叁茶陸飯

營業中

休息中

第二次黎食lunch啱啱開張嘅時候黎過一次今日再同朋友黎食 好似好食左lunch set黎講 價錢唔算平叫左一個紅燒牛肉麵 加椒鹽豆腐牛肉麵好食 份量都好多 大食嘅我都食唔晒佢啲麵 湯偏甜但我覺得好好飲 牛肉夠淋 幾好食椒鹽豆腐不像我預期 我預期咬落去係軟嫩嘅豆腐 但佢嘅感覺好似加左魚膠粉咁 比較彈牙同實正 有啲奇怪 飲品點左芝士奶蓋烏龍加珍珠佢唔記得加珍珠 由於奶蓋已經封住左杯飲品 於是佢另外比一兜珍珠我自己加都幾大兜 珍珠有甜味夠煙韌 幾好飲整體黎講味道ok 係唔太值呢個價

週一的平日大約7:30想一家人食晚飯、想食啲香口啲嘅嘢、諗起不如食台灣菜啦、所以就去咗八咪半的「叁茶陸飯」、地點相當方便、好近地鐵站、行過去大約8分鐘。四個人叫咗六樣嘢及一碗白飯。麻辣大滷水拼盤：幾辣好香口、雞翼好Juice、牛肚好入味夠淋有咬口、滷水蛋同花生都好入味、豆乾好入味但有啲硬、$98大份又抵食三杯雞：上枱時煲仔渣渣聲好吸引、味道好香、雞肉唔乾、好味皮蛋豆腐：汁醬杰咗d、皮蛋豆腐一般大路、肉鬆唔係貴野、40幾蚊都抵食嘅香酥雞排蛋炒飯：雞扒好大件又厚身好脆又唔油、勁Juice。蛋炒飯底唔油夠乾身好味塔香鹽酥綜合拼盤：花枝丸好味夠彈牙、鹽酥雞完全中伏、一粒粒好碎唔好食、甜不辣更差硬繃繃好乾、台式香腸幾好一般大路、都算抵食嘅鳳梨蝦球：完全係伏中伏、叫嘅時候以為係好靚用一個菠蘿裝住啲炸蝦球好似咕嚕肉咁、但原來係炸蝦球上面林沙律醬白曬曬賣相非常之差⋯希望改善一下服務態度、招呼入座位男士好似想趕客咁、同佢講話啲鹽酥雞太碎佢話來貨係咁⋯咁即係大家以後去唔需要嗌鹽酥雞、因為唔係餐廳自己整、是叫貨返嚟的總括嚟講味道真係唔錯、味道雖然好濃味但係唔太多味精、碟頭夠大好抵食、下次會再來的

行下荃灣，又差唔多到tea嘅時間，呢間想食好耐，佢哋嘅logo好得意，叫做"叁茶陸飯"。佢哋嘅Tea Set由Set A至Set L，共有十二款 選擇，免費飲品有南投炭燒烏龍茶和南投四季春青茶。 如果唔夠飽仲有12款小食可以加，價錢由$6至$28不等。我哋兩個人揀咗一個塔香鹽酥綜合拼盤，加錢轉飲品凍海鹽芝士奶蓋四季春茶;凍海鹽芝士奶蓋玄米煎茶。下午茶拼盤分別有花枝丸兩粒台灣腸兩條和鹽酥雞。估唔到個拼盤份量都唔細，廚師仲好細心將D 台灣腸切到一片片，腸配埋蒜片食簡直perfect，仲有側邊有兩碟小吃伴碟分別 有泡菜同埋鹽脆花生。飲品個茶底就好似淡咗少少，芝士奶蓋都有creamy嘅感覺。坐位嘅環境都好闊落， 裝修和燈光覺得有啲warm feeling。

今日 我們Lunch食台灣菜我們叫了「塔香鹽酥綜合拼盤」、「和風秋葵」「台式牛肉麵」、「關西仙草奶茶」、「法芙娜朱古力珍珠奶茶」🍽🍽🍽🍽🍽🍽🍽🍽🍽🍽🍽🍽🍽🍽🍽🍽塔香鹽酥綜合拼盤：台灣香腸好味, 花枝丸正常, 鹽酥雞比較乾 無鎖緊肉汁, 炸甜不辣正常和風秋葵：不過不失台式牛肉麵：牛肉味道正常, 但牛肉份量比較少, 而湯底是屬於濃味, 麵條正常關西仙草奶茶：正常法芙娜朱古力珍珠奶茶：飲落似普通的朱古力加了珍珠CP值🌟60%

