叁茶陸飯

營業中

休息中

今日去左叁茶陸飯度食下午茶，因為疫情關係，店內唔多人。我同老公二人叫左兩個下午茶套餐，另外再加小食。我叫左蔥油拌麵，加滷水蛋，個蛋好肉酸🙈但太乾，感覺好似被人切左好耐好耐好耐咁。但係個拌麵好好食☺️老公叫嘅牛肉麵都好食😋兩個套餐都附有冷盤小食，但就麻麻哋好吃蒜泥白肉 同花枝丸就好吃😋😋😋飲品分別叫咗珍珠奶茶，同芝士奶蓋綠茶。味道都可以，預期中的味道本身想坐多陣，但係隔離枱有個呀叔喪咳，所以食完我都急急腳走🏃🏻‍♀️唔記得左食左幾多錢😂不過應該都會再光顧👍🏻

今次黎到係愉景新城隔離嘅中染大廈嘅8米半商場，餐廳係食台灣野，咁就睇吓個肉燥飯係咪真係同台灣個邊一樣咁好食先😋⋯⋯我叫左台灣肉燥飯($38)，係呀淨係叫一個飯咋，未講野食之前，間餐廳都幾易搵，不過差啲行過龍去左愉景新城，8米半一路直行就見到。11點去到一個人都無，入面裝修幾靚，內部環境唔錯。星期一至五中午食好似有折頭，緊係早去先有啦😉，不過今日係星期日，所以係無任何優惠咖😔⋯⋯台灣肉燥飯($38)，價錢黎講都算抵食嘅🤩，睇翻個餐牌，有兩張餐牌，一張係打直嘅，另一張就係大大隻字寫住Lunch Set，依張餐牌會貴啲，問過店員兩個都係同樣份量，Lunch Set個個台灣肉燥飯要$56，但係多左個前菜同埋有杯野飲(南投小農紅茶或彰化苿莉綠茶)。若果Lunch Set連加一要$61.6 ($62)比淨叫$41.8($42)貴咗$20到，唔同嘅係多咗個前菜同埋杯野飲。我覺得淨叫會抵食啲，唔夠嘅可以加多個小食都得⋯⋯肉燥飯個賣相都幾好，似足係台灣食嘅肉燥飯。咁都要試吓個味似唔似先，肉燥份量幾多，仲有半隻滷水蛋，肉燥夠入味，但唔會好鹹，撈飯一流，啲滷水汁覆蓋晒啲飯，粒粒飯都有滷水汁。一啖又一啖咁放入

去完台灣冇耐 好掛住d台灣野食 於是就同朋友去咗呢間餐廳食dinner😙雖然比起台灣,d野食嘅價錢的確唔係好平,但為咗止癮都照試試佢!!!我同friend叫咗2樣野食,1杯野飲同一個甜品一齊share😳１.台灣肉燥飯首先係正餐,台灣肉燥飯! d肉燥咸同甜嘅味道balance得幾好,但我覺得d肉碎好似有小小大粒得濟,但overall黎講係幾好食嘅!2.塔香鹽酥雞送上黎嘅時候熱辣辣,仲出緊煙,應該係啱唔炸好好脆,完全唔油膩, 同台灣夜市食嘅鹽酥雞有得揮👏另外,佢嘅擺盤亦都幾靚, 鹽酥雞上面有幾塊葉, 雖然唔知係咩葉, 但d味道都幾特別😂3.芒果海鹽芝士奶蓋不錯,幾香奶味又唔會太咸,芒果味都幾出,鐘意芒果嘅人可以試試佢4.黑糖芋圓仙草凍4號一個字:正! 我同friend搶食咁濟

服務態度差，點左杯熱水果茶出錯凍，明顯原杯拎去就咁叮返熱，味道欠佳，水果茶serving應該壺優雅透明茶煲上，佢就咁一個普通杯，收15% service咁嘅質素？

行完愉景新城,就想搵間台灣野食,知道中染新城有間口碑幾好既台灣野,要排隊都要去食!入到去見間店雖然好大,但都坐滿晒人!我地都肚餓,二話不說即叫左個魯肉飯,D魯肉唔鹹非常好味,飯香四溢,好正!食台灣野梗係要食牛肉麵啦!好大碗!D牛肉好入味又多份量,D湯都好濃味!我地仲叫左個炒野菌,都係好大碟,D椒鹽吊起D菇既鮮味,一D都唔寡!又健康!仲有D quota,於是叫左個醉雞,都好夠份量,不過唔太入味,D肉有D老,扣少少分!然後仲試左D台式特飲,我地叫左杯石榴汁同梅子特飲,都不過不失啦!

