可可豬椰香海南雞專門店

營業中

休息中

平時成日經過呢間外賣店，今次終於試咗佢既海南雞飯。除咗海南雞飯之外，仲點咗驚嘆黑蒜醬燒豬軟骨同滷水雞腎，飲熱情豐盛同埋可樂。攞到返屋企都仲係好暖，唔需要加熱。海南雞飯充滿椰香，而d雞並冇令人失望，入口非常嫩滑，特製既醬汁酸酸甜甜又帶點微辣，味道唔錯！驚嘆黑蒜醬燒豬軟骨份量唔少，而且好惹味。平時食滷水雞腎怕會太鹹，今次雞腎入味得嚟又唔會太鹹。熱情豐盛入面有熱情果、杞子、青檸等，飲落好fresh，啱哂夏天飲！

今天步行返家，途中見到這間可可豬海南雞專門店，買了海南雞飯當午餐，非常的感謝🙏味道很好、點雞汁也非常美味。贈送的養生茶和熱情果茶調校得非常好，不太甜。如果在附近返工或行街街，希望大家可以訂購，理由是真的非常美味，又可以幫助小店😊當你去到小店幫襯，你將會發覺佢有其他台式美味食物，陸續登場😋🤔非常期待😚

今日放工又黎到紅磡呢間鋪頭買外賣返屋企食呀，望返餐牌對比上次黎嘅時候，啲菜式多左好多，咁當然今次都會叫下啲新野啦。首先就係呢個特色椰香海南雞飯，其實黎親呢間都係買呢盒，要讚嘅一定係啲雞，好滑好嫩，雞皮好似啫喱咁，有雞味，配埋椰香飯真係恰到好處，令人回味無窮。如果想刺激啲又食到辣嘅朋友仔，可以試下呢個麻辣手撕雞冷麵，辣得黎又夠清爽嘅感覺確實過癮，手撕雞肉撕得幼細好岩撈冷麵黎食。泰式酸辣無骨鳳爪當係飯後小食咁，夠入味，份量都唔錯。呢間雖然剩係做外賣，但係都好多人排隊買外賣，證明呢間野係幾咁吸引街坊，甚至係跨區過黎買，值得有下次。

放假去朋友個頭搵佢其他朋友要夜啲先到見有啲肚餓，佢就帶我去買外賣食住等😂經過十字路口見到呢間主要係外賣既小店朋友話呢間海南雞又平好又食🤤其實我平時好少食海南雞見佢都想食 就都買我地叫左 首創竹絲海南雞飯😋特色椰香海南雞飯同一份蒜泥白肉落完單可以到另一邊 取餐😬（有埋湯同飲品）都幾多😙都幾近我地😌😌好方便首創竹絲海南雞飯($52)竹絲雞功效有好多例如 滋陰清熱 補肝益賢健脾止瀉 增強白血球同血色素真係營養價值極高 依家飲食真係要注意埋健康🤤特色椰香海南雞飯 （$38）雞肉肉質嫩滑不韌加上佢既醬汁真係一流😋個人覺得呢個價錢真係抵食🤤蒜泥白肉估唔到份量都幾多好多汁同大量蒜蓉但一啲都唔油膩 我攞黎配飯食😋👍🏻

隨著奧運踏入尾聲，我的外賣習慣也隨之減少。但在這之前也要對外賣有一定要求，今次專程揸車到何文田去買海南雞飯。聽聞呢間海南雞好吾錯，果然名不虛傳！海南雞滲透椰子香味，有啲似椰子煲雞，加配咗一杯無味精嘅食療湯水，覺得會好啱忙碌嘅打工仔，兩個人食亦唔算太貴，屬於經濟型。日式胡醬手撕雞冷麵無骨又啖啖肉 食落清新唔油膩，配合濃郁既胡麻醬，每啖都充斥住冰涼豐富口感！雞臀 是必點的小食！爽口嚼勁！令人一吃就愛上！飲品梗係「熱情豐富」，有熱情果、青檸、杞子；酸酸甜甜又有益！跟餐只係加$12，抵到爛！

這間專門做海南雞飯外賣嘅鋪仔細細，在紅磡馬頭圍道，分開點餐處和取餐處，電子餐牌一目了然。在店前點餐偶爾聞到海南雞香味。第一次食竹絲海南雞飯，夠晒創新和特別，而且價錢又實惠。椰香雞飯完全唔油膩，雞肉本身冇咩味，沾上自家製醬汁，味道剛好。跟飯一碗南瓜雞湯，店員話雞肉用嚟整海南雞，其餘部份就用嚟煲湯，完全冇浪費。蒜泥白肉，五花腩薄切，打開盒蓋超香蒜味，少少辣少少酸好野味。最愛金羅漢果養生茶，唔太甜，樽底仲有菊花和杞子，足料清潤。

