古琴雅苑 (利舞臺廣場)

營業中

休息中

🌮 烤北京填鴨(半隻) $195-$218鴨肉厚度剛好，皮肉相連，瘦多帶少少肥，個皮微脆，光澤感好好，肉質夠嫩又juicy，油香爆棚，至於餅皮夠晒薄身，煙煙韌韌，配料都好齊全，有晒京蔥、青瓜、哈密瓜、砂糖、京醬、蜂蜜黃梅醬，夾埋食真係好好味，油脂中帶清新< 5/5 >—🍡 南翔小籠包(6件) $78-$82皮薄餡靚形容佢就冇錯，即叫即整，上菜時熱辣辣，一咬開就爆汁，啲肉汁好鮮甜，肉都好大粒，鮮甜好味< 4.5/5 >—🧆 宮保雞丁 $138-$152雞粒嫩滑，同出面好唔同，而且俾勁多腰果，炸得好香脆，成個餸都唔會太乾或者太濕，火候控制得啱啱好，辣度適中，非常惹味，但價錢就進取咗啲< 4/5 >—🍖 意大利黑醋骨 $98個黑醋汁調得好好，酸酸甜甜好開胃，仲有拉絲嘅效果，但啲肉就偏韌咗少少，份量就中規中矩< 3.5/5 >—四喜烤麩 $78-$82微甜好開胃，經openrice訂座3人起就免費送< 4/5 >—🌯 雞絲粉皮 $75-$78粉皮細細塊好易食，滑捋捋，麻醬啱啱夠每塊粉皮都沾到，可以少返啲，雞絲都多，

古琴雅苑推出夏日嚐鮮餐牌，有唔同選擇，唔洗再煩惱食咩。鴨皮烤得金黃酥脆，肉質鮮嫩多汁。每一口都散發出濃郁的鴨香，讓人回味無窮。配上薄薄的餅皮、蔥絲和甜麵醬，口感更加豐富。粉皮筋道滑爽，搭配嫩滑的雞絲和鮮美的雞湯，味道十分鮮美。這道菜清爽又開胃，是一個不錯的選擇作為前菜。小籠包皮薄餡多，裡面包著鮮嫩多汁的豬肉和湯汁。一口咬下去，湯汁四溢，口感極其鮮美。最後是瑤柱蛋白炒飯。色澤金黃，米粒飽滿，瑤柱的鮮香和蛋白的滑嫩完美融合在一起。每一口都帶來滿滿的滿足感，是一道美味又營養的主食選擇。

1. 我哋訂咗兩人，被安排坐喺角落頭位而且好近另一張6-8人檯，所以非常應聲，基本上勁嘈，連對方講咩都難以聽到，餐廳座位安排佈局上應有所改善2. 經OpenRice訂座送合桃露，我哋一早叫咗上甜品，等咗20分鐘加叫咗侍應三次，仍然未到，加上等候時隔離勁嘈，於是唔食埋單走人

💡好味的北京填鴨知道朋友一直都鍾意食烤鴨，所以就帶佢黎古琴雅苑試下正宗北京填鴨，師承北京「全聚德」，選用上乘北京填鴨，味道當然很好，而且菜式款式有好多，唔想諗就可以試下佢地夏日嚐鮮套餐，不同價錢都有。另外，餐廳裝修都雅致，座位闊落，適合同一班朋友聚會。🍽花雕醉雞🐔上到台已經聞到好香酒味，酒香咸鮮，而且肉質嫩滑，好開胃的一個冷盤。🍽烤北京填鴨🦆當然要試下佢招牌菜式，首先送到不同的配料，有京醬、蜂蜜黃梅醬、大蔥、青瓜、哈密瓜及砂糖，最特別係仲有幾塊入口即溶的鴨胸片。片皮鴨鴨皮酥肉嫩，肉質嫩滑多汁，鴨香滿溢。而且半隻鴨足份量已經夠2-3人食用，好抵食。🍽爆火鮑魚小炒肉呢個鑊氣十足，炒得好香，鮑魚好有彈性，仲好淋，容易咬，小炒肉帶點油脂香，加入左辣椒及豆豉，令到味道辣辣地，更惹味。🍽南翔小籠包即叫即蒸，熱辣辣，小籠包皮薄餡多，入面個湯汁仲要勁多 ，好鮮甜。🍽金腿濃湯津白 🥬份量都幾多，翠嫩的娃娃菜配以金華火腿，而湯汁浸透著娃娃菜，令到娃娃菜食落解甜得黎又帶點鹹香。🍽上海炒年糕 年糕炒得十分入味，十分煙韌，另外加入左冬菇、肉絲、椰菜，令到口感更豐富。

