古琴雅苑 (QRE Plaza)

營業中

休息中

相片已代表一切，完全放唔到入口，聞落勁大陣燶味，最尾直接揼落垃圾桶🤬🤬🤬🤬😡😡外賣極之伏 第一次食 已經係咁 永不錄用🤬🤬🤬🤬🤬🤬😡😡😡😡

母親節嘅第二朝就要考試，唯有唔喺正日慶祝。於是，前日就同爸爸媽媽去呢間古琴雅苑，食我哋最鍾意食嘅北京填鴨，當係母親節晚飯。🦆烤北京填鴨（半隻）$185 三個人share半隻烤北京填鴨食好夠食。呢度嘅北京填鴨肉質細嫩，肥而不膩。鴨皮好脆之餘，鴨肉亦都唔鞋。加埋青瓜、哈密瓜、京蔥、京醬同埋蜂蜜黃梅醬，以好薄嘅鴨卷餅包住，就變咗一道人間美食。我個人唔太鍾意食京蔥，所以就冇落到京蔥。青瓜同哈密瓜嘅清新，鴨皮嘅香脆同油香，醬料嘅甜味，對我黎講缺一不可。一口咬落去，無論係味道定係口感嘅層次都非常豐富，令我一件接一件咁食。另外，店員亦都會切咗幾片香脆嘅鴨皮，可以就咁點砂糖食，估唔到竟然會有入口即溶嘅口感，食咗之後仲齒頰留香。🐟風味松子魚 $238松子魚係原條咁上嘅，然後店員會喺我地面前將松子魚剪開一份份，方便進食。松子魚炸得好香脆，估唔到淋上甜酸嘅醬汁之後都唔會變淋，仲係好脆。入面嘅魚肉亦都非常嫩滑，好好食。🥬蒜子干貝時蔬 $82呢個係我話一定要叫嘅，因為食咁多美食，唔可以唔食啲菜。而個菜我都希望係相對清淡少少嘅，所以就揀左呢個唔係炒，而係上湯嘅蒜子干貝時蔬。干貝份量都幾多，而時蔬係菜心。菜心軟硬度

最近特別想食北京填鴨，千挑細選之下嚟到古琴雅苑用膳。適逢母/父親節店家更推出咗特別菜單，絕對喺家庭聚會嘅好選擇👨‍👩‍👧‍👦• 午市四人A餐 $668🐓花雕醉雞花雕酒味香濃突出，雞肉厚身嫩滑😛🥒蔥油海蜇拌黃瓜清涼爽口嘅海蜇撈咗麻油、蒜蓉，喺一道幾開胃嘅前菜🤤🦆烤北京填鴨（半隻）雖然望落份量有啲少，但係加埋其他小菜，其實依個份量已經好足夠😗鴨肉燒得皮脆肉嫩，油脂感十足，附送青瓜、京蔥、哈密瓜等配料，唔少得必備嘅卷餅，包住鴨肉同配料醬汁食就係最正宗嘅食法，一口咬下口感勁豐富😋🦁紅燒獅子頭一客兩大粒獅子頭，每人半粒啱啱好！第一次食獅子頭，聽講做法好繁複，俾我嘅感覺就好似食緊中式嘅漢堡扒咁，味道一啲都唔油膩☺️🥬開水白菜菜就冇咩特別，不過食咗咁多肉嘅時候食下菜清清地都唔錯😌🍚古琴鴨肉炒飯聞落去好香，不過鴨肉比較細碎，飯炒得粒粒分明好有鑊氣😉• 風味松子魚 $238醬汁就好似咕嚕肉咁酸酸甜甜，原條魚炸得夠通透，裏上醬汁都唔易變淋，而且冇細骨啖啖肉，大人細路都啱食😌• 餐前小碟 $15

生日壽星話好耐都無食過北京烤鴨，碌左幾間最後揀左古琴雅苑。北京烤鴨皮脆，仲特登分左小碟放最脆既部份提示我地要試左先，鴨肉調味唔會太濃，食多啲都唔會話好滯，平常出面好多食兩舊就滯到飽，呢度整得恰度好處，值得試下。小籠包皮有啲厚，湯唔多，略為失色，雖然味道上可以。上海炒年糕亦普普通通無乜特別。高力豆沙亦都係無乜特別，紅豆唔夠多同濃厚，無嗰種食埋甜品好滿足既感覺。整體還境同服務都好好，但係上菜有啲慢，一碟碟黎食哂再等一排先黎下碟，但特別要讚餐廳有留意到我地係生日飯有送到壽桃，而且幾好味！

