友膳坊 (已結業)

這兒的蒸魚其實不錯, 新鮮又蒸得好, 有家既感覺. 如果去食飯點這個一定不會太失望! 蒸肉碎豆腐都ok, 不過D肉可能係can food, 因為D味有D似午餐肉!但其餘的像香蘇鴨、醉雞脾等我都試過, 都好難食! 香蘇鴨好乾又無咩味, 份量又少....醉雞脾一食就知食雪藏的, 無雞味, 肉質實, 食醉雞以來最難食既一間店! 好似係老外堂餐! 不宜港人口味吧!

今日黎左試呢間友膳坊先發覺原來自己0係灣仔真係仲有好多好野食未發掘今次Order的菠蘿牛肉比想像中好除了本身菜名的菠蘿and牛肉還有洋蔥,酸薑,青椒,甘筍一起炒,味道鮮甜之餘感覺很健康~成功成為我們的新假堂

杜蘭街有不少食店，中午時間不少食肆其門如市，有不少人在等位，但這一間卻有不少空位。入去後與同事心裡一沉，認為不會是一間有好食物的店子。環境清潔整齊。食物方面，我點了一個$35有創意的麻醬雞肉撈麵，凍飲加$2。食物味道可以，不過那兩條白菜仔可以用「阿婆塊面」來形容。撈麵越食越乾，越乾味覺越苦。要大扣分。可能只有麻醬才配合粉皮。同事點了黑椒牛肉米線，反而他認為醬汁過多。我下次未必會再來。

行經籣杜街看見一間標榜家常小菜的小店，好奇試試。菜式簡單，價錢不貴，平均 $30-$50 已有一小菜。我們order了薯仔炆雞翼、蕃茄炒蛋、上湯菜心、附送例湯。湯先到，第一口，非常失望，100%味精湯，如水＋鹽，已不能再喝下第二口。此時已心感不妙。餸菜到，非常非常失望。蕃茄炒蛋無蛋味，更無甜味，完全難食。薯仔炆雞翼，名不附實，雞翼不是炆的，是先鹵水，後混入無味薯仔煮，難食。菜心係唯一可入口 (除非農夫種得極差)，可惜過老，都難食。唔知點解煮得咁難食都要開舖。雖然價錢平都唔代表可以冇heart製作，事事旦旦。最後我們沒有完成所有餸便埋單，更對店員送上善意comments，可惜她們無心裝在，實在失望。我們不會再光顧這難食+冇heart嘅店了。不要再見。

今日因為工作繁忙，所以下午一點鐘便要出嚟食lunch.......唉....下午一點又係啲office人嘅放lunch時間......全條街嘅餐廳都逼滿人，插針都插唔入。行到蘭杜街竟然比我發現呢間餐廳有位唔駛等....雖然心諗見到呢啲情況都估到間餐廳唔係咁得，因為如果佢係好嘢又點會有位丫，肯定好似其他餐廳咁要排隊等位啦.....但諗到公司未做完嘅工作同埋全條街都人山人海嘅狀况，我決定到此一試。我叫咗套餐嘅醉雞腿飯：出餐需時較耐，我大約等了五至八分鐘醉雞腿嘅汁係比較"傑"，同我地一般食開嘅醉雞唔同，但味道聞起上嚟更香更有酒味！雞肉亦好入味亦有雞味、肉質都好滑。佢呢度標榜所有食物唔落味精，好健康！令外佢其他嘅菜式都係"住家餸"多...不過我覺得有啲似英國嘅chinese restaurant....menu上英文嘅菜名都似................唔通老闆係回流返港嘅鄉里???呢個lunch比到個少少驚喜我，我一定會再嚟lunch試下其他嘅菜式！但....都有少少無中不足係呢度冷氣比較凍.....同埋個白飯太黏...啲米唔係咁得...希望下次再嚟會有所改善啦....

很多人對食物都有要求﹐但失望地大部份城市人往往覺得可口是一些濃味﹐香口﹐酸辣﹐油炸﹐以及多油鹽味精的食物。當政府在不同媒體的選傳下﹐不同的餐廳亦開始享應而推出一些不加味精的菜式, 市民亦較多年前注重健康﹐食物來源﹐材料以及營養。但有些標榜不落味精既餐廳﹐往往為了離補失去的味道﹐反而加大用鹽及油量另餸菜比較適合吃慣濃味的食客。是晚來到這店﹐看見其標榜少鹽﹐少糖﹐少油兼不添加味精的字句在門前﹐所以步入店內試試是否一間真真正正有營食肆或是餐廳自誇自讚的推廣。店內沒有裝橫的裝修﹐簡單僕素﹐顏色清淡﹐令顧客有一種自然舒服的感覺﹐與其店的健康主題很配合。當晚叫了青瓜炒雞肉﹐配白飯以及例湯。- 例湯 – 番薯木瓜湯 – 材料新鮮﹐有很多木瓜。因是滾湯的關係﹐材料本身的天然味道沒有被破壞﹐另每淡湯水內都有香甜的木瓜味。青瓜炒雞肉 - 上枱時見到顏色鮮艷﹐但所指的鮮艷不是什麼加工汁料﹐而是各種有益天然食材及配料﹕青瓜﹐青椒﹐紅蘿蔔﹐紫色乾蔥﹐蔥等等。每樣食材炒得剛好﹐各種蔬菜還很爽口﹐味道可用天然鮮甜來形容。此菜式主要用乾蔥來取替調味品﹐各食材的味道互相配合﹐另顧客食到每樣材料本身真正味道﹐而不是什麼濃

