古琴雅苑 (QRE Plaza)

營業中

休息中

約左D friend dinner 朋友話想食中菜，又想揾D地方坐得舒服又有格調既，上網見到 “古琴雅苑” 環境幾好咁，即刻book位先。dinner 當晚見到都幾多人，差唔多都full ，但好彩坐位之間都幾闊落，坐得好舒服，又唔會太嘈，分分鐘最嘈係我地嗰枱😂😂，傾偈一流。食物都唔錯，order左 幾款比較出名既食物，質素都好。松子魚 $238之前好少食，魚肉滑溜無骨，輕輕炸左外皮，配上酸甜汁，好開胃。酒糟烤鴨 半隻 $188烤鴨有少少酒香好特別，不過鴨本身唔夠肥，乾左D，無左D鴨既油香味。小籠包 $68熱辣辣，皮唔算好薄，但都包住滿滿既湯汁，我自己就好鍾意呢度食物質素唔差，又坐得舒服，下次聚會首選。

港島叮叮遊，玩完一輪過嚟QRE打個卡，搵啲嘢食先吖，附近食咩好？《古琴雅苑》都係其中一間城中幾有人氣嘅片皮鴨，試試佢先。招牌菜，酒糟北京烤鴨。的確有微微酒香，切法係比較連得多少少肉，每一片皮嘅比例唔算多，所以唔會太油膩。配菜方面，基本嘅都會有之外，仲會有哈密瓜，一般嘅店比較少見，配埋一齊食好清新。砂鍋雲吞雞，雞喺湯裡面滾得比較耐，所以唔好期望會係嫩滑嗰類，但係正因為咁，湯頭嘅雞香味都係夠濃郁嘅、整體感覺清甜。蟹粉鮮魚羹，熱辣辣亦好足料，食完成個人暖晒。冰鎮孔雀鮑，調味較輕手，所以感覺相對淡口，唧少少檸檬提下鮮效果更佳。小籠包，皮唔算超薄，但肉計夠多， OK。泰泰呢？食個嫩雞煨面就搞掂晒啦。當日雖然係平日，我哋6點幾到，但係去到8點都見到門口有人排緊隊，都要交枱，生意好似都不錯，如果想坐得耐少少就未必得喇，大家可以留意返。p.s.人多／唔想諗都可以望一望「夏日嚐鮮」套餐，最招牌嗰幾樣野都可以食到。

同屋企人食飯 想久違咁食餐京菜😋店員推薦我哋試下夏日嚐鮮既餐牌我地就係裡面揀左幾個主菜試試🥢北京烤鴨 半隻 $188上菜前店員遞上一口酥 推薦我哋點砂糖食一隻鴨原來只得8片 好酥脆 入口即溶烤鴨皮脆肉嫩推薦配埋哈蜜瓜一齊食 甜甜地又解膩🥢砂鍋雲吞雞 $178煲到奶白色既雞湯湯頭濃郁 鮮甜唔油膩雲吞皮薄餡料豐富 雞肉唔柴之餘店員仲會幫手拆骨 懶人必點一煲夠分6碗 抵食😜🥢揚州水晶肉 $79肉凍晶瑩剔透加埋薑絲同醋一齊食 更有風味😋😋😋🥢瑤柱蛋白炒飯 $99炒飯夠鑊氣 調味適中瑤柱鹹香 蝦仁新鮮唔梅🦐

趁暑假得閒啲又relax嘅日子，都會帶兩姊妹周圍玩吓同食吓野。上星期溜完冰⛸就同佢哋去行吓灣仔 「玩具街」，再响附近食上海菜，因為家姐話好想食片皮鴨(真識食呀)😆去到 古琴雅苑 覺得環境唔錯，店員安排我地一家四口坐窗旁嘅卡位，好闊落又舒服。我哋可能太肚餓，好快就諗到心水餸菜😉北京烤鴨 ($188半隻)半隻嘅分量啱啱好，鴨皮香脆不油膩，皮肉比例恰當，配以爽口嘅哈密瓜、青瓜，口感一流。我就鍾意加多少少葱絲，混合埋京醬醬汁，好滿足！每塊麵粉皮好煙韌，而且用食物紙隔開，容易拎又唔會癡住，兩姊妹就越包越開心，有得玩又有得食😂 另外仲有一小碟嘅”一口酥”(4小塊)，淨係鴨皮而且特別鬆脆，經店員提醒，可以點砂糖或柚子醬，入口即溶嘅感覺，真係特別令人回味😊風味松子魚($238)上碟前，店員會幫忙切開成小魚塊。松子魚肉好嫩滑，外皮亦炸到脆卜卜，最喜歡個酸酸甜甜醬汁，仲有好多松子、波蘿粒，越食越開胃！砂鍋雲吞雞 ($178)呢個係為細妹特別order，因為佢係超級喜歡食雞同飲雞湯😋 店員又係好好服務，會幫忙分湯同餸。個湯超香甜，細妹飲完湯再揸住隻雞髀🍗食，佢話好滋味😝一鍋裡面有6粒大大嘅雲吞，我至愛😚高力

