古琴雅苑 (QRE Plaza)

營業中

休息中

中菜成日食，其中一樣必定會叫既菜式就係北京填鴨。前排上郵輪食咗間中餐廳既填鴨，得層皮😰 大失所望！今日特意黎依間幾出名既中菜館。農家醬爆牛肉咸香味爆棚！雖然食落重口味少少，但牛肉口感比較鬆嫩，用來送飯一流😎風味松子魚我細佬至愛，想食魚但唔想挑骨頭🥸 懶人至愛。魚肉炸得香蘇可口，味道酸甜醒胃，而炸粉都唔會好厚，依味菜我俾9分😙螞蟻上樹本時食開既螞蟻上樹味精味都比較重，但依至既反而好重麻油香，食落無咁口乾但質地偏油，個人認為如果麻油落少dd就剛剛好😬 整體都唔錯~~最後最後！重頭戲北京填鴨！我地叫咗半隻。首先，先上咗一口蘇(鴨皮點酸梅醬同砂糖) 一口咬落去油香味喺口中爆炸🥺🥺🥺 點起晒我地既胃口！鴨肉同皮既比例恰到好處，唔會得皮無肉，口感嫩滑，的確不錯！而且配料同皮都可以refill。

在灣仔附近返工，lunchtime想食好點絕對不難，古琴雅苑就係其中一個選擇！ 每次去都好熱鬧，特別喜歡食餐廳的北京填鴨古琴酒糟烤北京填鴨（半隻）份量已經夠2-3個人食，最喜歡是他們的鴨皮脆肉厚，食落去啖啖肉，而且肉質好。配上多款特別的配菜和醬料，蜜瓜非常甜，同鴨夾埋一齊食好滋味。醬料方面有bbq醬同柚子醬，bbq醬比較惹味😋另外，京醬班球都係幾高水準的菜式，魚肉出乎意料地嫩滑新鮮，而且肉質非常好，還有外皮脆香得來鋪了滿滿的蒜+青椒紅椒粒，鹹鹹甜甜的幾惹味 ，match得好好！蔥油海蜇拌黃瓜的海蜇texture比較淋香，青瓜爽入味，好開胃之餘滲出粒粒蒜香味，而且好夠凍😆蟹粉蓋飯除了飯炒得香爽外，入面中有一條條鮮拆蟹肉，幾有誠意！邊食邊嘆他們的玫瑰茶，茶香味重，幾寫意。

在一個風平浪靜的日子, 即興與友人吃填鴨去也.餐前小食是一小碟蘿蔔菜絲, 普通料, 份量少, 承惠$15.一個二人餐$598, 包了半隻填鴨,一些小炒以及甜點. 填鴨的皮還脆, 皮下脂肪極厚, 鴨肉算嫩, 油香是足的，可惜包鴨用的卷餅又靭又凍, 小人包了一塊已棄用。說到底，小人還是覺得X京樓的北京填鴨好吃很多.從來都以只有聲音,表情會被神還原, 詎料連菜式都會, 還要是在同一個套餐之內一起出現! 孖生兄是金腿濃湯煮津白, 孖生弟是津白雲吞湯, 只不過由一整碟菜換成加一隻雲吞而已,不管湯底、食味、蔬菜等等都如出一轍, 如有雷同, 實屬巧合.精品雙小拼是肴肉拼雞絲粉皮, 正常質感, 正常味道.上海炒年糕很難做得難食, 很多時取決於油與不油. 這碟的油膩程度屬於中上，還可接受.杞子桂花糕, 不算太甜, 只是嚐不到桂花香.其實很少遇上一個套餐內吃到兩個雷同的物體.

主打北京填鴨的中菜館，每隻烤鴨能切出108片，皮脆肉嫩，再配上哈蜜瓜、自家製蜂蜜黃梅醬、京葱及青瓜等配料。烤北京填鴨(全隻)💰368🔸片皮鴨皮脆肉嫩，肉質豐富，用餅皮包青瓜、哈蜜瓜條、京蔥和片皮鴨醬，非常惹味🔸另外鴨最脆的皮另外用碟上冰鎮孔雀鮑💰69🔸清爽彈牙，配搭檸檬汁有另一番風味蟹粉豆腐💰188🔸蟹粉豆腐用熱爐上，一邊食一邊保溫🔸好濃郁蟹味，豆腐嫩滑，不過豆腐只有淡淡蟹粉的味道🔸醬汁配白飯一流南翔小籠包💰68🔸一籠有六粒，皮有點兒厚，湯汁份量還好，配搭醋和薑絲可提鮮味

