台北人

營業中

休息中

放工走到佐敦揾野食，揾到呢間係文英街的台北人。店子不大，店內播住台灣流行曲，好有台式小店氣氛。小店主打任飲，$188就可以 90分鐘任飲台灣清酒或High ball ，但因為我地太餓，決定今次食野先！點了幾個小食，都好出色。台南薑汁蕃茄，好香薑味，番茄酸酸甜甜好清新，食落好開胃。黑輪用魚肉製成，有咬口，食落似食緊煙韌版的魚蛋。厚切牛腱真係幾厚，嫩腍又啖啖肉。黑松露牛舌滷肉飯雖然細細碗，但好足料！一定要撈匀啲飯黎食！用蛋汁沾滿啲飯。牛舌好腍，加埋黑松露和香葱，令人食唔停口。紅燒牛肉麵配係是日套餐之一，湯底好濃郁又清甜，牛𦟌份量都幾多！跟餐的冬瓜茶好夠味，好飲！我則點了熱的冬瓜鮮奶茶，唔會太甜。最後點多個原味芝士蛋餅，加了肉鬆，煙煙韌韌好香蛋味，不錯！小店應該由夫婦二人經營，所以出口都幾用心。佐敦一帶比較少台式食店，台北人不失為一個好推介！

假期悶悶地行下西九文化區，吹吹海風。想揾間小店幫襯下，好自然就會走過黎文華樓呢邊食個好西，當中#台北人裝修門面十分搶眼，鄰近於柯士甸地鐵站，餐廳內掛上有唔少掛燈作裝飾，鋪面唔算大，大約可容納20個位左右，猶如置身於台灣九份一樣嘅地道餐廳！$188 90分鐘任飲台灣清酒或high ball！餐廳另收加一！厚切牛腱$58牛腱煮到好淋，質感嫩口又重骨膠原，入口即溶，真係令人想嗌杯酒黎飲！和牛臭豆腐$68臭豆腐外層炸到香脆，入口有D炸油汁流出，鐘意食臭豆腐既朋友難以抗拒！黑輪$32切斷圓條為一碟，黑輪顏色雖較深，但味道啱啱好唔會太鹹！滷肉乾麵$48呢碗拌麵上面就有好多滷肉，滷肉味道香口，個麵煮得啱啱好 唔會太硬都唔會爛pat！紅燒牛肉麵+冬瓜茶套餐$88淨系睇個湯底咁深色就以為好鹹，飲落係完全另一回事！湯底味道偏甜，冇加味精，有些少牛羶味，麵係粗身嘅好Q，份量又多牛𦟌略有厚度 肥瘦適中，整體唔錯。而冬瓜茶真係台灣飲料之選！蜂蜜檸檬蘆薈$38

平日去日式居酒屋就去得多，估唔到位於佐敦有一間《台北人》居酒屋，見到咁特別，於是試試，估唔到都有驚喜😋！和牛臭豆腐 $68豆腐超酥脆好有口感👍🏻再加上泡菜、和牛、沙律菜和Wasabi醬汁，估唔到可以配合得咁惹味，亦帶出和牛的濃郁味道😋😋！府城蝦捲 $38分量唔算多，但外層炸得夠脆口而不油膩！柚香蓮藕 $32第一次食甜味蓮藕，味道好清新之餘蓮藕亦好爽脆，配上炸物小食一齊食，特別解膩👍🏻👍🏻！酥炸甜不辣 $32口感非常煙韌，但有點油膩感！地瓜球 $32地瓜球大小適中，分量都唔少，外脆內Q軟，面層灑上了梅粉，多一份層次感，食唔停口😍😍！肉鬆蛋餅 $40可以自選配料，肉鬆十分足料，蛋餅香軟再加上照燒醬，味道香甜，如果面層再煎脆口D，口感會更好☺️！$188 重可以🍶🍺🍶🍺90分鐘任飲 台灣清酒 / high ball