爸媽超鍾意中菜，古琴雅苑片皮鴨咁出名一定要帶佢地試下，餐廳裝修充滿時尚感及具空間感，檯櫈就保留傳統氣息，比人一種舒適感覺。值得一提就係職員好有禮貌，每次上菜都會輕輕介紹菜式，收拾檯面都好快手。北京填鴨烤北京填鴨半隻嘅份量已經足夠三個人分享，佢去嘅鴨唔會切得太厚。同時油脂充足，食嘅時間啖啖油香。鴨肉有少少肉汁，我好欣賞佢嘅餅皮因為非常薄身，唔會因太厚而食唔出片皮鴨嘅香。另外青瓜、蔥絲、哈密瓜都係可以無限添加，醬汁方面除左有京醬，仲有蜂蜜黃梅醬好特別，鴨皮鴨肉微脆好好食。農家醬爆牛肉入面除左有牛肉，仲有蝦乾、韮菜、雲耳，材料豐富，啲牛肉好大片咬落香軟，醬汁帶咸香惹味，送飯真心好正!之後仲簡左個菜清一清，金腿濃湯津白係好選擇。份量大碟夠幾個人食，娃娃菜上面有金香火腿肉，菜吸曬啲精華，每啖都好香口。腰果露做甜品，入口香滑滋潤，都幾大豌又未算好甜😊長輩會好like

芯芯太喜歡食北京填鴨，所以今日食粵式菜👨‍👩‍👧位於銅鑼灣 #古琴雅苑 地方好大，裝修環境好有古色風味🌟宜家訂座會有優惠📲贈四喜烤麩一碟🍽️味道似係齋來的，做前菜不錯👍🏻十分開胃。玫瑰茶亦都非常特別，味道好清新。不是太濃郁感覺。🪄烤北京填鴨（半隻）🪄砂鍋雲吞雞🪄揚洲水晶肉🪄爆火鮑魚小炒肉🪄木桶包菜飯烤北京填鴨✨選用上乘北京填鴨，以傳統掛爐烤製，烤鴨新鮮出爐。配上清新的青瓜、京蔥及哈蜜瓜，蘸著秘製的蜂蜜黃梅醬和京醬，煙韌的餅皮包裹甜酸爽口的配料。口感好豐富，烤鴨皮脆肉嫩！食到停唔到口😍還有「夏日嚐鮮」的爆火鮑魚小炒肉✨辣得很惹味，炒得好香口！愈食愈滋味。夏日炎炎食真係唔錯選擇。

太耐無食填鴨，今晚跟朋友即興食吧，位於利舞台，方便，好彩朋友細心，電話訂位，平日時間都聽到話今晚滿座🥰餐前小食-芹菜條及酸羅白條，開胃爽脆酸甜玫瑰花荔枝茶-好香玫瑰花味，飲落好清新，果晚店員都加左好多茶比我地😆油糟鴨半隻-填鴨超正，油份適中，皮香肉嫩，配料有，青瓜絲，哈密瓜絲，京蔥，黃梅醬，砂糖。同填鴨醬。簿餅片每層有牛油紙隔住，唔會痴住咁整爛，簿餅片唔厚，推介加砂糖進食，唔會過油膩，反而入口即化。花雕醉雞-皮好光滑，肉好軟滑，皮同肉中間有層啫喱，其實係醉汁，酒好香，回味鐵板蔥爆羊肉-羊肉及大量配菜炒，令到羊肉羶味減小及散發香味，羊肉咬口不錯。整體不錯，但要食晚市都要訂位安心。

一直都好中意食北京片皮鴨，今次終於可以同朋友黎試下古琴雅苑出名既片皮鴨啦。✨烤北京填鴨（半）呢到既片皮鴨係多肉既個一種，有齊砂糖、醬汁、大蔥、青瓜、哈密瓜等配料。最特別既會特登片出幾塊入口即溶既鴨胸片比你點糖食，入口鬆化，鴨香滿溢。佢嘅皮烤得金黃酥脆，皮底下嘅肉質嫩滑多汁，同時又帶有香料嘅味道，真係一絕！✨古琴酸菜魚呢個餐廳嘅酸菜魚唔會太酸太辣，反而充滿花椒既香味。酸菜魚做得好入味，而且魚肉好新鮮，口感爽滑。酸菜同魚嘅結合，味道酸酸辣辣，好開胃！如果你鍾意鍋類菜式，咁呢個一定值得一試！✨津白雲吞鴨架湯雲吞皮薄餡多，湯底清香鮮甜，仲有好多豆腐同黃芽白，似落好鮮美。湯嘢係足料入味，又好滋補。食完一碗，真係令人心滿意足！

