可可豬椰香海南雞專門店

營業中

休息中

紅磡一向多野食選擇，因為疫情關係，而家多數都係買外賣返屋企食，今日經過呢間海南雞飯店，就比佢佢椰香海南雞飯吸引住，一於試吓啦。出面多數海南雞嘅飯都係油飯，呢間主打椰香飯都幾特別，d飯勁香椰子味，鍾意食椰子一定唔可以錯過，而d雞都好嫩滑，而且冇骨，配埋d秘制海南雞醬一流，仲有d羅白絲做配菜同個湯，都幾抵食。驚嘆黑蒜醬燒豬軟骨配白飯，d肉炆得好淋，好入味，個醬汁有少少甜甜地，仲有勁香黑蒜味，個汁撈飯勁正。蒜泥白肉，片片都好大塊豬腩片，唔太肥，而且入口爽口，配埋佢個大量蒜頭嘅醬汁，勁惹味，份量都唔少，都有好多片。呢度d飲品種類都幾特別，我就叫咗2款試試。熱情豐盛，好香熱情果味，唔太甜，入面勁多熱情果肉酸酸甜甜好開胃。金羅漢果養生茶，呢款好清潤都唔太甜，入面仲有紀子，真係好養生。

▫️特色椰香海南雞飯▫️滷水雞腎▫️金羅漢果養生茶疫情之下多咗好多好似可可豬🐷海南雞專門店咁樣嘅外賣店，啱曬lunch time 或者收工買番個快飯。同其他海南雞店唔同，呢度嘅海南雞飯唔係用油飯，而係用咗椰香飯，相對地冇咁油膩，但就一樣咁好味🤍滷水雞腎可以揀辣或者唔辣，切咗薄片唔會太硬，唔駛擔心o趙極都唔完🙊至於個金羅漢果養生茶，加咗菊花杞子，非常清熱解渴，啱晒夏天飲🔥呢度嘅食物性價比超高，絕對係回頭之選👍🏻

搬咗嚟紅磡都差唔多半年，行過幾次想試呢間可可豬，近近地買返餐外賣返屋企食又唔慳返D功夫唔洗煮! 海南雞飯食得多，第一次食竹絲海南雞飯，己全部起骨，小朋友食都好方便，竹絲雞夠哂補身，咁樣食都真係首次，要知道平時坐月都係食竹絲雞喳! 有幾補唔洗多講啦! 肉質幼嫩香滑，出奇地又同椰香飯好夾，一盒飯入面仲要有埋少量沙津菜伴碟，唔錯!今次其實想一嘗佢的皇牌海南雞飯~ 一盒5件海南雞，好味嫩滑去骨即食，點埋個秘製醬汁，好正，再加埋個重椰香味飯，好正! 如果平時無煮飯絕對可以再encore，方便又好味，價錢仲好相宜。兩個飯加錢要埋個蒜泥白肉先，我地兩個大人加小朋友，一家四口都夠食，份量都多，蒜泥白肉絕對足料，有咬口之餘配埋個蒜泥醬，酸甜得嚟又有小辣，但辣的程度小朋友都食到，白肉又唔算太肥，唔想只食雞的另一好味之選。配埋兩樽養生茶 – 金羅漢果養生茶及熱情果茶，甜度剛好，入面真係熱情果籽，好解渴，飲養生茶真係覺得成個人都健康咗添！整體來說，好滿意的一餐外賣，近近地相信短時間內會再encore!

可可豬椰香海南雞專門店位於紅磡馬頭圍道富商業大廈地下D號舖，餐廳主打南雞飯，除了椰香海南雞飯，還有首創竹絲海南雞飯、藥膳醉雞飯、黑蒜醬燒豬軟骨飯、小食、沙律等等，唔鐘意食雞都有其他選擇。椰香海南雞飯-雞全部去骨，雞肉夠嫩滑，雞皮爽薄不肥，有雞味，一定要連雞皮食，米飯粒粒分明，米飯加入了椰漿，每一啖都有椰香味。藥膳醉雞配飯-藥膳與酒比例剛好，醉雞非常入味，而且雞肉都夠嫩滑，送飯一流冬瓜雞湯-味道清甜，喝得出沒有加任何味精。蒜泥白肉-白肉切得夠薄，白肉帶有少許的脂肪層，Q彈的白肉，充滿濃濃的蒜香日本白桃乳酸梳打&金羅漢果養生茶金羅漢果養生茶店主自家煲的，潤喉清熱，飲落清甜。