典雅的裝修，環境舒適，最適合與親朋好友相聚品嚐一下京滬菜，我們一行四人，懶得諗掂乜嘢菜，索性點一個夏日嚐鮮set A 四人餐($1218), 有曬必試的北京填鴨和風味松子魚，已經包埋茶位和加一， 抵食中菜第一步：揀茶，呢度嘅特別茶款有玫瑰荔枝，以紅茶作基底，充滿幽香的玫瑰荔枝味，必試，還另外點了一壺桂花烏龍，桂花味唔算好濃，烏龍夠靚前菜冷盤花雕醉雞和雞絲粉皮，到水準，合格湯類點了香菜鮮魚羹，一大鍋可以分成五小碗，打芡做得好，稠度適中，內有魚肉和應該也有一些蟹肉， 品嚐得出鮮甜烤北京填鴨半隻，鴨肉軟滑，刀功幾好，每一片的肉和皮比例適中，唔肥， 不過略嫌鴨皮唔夠酥脆重點菜風味松子魚，吃的不單是味道還有師傅功夫 ，在鱸魚身上片出刀花，蘸炸漿再炸膨鬆成瓣， 淋上甜酸醬汁，這道菜我比較少吃， 吃罷覺得很醒胃，酥脆甘香， 有很實在很滋味的感覺， 咁大條魚，要同幾個朋友一齊食，先ko到佢個餐仲包含其他菜式， 分量真係好多， 食到一半要中場休息一下京醬爆肉絲配荷葉包， 微甜，又幾好食喎乾扁四季豆，做到又乾又扁既standard，合格古琴鹹肉菜炒飯， 呢個炒飯其實好簡單，冇乜太多花巧嘢， 鹹肉味都唔係好

⁑📌 古琴雅苑𝙕𝙞𝙩𝙝𝙚𝙧 𝙂𝙖𝙧𝙙𝙚𝙣尖沙咀北京道12A號太子集團中心15樓•終於終於🥳又去食北京烤鴨，今次食咗個🥡飽魚海鮮2人餐，價值💰808，另外，我仲散叫咗個花雕醉雞同腰果露。套餐入面我會揀幾個精選嘅菜都同大家介紹😚•🥢烤北京填鴨半隻北京填鴨嘅食法非常創新，一開始佢會片5-6塊1蚊銀咁大嘅鴨皮，叫做一口酥🥰佢嘅建議食法係就咁點砂糖或者梅子醬，唔好睇佢脂肪個層好似唔係好厚咁呀，佢嘅油香味依然好足夠😆而且做到入口即化，仲非常酥碎添，點咗砂糖或者梅子醬食就一啲都唔膩啦✨💡不過想提醒翻北京填鴨係上菜之後一定要盡快食曬，一凍咗之後鴨膻味就好明顯🌬而且鴨皮會俾慢慢流出嚟嘅鴨油浸到淋咗😢🎏推薦指數: 9.5/10•🥢花雕醉雞 (散叫)雞肉頗嫩滑，而且花雕汁調校得好香好正🤤但係放起最頂嘅雞肉唔夠入味，好似一啲比較滑嘅白切雞咁，不過點翻啲汁，味道就即刻夠得翻🤩🎏推薦指數: 8/10•🥢宮保蝦仁蝦仁尚算彈牙🦐但稱唔上好新鮮。除此之外，就真係冇野可以挑剔啦，醬汁帶點微辣🌶而且相當惹味，最後想大讚佢嘅腰果炒得好香脆，令人一試愛上😍🎏推薦指數: 9/10•🥢杞子桂花糕桂花味好清新🌼而且桂花糕軟硬度適中，