今日搭屯馬線第一次黎到何文田站、去朋友嘅新居玩😆 呢條街上面有好多外賣小店，見到呢間海南雞幾吸引一於試吓😇店外有部好似M記嗰啲自助點餐機，幾方便👍🏼 今次我哋兩個人叫咗幾款菜式share食～🐔 特色椰香海南雞飯海南骨係去咗骨嘅，啖啖肉都幾滑～ 飯底比起一般薑黃飯更好味，椰香味好開胃🐓 日式胡麻醬手撕雞冷麵手撕雞份量幾足，胡麻醬同冷麵真係絕配！仲有酸青瓜/蘿蔔作配菜、好開胃，夏天食一流呀～😋 👣 泰式酸辣無骨鳳爪係滿滿嘅骨膠原呀🤩 起晒骨、食落好方便我哋仲試埋自家製嘅 金羅漢果養生茶 同埋 熱情杞子青檸茶，既健康又消暑～

作為大埔人嘅我，無港鐵真係會好少嚟呢面。正所謂，屯馬開通真的很興奮。嚟個即興屯馬線遊。由於遊咗成日都想返屋企休息下。所以決定買外賣返屋企。行下行下見到呢間cocopig。見佢賣泰菜外賣為主。所以決定試吓。我叫咗個特色椰香海南雞飯，日式胡麻醬手撕雞冷麵。泰式酸辣無骨鳳爪。點咗樽熱情豐盛。返到屋企急不及待嗱嗱臨開餐。特色椰香海南雞飯-首先飯係油飯，再加埋有椰香味。估唔到出奇地夾。雞肉勁滑，雞皮同雞肉嘅中間更加有一層啫喱。滑嘟嘟咁。日式胡麻醬手撕雞冷麵。雞嘅份量都算多。而且都好滑。冷麵喺夏天度食勁透心涼。泰式酸辣無骨鳳爪-酸酸美味咁，非常開胃。 另外要提嘅就係，熱情豐盛， 係遊熱情果，杞子同青檸製成嘅飲品，甜甜地酸酸地咁啱晒夏天飲。

外賣最方便 十字路口海南雞店可可豬椰香海南雞專門店今日又係落大雨嘅一日,唔想走去街市買餸自己整啦附近整個外賣啦，記得有一次經過馬頭圍道過去鶴園街呢一個十字路口，有一間係專食海南雞嘅外賣餐店！一於近近地今日行過去啦！首先真係要講吓個門面 ，點餐處同取餐處分開咗兩邊 ,咁啲人就唔使迫埋晒一齊 。淨係呢一點就知道店主係一個好細心同有要求嘅人!除咗簡單整潔嘅裝修之外，佢仲設置咗一部八達通點餐機，一般做外賣嘅小店好少會有㗎...點左一個特色椰香海南雞飯打開個盒第一時間就食舊雞先啦嗰舊雞好滑...肥瘦適中...呢一點先取一分！海南雞呢一間我覺得有水準！日式胡麻醬手撕雞冷麵-呢一味餸雖然都係雞，但係佢手撕雞嗰啲肉明顯比海南雞嗰啲瘦d，啱晒依家大眾健康飲食嘅要求！仲有一個蒜泥白肉，超正呀！ 唔識形容嘅好味道！總之就肯定好食過成日去食米線嗰間啦⋯⋯仲有一杯叫熱情豐盛，主要係見個名幾有趣所以買杯嚟試吓，裏面有熱情果杞子青檸,係幾好飲嘅！

自疫情開始，外賣回家嘅次數都頻密咗，土瓜灣呢間專門經營外賣嘅小店，主打海南雞，當然要試下。「特式椰香海南雞飯」同平日吃到嘅有點不一樣，有著椰香味...海南雞啖啖肉．沾上醬汁，好有泰式風味。👍🏻「日式胡麻醬手撕雞冷麵」手撕雞配胡麻醬，味道確係好夾😋伴著冷麵，麵質唔會太淋，天氣炎熱食冷麵都唔錯。「麻辣雞腎」愛辣嘅不能錯過，麻辣味香濃好惹味，雞腎爽口有口感。「金羅漢果養生茶」自家出品 , 除咗金羅漢果，仲加入菊花．杞子．陳皮，滋潤養生「熱情豐盛」好鍾意飲熱情果嘅飲料，原來加入杞子．青檸味道仲正，下次都會再Encore🤗

