友義氣‧酸菜魚

營業中

休息中

encore既酸菜魚~好耐之前食過次，心掛掛～終於再去！老檀酸菜魚 標準 ($188) 用左鱸魚～食落好滑口！辣度叫咗微辣 食落都好辣🫢一定要叫返碗白飯！入面都幾多材料有萵筍、金菇、寬粉～魚肉都好多 夠哂三個人食🤘🏻黃金蝦球($125)新鮮即炸 每一舊蝦球都鋪滿鹹蛋黃金沙！食落非常惹味！而且蝦球夠厚身啖啖肉🤭送飯食一流！珍寶檸茶($24)超級jumbo size😨價錢仲要非常之抵！食酸菜魚必叫！解辣👍

💥一大班人梗係友義氣📍友義氣 · 酸菜魚｜銅鑼灣📍人均消費 $ 1 X X#CL銅鑼灣 #CL四圍食 #CL中餐 ⚪️⚪️⚪️⚪️⚪️⚪️⚪️⚪️⚪️⚪️我哋差唔多十條友上去，霸左大枱😬叫左呢個大酸菜魚同SHARE LUNCH SET👍🏻酸菜魚大份 $ 3 3 8入面有大量酸菜、薯粉、芽菜☺️一黎到已經勁香😍每人都食到兩三舊😎至於LUNCH SET都係四十幾五十蚊，都算經濟實惠啊😝最緊要係試左幾款味道都唔錯呢😌🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

🌟餐廳：友義氣•酸菜魚📍地址：銅鑼灣記利佐治街1號金百利廣場7樓R3室💰價位：$101-200⏰營業時間：星期一至日11:30 - 22:00📱電話：54991214———————————————————🔹酸菜魚酸菜魚賣相吸引，上面除咗有辣椒仲有菊花點綴，擺盤好靚～而且仲有個魚頭，啱晒影相打卡～除咗酸菜魚外仲有又滑又彈牙嘅紅薯粉伴碟。今次酸菜魚嗌咗小辣，辣度啱啱好，夠哂惹味！魚肉新鮮、肉質嫩滑而且冇骨，食落夠哂方便！加上酸菜同湯底酸咪咪，不知不覺就成盤食晒啦，超惹味呢～———————————————————🔹 鮮果咕嚕肉咕嚕肉同菠蘿都非常新鮮，菠蘿係連殼上，味道鮮甜，咕嚕肉炸得夠香脆，肉質唔會老，酸酸甜甜好過癮！———————————————————🔹草莓乳酸味道唔會太甜，酸酸甜甜，飲落好開胃～———————————————————🔹菠蘿梳打菠蘿梳打飲落好Fresh，岩哂解膩～ ———————————————————

🐟天氣凍凍地食返啲酸酸辣辣嘅就最開胃～呢間係銅鑼灣嘅酸菜魚有好多分店，打電話訂枱仲有八折😍酸菜魚使用特選海鱸魚（$238）分量足夠兩至三個人，魚肉超級滑而且冇骨。有少少薯粉金菇同埋萵筍，金菇同芽菜吸晒啲湯汁超好食🤤另外仲叫咗黃金蝦球($125) 大大隻嘅蝦球唔使剝殼就最啱我🤣.Spicy and sour fish was the best to eat when the weather is getting cooler! The fish was super tender, with plenty of meat that is enough for 2-3 pax.