好耐冇食過北京填鴨，於是同屋企人黎咗呢間古琴雅苑。除咗烤北京填鴨(半)，見店員推介個新出嘅《夏日嚐鮮》menu，於是叫咗個風味松子魚同砂鍋雲吞雞。另外仲叫咗南翔小籠包。半隻烤鴨份量都唔少，鴨肉皮脆肉嫩，鴨嘅油香撲鼻。烤鴨有3款配料同3款醬料夾住食，其中最特別嘅係好fresh嘅哈蜜瓜同梅醬，完全消除左油膩感。松子魚炸得香脆，魚肉嫩滑而且冇骨啖啖肉，淋上酸甜醬汁，加上蔬果同松子仁，口感豐富。雲吞雞湯底非常清甜，有香清嘅雞味，雲吞皮薄餡靚，半隻雞雞肉嫩滑。至於小籠包，1籠6隻，皮嘅厚度適中，唔會太厚實又唔會好易穿。小籠包入面湯汁豐富鮮味，點少少醋同薑絲可以提升鮮味。。。古琴雅苑 (QRE Plaza)灣仔皇后大道東202號QRE Plaza 19樓。。

終於試到呢間人氣北京填鴨店一入到去環境非常舒服今次叫左好多唔同款嘅菜式不過有機會都會再去試埋其他推薦菜🔥🐤 烤北京填鴨 半隻 ($188)重點主打北京全聚德傳統烤北京填鴨 掛爐方式去烤 食落口真係皮脆肉嫩 超級香嘅油脂味🤤食烤鴨一定要加上清新嘅配菜好似哈密瓜就比較特別仲有佢地秘製嘅蜂蜜黃梅醬和京醬咁樣絕對可以減輕油膩感🔥另外仲有一小碟一口酥其實就係片皮 揀左烤鴨最脆嘅部份 點砂糖食真係好正🤍重點想讚一讚塊皮 上左枱一陣都仲係熱辣辣 仲要好煙韌💯🐟 風味松子魚 ($238)鍾意食咕嚕肉就一定會鍾意呢個醬汁松子魚炸得好香脆 糖醋汁極開胃😋🦀️ 蟹粉撈麵 ($168)蟹粉味道唔夠濃 同出邊食開嘅有啲唔同而且麵質比較淋 同埋食落油膩感好重呢個有好大嘅進步空間💪🏻🦐 黃金明蝦球 ($188)蝦球好爽口彈牙 亦都鋪滿晒鹹蛋黃去炸可惜蝦球非常鹹 食一舊要飲好多茶先解到😭🍲 砂鍋醃篤鮮 ($168)呢個湯都幾有驚喜 充滿着鹹鮮味道用左鹹肉鮮肉同埋冬筍去燉令到鮮味更加出 湯底非常奶白🤤🥢 精美四小拼 ($168)揚州水晶肉同花雕醉雞味道唔錯醉雞肉質非常嫩皮帶有一層透明啫喱😋水晶肉晶瑩剔透入口開胃

星期日晚同屋企人去灣仔QRE樓上餐廳食中菜之前試過古琴雅苑既外賣好高質今次一於book枱食晚飯前菜方面叫左蔥油海蜇拌青瓜 ($79)中式餐廳我最鍾意就係叫海蜇食所以今日叫左海蜇青瓜海蜇份量都唔少配埋脆口既青瓜就perfect砂鍋雲吞雞 ($178)砂鍋雲吞雞可以分到六碗每碗都有一至兩隻雲吞湯底好清甜雞肉又夠嫩滑帶子賽磅蟹 ($138)賽磅蟹撈飯一流配上珍寶帶子片令到鮮味更突出開洋蔥油拌麵 ($78)呢個提提大家要趁熱食掛住影相攤凍左麵身就比較乾不過味道係好食既蝦乾都幾多古琴鴨肉炒飯 ($98)食北京填鴨之前食左古琴鴨肉炒飯炒飯鑊氣十足又夠大碟唔會好油膩烤北京填鴨 (半隻 $188)店員上碟時叫我地食左個一口酥先可以點砂糖食一口酥係烤鴨最酥脆、油花最多既部分配菜方面除左有青瓜、蔥、烤鴨醬之外仲有哈密瓜同蜂蜜黃梅醬好特別

