友義氣‧酸菜魚

營業中

休息中

食物質素好一般，但係上菜速度就真係世界級咁慢。 無滿座既情況下，竟然叫咗一道菜過咗一個鐘都仲未上到嚟仲要唔係熱辣辣，非常失望😮‍💨 叫左酸菜魚，避風塘茄子，冰梅欖角排骨粒同個菜。味道真係一般。

這間川菜店是我第二次到訪了🫡是我認為香港最美味的酸菜魚頭三位🉐️🍽️二人套餐($438)二人套餐可以選擇一個主食、一個小食、一個小菜、兩碗白飯/紅薯粉、兩杯特色飲品🥤食物份量簡直是挑戰肚皮🫣主菜選擇了招牌菜酸菜魚✨上菜時，店員立即叫我們先嚐一嚐他們的湯底，因為是他們自家淆製的🧑‍🍳嚐了一口，入口覺得很夠酸，並帶有一點辣味，喝了不會覺得有味精及口乾，果然是非常不錯👍 魚肉則入味鮮嫩，份量亦很多，唯一挑剔的地方是這次比較多魚骨🥹湯中同時加入金菇、寬薯粉等配料，非常足料😍但這間店的酸菜魚是沒有酸菜的，所以有點兒失望呢🫣小食點了四川口水雞🐔口水雞共有5-6件，雞肉煮熟後保持著濕潤的口感，配搭辣椒油辣味十足🌶️上面灑上蔥花、白芝麻等作為點綴，增加了口感的豐富度，是不錯的開胃菜💫小菜是沙拉骨🍖沙拉骨的分量驚人‼️只有兩人食真的吃不完。上面佈滿了沙律醬，本身沙拉骨已經充滿甜味，再配搭沙律醬覺得有點膩😬這款食物不推介～值得一讚是店員叔叔姨姨都很有禮貌，進食期間會不斷問我們覺得食物如何，並且很熱情🤣是可以Encore的四川店！❤️

午餐經美團叫外賣，點左水煮魚，跟餐有碗薯粉，加左份惹味虎皮椒，打開發現薯粉係熱辣辣，水煮魚同虎皮椒只係微暖，魚份量唔多，魚唔算滑，薯粉味精亦唔少，食完幾口渴，一試無妨

抵食啲叫2️⃣人餐➕兩樣小菜套餐主食-酸菜魚🐟我以為辣到食唔到酸味🥵原來係根本無落酸菜…撈極都無拎咗兜酸菜俾我哋套餐小菜-避風塘軟殼蟹🦀等得耐⌛️但夠脆重味 無油立立太熱氣嘅感覺套餐小食-川味口水雞🐓肉質好嚡無特別 散叫小菜-黃金雞軟骨🏆必食👍🏼好出色加返分 唔滯又夠味食唔停散叫小菜-欖菜肉鬆四季豆🫒好味鹹鹹地岩送飯🍚大檸茶2個share飲都夠 竟然無Asahi🍺結論: 炸物好食過酸菜魚😂魚滑 唔油 但無酸菜錯晒

全部都大大份🤭 又勁熱辣辣～ 店員有禮貌又熱心落單上菜👍🏻電話/WhatsApp訂座有9折 記得訂座呀😝.｜酸菜魚 標準 $238魚係海鱸魚 嫩滑唔腥👍🏻 標準份量有超多魚 兩個人其實食個酸菜魚同兩碗飯就應該夠哂飽！ 我地揀左小辣 但都覺得幾辣.. 唔食得辣而想有啲辣味過過癮 可能要問下有無微辣/bb辣先得🫢唯一美中不足就係湯底味道單調啲 少左啲咸鮮味同層次 但整體都係性價比高既酸菜魚😋.｜黃金鮮魷 $118起哂沙既咸蛋黃好濃味好香😝 仲炒到出哂黃油 超邪惡☺️ 炸皮唔厚但魷魚肉較細 所以比例上都係皮多過肉.. 雖然炸皮係滿滿咸蛋黃 撈飯一流！ 但都想魷魚肉多啲呀～.｜珍寶大檸茶 $26｜白飯 $13

