉汁慢慢流出來 juicy!!!! 厚切豬扒 能夠做到口感嫩滑又juicy 認真抵讚！配菜都食得出心思。焗薯好甜 配上酸忌廉 煙肉碎和蔥花。焗南瓜好甜 再配上炒莧菜 是另一種驚喜 原來莧菜都配搭到西餐。生日點可以冇甜品～就梳乎厘當生日蛋糕吧！梳乎厘好大好高 賣相好靚。外脆內軟 不會太甜 再配上熱情果和士多啤梨雪葩 酸酸甜甜 為晚餐劃上完美的句號呢～

跟一幾位很久沒見的友人食Dinner, 人在佐敦行行下，看見一間燈光較暗而且充滿情調的餐廳，跟友人二話不說就走入去了。自家製鵝肝醬多士(Kim子推介指數5/10)香煎法國海鱸魚日本帶子皇虎蝦伴龍蝦汁 $288 (Kim子推介指數7/10)法國海鱸魚煎得非常香，而且肉色雪白，肉質嫩滑、鮮甜又味美。日本帶子皇大大隻又新鮮，彈牙好味。伴上龍蝦汁能帶出海鱸魚及日本帶子鮮味.朱古力梳乎厘(Kim子推介指數8/10)出奇地，一件簡單的朱古力梳乎厘非常好吃，又鬆又軟，小許甜味剛剛好，真是一個圓滿的晚餐!

聽聞柯士甸道間馬會經常中六合彩, 咁我就特意走去買一買個運氣返黎啦, 買左六合彩之后, 經過見到間餐廳, 價錢都吾算太貴, 就入去食啦入到去, 店員拎左個黑色壁報板出黎, 原來係SET DINNER既餐牌, 都幾有心思幾特別未食前菜之前, 店員拎左盤墨西哥薄脆片, 墨西哥薄脆片再點辣醬黎食, 辣得黎又夠脆身, 唔錯, 因為夠辣, 都幾開胃前菜係火箭菜鮮芒果汁伴虎蝦沙律, 火箭菜既青澀味道, 伴配芒果汁, 感覺幾持別, 芒果幾鮮甜, 虎蝦夠Q彈湯係田螺忌廉白菌湯, 內裏除左有田螺粒之外, 又有蔬菜粒提升咬口, 湯頭飲落幾CREAMYMAIN 係炭燒美國西冷排伴紅酒汁, 外表燒成一格格, 賣相幾吸引, 而且夠大塊, 三百幾蚊個餐都算值得, 令我讚既西冷扒裏面筋,口感較強但不會靱,肉味較強, 而且好JUICY, 正!意猷未盡既我點左個精選甜品併盤, 有TIRAMISU, 三色啫喱, 奶凍同雪芭, 我最BUY係三色啫喱, 三隻色夾埋特特別, 甜度剛剛好