原居民 (已結業)

行完街見到呢間餐廳環境好靚，咁就入左去食晚餐。餐廳環境好優雅，拍拖浪漫之選。入邊播住九十年代浪漫情歌，好有懷舊風情。叫左個set dinner黎食。野食黎之前有份脆脆dorito，加埋沙沙醬，原來可以咁食，味道好夹，幾好味wor。揀左我最鍾意火腿蜜瓜。火腿帶鹹，蜜瓜甜，兩個夹埋，好味，清爽，好開胃。之後黎左個野菌湯，外觀似芝麻糊，但入口係野菌味，鍾意野菌味道冇咁重的人會鍾意呢個湯。飲完湯，我既西班牙黑毛豬終於黎了！黑毛豬肉質係高質既，同平時食既豬肉唔同。肉同脂肪分配均勻，有水份同好彈牙，加埋黑椒味，齋食豬肉都好好味。可以加埋蜜桃汁一齊食，味道甜甜地，幾得意。蜜桃汁同豬肉溝埋一齊，要慢慢感受陣特別既味道。豬肉既鹹味，加埋蜜桃甜，先鹹後甜，幾特別，好似飲紅酒咁，慢慢欣賞先食到陣美味。仲有雪糕，芒果味同士多啤梨味。質感好滑，而且味道甜，好味。最鍾意係放假去到呢間咁優雅浪漫既餐廳。

今日係佐敦同supplier開完會已經成兩點鐘，淰住翻公司前食d野先，行行下，發現到呢間原居民餐廳，真係比區個名吸引到。門口擺設都幾特別，有棵聖誕樹。入到餐廳，可能係因為已經過左lunch time，所以唔多人，餐廳都幾大，位置都幾寬，擺設好整齊。比人感覺好舒服同整潔。睇餐牌，選擇都幾多，揀左個d餐，羊扒七成熟噶。我最愛噶蒜蓉包，一上檯已經聞到好香噶蒜蓉味，忍唔住立刻要食啦。好脆好好味，d蒜蓉味好夠。我揀左要沙律，個份量都幾多，配醋食都唔錯，d菜好甜好新鮮，好快就比我食曬啦。證明我好餓羊扒到啦。兩件羊扒都幾厚下，雖然肉質有小小硬，不過都算唔錯。薯菜炸得幾好，好脆，同埋好夠味。餐廳提供芥末醬同薄荷醬配個羊扒。個芥末醬好重芥末，點小小已經好夠，薄荷醬好清涼，點羊扒食完全中和肉類噶油膩感。全靠呢兩個醬，我可以ko呢兩件扒。最後呢個甜品，奶茶慕斯。食一啖已經愛上左啦，好甜好有奶茶味。又夠滑。呢個甜品真係令到呢餐飯更有滿足感。

之前聽聞已幫襯過的原居民裝修過後有新menu，有韓牛扒食，立即訂位試試，果然無令我失望，既有牛味又夠腍滑，可說是集美國牛和日本和牛之優點於一身，一定會盡快約朋友再去食過，因餐廳說這韓牛推廣期有限另外龍蝦和另一款海鮮拼盤都非常好，龍蝦雖然唔算好大隻，但個調味令我有深刻印象，不會過於重手蓋過龍蝦本身鮮味，也不會過份單調地只是鹽和黑椒，惹味得黎又帶出到龍蝦本身鮮味，一流！海鮮拼盤有銀雪魚，大蝦，帶子，每樣都食得出好新鮮，火候一流，特別魚同帶子都係特別容易over cook的食材，師傅卻處理得剛好，有焦邊得來卻不會過熟，配埋個龍蝦濃汁食非常正以上都係晚餐menu上選，每個主菜另有頭盤可以選擇，可惜我無影到相，其中一個非常特別，法國小膳海撒沙律，膳魚細細條，有咸鮮又唔腥，第一次食，好特別好好食，總括今餐每樣都好滿意，又抵食，同屋企人share食，埋單都唔駛一千蚊，以呢個價錢同質素，性價比超高👍

原居民 Star Cafe⭐️ 🍽 -炭燒紐西蘭西冷牛扒🐮-首先頭盤係香甜既洋蔥湯 可以配埋蒜蓉麵包🍞一齊食 好飲唔會覺得膩😋 而呢道炭燒西冷扒可以選擇配飯、意粉或者薯菜🍟 西冷牛扒有淡淡既炭燒味 肉質鮮嫩 點埋旁邊既紅酒汁🍷就更加好味道😍-原居民既梳乎厘同自家製🍫雪糕亦都好唔錯 值得一試 👍🏼 😆