下午食了很多炸物，晚餐想食得中式一點，所以就和Foo去了食台灣菜。台北人的價錢相宜，簡單叫了兩個便當飯，再叫四款小食，每人再叫一杯台式飲品，人均消費大約$172。滷肉飯便當$58冬瓜鮮奶茶加$15 原本以為滷肉飯就是一碗白飯，上面有碎滷肉。怎知原來還有粉絲，感覺特別，哈哈。椰菜翠綠健康，醃製的蘿蔔酸甜開胃，粉絲增添整碗飯的口感層次。還有哈密瓜，食完一碗飯有飯後甜點 —— 水果，感覺細心。蝦捲便當$65冬瓜茶加$5 跟滷肉飯的配料相似，主要是滷肉變了蝦捲。蝦捲外脆，內嫩，微彈的口感，頗有新鮮感。台南薑汁蕃茄$38新鮮感和新穎的感覺。新鮮蕃茄本身就自帶天然的微甜感，加上未經煮熟的蕃茄，口感上增添爽口鮮甜。與薑汁出奇的夾得來，而且微甜中有一絲絲薑汁的微辣，清新自然感強烈。原味鳳爪$48 有台灣風味的鳳爪，滷得很入味。已去骨，入口易。百頁豆腐$36 豆腐嫩滑，富有微彈的質感，口感豐富。滷得亦入味可口。夾完一件又一件。醬燒小章魚$48富有煙靭口感的小章魚，經醬汁燒製後，更惹味可口。

今日去咗位於佐敦八文樓嘅台灣餐廳，平日好少會過嚟，唔係朋友推介都唔知原來呢頭咁多好嘢食。如果你鍾意台灣傳統早餐，一定要試試佢哋嘅原味蛋餅，揀咗配料肉鬆同芝士，互相配合真係好好味。台南薑汁蕃茄，蕃茄好爽口，上面鋪咗少少薑蓉，所以辣辣地，配合甜甜地嘅醬汁，好開胃。飲品冬瓜鮮奶，有啲似冬瓜茶換咗鮮奶，口感變得滑流，甜甜地好味。厚切牛腱，辣汁香味四溢，肉質又腍又入味，筋嘅部分好彈牙，惹味到我停唔到口，連配菜都食曬。黑松露牛舌滷肉飯，好有特色，有香濃嘅黑松露味，再加上蛋黃撈飯，真係令人垂涎欲滴。台灣菜當然唔少得紅燒牛肉麵，我哋叫咗微辣嘅紅燒牛肚牛肉麵。加埋酸菜令味道更加豐富，麵嘅口感都好彈牙。特餐仲有哈密瓜同飲品。朋友揀咗古早味紅茶。和牛臭豆腐，臭豆腐外面炸到好脆好香口，仲有泡菜。不得不提嘅係佢哋嘅任飲優惠，只需188蚊，就可以任飲90分鐘台灣清酒、high ball或者啤酒，真係抵到爆！

近排迷上咗食台灣嘢🤭聽朋友講過呢間台北人一定要試🥳今日經過佐敦就入嚟試吓睇吓咩料啦😜😋餐廳環境好靚🤭適合傾偈chill下🥳🥳～黑松露牛舌滷肉飯😋黑松露味道超濃 🤪牛舌爽口彈牙 😜加埋滷肉飯 成個配搭真係一流🥳～涼拌小黃瓜😛味道非常清新🤭黃瓜好香😜😜～芝士玉米蛋餅🥳芝士味濃得黎唔會漏😜好重蛋香味☺️🐷另外隱藏餐牌寫住 $188 90分鐘任飲台灣清酒 High ball😛😛抵到爛呀😎🤭

很久没跟表姊食台灣菜，知道她是食台灣菜的專家。經她介绍下，得知佐敦文苑街有間食台灣菜的居酒屋。所以约了表姊到來品嚐，這裡有各式各樣的台灣菜式及酒類可以選擇，大食或細胃人士也可滿足。餐廳裝潢滿有台灣居酒屋風格，感覺舒服，而看看餐牌也覺得收費相對合宜。我見到有$188 90分鐘任飲台灣清酒或high ball, 好抵飲，不過表姊不飲，下次要找飲酒之人一齊飲個痛快先🤣今日先試食物，我們點了一些小食及牛肉麵試試。厚切牛腱$58牛腱是從牛的腿部獲取的肉塊。這種部位的肉質緊實，含有較多的膠原蛋白，肉非常軟嫩多汁，入口即溶，每一口都充滿豐富牛的味道。和牛臭豆腐$68很久沒有食到臭豆腐，配搭新穎，和牛及臭豆腐意外的夾心，臭豆腐酥脆外汁，而和牛肉味濃郁。百頁豆腐$36百頁豆腐味濃香口，質地彈牙，是配酒的一流小食。台灣香腸$18外層烤得香脆，油香滿溢，香口帶微甜，是送酒不二之選。紅燒牛肉麵+紅茶套餐$88牛肉煮得好腍，湯汁香濃，食落回味無窮，真是地道的台灣牛肉麵。紅茶就香而濃，十分解渴。原味蛋餅+肉鬆$40把肉鬆包住再煎成蛋餅，食落滋味而有蛋的香味，十分滿足。冬瓜茶$18冬瓜茶就甜甜的，感覺可以消除油膩感