［荃灣］叁茶陸飯 -行到咁遠黎到中染，見到呢間台灣野幾靚仔喎！lunch set有小菜，main同埋飲品。-酸辣魚薯粉第一次係台式店見到酸辣魚🤪諗起個辣啲口水都流曬出黎！前菜醃青瓜同泡菜！好開胃呀-❣️湯底：🔥辣得好過癮，食到最尾個嘴都麻麻地❣️薯粉：🍜軟硬適中，索曬啲湯底❣️魚：唔似雪藏魚，好有魚味，可惜得5舊仔😭-餐飲加錢轉左芝士奶蓋烏龍茶🥤啲芝士奶蓋多到嘔😂🤣鹹鹹地好rich！齋食左兩啖之後就撈勻佢飲🤪正！-不過價錢就貴咗少少🤏性價比唔係特別高！得閒可以嚟試一試！

每次路過都被門面吸引，好想入去試一試。今次係我第一次惠顧呢間餐廳，係朋友推介的。因為剛好就約左一大班朋友歡聚聖誕。餐廳內裡環境整潔及舒服。仕應又特別安排左張長枱比我地12人，有大人&細路&BB，餐廳好細心有小童餐具提供，亦有特別安排BB嬰兒車位置比我地擺放。食物款式就大多數適合大人食用，因為味道比較濃，部份又有點辣。我地仲點了兩個羊腩煲，好好味吖。而小朋友就可點一些不辣的肉燥飯或四季豆及小食拼盤。整餐飯都非常歡欣。忘記拍攝食物照片，所以不能分享比大家睇。

行下街腳仔攰又見肚餓加上得自己一個揾間餐廳坐得舒服啲食下午茶,可能係假日所以冇輕盈嘅小食叫, 大多係飯麵餐, 唔想食太飽惟有散叫吧招牌炭燒烏龍珍珠奶茶#大大粒嘅珍珠,咬落煙韌#烏龍茶味香花雕醉雞卷#雞卷已去骨,咬落去啖啖肉#花雕酒味亦算濃,醃得入味#仲有幾粒紅棗,感覺養生呢間餐廳主打台灣菜,款式又多。而且甜品選擇也十分豐富,有麻糬鬆餅、芋圓仙草、檸檬愛玉等。下次約埋朋友仔嚟試多啲先

一間只顧做生意，在疫程下不顧食客健康的無良食店，以後不會再光顧!看看店內大把位還要食客迫迫埋埋一齊食飯！先是給你坐位話隔離唔會坐人，轉頭隔離坐位又叫人坐，在這疫程下還這樣安排！

因為疫情關係  買外賣返到屋企先飲  即使凍溶左一半  朱古力味仲係好濃  甜度對我黎講岩岩好  即使外賣員工都好有禮貌  「多謝你  麻煩等叫號碼黎攞  」平時外賣  最多叫你睇號碼攞  就走左去  攞茶既時候  又再  「多謝  你既茶」 

就算下雨天, 係天橋之城都唔駛驚冇好嘢食因為行天橋就可以去到唔同商場, 大把餐廳選擇經過一間台灣餐廳 - 参茶陸飯見裝修唔錯又幾多人食就試吓啦餐廳環境明亮光猛 乾淨企理亦有個打卡位未食已經有好印象台灣牛肉麵 算是正常水準的菜式牛肉頗為入味同啉身湯底有淡淡的藥材味道 令碗湯更有層次但蘿蔔就不夠甜 有啲可惜香酥雞扒蛋炒飯 極力推薦!!首先雞扒份量好多 一整塊比我手掌更大味道都十分好 亦有啲芝麻提升香氣炸皮保留到酥脆嘅口感雞肉結實得嚟又唔會嚡本身以為雞扒已經好出色 估唔到蛋炒飯竟然更有驚喜!炒飯粒粒分明 不會過濕過硬飯粒應該係用左珍珠米 比一般嘅泰國米圓潤 亦更有口感蛋亦炒得十分鑊氣 粒粒金黃整道蛋炒飯可謂色香味俱全要知道係香港地 好食嘅炒飯係可遇不可求!台灣菜梗係唔少得台式飲料叫左杯髒髒朱古力珍珠奶茶果然係符合商品說明條例 杯野真係髒白色嘅係芝士奶蓋 上面有啲朱古力粉中間係朱古力奶 底層係珍珠芝士奶蓋嘅鹹香同朱古力奶配合得很好珍珠亦很軟糯整體來講，参茶陸飯呢間餐廳評分十分之高尤其係蛋炒飯 實在教人念念不忘