今日約左姨姨係灣仔食飯，上OpenRice 見呢間人氣幾旺，環境都唔錯，一於試吓整體評分：69/10味道：7/10服務：6/10環境：7/10人均消費：$100-200地址：古琴雅苑 (QRE Plaza) (灣仔)灣仔皇后大道東202號QRE Plaza 19樓招牌片皮鴨半隻（$188）：片皮鴨肥瘦適中，唔會好肥😋包片皮鴨嘅皮熱辣辣又軟，配埋配料一齊食好美味😍😍😍南翔小籠包（$ 62）同樣新鮮出爐，熱辣辣，都有肉汁，唔錯～荷葉杭州雞半隻（$158）：個雞識發光！🤩🤩🤩個雞有好香嘅荷葉味，亦好入味，不過雞唔算好滑招牌擔擔麵（$58）：個湯底調得幾好，酸辣開胃，麵嘅軟硬度適中，仲有肉粒係入面

因為疫情關係,見好耐冇出街食飯,今晚就同屋企人去左食中菜。呢間餐廳環境都唔錯,唔算迫,又夠清靜,適合一家人食飯傾計.佢個餐牌選擇都幾多, 樣樣都好吸引, 我地諗左好耐之後, 簡左一D佢地比較招牌同大路既野食.首先, 前菜方面, 叫左海折青瓜,青瓜夠哂FRESH, 海折都唔錯, 食完就可以開始食返D重口味D既野。炸脆鱔, 十分香口, 當小食一流。到佢地個招牌北京烤鴨, 半隻份量足, 皮肉均衡, 夾埋多款配菜同醬汁入個薄餅皮入面, 唔會太油膩, 我足足食左4件！松子魚, 一個比較大路既選擇, 但係都同樣出色, 炸到外脆內嫩, 色香味都滿分。最後重有個蟹粉扒豆苗, 比我想像出色, 食得出入面既蟹肉同蟹羔, 相當足料！總体而言, 野食既性價比唔錯, 係一間幾好既中菜選擇, 下次一定會再黎幫襯。

公司同事約食飯，近近地就揀左呢間古琴雅茒。餐廳地方寛敝光猛，唔會好逼，啱晒一班人吹水食飯。疫情下，好多餐廳都會提供口罩套，呢間餐廳都一樣咁貼心點左一個招牌片皮鴨，半隻份量都好多，宜家皮肉比例適中，唔會好肥膩。有一碟細細碟幾片皮叫一口酥，係切左鴨最好食既部位，點一下砂糖同酸梅醬一齊食，好好味，好脆。片皮鴨份量好多，我地3個人食都食到好飽，每人食左好多塊薄餅之後，仲剩返好多片皮鴨。意大利黑醋骨, 好鬼入味同淋, 酸酸甜甜, 好開胃松子魚賣相好得，好脆好大條。魚肉好結實，好滑，個皮炸得好脆，酸甜汁酸度適中，唔會搶左魚既鮮味，但又有開胃嘅感覺，真係好好味蟹肉豆苗超多蟹粉，好鮮甜，一D都唔腥，豆苗好嫩好甜，整碟菜都好鮮甜，前面食左咁多肉，食返D菜中和下好舒服。睇到廚師嘅超高廚藝，廚房乾淨整齊，令人食得開心又放心。

我同老公來到灣仔食飯都好方便，在利東街附近QRE 好多選擇，最近想食中菜，好耐無食過北京填鴨了北京填鴨我們只有兩個人，叫半隻都夠食。鴨碟造型精緻，先食鴨皮先，就甘蘸上砂糖就好香口。切成厚薄適中的鴨胸連皮，熱辣辣，外皮光澤，鴨肉鮮嫩，加上配菜新穎，除了傳統的京蔥絲，青瓜條，仲有果香十足清甜的哈密瓜，醬料有京醬及黃梅醬，中和了肉膩感。酸辣湯湯品要兩位起的，酸辣度岩我們口味，湯羹香濃，有嫩滑的豆腐絲，筍絲，肉絲，盡見刀工。金腿濃湯津白津白指紹菜，紹菜鮮甜，一開四邊就可以食到鮮嫩菜身，加上湯汁配以金華火腿的鮮美肉香，整碟菜品很香滑。古琴鴨肉炒飯鴨肉炒飯很香濃，鴨肉切丁，炒飯很乾身，粒粒分明，加上仲有炒蛋絲，食落更香。腰果露難得有糖水，坊間少見。腰果露磨得很幼滑，面層灑上粒粒腰果碎，食落很有口感，甜度可以接受。紅糖桂花湯圓養生糖水，紅糖帶點薑味，桂花香味濃郁又清甜，湯圓是芝麻湯圓，一粒一口，芝麻餡幼滑，熱糖水我鍾意。