一直都好想食北京填鴨，今次就同屋企人去咗灣仔呢間京菜餐廳試吓環境闊落，座位舒適食物選擇都幾多北京填鴨有得全隻或者半隻有唔同配料同埋醬汁，店舖仲會好細心咁提供手套鴨肥瘦適中，都幾入味包住京蔥、哈密瓜同埋青瓜一齊食唔會好膩味道啱啱好，值得一試佢哋新出左夏日嚐鮮套餐，都幾抵食有多款精選菜式可以選擇不過自己食唔晒所以就散叫未試過松子魚，見到佢幾推介就試埋佢一上枱就望到就知好食，勁大條魚上面淋左好多醬汁，食落酸酸甜甜幾開胃條魚都炸得幾滑，唔會好乾個人幾鍾意雞絲粉皮夠爽口，花生醬好好味夏天食一流醉雞賣相好靚，食落好入味而且好滑皮蛋豆腐味道相對較其他普通如果可以再多少少醬就會更加好食小籠包大小適中，一咬落去好多湯汁味道不過不失自己好少會見到油燜筍咬落去夠爽脆，調味啱啱好栗子白菜幾特別，啲菜吸晒啲湯汁味道唔錯飲品方面試咗冬瓜薏米水，唔會好甜有啲冬瓜同埋薏米粒，解暑一流屋企特別鍾意佢嘅酸梅茶，飲落唔甜飲到少少甘草味，味道天然，非常好飲整體上都唔錯，特別係松子魚同埋北京填鴨服務態度親切，環境同埋食物質素都幾好推介比鍾意京菜嘅人，有機會會試埋佢其他嘢

早幾日同4位朋友聚下，我哋都想食片皮鴨，咁就係 @openrice_hk 睇下有邊間多好評，就搵到呢間「古琴雅苑」，順手就訂埋枱😬我哋book左夜晚8:00，去到已經好多人等緊拎枱，場面有啲混亂，好彩有book到枱，同職員confirm左之後就好快安排入座，因為朋友們都好肚餓啦😝我哋叫左個4人餐 + 小籠包 + 半隻片皮鴨 + 花雕醉雞(訂座4-5人送的)4人餐 $1198花雕醉雞好香酒味，亦都好入味😋津白雲吞湯 好鮮味，雲吞皮薄餡靚🤤烤北京填鴨全場嘅皇牌，無可挑剔😋風味松子魚酸酸甜甜好開胃，起哂啲肉出黎啖啖都係肉👍京醬爆肉絲(配荷葉包4件)好入味，夾埋入荷葉包度，都好配😬乾煽四季豆呢個餸就基本水準😊杞子桂花榚好清甜，好香桂花味👍南翔小籠包$62呢個餸係咁多個餸較為差嘅一個，啲皮有啲厚，上湯欠缺熱度🙈

想食片皮鴨好耐，終於有日OT嗌咗古琴雅苑，第一次食～ （之後自己都有去堂食，集合兩次食評一齊寫～）食物：- 北京填鴨：（外賣+堂食）外賣黎到意外地都幾好食；鴨唔老，醬料好食，配料都好夾～- 金腿濃湯津白：（外賣+堂食）好食！唔會好咸，菜煮得啱啱好，推薦！- 上海炒年糕：（外賣+堂食）好好食，年糕夠滑夠入味，唔會死咸，推薦！- 瑤柱蛋白炒飯：（堂食）唔錯！會再食～- 螞蟻上樹：（外賣）還好，得過且過啦，不過下次未必會再嗌哈哈- 雞絲粉皮：第一次食個陣好驚艷，覺得好好食（堂食個次去食就覺得一般，冇第一次食個陣咁好食，不過我覺得都可以一試）- 京醬大蝦：（堂食）唔錯，夠入味～- 腰果露：（外賣+堂食）我就覺得一般，不過有其他人覺得好好食，所以都係睇自己喜好+取向～總結：食物大致都唔錯，幾好食，會再食！