見佢個名係可可豬，但招牌就係隻雞！讀Poly 朋友仔話點依間外賣健康D，間外賣店都幾靚仔。可以自助點餐，又可以去佢另一面店面買。佢有椰香海南雞飯配上清湯，自家製沾醬比一般海南雞醬好食，雞肉熟得剛好，雞皮香滑。更有少見滋補嘅烏雞，肉更嫩。只嫌無骨雞肉量不多，食得唔夠痛快，椰香飯比一般雞油飯清新，配合酸菜好爽口。蒜泥白肉的簿切豬五花爽口唔肥膩，同熱情果茶一樣開胃。另外我鍾意天然甜味，所以金羅漢果養生茶就更啱我。

今日带小孩去圖書館經過位於馬頭圍道116-118置富商業大廈地下D鋪的「可可豬海南雞專門店」於是打包返屋企食，我選擇左店的招牌菜有藥膳醉雞配白飯，雞肉肉好嫩，對我喜歡酒味的人來講超正，連d酒湯都飲使，食完返尋味。另外又叫左一份首創竹絲海南雞飯，小朋友鐘意食，雞肉好幼絲，d飯又美味，小食叫左蒜泥白肉，d肉系切到好簿，蒜泥味好重，好好味。飲品叫左熱情豐盛有熱情果，杞子，青檸，跟另一杯金羅漢果養生茶，不會太甜真材真料，幾好飲，尼間食的東西唔算貴，好實惠，唔想煮飯的朋友可以試下

#特色椰香海南雞飯 ($38)有別於一般嘅雞油飯，呢個飯底充滿陣陣椰香味，感覺更加清新健康！雞肉滑嫩有水準，點埋小店秘製醬汁更加惹味呢！#日式胡麻醬手撕雞冷麵 ($42)冷麵裡面配有青瓜絲同生菜絲，配料同麵嘅比例差唔多係1:1，食起嚟好清新而且唔會膩！#蒜泥白肉 (+$22)好有份量嘅一個小食! 腩肉片份量都唔少，鋪滿惹味嘅蒜蓉，少少辣多多蒜，呢個蒜泥白肉相信好多鍾意蒜蓉嘅朋友都會鍾意😋#金羅漢果養生茶 (+$12)#熱情豐盛 (+$12)跟餐加咗兩款飲品，有滋潤嘅羅漢果茶同埋酸甜開胃嘅熱情果茶，兩款都係小店每日新鮮煲㗎，真材實料好有heart!🔺🔺🔺🔺🔺🔺🔺🔺🔺🔺🔺🔺Cocopig紅磡馬頭圍道116-118號置富商業大廈地下D號舖🔻🔻🔻🔻🔻🔻🔻🔻🔻🔻🔻🔻

紅磡仲有好多平民價美食行過見到《可可豬椰香海南雞專門店》好平喎等我試吓先.$38特色椰香海南雞飯，例牌無骨，啖啖肉，肥瘦適中，加埋特製醬汁 正啊；個飯有椰香同香茅味，煮到粒粒分明.蒜泥白肉 加$22，肉質普通，個汁就挽回啲分數，食完留返起之後拎嚟撈麵食.金羅漢果養生茶 加$12，甘甘哋，唔太甜，幾好.送嘅湯清清地，唔算太味精湯.下次想試佢個首創竹絲海南雞飯，好特別咁款.@cocopig.hk 紅磡馬頭圍道116-118號富商業大廈地下D號舖

椰香海南雞飯 4.2椰香飯就真係有椰子味之源，食落去仲會有啖甜甜地嘅味道，感覺都幾正，係好味嘅。靈魂所在就係海南雞。雞皮我未到，有啲似jelly咁😋 雞肉都係高水準嘅滑嫩。所以，可能就係因為好食，份量真係唔係好多。金羅漢果養生茶 3.7樽仔裝都幾特別，雖然樽外面係寫住soup 😂😂 default就係凍飲我攤凍咗嚟飲，都仲係甜嘅，女朋友本身唔鍾意羅漢果，我都覺得可以接受。你連嘅養生材料，我見到嘅就好似仲有菊花，杞子。香辣口水雞飯 3.5/4認真，我自己本人就覺得辣嘅～感覺有啲似食緊四川菜咁。😂真係要靠羅漢果甜甜地先可以頂得順。無論白飯，椰香飯，份量都幾多，所以，記得叫少飯（esp ladies)滷水雞臀😂 3.5/4有得揀壓定唔辣。我都係食唔到辣🥲 都幾爽口彈牙，正常發揮！
Notes: 
3分係合格正常水平，應該唔會造成失望4分係抵食、可以和值得比錢再食5分係令我開心嘅質素，值得同其他人推介主觀評分，絕對考慮埋價錢因素🤣——盛價比