古琴雅苑 (利舞臺廣場)

營業中

休息中

餐廳就在銅鑼灣時代廣場的對面，非常方便！地方清潔企理，地方也較大，餐桌與餐桌間也有距離感，坐起來吃飯感覺較舒服！烤北京填鴨，配料有哈密瓜、京蔥、青瓜、甜酸醬、海鮮醬及砂糖；而填鴨的皮及肉也不太肥，跟配料吃起來剛剛好！除了填鴨肉外，還會額外上一小碟的鴨皮，是鴨胸皮來的，沾上砂糖同吃很味美，特別脆香！古琴酸菜魚的魚肉非常嫩滑，啖啖肉，完全無魚骨的，魚湯還帶點酸菜香及微辣，底部還有Q彈的麵條，挺飽肚的！

it is located in 利舞臺, It is very affordable! ! They offer different set menus respectively, but because I wanted to eat pine nut fish, The quality of their duck is very stable, and the portions are generous, but the ingredients are less. It would be better if there were more . As for their pine nut fish, it tends to have a strong flavor. If you want to have a strong taste, you might as well give it a try. I also ordered the appetizer platter. I really liked the crystal meat. It tastes very chewy

上星期同老婆 & 媽媽去銅鑼灣食飯，媽媽鍾意中菜，所以揀左呢間古琴雅苑～烤北京填鴨半隻，古琴雅苑的招牌菜之一，烤得恰到好處，鴨皮酥脆，肉質鮮嫩，配上清新既青瓜、京蔥及哈蜜瓜，加上秘製蜂蜜黃梅醬和京醬，煙韌既餅皮包裹甜酸爽口既配料，解除油膩感之餘，口感層次豐富，好味！😋👏🏻意大利黑醋骨，呢道菜非常惹味，酸甜味適中，意大利既黑醋果然好味好多，肉質同肉味都好正～ 👀👍🏻瑤柱蛋白炒飯，見到用左兩款米去炒，應該係日本米 & 泰國米，粒粒飯分明，煙韌彈牙、瑤柱和蛋白既味道融合埋一齊，令人回味無窮！😃高力豆沙香蕉，豆沙和香蕉搭配得非常完美，口感綿密，甜度適中～ 👍🏻腰果露，腰果既香氣和奶香既味道幾夾，口感滑順，唔錯～紅糖桂花湯丸，芝麻湯丸皮薄餡多，紅糖和桂花既味道非常搭配，超好味 😋全家都食到好滿足，菜式水準好高，值得一試再試 👏🏻

今日去左銅鑼灣古琴雅苑食飯，真係一個令人愉快嘅體驗。餐廳環境雅緻，氣氛舒適，真係好適合同朋友或者家人聚餐。我哋首先叫咗半隻北京片皮鴨，真係一絕！鴨皮金黃酥脆，入口即化，而鴨肉嘅鮮嫩滋味亦令人回味無窮。佢嘅配料同埋鴨醬都好正，可以自己包餅同食，真係一個滿足嘅享受。之後，我哋試咗一龍上海小籠包。蒸籠一開，香氣四溢，籠包嘅外皮白滑薄透，包裡面裝滿了鮮嫩多汁嘅肉汁。每一口都好滋味，真係令人驚艷。對於愛食小籠包嘅我黎講，呢度嘅小籠包絕對係一個必試嘅菜式。除咗呢兩樣招牌菜，我哋亦點咗雞絲粉皮同埋水晶餚肉。雞絲粉皮嘅湯汁鮮美，粉皮爽滑，加上嫩滑嘅雞絲，味道鮮美。水晶餚肉係一個清淡而有嚼勁嘅菜式，肉質鮮嫩，配合著清爽嘅蔬菜，口感豐富。最後，為咗助消化同收尾，我哋沖咗壺玫瑰荔枝茶。呢杯茶香氣撲鼻，滋味清新，非常適合飯後享用。玫瑰同荔枝嘅結合，更加增添咗茶嘅風味，令人心曠神怡。

古琴雅苑係食填鴨專門店， 全香港都有分店 ， 今次就去咗銅鑼灣嘅分店 ， 環境都算ok，位於利苑， 而且性價比極高，非常之抵食！！ 佢哋分別提供唔同嘅套餐， 不過為咗想食松子魚所以今次就單點。 佢嘅北京烤鴨水準 非常穩定， 而且份量都幾多， 不過配料就少咗啲， 如果多啲配料就更加好。 至於佢嘅松子魚偏向濃味， 如果口味偏重嘅不妨一試， 仲有叫咗前菜拼盤，我幾中意食佢個水晶肉， 口感非常q彈，yummy yummy！！ 下次一定要再嚟呀！