在荃灣找台式牛肉麵，見評語都ok，即管試一試，假日套餐，叫左個台式牛肉麵($88)，另一個叫台式牛肉孖寶麵($93)，再加香辣鹽酥雞($48)同套餐加配蒜泥白肉($32)，飲品點左招牌黑糖珍珠炭燒烏龍(套餐加$20)及巧克力珍珠拿鐵(套餐加$37)。等左十分鐘，先黎飲品，黑糖珍珠炭燒烏龍，非常淡如水，無甜味，巧克力珍珠拿鐵好少少有甜味，似朱古力奶，再黎小食，鹽酥雞唔脆，少辣，用雞胸肉，無骨，肉偏鞋，蒜泥白肉非常咸。到主角牛肉麵，湯頭淡無牛味，麵質正常，牛肚夠淋算最好食，牛肉用牛展，又un又鞋，搭2條小棠菜。整體偏差，全部食物偏淡，可能愛清淡人士啱食，但本人覺得連正常味道都無，環境不錯，價格偏貴。

去荃灣睇傢俬之前，找間飲品店，邊行邊飲。見到叁茶陸飯，有印象之前網上見過別人推介他的仙草芋圓系列。加上工業風裝修幾特別，於是俾個機會佢。最後決定飲最基本的黑糖珍珠茉莉奶綠。其實最喜歡係佢最緊粉紅色嘅stopper 好靚茉莉奶綠味道一般，正正常常；珍珠味道都正正常常的，夠q彈嘅；喜歡佢真係同我做咗少冰😂 因為有一些店是無視客人這個要求⋯⋯其實整杯飲品會太冰凍。25元，價錢合理。希望下次試下仙草芋圓系列！

今日約咗客係愉景新城傾嘢，我特登早到一個鐘，因為要嚟呢度食台灣嘢！呢間嘢12點半前埋單有85折，早啲去直頭係抵到爆。11點半去到有10枱客到。我是但坐過四人位都無詐我型。我叫咗個台式肉燥飯加多個台式鹽酥雞。個餐有免費嘢飲，我叫咗杯凍低糖綠茶，份量都唔少，係surprise的。個餐等咗20分鐘左右來到。我本身以為真係得一碗肉燥飯，點知原來有好多小菜跟，例如有手拍青瓜，蓮藕同埋一碗雜菜，好健康！鹽酥雞好鬆脆皮薄餡靚，係今日嘅另一個重點！因為份量多嘅關係，我爭啲12點半前都未食完！ 

最近先去完台灣，超級掛住台灣啲嘢食😭今日嚟到呢間餐廳，我哋叫咗鹽酥雞，我見到張張枱都叫，所以我都叫，勁大份，我都食唔晒🤣我覺得佢整得幾好，炸得好香脆，外脆內軟，仲有嗰啲椒鹽粉令到成個菜式昇華不少😜😜😋而個滷肉飯其實都唔錯，滷水味十足，豬肉份量不少。仲有滷水拼盤，又係好大份，雞翼啖啖肉，幾腍，牛肚好大件，好厚肉，食落好爽😋仲有豆乾同埋花生，而滷蛋就有啲普通啦當然唔少得珍珠奶茶啦，味道正常。

同朋友行過荃灣8咪半附近，覺得肚餓就行咗入去搵嘢食近近哋廢事再行，台式嘢感覺應該穩陣嘅整體我覺得都OK，但台式嘢好似欠咁啲台灣味道經典三杯雞 $88三杯雞係必點嘅，算係最好嗰味雖然佢寫明係辣，不過我覺得其實唔算好辣醬汁幾惹味，啲雞都吸收咗醬汁精華只係配菜比較多，雞好似份量唔係好夠台式蝦仁蛋炒飯 $78因為想醫飽肚，所以一定要叫一個飯蛋炒飯係最穩陣嘅菜式呢味菜式話易唔易、話難唔難要將蛋炒飯炒得好其實唔容易蛋同飯比例要啱，炒嗰時要快速炒勻喺蛋熟之前就要將蛋同飯混合蛋汁包裹每粒飯粒就最好啦今次呢碟都可比佢合格嘅蝦仁數量算唔少啦試過有啲餐廳得2-3粒台南鳳梨蝦球 $108菠蘿喺式，蝦球喺面，上面再淋上沙律醬，灑埋彩虹朱古力碎齋睇充滿色彩，打卡一流！蝦球輕輕炸過，咬落有薄脆感始終炸物有油份，往往有油膩感覺下面用菠蘿墊底就啱晒沙律醬同菠蘿嘅酸甜味就正正減低炸物嘅油膩加上少少彩虹朱古力碎，帶上一啲甜味感覺好清新開胃黑糖珍珠鮮奶+芋香紫薯鮮奶茶 $38+$282杯都不過不失，但個人覺得有啲甜，下次叫少甜好