之前網上有人介紹，老公知我鐘意食，突登渣車一齊去紅磡分店的可可豬椰香海南雞專門店買外賣返黎食。餐廳沒有堂食，只有外賣，餐廳主打椰香海南雞飯外，還有其他飯類、米粉、小食、特式飲品等等，價錢經濟實惠，而且餐廳的餐具是用環保物料製造，非常環保。驚嘆黑蒜醬燒豬軟骨-豬軟骨燒得夠入味，每件豬軟骨中間都有軟骨，軟骨爽脆，肉質夠軟腍，個醬汁好惹味，送飯一流椰香海南雞飯-之前每次食都係配油飯，今次以間夠特別，海南雞配上椰香飯，一打開，超香的椰香味，雞肉亦帶有小小椰香味，雞皮金黃，雞皮爽口，皮下脂肪不多，肉質嫩滑，雞肉已經去了骨，再加上沙律，中和油膩感。滷水雞腎-雞腎滷得入味，雞腎切得厚薄適中，口感爽口冬瓜雞湯清甜不油膩金羅漢果養生茶+巨峰提子乳酸梳打金羅漢果養生茶，入面有羅漢果、陳皮、杞子，好足料，再加上菊花的清香，非常清甜消暑。

食至愛嘅海南雞飯今日有啲嘢做經過紅磡土瓜灣嗰頭決定叫外賣返屋企食老細介紹豬手飯同鴨舌都好食咁左兩個set 加一個小食黑蒜醬豬軟骨飯👍🏻👍🏻👍🏻👍🏻👍🏻甜甜地微辣重蒜味豬肉好淋好入味特色椰海南雞飯👍🏻👍🏻👍🏻雖然飯未係話好夠椰香但夠油香雞夠滑份量適中滷水鴨腎👍🏻👍🏻👍🏻👍🏻👍🏻好驚喜夠麻辣夠爽秒清之選飲品推介熱情豐盛👍🏻👍🏻👍🏻👍🏻係熱情果子仲有杞子唔太甜👍🏻👍🏻👍🏻

喺外賣平台叫咗外賣, 椰香海南雞脾飯、時令菜苗、香辣口水雞飯、白桃乳酸梳打、龍鳳梳打$138唔算貴，不過唔值椰香海南雞脾飯：飯都幾香、真係有椰香、同平時食開嘅油飯比係唔同。不過一打開盒飯真係嚇親、都唔知係咪俾人偷食過、得3件雞仲要咁擺法。雞髀肉冇骨、啲肉係幾滑、冇乜特別。時令菜苗：就係幾塊墊底嘅生菜加豉油、仲要倒瀉左、成袋都係菜汁香辣口水雞飯：辣但係唔香、調味唔得、完全唔係口水雞嘅味道、孜然粉加啲酸辣汁、不倫不類、唔啱口味仲有個白桃乳酸梳打同龍鳳梳打：就係兩款糖漿加梳打水；早知我自己用柚子蜜溝梳打水好過第一次食、老實講好失望，試過就算

而家嗌個外賣閒閒地都7,80，$38就有個海南雞飯真係不得了.椰香海南雞飯 $38雞有5大舊，件件都好嫩滑！食食下係唔夠餸飯，不過女仔黎講餸哂的雞都夠飽😂都食唔落啲飯。大食嘅可以加$10有多啲雞，就會好夠飽.首創竹絲海南雞飯 $52竹絲雞雖然冇海南雞咁油，但係都好嫩滑！如果想健康啲竹絲雞就啱你啦。.蒜泥白肉 $20蒜味十足👅白肉切到都幾薄，可以繼續餸飯！.套餐送餐湯，除左特色飲品，仲可以加$6-7飲可樂同雀檸