想加料，除了燒味斬料，花巧fd可片皮鴨半隻，佢係肉連片拱片，另外會用一個人地裝薑容的盒放左近pat pat位的皮，我食Peking duck 就係鐘中佢皮包皮（夾餅包鴨皮）油香四溢，媽媽食到唔停口，仲有佢的配料除左䓤同青瓜仲有蜜瓜條，青新爽口又解膩！半隻三個人都係慢慢緊，下次可以挑戰一隻呀！果然太心急食一張相都無影🤗🤗🤗🤗外賣半隻一盒裝鴨，一盒裝夾餅，一盒裝配料，特別細心的係佢地用石紙袋裝住d鴨保溫，我回家起馬要半小時，所以都真係幾有用！

之前曾經叫過外賣片皮鴨，質素不俗。所以今次專程到門市試試。去到叫咗個4人餐，頭盤同片皮鴨質素都OK。點知失望就開始，因為用呢個app定枱，送一個小炒。嗰個味道唔係太好，而且全部都係D鵝頸位炒苦瓜。跟住嗰個宋嫂鮮魚羹，只係食到啲醋味，完全冇魚味，我哋四個人每人食咗一啖，就已經叫佢拎走。之後個經理就回左句，「你哋唔啱食啊，但我哋賣得好好喎」... 之後接着啲嘢食，個味道都係麻麻哋。炒飯太濕，個魚個賣相都唔係太好，味道都麻麻地，而且條魚好唔新鮮好散，炒牛肉味道一般般，個菜已經係最正常。最後連個桂花糕，啫喱粉嘅魚膠味好重，完全食唔到桂花味。總之一句講晒，極之失望，以後應該都唔會再幫襯。

@zithergarden 見餐廳最近推出左「春日尋味，歡聚古琴」menu就一於去試吓❤️未上菜前已經有花生 🥜 同埋酸蘿蔔 🥕 jeng!1️⃣ 😽 招牌北京填鴨 🦆 （half) $185本身有分兩款❤️分別係傳統嘅北京填鴨同埋古琴酒糟烤北京填鴨 因為唔係咁鍾意酒味就揀咗傳統嘅 片皮鴨上嚟以前會有一碟一口酥俾你配砂糖點 微炸過嘅鴨皮😍充滿鴨油 至於片皮鴨都算好薄身 配料（青瓜，哈蜜瓜，京蔥同醬料（京醬，蜂蜜黃梅醬）非常豐富💕仲可以免費添加！第一次試片皮鴨配哈密瓜條/黃梅醬 感覺清新冇咁膩😏而且餅皮薄得來都煙韌 每塊餅皮仲有紙隔住 好細心 唔會痴埋一舊2️⃣ ❤️ 蜜汁燒火方 🐖 $185呢個好有驚喜！😏💗💗 第一次試火方 佢係用金華火腿中品質優良的中方為主料 然後用冰糖水💕蜂蜜 🍯 反覆浸蒸幾個鐘而成 配上好似平時食叉燒嘅蜜汁😍鹹甜交替 仲有六片煙煙韌韌既荷葉包俾你夾住😚好味！3️⃣ 💛 黃金明蝦球 🍤 $188呢個大推！💯本身已經好鍾意鹹蛋黃 呢一個餸唔單止好有好彈牙嘅蝦 🍤 仲要每一隻都鋪滿左鹹蛋黃 邪惡得來又好味 😋 不過隔離啲菜就比較硬身 4️⃣ 🥬 蟹粉小棠菜 🦀 $ 138 蟹粉唔算多