人大左就中意左食片皮鴨😋今次同埋屋企人嚟試下呢間片皮鴨先 叫左二人餐（A) $598前菜 雞絲粉皮伴楊洲水晶肉 雞絲粉皮個麻醬好香 水晶肉真係名符其實好似食緊水晶咁 似啫喱配肉既鹹香北京填鴨半隻 份量都ok 最緊要有鴨油香😋夾左啲青瓜哈密瓜成件事清爽左好多 鴨肉唔鞋 包埋一齊食唔會覺得膩 👍🏼津白雲吞湯個湯清甜好飲 有少少火腿既咸香味 雲吞都唔錯 干煸四季豆 幾惹味 食中菜必點既菜色✨古琴咸鹹肉菜炒飯 未食已經聞到好香 係蛋香味 飯粒粒分明 有好多菜粒 我個人好中意 有口感啲 但鹹肉就好少 少左啲鹹香味 另外仲有桂花糕做甜品收尾單點菜式： 蜜汁燒火方 $188會跟6件刈包 雖然見到火腿有層脂肪 但一啲都唔會覺得肥 夾住一齊食又唔會覺得好甜 甜度岩岩好 小籠包 $68 見好好肥咁🤣因為入面真係好多湯汁 湯汁偏甜 皮唔係行超薄皮路線 但有少少厚度都唔錯 至少唔係好粉既感覺

蟹粉蓋飯 $198 蟹粉系列有四款，蟹粉扒小棠菜($148)、蟹粉扒豆苗($158)、蟹粉撈麵($168)、蟹粉蓋飯($198)揀左蟹粉蓋飯，雖然炒得唔夠乾身同蟹粉芡好難先搵到有蟹膏，但幾好食！！烤北京填鴨 (半隻) $188烤鴨，皮薄烤得脆脆哋，鴨肉薄，幾淋，唔un。包皮唔厚，幾好！ 薄得嚟有彈性，煙韌，每張都有獨立嘅包紙墊住！夠衛生！餐牌有詳細教包烤鴨嘅食法，青瓜、京蔥、哈蜜瓜為佐料，醬料有京醬同秘製蜂蜜黃梅醬。 一口脆，係烤鴨心口位置嘅皮，食落特別脆卜卜，薄薄脆脆！ 店員提醒蜂蜜黃梅醬同砂糖最岩用黎蘸鴨心口呢個部位！茶水 $13 (星期六日及公眾假期，每位$16)有4款茶可選，茉莉香片，清清幽香，消濟！另外仲有瑰荔堂煌、桂花烏龍、陳年普洱餐前小碟 $15一坐低就會比一碟醃物，有唐芹條、紅蘿蔔條、白蘿蔔條___________________古琴雅苑 (QRE Plaza) (灣仔)灣仔皇后大道東202號QRE Plaza 19樓___________________

屋企人鐘意食片皮鴨，今日就帶佢哋到位於灣仔（古琴雅苑）食正宗北京片皮鴨，這裏環境裝修簡約，坐得好舒服😌餐牌上有很多款套餐選擇，我們四人選擇了午市全包宴四人套餐$668😋花雕醉雞花雕醉雞是一碟經典冷盤，把嫩滑雞肉浸在花雕，酒香氣樸鼻，食落又香又滑！松花皮蛋拌豆腐豆腐切得好薄，加入切碎了的皮蛋沾上醬汁一齊食，口感及味道豐富。烤北京填鴨（半隻）主角出場啦！配料及醬汁共有六款，有酸梅醬，甜酸醬，哈密瓜條，青瓜條，香蔥絲及白糖很多選擇，鴨肉每片都切得好均勻，肥瘦適中，入口鴨的油脂豐富，再加入配料一齊食非常美味😋醬香雞上枱熱辣辣香噴噴，除了雞肉還有冬菇和筍，雞肉和配料吸入醬汁好惹味！開水白菜🥬食完咁香口的菜式，食返碟清淡的開水白菜，確實不錯，菜浸入清湯，好淋好入味！古琴鹹肉菜炒飯鹹肉和菜細細粒容易入口，飯粒炒得粒粒分明，好乾爽不會油膩，每一啖都食到鹹肉和雞蛋的香味👍