友義氣•酸菜魚銅鑼灣記利佐治街1號金百利廣場7樓R3室Room R3, 7/F, Island Beverley, 1 Great George Street, Causeway Bay一日早午晚三餐, 中午同晚餐都是出街食(早餐多是麵包這些回公司吃), 一生中每食一餐,就如倒數般, 小一次QUOTA。隨心所慾地選擇,是成年人驕傲的事。食下酸辣野過癮一留, 刺激一下味蕾神經。食到到紅辣樣為主的水煮魚, 反而湯酸酸辣辣架酸菜魚更深得我心, 合胃口又開囿。酸菜魚 $238除了魚肉切申起骨外, 竟連魚頭上,有人喜歡食魚頭風味。 酸菜魚中配料有金菇，酸菜，芽菜及彈牙滑身紅薯粉, 酸辣度可自選。啫啫雞煲，好惹味架！啤酒及凍檸茶超大標杯能鮮辣, 清涼梳打令人為之一振。

夜晚約左朋友係銅鑼灣食飯，兩個人叫左個標準size既酸菜魚同埋千島醬脆蝦球再加兩杯野飲。試左佢個招牌酸菜魚🐟朋友唔係好食得辣就叫左小辣。平時食開譚仔三小既我就完全覺得唔辣，食得辣嘅人可以叫中辣或者大辣。湯底唔會太油同太鹹，唯一美中不足嘅就係唔係好夠酸。本身除咗魚之外配料仲有萵筍金菇薯粉，值得一讚就係薯粉夠煙韌同埋魚肉夠厚同滑身。千島醬脆蝦球未食已經好香千島醬味，咬落去仲有少少脆口。唔會過厚既粉漿加上彈牙既蝦好快就比我地食曬。野飲方面，杯大檸樂黎到就知真係大檸樂，一個人係唔會飲得晒，建議可以兩個人share。鮮青檸乳酸唔會太甜同埋青檸味都好出，而且同乳酸好夾，飲落好清新無負擔。

前幾日去銅鑼灣行街攰攰地就喺附近搵間餐廳食啦我哋一行兩人就決定試吓呢一間友義氣酸菜魚銅鑼灣咁多嘢食點解我哋會揀呢一間餐廳呢其實就係俾佢個餐廳名吸引咗 因為我就係一個好有義氣嘅人哈哈 一去到餐廳職員就介紹我哋可以試吓佢哋招牌嘅水煮魚同酸菜魚但因為朋友下晝先食過酸菜魚所以我哋就決定試水煮魚雖然佢個餐廳名唔係叫做友義氣水煮魚 但係水煮魚都係佢哋嘅招牌菜之一叫完主菜再叫多樣小菜同埋餐前小食就梗係唔少得叫杯嘢飲試吓啦一嚟到真係嚇親咁大杯檸檬茶你望一望張相就知道佢個size有幾大 先來嘅係雞絲粉皮份量一啲都唔小 每一啖都食到青瓜雞肉同埋粉皮再加埋佢嘅芝麻醬超正超開胃之後嚟嘅就係乾扁四季豆 加上咗少少嘅辣椒 勁有鑊氣之餘仲食到停唔到口最後嚟嘅就係主角水煮魚我哋叫咗碗飯分享因為每次食辣嘢一定要有啲白飯中和下先會好啲 同埋我覺得會更加好味佢呢度嘅水煮魚叫魚肉超級新鮮同爽口 同埋佢哋嘅魚肉份量好多再加埋入邊有蘆筍芽菜薯粉等等嘅配料令到呢個水煮魚非常豐富 而我一個咁鍾意食辣嘅人嚟講 呢個水煮魚真係超高分唔知下次再去銅鑼灣又可以有啲咩試吓呢

觀塘嘅時候已經同朋友試過，已經覺得好唔錯，估唔到而家連銅鑼灣都有分店啦，以後想食都唔使過海酸菜魚（標準）中辣 $238估唔到標準尺寸都已經咁大份🤤魚肉覆蓋晒成個湯面，酸菜夠味，入邊嘅配菜都好多，有萵筍，金菇，寬薯粉等…湯鮮味到我都忍唔住飲左啖🤣乾炒牛肉麵 $88平時食乾炒牛肉麵，通常都係係大排檔食，貪佢夠曬鍋氣，但出面食就有風險，有時會食到好多油，但呢度完全無呢個問題，食落感覺好乾爽😝唔會油淋淋，感覺比大排檔更有水準👍🏻黑椒腰果牛柳粒$138平時食食呢個餸，一定係好少牛肉，好快就得啲腰果，但今次就好平均，唔會話得幾粒牛柳，而且都好夠味，不過我就略嫌有啲過熟，如果可以煮得冧啲就更加好🙈鮮青檸梳打 $26清新解油膩，食完成個餐飲一杯，完全無晒油膩感