平日夜晚7點嚟到已經好full咁好多人，好彩我地都有檯，不得不讚經理嘅服務態度實在不錯，同朋友都食得好開心🥰🥰·一入座問飲咩茶，都好熱情推介瑰荔堂煌，姐係玫瑰荔枝茶，幾特別嘅，飲出好香玫瑰味🌹·✨烤北京填鴨半隻🦆 $185每檯都必點嘅招牌菜式❤️👍🏻，北京填鴨賣相好duck🦆用個鴨仔碟裝住😆配料有薄餅、京蔥、青瓜、哈密瓜、京醬、蜂蜜黃梅醬食北京填鴨先食一口酥（雖然我後尾先食），姐係鴨胸皮，有五塊，點一點砂糖食，入口啖啖都係鴨油🤣我食咗一舊就唔敢食，滿口油😂但個北京填鴨堅係高質，個籠裝住12塊薄餅，每一塊之間都有張蒸紙隔住好方便👍🏻自己diy，擺上填鴨同各種配料，塗上兩種醬，捲埋嚟食，薄餅皮夠薄，填鴨皮脆肉嫩🥰🥰薄餅同鴨肉份量都好足下🤣，餐牌話配料原來可以添加，宜家先留意到🤪·✨風味松子魚🐟 $238好鍾意呢味，平時唔鍾意蒸魚，但如果係呢種魚就好鍾意😍，個魚炸得好脆，仲介開一粒粒咁，個汁又酸酸甜甜，好啱胃口，我連魚頭都試下食，見佢炸得咁酥脆咪試下，不過條魚再大條啲就好啦🐟·✨花雕醉雞🐔 $79朋友想試呢個，雞肉都嫩滑，作為小菜嘅佢份量唔算多，酒味可以再重少少🤏🏻·✨蟹粉扒小棠菜 $138蟹

❤️好耐冇同爹哋媽咪出外食飯喇，難得放寬咗四人堂食，帶佢哋食最鍾意嘅中菜，記得之前喺另外間分店食過，當時大家都對啲菜式都好滿意❤️我上網搵吓，發現原來佢哋喺灣仔都有分店，咁近，梗係要再食。✨烤北京填鴨 半隻～配料有青瓜、哈蜜瓜、京蔥，醬料有京醬、蜂蜜黃梅醬，店家好大方，全部都可以免費添加👍記得以前會有師傅過黎喺面前切，但係而家因為疫情關係，就會係佢哋嘅廚房即叫即切，呢度係廚房採用open kitchen，見到廚房燈光光猛非常乾淨，咁就放心得多👍✨砂鍋雲吞雞～一打開就見到大大隻雞肉，店員仲會幫我哋分好雞湯同雲吞，加上紹菜煮嘅湯頭，特別清甜，呢啲天氣感覺零舍滋潤。✨蔥油海蜇伴黃瓜～海蜇係上海嘅特色菜，食落爽口彈牙，呢度嘅醬汁有香醋、醬油、麻油、蒜蓉，但因為海蜇本身係冇味，配合呢個比較濃味嘅醬汁，反而就啱啱好。✨招牌擔擔麵～擔擔面係Daddy去到菜館必叫嘅菜式，鍾意佢有濃厚嘅花生味，遠距離已經聞到香氣撲鼻，呢度係用上比較粗條嘅上海麵，食落辣辣地，爽口彈牙。✨京醬斑球～呢度嘅班球炸得好脆口，醬汁微酸甜甜地，好開胃，令人食完想再食多件😄，如果斑塊再厚身啲就好了，會食得再過癮啲。✨紅糖桂花湯圓～一碗有

古琴雅苑烤北京填鴨(半隻)黃金明蝦球砂鍋雲吞雞無錫脆鱔鴨鬆生菜包南翔小籠包價錢💲: $185/ $188/ $168/ $88/ $98/ $62好味程度😋: 3.7/5服務🍴: 4/5環境🗾: 4/5性價比🥢: 4/5回頭率😚: 3.7/5-真係好耐冇食過片皮鴨啦，今次就去到呢間古琴雅苑試試佢。佢哋而家仲有個最新春季餐牌，入面有唔同套餐，適合唔同嘅人數去食😋 但係因為我有啲想食嘅嘢係套餐入面冇，所以我就揀咗散叫。-我哋三個人去，叫咗半隻烤鴨🦆比較特別嘅係，佢哋有一個部份叫一口酥，油脂感比較重，同埋黃梅醬同砂糖食，可以減低油膩感，幾香脆，咬落即刻化開😆 鴨肉片得好平均，皮同肉的比例好適中，又夠薄，配埋特別的哈密瓜一齊包來食又幾好食😚 仲有，呢度嘅餅皮呢度嘅餅皮超級薄，係我第一次見過咁薄，所以食多幾塊都唔會覺得太飽🤪-除咗片皮鴨，我哋都叫咗幾個餸。1️⃣黃金明蝦球🦐 蝦球都幾大隻，用咗拉油嘅方法去整，所以外層食落比較軟，出面係包住滿滿嘅鹹蛋黃，超級邪惡🤣 2️⃣砂鍋雲吞雞🐔 大概可以分到四碗，湯底幾鮮甜，雲吞皮薄餡料滿，菜亦都煲到好淋，係雞肉因為煲過湯所以會少少柴🤔3️⃣無錫脆鱔。將啲鱔切到一條條炸