北京烤鴨我同老公兩個人就叫了半隻，每塊鴨肉片片分明，鴨肉皮不離肉，仍然有溫度。配上酸甜的黃梅醬，甜醬都一樣很滋味。我自己喜歡黃梅醬，因為食得太多肉，可以去去油膩感。鴨肉都算多，一籠餅皮大約有八塊，隨你喜歡自由配搭配菜。蟹粉扒豆苗食完烤鴨，梗係要食返D菜啦。豆苗翠綠又鮮嫩，蟹粉很鮮味，拌勻食很爽口，豆苗除了配搭瑤柱，其實蟹粉也不錯飯後一定要有甜品，喜歡滑溜又充滿堅果獨有味道既腰果露，唔算太甜。紅糖桂花湯圓勁香桂花味，紅糖對女人很補身，芝麻湯圓一口一粒，加上薑汁，食完很暖身。

每次食北京烤鴨，我都必定會諗到古琴雅苑，係我必定之選。🌸上海粗炒麵，濃油赤醬好美味🌸烤北京填鴨(半）
熱烘烘嘅鴨卷餅，帶點煙煙韌，份外可口。烤鴨配料勁多款色，哈蜜瓜都有呀，而且可以無限量添加。而醬汁方面，我就最鐘意依度特有嘅酸梅醬。而烤鴨香皮肉嫩，真係必點之選。「暖冬窩心」 ❤️餐牌之中，我點了款🌸東坡肘子，豬肘爛軟，肉質細嫩、肉味醇香、有嚼頭，肥而不膩。happy yummy #古琴雅苑 #北京烤鴨

👨🏻‍🍳古琴雅苑 (利舞臺廣場) (銅鑼灣)📍銅鑼灣波斯富街99號利舞臺廣場8樓B號舖 「發掘到一間味道、服務不錯的京川滬菜😋」 星期五晚市幾乎滿座，原本安排坐二人座，及後員工見到有卡位二人座剛空置，就即刻問我地坐吾坐😻 茶芥 (每位$18)，雖然無人蔘烏龍，但系桂花烏龍都一樣清香🤤👍🏻 🍽️餐前小菜 $18酸蘿蔔🙈 👍🏻🍽️ 烤北京填鴨(半隻) $218第一眼見到偏橙色既鴨皮，有D心感不妙，好怕系正宗北京填鴨個種油溢脆皮，個人中意港式北京填鴨🥲🙈不過食落系正宗北京同港式參半🤣微脆但不太油，吾會好重油溢味🤤另配有多款配料、醬汁。‼️重點‼️超軟糯鴨卷皮😻未食過咁軟淋且有口感的！！ 🍽️至尊拼盤 $208每樣小食都有D😋花雕醉雞(酒味重🙈)、👍🏻雞絲粉皮、揚州水晶肉(少許肥膩)、拍開洋黃瓜、👍🏻烤麩。不過不失，開胃小菜🙈 🍽️瑤柱蛋白炒飯 $118滿滿蛋白、鮮蝦仁🤤好香口飯質不生不腍，中挺。 環境闊落，乾凈，坐得好舒服🤤講普通話的伯伯好友善、親切😝可以encore‼️🫶🏻 #古琴雅苑 #香港北京填鴨

以香港目前水平來看，收費與服務已算不錯。食物質素仍比不上深圳，但大除夕晚客人很多，職員忙碌但招呼還是可以的。繁忙時段用餐限一個半小時，雖然可幫助提升生意額，不過廚房出品匆忙，水準不穩定，漏單出現，便會引起客人不滿，甚至造成爭執。雖説好天收埋落雨柴，市旺多做點生意，但將用餐時限訂得過短，超過餐廳應付能力，那便員工辛苦，客人受罪。

就到新年唔知點解個人就想食片皮鴨，約個friend過黎食番半隻北京填鴨，仲諗住會唔夠飽，叫多個飯同小籠包～差啲叫埋佢promote 緊個d「暖冬窩心」系列，尤其酸菜魚超級吸引～有個酸籮蔔做前菜，食下片皮鴨又食兩條籮蔔，真係refresh到個味蕾再發力食多兩舊鴨～點知原來片皮鴨都幾多，圓餅數量亦唔少～質素黎講真我唔錯，皮香但唔會好肥，鴨肉好香唔孩口，仲有好多醬料任點～個瑤柱蛋白炒飯炒得ok乾身，值得一讚係蝦同瑤柱都多又鮮，一碟都分到4碗，呢個份量好適中。小籠包肉香有肉汁，皮再薄啲就仲正～坐得幾舒服，如果一班人黎嘅話檯闊d，更好～

早排同朋友黎左銅鑼灣分店，相信吾會再有下次❌❌❌❌❌當日黎到只有5成客人，因為張2人台根本放吾晒茶水同食物，就問個職員可吾可以拍多張台俾我地，當佢想幫我地之際，另一個操福建口音既阿姐就話我幫你睇下有冇人訂台啦，無人先俾你，之後就推左個茶几過黎(即係平時火鍋放配料果個架)，話你地將啲菜放係呢度☺️ 嘩心中即刻諗：你地無事嘛，第一次見要人地咁樣烏低身去夾餸，真係得你地先做得出🤬 當然啦，個阿姐係無去睇仲有冇人book台，因為都吾見有人入座🤬啲野好吾好食都係其次，但如果服務係咁就真係夠晒趕客☺️$218烤北京填鴨半隻幾好味$398鮑魚雞煲份量好少$138酸辣湯酸酸辣辣吾錯腰果露係經OpenRice訂位送，質地好水同仲有一陣煮燶左既味