許久前光顧過原居民，當時叫意大利餐廳。午餐價錢大眾化，食物不錯。今天經過，午餐價錢不算便宜，也難怪，百物騰貴。前菜可選湯或沙津。我和Honey各選其一。南瓜忌廉湯。很濃滑，Creamy而不太濃稠，熱騰騰。南瓜味也清甜。而餐包是蒜蓉法包，剛烘，很香口！而沙津呢？是凍肉片和沙津菜，配黑醋油。可能是整碟做好，整碟放入雪櫃。因為，除了材料是凍的，連碟和黑醋油盛器都是凍的。全都太凍了，反而吃不到菜的新鮮味道。Honey點龍脷柳蟹柳焗飯。上面是一層烘香了的香濃芝士。近乎全碟是龍脷柳！竟然只得幾口飯。反過來，龍脷柳是主食，飯只是兩三口小角色。蟹柳呢？找不到啊！我選烤鷄腿虎蝦。虎蝦，是大粒蝦仁。烤鷄腿，是炸。還可。但，餐牌上沒注明是跟飯或意粉或薯菜…侍應也沒有問。食物，還可。相對來說，價錢，稍稍貴一點點。不過，在佐敦尖沙咀等地方，難得有一間人不多的餐廳，週末的清靜，便不錯！

唔係太多人知道尼間餐廳，所以唔會太逼同太嘈。三行人叫左兩個湯，餐湯：南瓜忌廉湯，紫薯忌廉湯南瓜湯可以再濃D會好飲D紫薯忌廉湯好好飲炸得制我最鐘意尼度黑毛豬，醬汁調得好，肉質嫩滑，味蕾享受。梳芙厘，口感似泡沫咁輕，一點都也不漏。

本身行去韓國街搵野食, 行行下覺得唔想食咁熱氣, 咁辣, 所以都係投降去食西餐。呢間野完全唔起眼, 通常大家起路邊都係路過, 所以睇到餐牌先發現原來係餐廳,入到去人都冇乜, 但餐單都富豐, 價錢百零蚊至4百幾蚊都有, 咁諗住做完野辛苦同老婆食餐好少少, 食貴少少都OK, 大家都點左個要4百幾蚊埋單既餐。不過點餐時係位阿姐來點, 一句「食咩?」, 難聽D講, 臭口臭面, 仲衰過茶餐廳阿姐,係個阿叔就叫做有D笑容, 上餐個陣都會問我地試唔試下甜品。味道其實OK的, 以咁既人數黎講唔洗迫算係咁, 唔太差。不過中途叫飲品, 叫倒水, 都係KEEP住臭口臭面, 老實講真係唔開心,唔怪得而家服務業成日俾人話唔識笑, 其實唔笑之餘, 如果加埋臭口臭面,咁個經歷就唔多令人LIKEY。埋單個陣個其他阿姐埋, KEEP住一貫既臭口臭面, 我心諗, 咁我都食左兩個餐呀, 都唔係CHEAP客呀, 我又冇得罪你, 係咪真係咁唔憂做? 咁唔想做我生意?埋單走左之後老婆都同我有同感, 大家都覺得佢地好臭口臭面, 我諗唔會有下次。

位於尖沙咀柯士甸道的原居民，令我驚喜萬分，我地公司5人去食生日飯，我點左頭菜系虎蝦火箭菜沙律，呢個沙律特別之處系4塊芒果鋪底，跟住火箭菜，秘製沙律醬，加虎蝦，成個感覺好fresh.小小酸，好開胃，火箭菜的營養價值高，虎蝦有新鮮彈牙，整個配搭一流，跟住點左個碳燒澳洲和牛眼牛排，7成熟，一上台已經香到不得了呢個分量足2個人食的扒，我自己食曬，牛質滑，多汁，原汁原味，完全無渣，回味無窮，我配搭薯角，外脆內軟，好味，跟住距地細心地幫我地分蛋糕， 果晚生日很快樂

行左一日街，唔知食咩好，老公就帶左我去食佢未入行做飲食時，已經覺得好好食既西餐。未入行時既佢，並唔識得好多野，係個陣時既老公，佢覺得哩間西餐廳好好食，價錢合理，亦都開左好多年。老公話就算相隔2年再去光顧，味道一樣，佢深信間餐廳多年來都無換過廚師。我地去到既時候，餐廳經理已經好熱情地招待我地，安排我地坐牆邊既2人座位，亦都溫馨提示左我係風口位，我都覺得無問題，仲放多左一張椅俾我地放袋，非常體貼。坐左一陣，經理就拎左個set menu 俾我地睇， 選擇頗多， 頭盤同主菜都各有7-8個選擇。我地選擇左兩個set dinner,老公叫左個salmon 做頭盤，主菜係燒春雞。而我就叫左ham with melon,主菜係炭燒牛柳，4成。 另外我地仲叫左半打Pacific Rock 同煎鵝肝。首先黎既當然係生蠔，大隻得黎，好新鮮同creamy，超好味!之後就係我地既頭盤，賣相簡單，味道很好。Ham with Melon，melon非常甜，ham咸香味好重，絕配。鵝肝外身煎得好crispy，內裏texture 岩岩好，入口即溶。跟住都salmon，由於我本身唔食salmon，所以就由老公一個人食哂。

行左好耐, 吾經吾覺俾我地搵到呢間cafe, 於是就入去試下!入面環境舒適, 好浪漫~佢有dinner set, 不過好得意既係... 佢無正正式式一個餐牌, 但如果散叫dishes就有~但個侍應就拎左一個黑板, 上面寫左幾個晚餐, 擺喺我地枱面前俾我地睇,我諗佢地吾印番個晚餐餐牌出黎係因為可能佢地晚晚轉晚餐menu?!跟住我地叫左兩個晚餐,如果吾揀湯既, 就每人揀一個前菜~落完單, 好快就上麵包同前菜,前菜叫左個海鮮拼盤同埋煙三文魚~到main dish就等左30幾分鐘先有得食...叫左燒春雞同豬膝個豬膝淡淡肉, 加上佢用左新鮮蕃茄醬淋上面, 食落去無咁肥膩, 好味道!So far, 除左上菜上得慢, d野食同服務都吾錯呀!

