原居民 (已結業)

五個人食,見到個menu都覺得幾貴(對我來說),set dinner $98-219, 我叫了牛排$219, 味道一般,無想像中甘好味,薯條完全唔得,林都爆!! 不值!! 媽的銀雪魚$169,有雪味,最好食的是豚肉$169..他們說可以不吃全熟...但我們不肯,但一樣好好味..有肉汁不"鞋"..頭盤幾樣都不錯..心太軟可以拉,不夠朱古力味...湯無飲不知...如果個set dinner包埋湯會好d...service 幾好..sunday 7.15-9.30 pm 都不多人...埋單一千二百幾..

今晚兩個人去食，套餐價由百多至二百多，另外也有一些特別貴價的食品（例如和牛、生蠔...），豐儉由人，選擇也不算少。食物質素不錯，只是分量略小。招呼很好很細心，知道我人share食物，會識問我地是否要幫我們分碟；見我老婆食個羊架食到用手，會自動攞一碗檸檬水給她洗手。只是擔心這間舖做唔住，因見只有五六枱人，生意淡薄，可能因為是星期一吧。氣氛都算靜，兩個人談心都幾適合。

聽了這家店的名字已有一段時間. 舊舖時曾經想幫襯過但店子實在太少太多人, 所以沒有試過. 昨天行經新舖才知道搬了, 而且人不多, 所以試一試.有六個set dinner, 很多都合口味, 頭盤叫了煎帶子伴芒果沙律汁和鵝肝鴨胸. 帶子很大件, 煎得很香口, 內裏仍很嫰滑. 可惜芒果沙律汁味道怪怪, 伴碟的青瓜生得有點草青味. 鵝肝鴨胸原來是把鵝肝醬放在一個類似蛋撻的批皮內, 十分有趣, 鵝肝醬本身也十分美味. 煙鴨胸味到剛剛好, 不會太鹹.主菜點了肉眼扒和白汁老虎蝦螺絲粉. 肉眼扒帶很香的炭燒味, 肉汁鎖得很好, 配上燒汁洽到好處. 燒汁的味不會太濃, 搶過肉汁的味. 薯蓉得像雪糕一樣. 白汁的味道層次豐富, 香濃的白汁, 很creamy, 又不會太溜, 帶有淡淡的香草味, 和老虎蝦的海鮮味. 份量剛剛好.環境比以往好得多, 而且人不是太多, 頗為寛濶. 服務好得有點怪, 因為類似部長那個職位的侍應好像以唔好意思作為口頭禪. 其他的都很有禮貌.晚餐由百多元至二百多不等, 但味道絕對是酒店的水準.

以前番舊公司0個陣, 好多時同同事都去佢0地舊舖食LUNCH, 最鐘意佢0地SET LUNCH個沙律, 味道同賣相都好好!!!!前日經過新舖, 就入去食個LUNCH喇, 個感覺同舊舖完全唔同, 新舖舒適好多好, D座位好闊落, 唔似好前屈蛇咁, 不過宜家SET LUNCH就只可選湯或沙律其中一樣!!!!最想唔到就係我無去咁耐, "高佬老闆"仲認得我, 仲記得我個SET要加"底", 如果唔係我食唔飽!!!! 食物就多左好多款式, 不過個價錢都有變動, 就係並唔係畫一價格, 不過D食物都仲係有水準, 我指0既係味道同賣相都正呀!!!!

同朋友去食晚飯. 仲以為會好多人, 但成晚計埋我地都係得四、五枱, 好少人. 不過冇所謂啦.佢地有set dinner, 但因為唔啱口胃, 所以我地三個人叫左一個set, 加兩個散叫0既main dish: 南瓜磨菇Lasagna同銀雪魚'pa'. 個賣相都幾好, 不過味道就麻麻, 不太特別. 不過個Lasagna就唔錯, 可能出面少呢類0既野啦. 甜品就叫左blueberry cheesecake 同朱古力軟心. blueberry cheesecake 味道好普通, 自己整仲好食. 朱古力軟心.. 都係去第二度食吧啦.service就唔錯, 可能係因為實在太少客, 所以可以一枱table有三個waiters serve你.從decorations, setting and pricing 可以睇得出佢地想走高尚路線, 但食物水準只係好普遍0既cafe仔.... 總之就唔會再去啦!!!!!

黎過呢度好多次, 原黎都唔得俾comment. 第一次黎佢地剛開冇耐, 因為入到去冇人理所以走咗, 印象分即時大減, 但同事話俾多次機會佢所以再去, 發覺佢地的食物質素唔錯, 而且服務亦相當好, 可能第一次去人手唔夠所以先會冇人理.呢度午餐價錢由$39 ~ $59, 沙律/餐湯, 主菜及茶, 全部都做得相當用心, 尤其鍾意佢地既pasta, 因為其他食肆的大都太糊, 但佢地的pasta就軟硬適中, 好正. 以前試過牛脷扁麵, 牛脷口感很好, 不會太"淋". 不過最近食就差咗d, 而且以前佢地既奶茶都好正, 唔似一d餐廳咁係冇味既茶包茶, 但前日去發覺連奶茶都唔正, 冇乜味, 希望下次唔會咁啦.呢度最值得讚既真係service, 佢地d server真係好好笑容, 只係有時比較忙會照顧唔到, 不過得閒時佢地都會即刻黎say sorry, 希望佢地可以保持呢種服務態度.