這是一間標榜“低鹽”, “低糖”, “少油”的健康食肆我是經常來的一間食肆, 這裡有家的感覺, 最重要是提供一人餐呀, 放工食完回家, 真的好方便酥脆鴨 已經食了多次, 就是忘記拍照, 今次有拍照, 就上傳給大家分享酥脆鴨有 例牌 $68 (即是1/4隻烤鴨, 加5塊包鴨皮) 半隻 $110 (有10塊薄餅皮)鴨當然是急凍鴨, 鴨是烤熟, 皮看來是脆及乾身, 鴨肉是乾身, 上桌時是完整半隻烤鴨, 然後再用叉及匙, 扒開鴨皮及鴨肉, 變成鴨絲, 食時用薄餅皮放上青瓜絲,大蒜白段絲, 鴨絲加醬料(似海鮮醬), 包起來食味道不錯, 烤鴨不帶一點油, 食起來, 好爽脆 , 最重要是可以回憶在英國讀書時在中國餐館食的情景及味道因為香港食的北京填鴨好大, 完全同英國食烤鴨不同, 可以來試一試這個食法

Amongst the vast choice and variety at Landale Street, I did’nt intend to get lunch from here, but after scanning the menu for anything interesting, I saw Drucken chicken leg with rice, so I ordered that.Apart from this dish, I was surprised at their variety, ranging from China town dishes such as Sweet & Sour, lemon chicken, crispy duck with pancakes to Laksa.Their menu was quite nicely laid out, and well presented with English, obviously it would be popular for the Westerners who are accustome

原本 lunchtime 去 Space 交學費, 途中遇到同事, 大家一齊搞好私人事情便一起去吃飯, 我想到越旺吃個越南粉卻是人山人海, 人頭湧湧. 看看周圍, 除了這裡, 別無他選, 唯有這間友膳坊. 平日這裡有 ABCD 餐, 不過餐牌兩邊都有 ABCD 餐, 落單要通知聲, 否則來錯食物就沒有法了... 快快手手來個 A 餐: 雞腿飯.餐湯淡淡的, 是紅蘿蔔湯, 絕對沒有味精, 收貨. 雞腿飯, 大大隻雞腿配小棠菜, 聽 KC 說 友膳坊的一味名菜是香酥鴨腿，可惜至今未嘗一試，因為佢要點半至開始供應 ... 但願有機會吧. 雞腿肉質不鞋, 不過這樣的 size 不要要求太滑的了.整體不算難食, 不過一個 A 餐都唔平...之得翻炒膳食小廚叫外賣.

據說呢家o野標榜健康，所以冇咩落味精，食落的確幾清淡，但份量小得食完Lunch 之後下午茶時間就餓，女士可能好受落呢度d健康飯菜，但同 木台 既男士會心生怨恨(唔夠飽呀~!)‧‧‧

份量少, 唔算好食, 態度嚇人~~ 在灣仔咁旺的地方，有大把好食的地方, 我唔小心食左一次呢間....叫個湯麵, 但份量少過人地的兒童餐...當我向店員反映, 份量太少時, 還遭揶揄一聲 「痴線」！大家唔好亂試~~

又到了當值的日子，最近天氣雖然不穩定，但仍然無影響到蘭杜街搵食的決定，無他的，下午茶時段，正是最舒服的食飯時機...蘭杜街大部份食肆的下午茶時段是由兩點開始的，完全 fit 晒我個食飯時間，想了一想，決定到友膳坊一試，全因『肉燥炆米』。自從食過台灣的度小月後，我成了肉燥的俘虜，外表平凡，不太健康的食材，卻有可圈可點的美味，於是進入環境整潔的小店內，二話不說點了肉燥炆米及凍奶茶($30)，老闆娘正如其鋪名一樣，十分友善，看其與客人寒暄，應該是靠街坊生意為主的 不用片刻，即叫即炒的肉燥炆米已端上來了，肉燥是易煮難精的食材，把握不好便會令味道過鹹，特別是跟米粉配在一起的時候，但這店也做得不錯，味道適中，肉燥配以紅青椒絲、芽菜、青菜炆米，賣相富色彩又健康，相當討好。或者下次再試試叫小菜，以其具家庭式的口味來看，應該不會令我失望的

我想在外食飯, 難得找到沒有太多味精的食館. 勝在這裡是有的, 也不太油膩. 當然, 要很有Wok氣的, 在這裡是不會找到的; 但在家中何嘗有大排檔的Wok氣. 這裡的待應是太太級, 晚市食得多, 她們也會有一點媽媽級的關心. 整體干淨, 清潔, 也沒有一點油煙味. 惟有地方小一點, 不過, 晚市也是一個平宜的聚腳點.

公司搬了去灣仔，一切午膳調查工作又要從頭來過。又迫又髒又貴，是我之前在灣仔午膳的印象。友人介紹下，二時左右走到有點難度的蘭杜街(原諒我的爛gag吧)，且看此小店能否突圍。基本上能熬到二時，人流已去之大半，環境自己地加了分。然而此店的tea 確實也具水準，簡單的米線，能用上濃而沒味精的湯底，呷一口，總算是難得的溫存。一碗無味精米線、一杯用上家庭式耳杯的熱飲，才二十塊，為何還要吃那些死咸的新x記粉麵？﹗

lunch 叫了土魷肉餅菜飯, 菜飯不夠多菜, 但勝在不肥膩,肉餅有味精(可能是淋面的鼓油), 但也能吃出土魷香, 肉餅面加了兩棵小棠菜。同桌的女食客要了xx豆腐菜飯, 批評很清, 很少肉碎, xx湯麵, 很淡沒味, 炒辣xx粒菜飯, 太辣, 我不太清楚是她們自己的選擇有問題, 還是食物質素有問題。太迫了, 沒有再叫飲品便走。