今日去咗銅鑼灣行街由於遲起身，出到去銅鑼灣都兩點之前有朋友推介去呢間友義氣食食過返尋味，會再幫襯下午茶時段2pm-5:30pm有85折飲品（熱飲免費，凍飲汽水+$3)上到去見到大多數卡位都滿座得返大枱有位，上到去自己搵位坐見到得一個職員落單+上菜叫咗水煮魚配紅薯粉辣度職員冇問 我有自己提岀要少少辣嚟到份量都多同好食水煮魚入面有萵苣、金菇、芽菜個紅薯粉分開上，本身個湯都有味但不是水煮魚個味所以我將d薯粉浸返落水煮魚個湯咁食會正d👍🏻🤓

酸菜魚(標準)$238餐廳名都有得你叫 上到嚟梗係要食招牌酸菜魚啦 我同朋友都驚會好辣所以叫咗小辣 嚟到啲魚都幾大塊 唔會好散 少少辣 越食越想食 唔錯😋冰鎮咕嚕肉 $168好耐無食過冰鎮咕嚕肉真係成碟冰上 出邊個啲係求其比一碗仔冰就當係 呢到仲要係咁大碟咁多冰 喺出邊食過咁多次呢一個係最掂 一啲都唔hea你 而且每舊咕嚕肉都大大啖唔係肥豬肉嚟嘅 荔枝乳酸 $26正常既 唔會話好甜 諗得到嘅味道珍寶大檸茶 $26相比底下呢杯就抵好多 夠大杯食辣嘢嘅時候又夠解渴🤩

發現左金百利呢間川菜午市都幾抵食, 平均都係五六十蚊包埋熱飲唔洗加一👏🏻Lunch時間都唔洗等, 座位都寬闊上餐又快, 除左有川菜亦有港式可以揀。水煮魚配飯 $58套餐可以免費轉米線/紅薯粉, 選擇左白飯, 覺得D湯汁撈飯一流🤤魚肉都有好多塊而且又冇骨, 配料有木耳、金菇同豆芽。雖然望落成碗好紅🌶️但唔會太辣可以接受到。味道好香麻辣味, 夠惹味撈飯食一流。老壇酸菜肥牛配飯 $58同樣可免費轉米線/紅薯粉, 都係選擇左白飯。肥牛數量好幾多🥓配料有金菇同豆芽, 呢碟味道冇水煮咁香同惹味, 湯汁既味道酸味夠出, 所以比較清淡D。餐飲叫左熱奶茶☕️估唔到都幾好飲, 茶味好濃。

中意食咕嚕肉既朋友一定明白好驚食到中伏咕嚕肉既感覺😢好多時候都會食到外皮唔脆/太厚/太硬，肉質難咬等等既問題，對於咕嚕肉黎講，唔脆既話無論個汁幾出色都系敗筆之作。但係呢間餐廳既咕嚕肉食左咁多次，都依然保持水準🙌🏻系令人回味既咕嚕肉～鮮果咕嚕肉飯｜$61凍檸茶｜+$3餐廳標榜所有小菜都系即叫即整，而咕嚕肉既外皮每次叫都系香脆既，唔似一早炸定。鮮果用既菠蘿系新鮮菠蘿，醬汁酸味突出，而且均勻裹滿咕嚕肉。選肉口感食落似裡脊肉，少量油脂感，容易咬開。～下午茶時段有85折～

超多油，超鹹，叫左芥蘭煲，鹹魚豆腐煲，啲油多到離晒譜，餸飯都覺得超級鹹個阿叔待應服務極差！態度極差！又唔講小菜要另加白飯，叫左芥蘭煮淋啲講明就老人家，又唔想寫，話琳唔好食！😤😤😤