之前喺灣仔食過這間「古琴雅苑」食北京填鴨覺得不錯，今日就帶屋企人到銅鑼灣分店試下。餐牌上有很多特色京邑菜，樣樣都好想食🤤烤北京填鴨烤填鴨的料理方式使鴨肉更加鮮嫩多汁，而烤製令表皮酥脆，每一片都切得好薄非常美味。搭配蒸皮及一些甜酸醬汁及其他配菜口感一流。意大利黑醋骨是一道以豬肋骨為主要食材菜式，使用黑醋和一些香料調味，味道獨特，醇厚香濃，配搭埋白飯一齊食，食唔停口。金銀炒鱔糊主要是以鱔魚肉為主要食材，魚肉好滑又有營養，加入芽菜和韮王一齊炒口感鮮美，古琴鴨肉炒飯使用鴨肉和一些蔬菜米飯炒製而成，調味適中，口感香醇，飯炒得好香好惹味，飯粒粒粒分明。

父親節就到啦😘大家諗好去邊度慶祝未❤️推介🍴銅鑼灣利舞臺呢間特色精緻中菜真係平日嚟都有好多人要排隊等位如果想父親節嚟就快啲打電話book定位啦❤️😝我地一家人都好鍾意食🦆 烤北京填鴨連埋鴨卷餅同烤鴨配料 包埋食好香，鴨皮脆脆地 搭埋醬同蔥 味道好好👍宮保雞丁🍗唔算太辣 雞肉嫩滑 仲有好多腰果 好送飯😋木桶包菜飯🍚好香 食落清清地 好開胃上海粗炒麵麵條炒得好香 麵條彈牙 加上蔥花仲更加香口高力豆沙香蕉🍌好好味呀 😝香蕉軟糯 豆沙香甜 一啖落肚就想再食多幾個☺️呢度嘅食物唔錯 人均200至300左右啱晒帶父母過嚟聚餐慶祝🥳記得book定位啦😉

以前同朋友嘅聚會，肯定會揀食放題、打邊爐，但係年紀越大，就會越想食中菜。之前食過灣仔嘅分店，今日嚟到銅鑼灣再次品嚐佢嘅片皮鴨。👍🏻烤北京填鴨半隻嘅份量已經足夠三個人分享，油脂充份，鴨肉有肉汁，包上煙靭薄身嘅膜皮，瞬間減少油膩感，值得一讚嘅係青瓜、蔥絲、哈密瓜都係可以無限添加 ！👍🏻爆火鮑魚小炒肉相當之有鑊氣嘅一碟菜式，鮑魚分割成一片片，咬落爽口，小炒肉帶點油脂香，食落亦有微微的辛口，絕對係惹味之選。👍🏻乾煸四季豆四季豆炒得唔會過份乾身，保留住四季豆應有嘅爽口，夾雜着少少欖菜同肉碎嘅鹹香，如果有埋碗白飯，真係餸飯一流～👍🏻帶子賽螃蟹餐廳烹調這道菜雖然無蟹呢個食材，但取而代之係利用帶子和蛋白炒出蟹肉嘅鮮嫩爽滑口感，雪白嘅蛋白入口滑捋捋，喜歡嘅可以沾上黑醋～👍🏻四喜烤麩只要訂座就會送上一碟豐富嘅四喜烤麩，木耳同竹筍帶嚟嘅爽脆，真係好啱夏天去品嚐，烤麩夠Sponge，食落無小編所擔心的豆腥和油耗味，作為前菜，帶點甜香確係相當開胃。茶位每位18