態度勁差，啲員工超級無禮貌，食品普通偏貴，個雞排ok，米粉偏鹹，正常size等左一陣就有位，都好快食物都上得快，不過係pat落張枱到既，嚇死人無啦啦boom一聲

中午放lunch冇乜好食，同事提意試下呢間便入去。入面環境幾好，又光又闊都幾舒服。我叫左個魯肉飯+嚴蘇雞個飯不是太大女士食就ok男士就差小小。肉燥是豬腩切條，偏瘦所以比較鞋口。隻蛋普通冇特别。而伴飯的小食都幾好，貓耳朵爽口，粟米清甜，蓮藕爽口。餐前先吃小食再吃魯肉飯感覺清新，而魯肉甜甜地所以兩者好配合。個雞炸得剛好而且是現炸，入口軟又香口。再配個杯免費既涷烏龍就真是油而不利。整體個lunch set互相配合所以值得試。但同事個炸豬扒太乾，所以有待改進。

今日中午突然好想食台灣嘢，又想食滷肉飯又想食牛肉麵，醒起荃灣有間餐廳幾闊落，疫情底下搵間感覺安全啲既餐廳，食落都安心d。見所有侍應都戴曬口罩同手套我坐嗰個位可以直接望到廚房入面，我見到廚房有個女廚師佢個口罩全程都係帶喺下巴下面，仲要成日用手捽鼻…真係一有事，所有食客都有事…門面功夫做到咁足，又戴埋手套，但廚師都唔戴口罩有鬼用咩…台灣肉燥飯套餐講返啲嘢食先，嗌咗個肉燥飯套餐，滷肉飯都算幾好食，醬汁都好足料，碟粟米真係好似變左壞咁，有陣洗潔精未食咗落口都要lur攞返出嚟...套餐加：鹽酥雞$8滷蛋$6我仲以為冇蛋所以另加多一隻蛋同埋雞，雖然鹽酥雞細細份不過都幾好食熱辣辣。

呢餐最好味嘅係 ..... 烏龍茶👏喺愉景新城搵嘢食，上網Google一下，搵到呢間口碑唔錯嘅台灣菜餐廳，即刻行過去中染大廈，5分鐘都唔使就到。叫咗佢嘅午餐「經典三杯雞配白飯」配「南投炭燒烏龍茶」。烏龍茶先上，飲一啖，非常香嘅烏龍茶味，凍冰冰，亦真係有少少煙燻炭燒嘅味道，相當好👍轉頭就上埋三杯雞飯。食嚿雞先，嘩！雞肉好乾好硬好嚡口，但係成碟雞都沾滿三杯雞醬汁，感覺就係好乾嘅雞肉沾上濕𣲷𣲷嘅醬汁，口感怪異，雖然醬汁味道可以。雞肉基本都係碎濕濕細細粒，不過份量就真係幾多。嗰碗白飯，都係又乾又硬，我已經係一個鍾意食硬飯嘅人，都頂唔順，呢碗一係隔夜飯加熱，一係新鮮飯落唔夠水煮，總之難食🙄，食咗唔夠一半，真係頂唔順。仲有嗰碟粟米配菜，帶微苦，食咗一啖就冇再食。唯一真係好味嘅，只有烏龍茶。

早幾日去係荃灣兜左個圈，醒起好耐冇食隔籬愉景新城嘅呢間台灣菜叁茶陸飯，所以就即刻去試下喇。。。🔘台灣肉燥飯 | $38評分: 🌕🌕🌕🌗🌑評語: 肉燥飯賣相幾好，好入味，肉燥肥瘦度啱啱好，唔會太多肥豬肉。肉燥汁剛剛好滲透每粒飯，唔會出現湯飯或者白飯無味嘅情況。。。🔘 葱油拌麵配滷蛋 | $48評分: 🌕🌕🌕🌕🌗評語: 葱油味好香，食落啖啖都有葱油香味。雖然話係拌麵，但又不會好油。麵條好爽口彈牙，值得一讚。整體CP值好高。。。🔘 塔香鹽酥綜合拼盤 | $88評分: 🌕🌕🌕🌗🌑評語: 呢個拼盤幾抵食，$88有齊幾款台灣鹽酥口味小食，包括有台灣香腸、花枝丸、鹽酥雞、炸甜不辣。鹽酥雞可能因為將雞肉切粒，所以水份流失較多，炸完好似比較乾。台灣香腸及花枝丸不過不失，花枝丸食落尚算彈牙。炸甜不辣有最大驚喜，食落好煙韌，有種食緊年糕嘅感覺，加上塔香鹽酥味同外層炸到少少脆口感，非常不錯。。。🔘皮蛋豆腐 | $48評分: 🌕🌕🌕🌑🌑評語: 食落覺得一般，皮蛋還好有糖心，就豆腐同肉鬆味道不太突出，而佢哋配搭嘅酸甜醬汁太少，令到豆腐食落冇乜味。。。🔘 海鹽芝士奶蓋抹香綠茶 | $26評分: 🌕🌕🌕🌕🌗評語: 呢