📍台北人 (佐敦)📍佐敦文苑街31號文輝樓地舖🟡炸甜不辣 $32🟡原味蛋餅$25，加玉米$10🟡鹽酥雞$58🟡滷肉乾麵$48🟡黑松露牛舌滷肉飯$62🟡古早味冬瓜茶$18🟡柚子爽爽$68最支持小店的我來了佐敦食台北人，小店環境舒適，氣氛溫馨。菜單有好多選擇，我最推薦酥炸甜不辣，好香脆，堅韌程度100分，絕對要食！原味蛋餅加$10玉米餡料，以蛋餅愛好者嘅身份表示呢個蛋餅堅韌程度、味道、口感真係拍得住台灣早餐店食嘅蛋餅！鹽酥雞唔會好炸，份量好合適2人，不過覺得可以整得更加嫩滑。滷肉乾麵個麵質好值得稱讚，成個麵都整得好地道，好好食！黑松露牛舌滷肉飯的牛舌軟嫩多汁，加上黑松露嘅香味，回味無窮。最緊要係佢個飯粒粒分明又有咬口！如果想暢飲一番，可以考慮佢嘅$188 90 分鐘任飲 台灣清酒或 high ball，不過聽日好早返工，所以淨係叫咗我最鍾意飲嘅冬瓜茶，古早味冬瓜茶真係台灣飲料之選！另外試咗柚子爽爽，口感清新，帶有柚子嘅香甜風味。台北人係一間價錢合理，味道超地道嘅餐廳，絕對值得一試！小店之選，下次黎柯士甸一定會再食！

這天晚上我約了朋友在佐敦吃晚飯，經過網上的推薦，我們便決定來到這間台式餐廳試一試，店內環境舒適和清潔衛生，店內客人是坐滿的，需要等候一會才能入座，餐廳會播放音樂，另外付$188有90分鐘的清酒任飲芝士肉鬆蛋餅($50)味道少許鹹，肉鬆黏口，蛋餅香稔軟嫩，淡淡的芝士，不會遮蓋了其他食材的味道，面層加了照燒醬，味道清甜，十分足料炸甜不辣($32)炸到金黃色的甜不辣，賣相十分吸引，口感非常煙韌，份量很多，十分抵食花枝丸($38)花枝丸爽彈鮮美，十分大粒，十分足料，十分地道鹹酥雞($58)鹹酥雞香稔軟嫩和外脆內嫩，炸的時候很好地鎖住肉汁，非常新鮮和牛臭豆腐($68)臭豆腐外脆內軟，泡菜味道酸酸的和爽口，令人非常開胃，和牛非常香稔軟嫩，入口即溶古早味滷肉飯($58)辣菜脯味道鹹中帶一點辣，珍珠米粒粒分明，質素十分高，紅蘿蔔爽口徵彈，蛋稔香軟彈，生菜新鮮和爽口，粉絲十分彈牙，番石榴爽口，十分健康整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的定價相對大眾化，而店員亦有良好的服務態度和積極，所以我認為這間餐廳是值得再去惠顧

我不嬲都好鍾意食台灣菜 今日去咗位於佐敦嘅台北人居酒屋度食晚飯餐廳有便當套餐選擇 會跟埋嘢飲 可以揀紅茶或者冬瓜茶我地叫左個排骨酥便當同鹽酥雞便當 炸香咗嘅排骨同鹽酥雞好有台灣風味 唔會太乾又香口 便當用上珍珠米 所以口感會更加好 仲有啲粉絲同半隻滷蛋放面另外叫咗四款小食花枝排 新鮮炸起 炸粉又唔會太厚 食到一粒粒嘅彈牙既花枝肉肉鬆蛋餅 蛋餅煎香咗包裹咗好足料嘅肉鬆 所以好滿足梅粉地瓜球 地瓜球裏面仲有啲番薯蓉 口感煙韌得嚟會比喺台灣夜市食到嘅稍為結實臭豆腐 夠臭夠香脆 不過就切咗粒 不過冇喺台灣夜市食嘅咁大舊 側邊仲配埋酸菜