坐底見到檯面有昆蟲，侍應當住面可以零反應。當你睇餐牌想問關於coupon時，侍應會雙眼發光，不停遊說你買coupon。但查詢使用條款時，又講得含含糊糊。等候時間係零：當你一落單要半隻鴨/一隻鴨，侍應馬上通知廚房，一、兩分鐘鴨就上了，好明顯，片皮鴨系一早片好嘅，用餐體驗同食燒味無分別。 侍應上鴨上半份，零交流、無交代另外半份嘅下落，要追問。落單要一隻片皮鴨，除麽麽外，所有配料都只給半鴨份量，食到一半要逐樣要求侍應補充，侍應仲要唔識廣東話，點解明明係全鴨分量嘅配料又偏偏要打折扣？一份百幾蚊嘅蛋白炒飯，無味之餘，蝦肉重要係霉嘅。訂位送嘅烤麩，夠顏色，但係無味嘅。紅油抄手嘅雲吞放響蒜蓉上面，食完先見到蒜蓉，對上菜嘅要求近乎零。比較正常嘅係火腿津白，有正常嘅味道。去過呢間餐廳幾次，3次灣仔，2次銅鑼灣，銅鑼灣店嘅質素每況越下，應該唔會再有下次。綜合評論，除鴨外，其他可以唔試，價錢高級，服務低級。

推介指數 Recommendation Level : 🔥🔥🔥餐廳主打中式上海及北京菜，質素十分高，而且還有不少套餐可供選擇，所以價錢相對非常便宜，菜式的份量亦十分足夠。此外，餐廳亦會因應不同的季節，以新鮮時令的食材製作餐單，令客人有新鮮感。The restaurant specializes in Chinese cuisine from Shanghai and Beijing, offering high-quality dishes at very affordable prices. There are also a variety of set menus to choose from, and the portions are generous. Additionally, the restaurant adapts its menu according to the seasons, using fresh seasonal ingredients to provide a sense of freshness for diners.晚市套餐 ($718)Dinner

今次呢間都係應朋友仔要求 試下呢間今期至hit嘅京川滬菜 呢度都長期排隊，可見人氣爆登大家嚟食，記得訂枱仲有優惠贈送。今天菜式👇古琴酒槽烤北京填鴨（半）$228師傅會係大廳兩旁切鴨肉基乎做唔停，因為嚟得既客人都一定會叫，店員首先上咗常見的青瓜條 京蔥絲仲有不常見的哈密瓜條，令口感層次再多了一點點；另外上咗一小碟鴨皮，因為佢地話係鴨胸的位置，是極少的一個部位彌足珍貴呀，嚐了一口，極乾身，冇乜水份同油份淨低沾上些白砂糖，有點似甜甜既脆片不過入口好快便化開，十分有趣既食法，第一次試；半份烤鴨份量幾多，鴨皮真係烤得好酥脆，入口有油分，好香。至尊拼盤$208呢個係餐廳轉季特別推出的「暖冬窩心」系列菜式，今次決定要呢個拼盤已經可以一次過品嚐晒五款不同口味的涼拌小吃，花雕醉雞、雞絲粉皮、拍開洋黃瓜🥒揚州水晶肉、四喜烤麩。南翔小籠包（6件）$82見到上海菜，一定要叫返個小籠包，一客有6隻小籠包，真係新鮮熱辣，小籠包個皮好薄身，入面爆多湯汁 好juicy，超重肉味，而入面個肉都係好食 唔會太咸。腰果露$39手磨腰果露又香又滑。

我同朋友好鍾意食片皮鴨，今晚約定去試吓「古琴雅苑」呢度的京川滬菜好有名氣，店員服務品質也很好，訂座仲有優惠，天氣逐漸下降，店內特別推出「暖冬窩心」五款菜式配合入冬季節👍🔹古琴酒槽烤北京填鴨（半）$228見到每枱都必點片皮鴨，半隻既份量其實都好多，個鴨皮好脆口 連住少少既鴨肉，帶點酒香，食落油脂感好重滿口都係鴨油超正，用熱辣辣的餅皮連青瓜條 京蔥絲 哈密瓜絲仲有甜麵醬 砂糖一齊食，感少油膩感更加滋味。🔹古琴酸菜魚$288我哋揀咗一款「暖冬窩心」菜式，呢度古琴酸菜魚，魚肉爽口彈牙而且肉質鮮嫩入味，酸菜 芽菜 花椒 辣椒乾同泡椒用砂鍋上菜，食落有層次感別具風味。🔹金銀炒鱔糊$168該菜式色澤油亮，鳝糊爽脆，芽菜沒腥味。🔹高力豆沙香蕉$72剛炸好的蛋白霜包着甜甜的香蕉豆沙，軟綿綿的充滿空氣感，但內餡充實不會空洞，鬆軟清甜。🔹［訂座優惠］贈四喜烤麩