今日接老婆放工去到灣仔時遇到港鐵甩門事件，我地離開港鐵站時滿街都是人，電車站，巴士站都排滿人。我同老婆提議食個早飯之後先返屋企，老婆就揀左佢好鐘意嘅古琴雅苑食北京填鴨。😋古琴雅苑灣仔分店位於QRE Plaza，我地18：45左右到餐廳，客人未多，到7點左右先開始多人。餐廳裝修簡約雅致，座位寬敞。餐廳招牌菜係烤北京填鴨，我地兩個每次黎到都必點半隻，另外餐廳剛推出左多款「暖冬窩心」套餐，不過今日老婆想食蟹粉扒豆苗，所以我地只係散叫。加多個炒飯，肯定夠食。😁烤北京填鴨（半隻）$188古琴雅苑嘅烤北京填鴨以傳統掛爐烤製，店員會先送上一小碟超酥脆烤鴨皮，配以黃梅醬或砂糖食，入口鴨香味濃，富油香而不膩。烤鴨皮脆肉嫩，配上青瓜、京蔥及哈蜜瓜，再加上京醬，以煙韌餅皮包裹，口感層次豐富。😍蟹粉扒豆苗 $158蟹粉豆苗份量好多，由鮮蟹拆取出的蟹肉和蟹黃味道鮮美，色澤黃金，配以爽嫩豆苗，非常惹味。👍🏻瑤柱蛋白炒飯 $99炒飯非常乾身，蝦仁爽口彈牙，加上蛋白絲和瑤柱，入口有鮮味，而且炒飯粒粒分明。😋埋單每位兩百幾，性價比高。👍🏻

古琴雅苑 (QRE Plaza) (灣仔)灣仔皇后大道東202號QRE Plaza 19樓灣仔對小妹嚟講有特別既回憶經歷，雖然平日比較少去灣仔區，咁岩約朋友嚟食片皮鴨，途經回憶地特別多感觸……🥲餐前小碟 $15白醋調味小食幾開胃又完全唔會醃得酸 ！茶芥 $26@2玫麗堂煌 (玫瑰荔枝茶)，玫瑰味重的荔枝香濃紅茶烤北京填鴨 (半隻) $188填鴨皮，脆而齒頰留香，鴨肉軟綿，用鴨卷餅皮配以青瓜條、哈蜜瓜條、京蔥，蘸埋京醬，豐富味蕾！用小碗裝住的是鴨心胸的脆皮部位，呢個部位食落特別富鴨油香、烤得特別脆口！即使咁薄脆都完全無烤得過燶或過乾身！心胸脆皮蘸白砂糖 / 黃梅醬，又有另一番口味！蟹粉蓋飯 (3-4位用) $198 嚟緊年尾計劃約親戚團餐，就望下「暖冬窩心」餐牌嘅2、4、6、8、12人餐啦！正！🤩一見到就即刻雙眼發光！ 餐牌上嘅精選菜式有小妹喜愛嘅蟹粉蓋飯同蟹粉扒豆苗呀😚！即刻order其中一款先！飯炒得香口，配埋蟹粉，甘香惹味紅糖桂花湯圓 $34@1湯圓唔厚皮，皮薄之餘夠軟糯煙韌，包住飽滿既芝麻饀～！飲埋桂花薑糖水！薑味重又有桂花清香！仲暖胃驅寒！

2021仲有一個月就完啦，帶媽咪食佢最鍾意既北京填鴨先🤪烤北京填鴨，烤得香脆的外皮配以不同的特色佐料，即成人間美味，我既食法加少許砂糖、青瓜、黃麵醬，簡直令人吃不停口。片皮鴨外脆內軟且肉質嫩滑，好正喔🎉🎉古琴咸肉菜炒飯，咸肉粒菜炒飯炒飯好入味，又唔會好油，咸肉重點能夠帶出咸香味，而菜粒就可以令成碟飯變得更爽口🎈小籠包，厚薄適中，同時能承托包內湯汁，外皮皺褶好工整，所以賣相好靚，小籠包的豬肉相當鮮甜，所以整體好多汁，好正🤪砂鍋鹹肉冰豆腐湯，媽咪話你和湯係好潤嘅，因為用咗鹹肉煲成既湯底，啱晒宜家呢個季節飲喔♥️而冰豆腐就完全可以吸收晒湯底嘅精華，真係既鮮又滋潤💋糖醋排骨，甜酸度配合得剛剛好，不太酸，不太甜，頂瓜瓜喔，排骨size不會過大又不會過小，完全吸收晒糖醋嘅精華👍桂花湯丸，腰果露同杞子桂花糕正結尾♥️♥️♥️

Lunch time食飯7個人book左枱 以為有圓枱點知坐長枱..六人套餐 $1018- 花雕醉雞 (好嫩滑同入味 好味)- 松花皮蛋拌豆腐 (手工理料 每片切到好薄)- 揚洲水晶肉- 烤北京填鴨 (每人食左幾舊份量足夠 係配料唔夠食~ 配料有哈麥瓜條 幾搞笑 配起黎又幾夾)- 鴨卷餅- 香菜鮮魚羹- 千扁四季豆 (夠wok氣)- 農家醬爆牛肉- 古琴鹹肉菜炒飯南翔小籠包 $68清炒豆苗 $118餐前小碟 $30茶芥 $13訂座優惠：送花雕醉雞 + 腰果露 (偏甜 有炭燒既味道幾特別)埋單要加一 7個人total $1270 每人大約$180整體唔錯 員工態度亦唔差 性價比幾高~