CP值：4/5 價錢：- 古琴酒糟烤北京填鴨 Zither Garden Vinasse Roasted Peking Duck (Half): $188- 風味松子魚Deep-fried Fish in Sweet and Sour Sauce：$238- 南翔小籠包Steamed Pork Dumplings: $68- 高力豆沙香蕉 Deep-fried Souffle Ball with Mashed Red Bean: $ 58- 柑桔酸梅茶 Tangerine and Plum Tea: $29（加一服務費 +10% service charge) 尼道嘅北京填鴨好出名，而且仲有酒糟嘅香味添， 好特別！😍所以就算我地得2個人，我地都叫左半隻黎試下🤣🤰🏻果然真係好好味！當我一擺佢入口，啲油就噴射式咁係個口道爆開！🤤而且尼道嘅片皮鴨唔係淨係得皮，會連肉有啲人可能會唔鐘意，但其實啲肉係好鬆軟，有肉汁，所以我係唔會抗拒架🤣值得一提嘅係呢度啲麵粉皮好煙韌👍🏻而且啲配菜都好特別，有成6碟，其中一野係哈密瓜，估唔到哈密瓜同片皮鴨係咁夾架😍 松子魚炸得勁脆！🤤而且仲去晒骨，完全唔洗擔

本身都幾鍾意食片皮鴨，bookmark左幾間餐廳，古琴雅苑係其中一間，終於同屋企人去試咗！.茗茶：玫瑰荔枝茶 🌹🫖除咗供應普洱壽眉呢類一般嘅茶以外，仲有特別啲嘅玫瑰荔枝、桂花烏龍等。玫瑰荔枝茶味清新，帶淡淡玫瑰及荔枝香味，飲落幾順喉。.烤北京填鴨 $185半隻 $368全隻 🦆呢度嘅片皮鴨係鴨皮連肉，片得厚薄一致，鴨皮下帶有油脂，烤後逼出油脂，唔會覺得好油膩，皮脆肉嫩富油香，搭配傳統餅皮，餅皮薄薄的口感煙韌。配料有青瓜、京葱、哈蜜瓜等，可蘸傳統京醬或秘製蜂蜜黃梅醬。不過片皮鴨一定要趁熱食，凍咗就會有少少出油。另外有一碟「一口酥」，淨皮片自鴨胸位置，係全隻鴨最酥脆嘅部分，餐廳建議蘸白砂糖食，真係又鬆脆又酥香。.蟹粉撈麵 $168 🦀🍜而家雖然唔係大閘蟹嘅當造季節，但蟹粉味道尚算唔錯。蟹粉色澤橙黃，有蟹肉、蟹黃、蟹膏及蟹爪肉，質感濃稠份量都唔少，每一啖麵都沾滿蟹粉。.帶子賽螃蟹 $138 🦀蛋白炒得啱啱好，口感嫩滑，蛋白本身味道偏淡，加咗瑤柱及帶子增添了鮮味，配上鎮江醋更加分。.砂鍋雲吞雞 $178 🍲雞湯熬到奶白色，味道香濃，非常鮮甜。有半隻鮮雞，雞肉肉質都幾嫩滑，菜肉雲吞皮薄餡料飽滿，

🍴烤北京填鴨食填鴨之前,先上咗一口酥,真係好酥化同油香好重,侍應建議點砂糖食,但我鐘意點黃梅醬,可以解到陣油膩感(圖係半隻份量,但其實我地食咗一隻🤭)北京填鴨係皮連埋肉,師傅片出黎嘅厚度幾平均,食落外皮幾香口,鴨肉嫩滑,食落幾juicy,而且可以加青瓜,哈密瓜,京蔥,京醬,黃梅醬等等,口感相當豐富麵粉皮亦都幾薄,整體黎講都唔錯😋😋🍴砂鍋雲吞雞見佢有幾個夏日嚐鮮嘅推介餸,叫咗個雲吞雞試吓,有六粒雲吞同半隻雞左右,畢到大約五碗～湯底雞湯味幾濃,啲雞就算煲完湯都仲好滑,亦都唔會冇晒味,雲吞都幾好食☺️🍴南翔小籠包一籠有六隻,皮唔算超級薄,但可接受,湯汁都幾多,肉質實淨,點少少醋同薑絲可以提鮮😇🍴揚洲水晶肉🍴蝦仁蛋白炒飯🍴雪菜毛豆百頁豆腐味道唔錯,價錢都算實惠,想平平地食北京填鴨,呢間都係唔錯嘅選擇😇😇P.S. 食完飯埋單,有個QR code,填咗問卷會有coupon