朋友話想食片皮鴨，就佢哋放工揀咗灣仔呢間食淮揚菜既古琴雅苑，食北京烤鴨😆🦆佢個玫瑰荔枝茶好飲😍🔸花雕醉雞🐥醉雞醃到好入味，有酒香但唔會太濃味，恰到好處😋🔸意大利黑醋骨估唔到熱食上菜咁快呀👍🏻 落單5分鐘就到😂 初頭仲驚係咪一早炒好左，結果一食落去熱辣辣，醋汁未食已經聞到好香，酸甜開胃，肉質夠稔唔會韌😋 份量剛好夠3個人食，唔洗怕太大份食唔落其他野🔸蟹粉豆腐🦀愛蟹人士必點🦀🦀 食蟹粉嘅餸最怕就係期望多多蟹粉，結果就得個丁丁🙄 但餐廳完全冇令人失望!! 毫不吝嗇 勁多蟹粉🤤 大啖食極都仲有👍🏻除咗蟹粉仲有絲絲蟹肉，十分推薦！🔸烤北京填鴨（半隻）🦆店員建議先食「一口酥」，即係鴨心口塊皮最脆個位，點糖/黃梅醬食，好香口！鴨肉份量都好多，鴨皮酥脆，鴨肉唔算多脂肪足夠我哋3個人食！北京烤鴨的配料有青瓜、哈蜜瓜同京蔥以及醬料有京醬同蜂蜜黃梅醬，最正係呢啲食晒可又免費再添😍😍哈密瓜係比較少見既配料，我都係第一次食，連同烤鴨食，甜甜地幾清新，平衡左油脂感。🔸十三香濃家雞🐥雞件好大件，食落有咸香味，帶微辣，都幾惹味。佢個「春日尋味 歡聚古琴」啲套餐menu都幾抵食，不過朋友有一兩樣野想食，最後都係散叫😂下

好耐之前已經聽過我朋友講灣仔有間唔錯嘅中菜餐廳，叫做古琴雅苑。因為疫情掛關係，平時都係買外賣多。今日就決定去買個外賣黎試試。我係OpenRice 訂左個古琴鴨肉炒飯。拎到番黎一打開，睇落又無乜特別，普通炒飯一個。但一食落，真係不得了。佢啲炒飯粒粒分明，每一啖咬落去都好惹味。個飯唔重鑊氣，唔算好油，啲飯好好咬口，配合埋佢啲鴨肉，真係一流。呢個四十幾蚊既鴨肉炒飯好過好多出面茶餐廳/大排檔既炒飯質素。試左佢個炒飯，大概都估到佢其他菜式差極有限，下次再覆桌👍🏻