去銅鑼灣行街，突然想食酸菜魚，見到金百利廣場有人派傳單，就去左樓上嘅「友義氣‧酸菜魚」～😏原來唔止酸菜魚，仲有其他招牌菜如水煮魚、小龍蝦、毛血旺，另有其他川式小食及小菜，如口水雞、辣子雞、紅糖糍粑等。兩個人以上可以考慮下叫套餐，因為套餐抵食啲！二人套餐$438起，包一款小食、一款小菜、一款招牌菜、兩杯梳打或乳酸、兩碗白飯或紅薯粉，可以一次過試晒呢到嘅招牌菜。☺️我地兩個人叫左個套餐，仲另外加左個川菜必食嘅紅糖糍粑。川味口水雞例牌份量都幾足，仲比左雞翼位我地，雞件肉質厚實，淋上秘製醬汁，夠晒香辣惹味！😋⭐️推薦❗友義氣酸菜魚（標準原價$238）採用海鱸魚🐟，肉質結實得黎，又嫩滑，多肉少骨，啱晒我地呢啲唔識吐骨😂。湯果然名副其實好惹味，酸辣鮮香，配菜仲有大豆芽菜和寬粉，份量足料！最欣賞嘅寬粉係正宗火鍋粉，口感超煙韌！👍🏻我地兩個都揀左紅薯粉，配酸菜魚perfect match！避風塘軟殼蟹（原價$115）即叫即炸，上枱新鮮熱辣脆卜卜！😎雖然軟殼蟹唔係好大隻，不過就滲透出香濃嘅辣椒🌶️香，惹味可口！☺️飲品分別叫左草莓🍓乳酸和荔枝梳打，解辣或清都清味蕾都不錯。紅糖糍粑份量都幾多，外層炸得金黃香脆，

今日同朋友喺銅鑼灣都食一個酸菜魚二人餐，友義氣2人餐幾多幾抵食，幾款菜式簡到岩為止，指尖皮蛋開胃小食，惹味香辣，皮蛋嫩滑滑。金沙雞軟骨質感起沙好有質感，口感又爽又脆，味道濃郁入味又唔會太油膩，幾正。有義氣酸菜魚可選辣度麻度，味道麻辣鮮香，濃郁入味!酸麻程度比例剛好，魚湯帶鮮香又惹味，鱸魚片大大片入口就溶開，配料有芽菜，酸菜，粉皮煙煙靭靭好吸味。整體係好高質既酸菜魚。大檸樂超大版本，用上大大杯啤酒杯，非常抵飲。

今日同朋友去左銅鑼灣，話說大家都想食川菜，所以就搵左間質素好似都唔錯既酸菜魚試下——————🐽 二人餐（酸菜魚、口水雞、友義氣小炒王）望下餐牌選擇都幾多，唔想諗之下就叫左個2人餐，貪佢有齊我想食既野✨口水雞好滑，唔會過熟鞋口，口水雞醬好香，唔會太辣，感覺幾清新小炒王好足料！蝦乾蝦肉都好鮮味，個醬都好香岩岩好唔會太咸而酸菜魚份量好多！d魚肉厚厚一片，唔會一夾起就散曬🙆🏻‍♂️口感都好滑👍🏻個魚湯底都好鮮味，撈飯一流！

哩間友義氣·酸菜魚有個$438既二人餐食物好豐富，地方位於銅鑼灣金百利，位置便利，最岩約朋友食飯聚會👉🏻雞絲粉皮川滬菜必點之選，最重要係個麻醬，佢都做得不錯👉🏻友義氣黃金蝦用上了天婦羅炸粉，令外皮更香脆金黃👉🏻友義氣·酸菜魚嚟到主角酸菜魚，份量充足，絕無偷工減料🤣開頭我哋唔係好食得辣，揀咗個唔辣，食落但好似欠缺咗個精粹，所以又麻煩廚師加返少少辣落去，即刻唔同曬，惹味又好食🤤個餐仲包左荔枝梳打，食辣嘢一定要飲有氣既飲品

地道酸菜魚，雙人套餐抵人均250左右就有小菜，飲品同酸菜魚食好味酸菜魚，有埋魚頭！佢地唔係冰鮮魚裏面都好好多配料啊有好多萵筍，同埋芽菜，寬粉裡面都有呢如果想少辣可以講酸辣可口，酸味濃郁嘅程度啱啱好酸菜都有好多酸菜魚調味入味魚肉都夠美味黃金蝦真係大大份，而且黃金鹹蛋黃真係夠味份量而且2人食，唔會太鹹或者太漏最後選擇配白飯好味道鮮甜多汁的魚一起搭配混合彈牙爽口的豬手，熱熱的沙薑搭配蘇打爆珠，有🍓和菠蘿味道惹味的菜要下火