古琴雅苑今日森仔去到銅鑼灣同爸爸慶祝父親節❤️由於爸爸喜歡吃片皮鴨，所以森仔精心挑選了一間享負姓名點皮鴨嘅粵菜餐廳：古琴雅苑🙌🏻餐廳🍴位於利舞臺，鄰近地鐵站時代出口，不用五分鐘便能到達餐廳🍴而餐廳內部貫徹時尚感，店內光猛乾淨，給人一種舒適嘅感覺。同時，也有中菜廳嘅熱鬧感，客人均隨心所欲談天🤣🤣嘈雜又熱鬧🤣當日森仔叫了至尊拼盤，半隻片皮鴨配蒸皮和各種配料，蛋白炒飯🤩每一種都各有特色，美味非常👍🏻👍🏻👍🏻至尊拼盤此個拼盤真係超級正，真正嘅一次過滿足好幾個願望，試晒餐廳🍴不同前菜❤️當中有醉雞，雞粉皮，手拍青瓜，四喜烤麩，楊洲水晶肉🙌🏻🙌🏻每款都十分高質，粵菜之頂！較有特色及令我深刻嘅係楊洲水晶肉，真係超級正嘅冷盤小食。佢豬肉間肥瘦適中，配上水晶狀嘅骨膠原，真係好美味又夠補👍🏻👍🏻半隻片皮鴨配蒸皮和各種配料此個係今次慶祝🪅重中之重！片皮鴨烤得恰好，色澤金黃亮麗！油脂，脆皮，嫩肉，三種溶為一體！食入口，美味爆燈❤️配上各種配料和醬汁（包括：京蔥，脆鴨皮，青瓜，哈密瓜🍈，砂糖和甜醬等😉）和蒸皮一齊食，更有另一番滋味。蛋白炒飯此炒飯又係另一出色傑作。飯粒炒得均勻，粒粒分明，調味恰好👍🏻👍🏻而當中雪白嘅炒

唔好食, 小籠包啲皮厚到, 個碟鮑魚同張相差好遠, 隻片皮鴨細隻到。仲老點你買現金券600蚊 埋單先至知可以用300蚊， 另外嗰300蚊仲要7月12號之前用曬 ，根本搵笨，千祈唔好幫襯

我爸爸同屋企人好鍾意食片皮鴨，古琴雅苑招牌烤北京填鴨聞名而久，師承北京百年老店「全聚德」，選用頂級北京填鴨，以傳統掛爐烤製，配上秘製蜂蜜黃梅醬、京醬、哈蜜瓜、京葱及青瓜等配料，食出北京烤鴨正宗原味道。所以父親節今次呢度慶祝。真係酥脆皮薄餡靚，絕對唔可以錯過！我自己都食唔停口另外佢哋承傳淮揚菜的工匠精神，嚴謹挑選上乘食材，運用精細的刀工，精心烹調道道淮揚名菜。其中我哋食左南翔小籠包，古琴鴨肉炒飯，至尊拼盤包括上海餚肉，雲耳，醉雞醉雞等，金銀絲炒鱔糊，其中鴨肉炒飯粒粒分明鑊氣充足，非常有口感！小籠包皮薄多汁，好鮮味！甜品方面，我哋叫咗杞子桂花糕同高力豆沙！杞子桂花糕非常清新，唔會太甜，高力豆沙鬆軟鬆軟有口感！本身屋企係上海人，特別鍾意食淮陽名菜！佢哋父親節其間做緊套餐優惠，2人4人6人8人12人，全家人一齊慶祝都冇問題！

就嚟父親節🥰想帶屋企人食餐好既 又私心想食烤鴨 🦆就帶咗佢哋呢間出名食片皮鴨嘅中菜廳🙈平日嘅晚市座無虛席 而且父親節期間 如果光顧套餐/北京烤鴨 免費送紅酒一支🍷呢到環境好乾淨 座位十分寬敞 坐得好舒適 而且食物份量好足 價錢又唔貴 鍾意食中菜嘅可以去試吓🤣-松花皮蛋拌豆腐 -花雕醉雞 -蔥油海蜇拌黃瓜呢三款開胃前菜都好出色 涼拌皮蛋豆腐 冰冰涼涼 豆腐香滑 配埋皮蛋粒 口感一流🙌🏻好岩依家既天氣食 花雕醉雞略嫌花雕味不足 但啖啖肉 一啲都唔鞋 既份量都好多 真系好滿足！🦆烤北京填鴨片皮鴨的配料有青瓜、京蔥與甜麵醬 包埋一齊食 香甜又解膩🥰 片皮鴨肥瘦均勻 烤得岩岩好 一啲都唔騷 油脂感豐富 皮脆肉嫩 底層既鴨肉厚身 滿滿既油脂感 將片皮鴨及配料捲起來食 真系好滿足😍 餅皮厚薄適中 好軟熟煙韌！🐟風味松子魚店員一上枱會幫我地切開 四個人食都綽綽有餘 外層炸得好香脆 酸甜無比 食落啖啖肉 好開胃！🎋乾扁四季豆 🐮農家醬爆牛肉四季豆炒得好香 好淋有咬口 配埋肉碎好惹味～醬爆牛肉微辣 炒得香口入味 牛肉好嫩🙈 🐟香菜鮮魚羮 🍝上海粗炒麵鮮魚羹味道比較淡 啖啖既魚肉 暖胃無比！上海粗炒好大份