今日放工去左紅磡，聽講有間專做外賣嘅新加坡野，諗住買返去加餸。餐牌上好多野食揀，例如竹絲海南雞飯。）今次我嗌左個椰香海南雞飯，份量豐富，雞肉嫩滑，最驚喜佢嘅椰香飯，因為通常食出面個啲都係用油飯，而呢個椰香飯出奇地好食。））雞腎又係唔錯，食得過。飲品方面揀左巨峰提子乳酸梳打， 飲一口已經透心涼，味道好岩，呢個價錢咁大杯都抵。如果鍾意食海南雞同椰香飯，呢間店應該係你不二之選。住紅磡嘅朋友有福了，口痕都可以買外賣返去食。

剛剛去完紅磡廣場出來，經過馬頭圍道一間外賣店，門口招牌是可可豬椰香海南雞飯專門店，在店旁已經聞到陣陣椰香味，我今晚約咗朋友食飯，正好買比老公同女兒做晚餐。椰香海南雞飯：招牌菜一定要試吓，海南雞已經去骨，用咗椰子和多種香料浸熟啲雞，雞肉除了漱滑之外，重帶有椰香味，至於油飯係用泰國米，亦有加入椰漿蒸煮，飯粒粒分明帶有椰子香味！每樣主食都會奉送香甜的老火湯。驚嘆黑蒜醬燒豬軟骨：一打開個膠盒，香氣撲鼻，黑蒜醬汁都好惹味，豬軟骨啖啖肉，肉質鬆化，中間有豬軟骨，豬軟骨炆得好入味，醬汁撈埋啲白飯食，味道一流！蒜泥白肉：腩片肥瘦平均，個汁有好重蒜蓉香兼微辣，惹味好食。日本白桃乳酸梳打：芳香迷人的白桃風味混合乳酸梳打 ，嘅清涼又有暢快口感。熱情風盛：自家製飲品，用熱情果、杞子、青檸調配而成，味道酸甜不太甜。

出左去紅磡，遠處已經望到好搶眼既雞logo，吸引左我過去，排隊買個外賣回家吃。 🔸️泰式酸辣無骨鳳爪經理話呢款係新出嘅，咁就埂係試試佢啦🤭木瓜好爽脆，又唔會好辣，無骨鳳爪酸酸甜甜，好開胃 🔸️驚嘆黑蒜醬燒豬軟骨豬軟骨個醬係帶甜味，好香蒜味，軟腍又夠入味 🔸️特色椰香海南雞飯雞件有5件，雞皮爽脆，雞肉嫩滑，醬料唔係平時出面食開既味，配雞件食好惹味，個飯幾好食喎，好有椰子香味，飯粒粒分明，食左啖係會想繼續食落去，有驚喜 再點了2杯飲品，分別係葡萄柚乳酸梳打及熱情豐盛，2杯都好飲 後記：原來旁邊有部自助點餐機，下次唔使排隊買🤣

-🔸特色椰香海南雞飯 $38🔸首創竹絲海南雞飯 $52🔸蒜泥白肉 +$20🔸熱情豐盛 +$12🔸巨鋒提子乳酸梳打 +$12-琴晚經過紅磡見到轉角位呢間外賣店，專賣海南雞飯，啱晒我呢啲雞精啊～海南雞飯一盒都只係$38，價錢非常親民，而且份量都食得飽。主角海南雞肉質非常之嫩滑，第一次見竹絲雞版本都好特別呢，配搭椰香飯好香喎！另外叫多份小食都只係加多$20，蒜泥白肉淋上好多生蒜茸，用埋嚟送飯真係一流呢！