一向都中意食酸辣野，見依間個名咁特別一於試下先。職員態度好好，比左卡位我地坐得好舒服👍可能因為d餐具同掛畫，成間店都充滿古色古香味道😊✦ 酸菜魚 (標準) 💰238依度必試既鎮店名菜就係招牌酸菜魚同飄香水煮魚，基於本人唔係太食得辣所以揀左酸菜魚仲要係少辣！一上菜就比隻大過塊面既碟嘛親😯仲放左個魚頭係正中間好霸氣！海鱸魚片好滑，有d爽口又唔腥，配菜香料有酸菜、金菇、青花椒、芝麻，仲有寛薯粉添，建議可以飲埋湯，因為非常入味又唔咸👍✦ 椒鹽海活蝦💰115聽講d小菜都唔錯，就炒個試下先😊呢碟椒鹽海蝦色香味俱全，一共都有成10隻大蝦！外層脆卜卜，內裹蝦肉幼嫩可口，為今餐酸菜魚盛宴帶來額外味覺享受！✦ 芒果乳酸＆ 荔枝乳酸 💰23野飲都幾多選擇，主要係水果味飲料，而且可以揀乳酸或梳打。我地就揀左前者，因為可以順便解辣嘛🤗估唔到仲加左十幾粒爆珠，有驚喜！

前幾日同我朋友嚟呢間餐廳食酸菜魚，結果發現有驚喜🥰🥰🥰🥰🥰🥰🥰🥰🥰🥰🥰🥰🥰🥰🥰🥰酸菜魚調味啱啱好，而且完全冇魚骨，啖啖肉，配料同樣超級入味，必食之選🥰🥰🥰🥰🥰🥰🥰🥰🥰🥰🥰🥰🥰🥰🥰黃金魷魚，超香超足料，岩曬同朋友分享，送飯一流😍😍😍😍😍😍😍😍凍檸茶超級大杯，打卡一流🤣🤣🤣🤣🤣🤣🤣仲叫咗荔枝乳酸，酸酸甜甜好開胃😘😘😘😘😘😘😘😘😘😘

今日又突然想食酸菜魚，就近近地去附近金百利一間樓上食店食。.大約7點左右上到去，唔需要等位就入得，一入到去見到地方都唔細，而且乾淨企理，每個位都好寬落。.職員都好熱心介紹餐廳唔同的拿手小菜，咁我地就要左個細的酸菜魚同埋水煮牛肉。.酸菜魚 (細) $238唔好以為真係好細，一上枱即刻wow一聲，好大盤，同埋仲有埋個魚頭。魚片份量唔少，仲有一d配菜同埋寬粉，兩個人食都夠飽，但3人以上就建議要個大的酸菜魚。另外，佢地的酸菜魚係少油，仲加左花椒，食落唔重味精，我地直頭飲左幾碗湯，飲落酸酸辣辣，好易入口。我地今次叫左小辣，辣度大概係譚仔10小辣，如果嚐辣之人可以叫中辣，應該會更惹味。.水煮牛 $138水煮牛上枱時連埋個小蠟燭，可以確保唔會凍左，呢味餸比起酸菜魚多油，但如果送飯就一流。牛肉夠嫩滑，而且夠麻夠辣，重口味人士一定會好鐘意。.後記果日食飯見到有2位客人由點餐到離開時都對職員好苛刻，響職員面前不停貶低餐廳，又抬舉另一間大型連鎖地舖酸菜魚餐廳，職員都好耐心同禮貌回應佢地，點知去到結帳時果2位客人見到要收取加一服務費時就勃然大怒，話竟然咁都要收佢地服務費，之後仲話以後都唔再食。.其實而家好多小