分別試過櫻花蝦肉鬆蛋炒飯和台式牛肉麵。前者值得一試再試。十分推介。後者普普通通。唔覺突出。以午飯來講都偏貴。但有機會會試埋其他午餐。環境不錯。好過一般台式餐廳。不過環境嘈吵了點。

突然好想食台灣菜，於是就約朋友去試多次。平日夜晚7點半左右，等咗大概20分鐘先可以入去。叫咗兩個麵加兩個小食，份量十分足，兩個人都食不完。台式牛肉麵 味道正常，牛肉份量很足，湯底味道很濃，配埋酸菜令到成個味道好豐富。但麵質屬於較粗，上菜時麵底大部份粘在一起，需要攪拌分開。蒜泥白肉 蒜泥味道很香，醬汁偏甜，經調配令蒜的味道不會太重，食完都唔會在口中留太大蒜味。白肉反而有小小失色，肉質不太爽口。蚵仔煎 不太正宗，沒有糯米餅底，有小小似薄版潮州菜的蠔餅，加上醬汁與蒜泥白肉的相似，味道不太對。賣相 4/5口感 3/5味道 3/5番食率 3/5

今日諗住出去宜家傢俬睇傢俬 所以就去咗中染大廈食嘢先搭電梯一上到去轉左就見到呢間 餐廳由於大家都好肚餓 所以我直接喺呢間食入到去都幾闊落 坐落去都幾舒服由於嗰陣時十二點所以冇咁多人 我地叫左滷肉飯加蛋同招牌排骨飯讚下先效率都幾快 唔洗好耐就送到佢地酥炸排骨同出面唔同嘅就係唔會乾爭爭竟然係咬落去有肉汁 如果可以大份啲既話就正呀另外仲有兩樣開胃既拍黃瓜同蓮藕另一款滷肉飯 味道唔會太鹹 而且送飯一流 但係我覺得鹵蛋有略鹹左少少 最後就揀咗佢哋套餐嘅飲品青茶好香嘅茶味都幾好飲

行開宜家傢俬，本身諗住食埋野，不過提早收工，咁就睇吓附近有咩食啦，落到商場樓下見到呢間鋪，好似幾靚咁，於是今晚就食呢間！豬扒飯係香嘅，雖然炸過，但係都保持到肉汁，香口，幾好食！三杯雞醬汁濃，惹味嘅！薑同埋算都爆過，其實都幾好食，不過就係冇台灣食個種淡淡的酒香味鹽酥雞髀菇，唔知係咪放左好耐，上到枱嘅時候已經唔係熱辣辣，自然會有啲失色嘅，調味都算出色，鹹香蔥，雞髀菇又唔會炸到乾爭爭整體來講，我覺得呢間餐廳係偏貴嘅，一個小食都$50，但係又唔係啲咩特別野，不過裝修靚嘅，座位都舒服，勝在呢個位唔算多人，適合傾吓計嘅聚會

同好耐無見既朋友食飯，有人想食中菜，有人想食越南菜，有人想食台灣菜（其實得3丁友）結果猜包剪揼決定左食台菜啦。當時大約8點 無須等位，環境都幾開揚，入座發現裡面都仲有好多位。3人叫左8餸，本來以為佢唔大碟，黎到原來同想像中有啲出入😅不過啱晒我地大胃王，只係個鴨血豬腸同魯肉飯比想像中細啫。我地叫左魯肉飯 排骨炒飯 鹽酥雞粒 鹽酥菇 炒豆 鴨血豬腸鍋 水煮魚 同埋口水雞，鹽酥雞有啲硬，個菇味道都ok, 我覺得佢切得夠大粒，所以食落去都食到有口感、有菇味。其他炒豆角、水煮魚 口水雞 味道都不錯，正常水準啦。鴨血腸個汁就好夠濃，幾香，只係略嫌鴨血唔夠滑啫。另外2個飯都唔錯，魯肉飯個汁其實可以食多碗飯埋單一人2百幾，下次如果再黎都會試下其他野