是日同HONEY去紅磡SHOPPING，見到哩間可可豬椰香海南雞專門店 ，專買外賣的海南雞飯，HONEY見到有藥膳醉雞飯，決定左外賣買哩間，我同HONEY點左黑蒜醬燒豬軟骨配椰香飯，藥膳醉雞配椰香飯，小食點了麻辣雞腎，飲品點左金羅漢果養生茶，黑糖桂圓紅棗茶，右=金羅漢果養生茶，左=黑糖桂圓紅棗茶，金羅漢果養生茶甜味來自金羅漢果的味道，清甜好飲，另外黑糖桂圓紅棗茶黑糖味夠，兩杯感覺都唔會有另外的甜加上~~黑蒜醬燒豬軟骨配椰香飯黑蒜醬燒豬軟骨配椰香飯，豬軟骨有4-5舊，豬軟骨淋得入味，另外黑蒜醬味道甜甜，送飯一流，椰香飯真的好可口，就咁食一碗都可以XDDD藥膳醉雞配椰香飯藥膳醉雞配椰香飯HONEY都話好好食，凍食的藥膳醉雞好重酒香味，加埋藥膳的精華，真的好補身~~麻辣雞腎麻辣雞腎的麻辣汁真的好惹味，如果麻辣汁再多一點會更好，麻辣雞腎口感爽口~~

炮台山個間可可豬海南雞就去過幾次，原來紅磡都有可可豬椰香海南雞，個名多左椰香兩個字。今日去開紅磡做野，同一樣野，價錢居然比炮台山店平，索性買返一餐外賣試下先。呢間舖同炮台山唔同，呢度冇得堂食。得一個姐姐收銀同做樓面。首創竹絲海南雞飯 $52第一次試竹絲海南雞，真係全部起哂骨，除左隻雞翼。一盒飯有六件竹絲海南雞，有雞胸肉同雞翼。肉質同味道當然比唔上普通海南雞，勝在夠補身，我地連皮都食哂。梛香飯超正，梛香味香濃兼非常濕潤，絕對係我杯茶，份量好多。伴碟配有青木瓜沙律同橙色車厘茄，下底墊左一塊生菜。橙色車厘茄超甜。嫌味道唔夠，一定要點呢個秘製醬，甜甜地超好味，一盒雞飯跟一盒醬。梛香海南雞飯 $50如果唔洗咁補身，呢個梛香海南雞飯絕對係好味道。海南雞有5件，有雞胸肉同雞脾肉，雞有雞味，皮有彈性，雞肉嫩滑，加埋特製甜醬，好味道。最緊要外賣同堂食一樣好味。其他梛香飯同配菜同首創竹絲海南雞飯既一樣。蒜泥白肉 ＋$20加錢要左個小食，白肉有七塊，凍食都冇問題，幾有咬口，層皮仲有彈性。個蒜泥汁勁正，酸酸甜甜帶少少辣，好開胃。連墊底既個塊生菜吸左d汁都好食。餐包左兩大碗湯，係清雞湯，仲有一大舊冬瓜同白蘿蔔，

疫情下晚餐仍未有堂食，間中唔想煮想休息下，於是今日剛好係紅磡附近今日見到間專做外賣既店，餐廳門口有電子落單自動付款，非常方便。我叫左兩個套餐和一個小食，分別是餐廳首創，1. 竹絲海南雞椰香飯$52， 用竹絲烏溪做海南雞都係第一次試，雞肉非常幼嫩且無骨方便進食，點上自家製的姜蓉牆汁，再配上爽脆的青木瓜絲沙律，酸酸甜甜十分開胃，椰香飯用十分香，用椰漿煮成，再配清甜雞味重的雞沙。2. 藥膳醉雞配白飯$48，食雞最重要係雞肉嫩滑入味，此餐廳完全能做到，醉雞酒香味重，但食完不會醉，而且價錢非要便宜抵食。3. 小食係青木瓜蝦沙律$54，份量十分多，青木瓜絲和甘筍絲，口感爽脆，撈蒜容酸甜汁，簡單好味。另外叫左兩杯餐廳獨家做的養生茶，分別係羅漢果和熱情果養生茶。餐廳所有的外賣套餐係十分抵食，想叫外賣的你可試一下，份量十分多，青木瓜絲和甘筍絲，口感爽脆，撈蒜容酸甜汁，簡單好味。另外叫左兩杯餐廳獨家做的養生茶，分別係羅漢果和熱情果養生茶。餐廳所有的外賣套餐係十分抵食，想叫外賣的你可試一下。