朋友生日，佢話想食酸菜魚，佢知道呢度新開咗間餐廳有得食，所以佢就帶咗我嚟呢度。呢d都幾大，中式裝修，環境乾淨，坐位寬闊，坐得幾舒服。朋友發辦，叫左個標準酸菜魚同一個小炒，另外兩杯嘢飲。酸菜魚︰朋友唔係食得太辣，所以就叫左小辣。雖然係標準size，但都幾大條，原條上，連魚頭都有，睇到佢鱸魚真面目。魚肉滑滑，帶鮮味，切得厚薄適中，裡面仲有酸菜、芽菜、金菇同薯粉等配菜，味道小辣都幾惹味，又唔太酸，連湯飲都幾好食。椒鹽軟殼蟹︰份量都多，剛炸起，脆口，熱辣辣，又幾有鑊氣喎，鹹鹹地，夠味道。士多啤梨梳打及荔枝梳打︰兩款果汁味道香，裡面有一粒粒以為係杞子，但入口發現原來係爆珠，爆開甜甜地，幾特別。

第一次黎食叫左份招牌酸菜魚(小辣)同黃金大蝦球試下😎魚肉幾嫩滑，切好曬岩岩一口size，完全無骨 咬落唔會覺得啲肉“鞋口”,，一啖連湯一齊食最有feel👍🏻配料幾足🥰有闊薯粉、金菇、芽菜、酸菜！配埋熱辣辣ge 湯食一流🍲湯底酸味適中唔會過酸！小辣唔算好辣！覺得下次可以挑戰下佢個中辣！🍤椒鹽海活蝦炸到個脆卜卜可以連殼食，食落好香口，椒鹽都幾入味👍🏻嗌埋杯大檸茶飲，夠曬大杯😀爽啊！上菜方面就10幾分鐘左右，即叫即煮所以耐少少，姐姐服務態度親切友善，翻兜之選 鍾意酸鍾意辣ge朋友可以試下⭐️⭐️⭐️⭐️

今日去銅鑼灣食晚飯，搵到間食酸菜魚加小菜嘅餐廳😗記得OP book位有8折。.酸菜魚叫咗標準size，$238，店員話係for 2-4人食，因為朋友唔係幾食得辣所以叫咗bb辣，感覺係唔食得辣嘅人都carry到🌶湯底金黃色，麻麻辣辣，有魚鮮味可以撈飯食，魚片無骨唔腥，份量幾多，仲有金菇 萵筍 酸菜 粉條等等配料，一定夠飽。.小菜有鹹蛋黃黃金系列，我哋叫咗黃金蝦$118，蝦本身已經開邊切開，方便食，殼炸得好脆可以連殼食，鹹蛋黃惹味，幾好食。.飲品有超級大杯嘅凍檸茶同菠蘿soda。

之前上網睇片見到啲YouTuber食已經覺得好吸引，知道佢開咗去銅鑼灣就決定放工去試吓！！青檸梳打｜酸菜魚必飲梳打😎酸酸地可以中和返啲辣，又無咁膩👍🏻酸菜魚（小辣）｜少有會連埋魚頭上既酸菜魚，好有氣勢🤣鱸魚片好滑溜，完全無腥味，淡淡肉架😍湯底好濃郁，酸度適中，我覺得下次可以試中辣😛除左魚片仲有窩荀、芽菜同寬粉。寬粉非常煙韌又索湯，味道一流😋黃金翡翠雞軟骨｜一上檯已經聞倒好香既鹹蛋黃味🤩雞軟骨口感爽脆香口，鹹蛋黃味非常突出，超邪惡但好正🤤原來提早經WhatsApp訂位仲可以有折，下次一定記得訂位先🤣🤣