每次黎原居民都有員工擺出menu 比我地簡set dinner, 今次我簡左2 個 set1)黑毛豬2)燒春雞>>前菜磨姑湯的味道很濃, 不過飲落就希左dPama Ham Ok la>>主菜燒春雞ok, 細細隻, 女仔食fit. 配菜黑松露菌薯容幾好, 很香. 配菜南瓜很so!!!有羊味 ><黑毛豬都幾多汁, 配菜薯條熱騰騰,.good!

印象中是第２次来這裏。Happy Friday!這裏食物不錯、有很多選択！望着手寫的黒板Menu都有点迷茫,因為様様都想試！経理好有耐性介紹食物和食材、沒有嫌我地麻煩。讚!最後我揀左羊架! 厚身羊架, 而香蒜意粉好香, 份量而剛剛好, 的確好味。 頭盤的芒果沙律配蝦: 沙律口感清新, 蝦亦很新鮮, 不錯。朋友點了巴馬火腿配蜜瓜, 份量亦很足!覚得這裏是一間用心製作食物的餐廳, 服務亦不俗！会再来！ 萍果批好香, 一層層, 配以雪糕, 好香脆。心太軟雖然有點普通, 但水準不錯, 特別是雪巴! 爽!!

〈黑毛豬愛上紅酒〉文：嚴翔衛不知不覺，沒寫食評已有三年多。飲食從未斷，但要凝固一段經驗，卻多少依賴心情，還有呼吸。人們說重生的體悟，往往比擬為翻開新的一頁，有些人在空白的一頁寫日記、繪圖，甚或摘錄《聖經》金句以獲得心靈的激勵。至於我，名字依舊，還是在新的一頁寫上食評。飲食所支撐的何只是身體，更重要的是靈魂。我是我的原居民。即使轉變，也不可能捨棄自我，斷捨離只能是身外物，我還是那個樣子。如果身邊的人並不住在你的靈魂裡，那麼可以選擇移民，否則身體引發的災害絕對不輕。工作辛苦了一個星期，總想找一個舒適的地方鬆弛。和妳到尖沙咀找樂譜之後，妳帶我來到原居民餐廳，燈光像鋼琴奏出的和諧，環境十分舒適，侍應領我們到餐廳的一角，坐下的一刻像按下邊緣最低音的琴鍵，深厚而安頓。侍應的服務很好，為我們介紹是日餐牌上每一道菜的特色。我們決定前菜為海螺、三文魚和沙律，點了煎黑毛豬伴蜜桃汁，喝熱咖啡。額外還選了一客虎蝦蟹肉芝士闊蛋麵，再加一杯餐酒。海螺一隻，三文魚兩片，份量少，而黑毛豬有兩塊，八成熟，表面有輕輕煎過的香脆，切開可見白裡透出絲薄的粉紅，入口堅實豐美。薯茸帶有菌香，也是難忘的滋味。至於虎蝦蟹肉芝士闊蛋麵

從外表看不出來原居民到底有多大、吃甚麼，內部環境合不合心水，要不是朋友說在這麼聚餐，我想既使經過也不會選這間。這天星期日，約了朋友們中午在這裡，小小的店面原來內有乾坤，位子蠻多，裝修西式，坐的算舒服，而且每桌之間的空間不少，談話的秘密度也高，不錯！出奇的是星期日還有幾個人在排隊，原來不少在附近教會做完禮拜的教友都會在這裡用午餐。龍脷柳虎蝦芝士焗飯午餐以西式套餐為主，選擇不少，包括有$160的西冷扒、$120的三文魚扒、$98的意粉等六款套餐。我叫了一客「龍脷柳虎蝦芝士焗飯」，賣相不錯，芝士夠香，炒飯底也炒的乾身，龍脷柳蠻滑的，沒有甚麼雪藏味。整碟有三隻號稱的「虎蝦」，但怎麼看都不像，最多是稍為大隻的中蝦，不過蝦肉倒是爽口彈牙，味道不錯，跟套餐的還有湯、蒜蓉包和一杯飲品。整體而言，水準不錯，只是服務略差（對熟客例外）。

1. 砵酒燴牛脷配闊麵$89：頭盤選了沙律，蔬菜份量及種類也多，油醋也好味。主菜的牛脷有4件厚切，熱食OK，放涼了有點酥味。但闊麵份量不多。2. 炭燒紐西蘭西冷扒$98：頭盤是南瓜忌廉湯，好飲不膩。扒OK，亦有炭燒味。餐飲杯咖啡也很好。