今天與新朋友仔到了此西餐廳午膳, 環境舒適, 感覺舒服甫一坐下, 侍應遞上的不是餐牌, 而是一個黑板仔(!)黑板上寫看7-8款set lunch, 價錢由$39-$70多元不等, 不設加一(竟然!!!)前菜可選田園沙律或餐湯, 我與朋友仔每樣選了一款沙律: 蔬菜ok, 配上恰到好處的橄欖油及醋, 味道不錯餐湯:是忌廉湯, 香濃, 口感很好, 感覺是”磨”出來的主菜: 我們同樣選了忌廉汁義大利扁麵: 哇, 好味到不得了—雖然我本身不喜歡忌廉汁, 但這一次竟然KO了整份!!!!! 麵身不會太淋太硬, 有口勁, 配菜有少少煙肉、蔬菜等, 加上淡黃色的忌廉汁, excellent!!!而且份量不少, 不像外面某些食肆是碟大大, 食物得少少.餐茶較遜色, 雖然涷飲不用加錢, 但檸檬得2片就未免太少啦服務很好, 待應很有禮

係呢間餐廳附近返學，有時食lunch 會黎呢度覺得d野都幾ok，起碼好過之前間marco bristo，同埋d waiters 成日同我地講笑，好有親切感有似佢見我地讚D薯仔好味仲整多碟俾我地最鍾意呢度d 凍古力(drink)

同尖咀妹食,主菜求其要左雞,羊.條女話羊羶彈比左我,我覺得一般啦.雞就認真麻麻喇~

一向都去開亞士里道o個間, 而家搬o左新鋪, 我成日都會去. d o野都係好好食. 好有心思. 甘荀都可以磨成蓉上碟, 好味之余,可以感受到佢地o既誠意. 主菜我試過chicken, lamb, pork. 樣樣都有驚喜. 待應招呼細心及有禮. 價錢公道, 值得時時食.

一入門口覺得氣氛都唔錯, 燈光偏向暗暗的, 近門口一排高枱高椅有點Bar feel.坐低之後, 侍應拎來了寫左晚餐款式的大木牌給我們選擇. 點了兩款晚餐, 包頭盤, 主菜, 餐茶. 主菜要了牛柳& 羊架. 兩款頭盤分別有刺身+沙律同埋湯+鵝肝+香口小食, 每款的的式式, 味道一般. 兩菜主菜都要了七成熟, 但牛柳有點overcook, 無咩味. 羊架則唔夠七成. 幸好羊架唔太羶, 我都0岩食.再點兩款甜品, 白朱古力雪芭配南瓜芝士蛋糕和心太軟配蜜瓜雪芭. 這裏的心太軟做得唔錯, 朱古力味香濃但唔太甜, 配蜜瓜雪芭吃好味. 而南瓜芝士蛋糕則有點失色, 其實係軟芝士蛋糕加一層南瓜醬在面, 兩者味道有點分離. 反而在旁的白朱古力雪芭味道唔甜漏~服務方面, 侍應都幾主動有禮. 而本來這裏的裝修氣氛幾適合情侶, 但檯與檯排得較密, 要扣點分數呢.

其中一位mgr勁串.餐廳的價錢唔平.但估唔到果個mgr咁無禮貌..一定唔會再去..幾好食都無用...谷住度氣走

已有一段時間沒來過這餐廳，這是我第一次到新鋪。地方大了，裝修及燈光等很有情調，服務很週到。食物方面，晚餐價錢由98至198，仍很化算。兩個人分別點了牛扒配鵝肝及魚柳扒，不過不失。總括來說，如果閣下要要找一個地方敊舊和聊天，這處是一個不錯的選擇。

昨晚我第一次黎呢度，又覺得ok喎，晚餐價錢有平有貴，食具精致，環境睇落幾grand，味道都ok得得地，侍應雖然有些微出錯，但係總體黎講都做到本份。我比較欣賞佢地整食物幾有心機，連湯送的蒜蓉包好好味，配碟的薯角上面釀左芝士，頭盤有幾種食物，每種一舊，都算係咁啦，我諗我會再去。

有一天同朋友行街，見到一間餐廳門口很特別，玻璃是緣色很有時代感便入去試下，我叫了一客沙律和焗豬扒飯朋友叫了一客雜菌湯和燒鴨配茨菜，想不到這個沙律非常精美及很有水準，個湯又香儂，到了上主菜時看到那焗豬扒飯買相當了得，豬扒入口肉質鮮味飯焗香好；燒鴨香甜又大件，再加上一抔凍咖啡，惦！惦！更想不到是收加一及凍飲又不另收費！只是$39元~真是很便宜~