港島吃貨系列🎏 — 古琴雅苑✨ 男士見家長必到🤣#90cp中菜篇 #90cp灣仔篇➖➖➖➖➖唔知有冇男士見家長嘅時候諗唔到食乜呢😂 去傳統酒樓可能又覺得太old school 但係又唔想有失體面 諗起都覺得頭痕🤢 近排小編就嚟咗呢一間出名食片皮鴨嘅餐廳 位於灣仔利東街附近 無論係地理位置或者係餐廳格調一啲都唔失禮😌 食完飯仲可以去利東街影埋相🤣美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ 烤北京填鴨 (半隻) $185嚟到當然要試吓佢嘅北京填鴨🦆 食主菜之前佢會有個 “一口酥” (其實即係鴨嘅皮) 佢係配砂糖同埋酸梅醬一齊食 食落酸酸甜甜 口感極之鬆化 入口即溶😎 而主角片皮鴨雖然淨係叫咗半隻 但都算多肉🤤 比較有驚喜係配佢嘅酸梅醬加哈密瓜 成件事好清新 酸酸甜甜 食得多都唔怕漏😍 呢個絕對係必叫嘅菜式！🔸 風味松子魚 $238如果你鍾意食酸野 呢碟松子魚配飯啱晒你😌 賣相望落已經好吸引 食落佢個魚都煮得唔錯 而且冇骨食落啖啖肉 酸酸地愈食愈開胃😋 個汁拎埋嚟送飯

記得我媽咪之前講過話想食北京填鴨，今日趁着係佢生日，一家人諗住去食中菜，諗起之前有朋友推薦過呢間幾好食，所以就帶埋屋企人過嚟試吓！😆🐤烤北京填鴨（半隻）$185要講呢度嘅招牌就一定係烤北京填鴨啦，見到呢度嘅擺盤都好有心機，仲特登用一個鴨仔形狀嘅碟裝住，睇落去好可愛。呢度仲會送埋鴨卷餅同埋其他小菜，包埋一齊食嘅話感覺啲配料會蓋住填鴨嘅油膩感，一啖入面有配菜嘅清新同埋填鴨既味道，可謂係必點嘅一道菜！😋😋🐥砂鍋雲吞雞 $168原來佢哋最近宣傳緊《春日尋味 歡聚古琴》既菜單，有二至八人嘅餐單，仲有一啲精選菜式，包括蟹粉豆腐、蟹粉扒小棠菜、東坡肘子丶風味松子魚同砂鍋雲吞雞，見到咁吸引就點左其中兩道。呢個雲吞雞嘅湯底鮮甜有好濃厚嘅雞湯味，而雲吞感覺應該有豬肉同魚肉，見到口感更佳，味道不錯！🥬蟹粉扒小棠菜 $138本身只係諗住點菜食，以為同出面嗰啲都差唔多。但呢碟餸見到好比落足心機！蟹粉偏澀，感覺似羹嘅質地，但真材實料，入面有蟹肉同蟹膏，再配上清淡嘅烚小棠菜，食落去啱啱好！🐟京醬班球 $132京醬原來係一種北方嘅調味，配上炸魚球，感覺味道鹹甜適中，易啲醬味濃郁。呢度嘅班球亦係真材實料，用新鮮嘅魚塊炸

自從發現咗小朋友好鐘意食片皮鴨，我成日都搵有咩好地方食，最後試咗位於灣仔嘅古琴雅苑，真係無黎錯！佢真係捧住個大肚腩走，個樣超滿足，係食咗勁多勁多野！最驚喜係小朋友有得叫兒童餐，仲有畫筆畀佢畫畫添！原來佢地啱啱轉咗新餐牌，主題係「春日尋味 歡聚古琴」，可以單點或者揀選有2-6人套餐。今次我地就叫咗必食嘅北京烤鴨，同埋單點咗當中幾款必點菜式😋！北京烤鴨～鴨肉皮脆肉嫩，呢度嘅配料同醬料比出面有少少唔一樣，最令我驚喜原來夾哈蜜瓜係好出色，味道非常清新，消除肥膩感！鴨件沾上蜂蜜黃梅醬，酸酸甜甜都好好味！另外仲有一小碟一口酥（淨鴨皮），侍應教我地沾上少少砂糖食，酥脆之餘入口即溶！砂鍋雲吞雞～湯頭非常鮮甜，雞味濃郁。蟹粉豆腐～有好多蟹肉，幾鮮味，用黎餸飯👍🏻風味松子魚～係我最鐘意嘅一道菜式，醬汁酸甜，配以菠蘿、松子、青椒、洋蔥，口感豐富，賣相色彩繽紛，食落脆卜卜，小朋友都會鐘意食！兒童餐都一樣豐富，小朋友最欣賞桂花糕，邊食邊讚！呢度環境同坐位都好舒適，仲會有bb櫈提供，啱晒帶小朋友黎！