🍽️食物方面：🐮黑松露牛舌滷肉飯💲62超香松露味 粒狀牛舌+蛋 好送飯🧀芝士肉鬆蛋餅💲50肉鬆唔夠味好似啲素肉鬆咁🍠梅子地瓜球💲38必食 唔係空氣 個餡都好味🐔鹹酥雞💲58 正常發揮🌶️滷甜不辣💲32 有啲辣🍍鳳梨爽💲38 唔會死甜幾清新🍶丸石柚子酒💲58 唔係妹妹style但都唔苦有free flow 90mins 💲188啲嘢細細份 可以叫多幾樣share食有啲嘢食嘢飲都賣晒試唔到😮‍💨📷打卡方面：好鍾意塊好酒不見十分想念仲有啲畫同木板寫菜式名好台灣🔈環境方面：Staff友善親切有笑容 揭開張凳可以擺袋平晚7點前無人 有間房for熟客💬其他資訊：台北人 📍佐敦文苑街31號文輝樓地舖ℹ️近柯士甸站📞55271341訂位

西九粵曲中心行返過佐敦揾食，朋友話要嗒兩杯，傾下傾下又一個晚上，扮個開心快活《台北人》。欣賞佢有$188任飲 台灣清酒/High ball， 台菜有好多唔同嘅選擇。台南薑汁蕃茄~薑汁味道唔會太重，原來薑同蕃茄可以咁夾，新鮮食法。黑輪~煙韌彈牙，有啲似洋腸。厚切牛腱~又名牛，醃製味道唔錯，都好啱送啤酒。黑松露牛舌滷肉飯~牛脷滷肉味道好夠濃，再加上黑松露嘅味道，仲有流心蛋，使整個飯的味道更上一層樓。鹽酥雞~熱辣辣，香噴噴，即叫即做，正啊！麻醬乾麵麻辣~呢個味道正合我心意，麻辣味道勁惹味，越食越和味，麵質夠爽，麻醬夠濃，條條掛滿醬汁，食過一定回頭。芝士肉鬆蛋餅~呢個都做得唔錯，蛋餅做得夠薄，肉鬆夠多，芝士可以再多少少就更理想。生啤~啤一啤，一解工作壓力！

嗰日同朋友去開佐敦，行過見到呢間幾有台灣風味嘅小店，睇過吓menu都幾吸引就入咗去，老闆睇落應該係台灣人，好有台灣嘅感覺。坐低同朋友一人叫咗一個滷肉飯，我叫嘅係黑松露牛舌滷肉飯，上枱已經好香黑松露味，滷肉飯汁撈埋啲飯食啱啱好，牛舌肉質都唔會鞋或者韌，餣過嘅牛舌配淡淡黑松露味好香口，加埋中間隻蛋個飯啱啱好，有台灣滷肉飯嗰種黏口感！朋友嘅櫻花蝦滷肉飯相對無咁重味，但係櫻花蝦味同樣好香，同滷肉飯都意外地夾，撈埋滷肉同飯食，有陣蝦味反而食到尾都唔覺漏～台灣嘢除咗滷肉飯當然仲要叫啲小食啦，我哋仲叫咗厚切牛腱、梅子地瓜球、和牛臭豆腐同埋黑輪。牛腱切得夠厚但咬落一啲都唔韌，肉質都不錯，加埋個汁食落都幾開胃，小食嚟講size都啱啱好，可以叫多幾款試。地瓜球表面有梅子粉，有少少酸酸味味嘅感覺，地瓜球入面好足料，平時去夜市最怕嗰種得個炸皮入面得好少地瓜嘅地瓜球，反而呢個料剛剛好，唔會多到成粒魚蛋咁，但係料足食到地球甜味。和牛臭豆腐下面舊臭豆腐夠晒「臭」，食落都真係好香口，豆腐炸得剛剛好，外脆內軟。臭豆腐同和牛中間加咗泡菜，感覺師傅係怕和牛太漏加啲酸嘢中和返，呢個組合有驚喜，食落都夾。本身好好奇咩係黑輪，叫

台灣居酒屋，多款台式小食，送酒一流。仲要佢有$188 每人90分鐘任飲，有sake，highball同 beer，+50 仲可選擇日本既三得利威士民爽爽。食物方面，叫咗開胃小吃台南薑汁番茄，係加左薑汁既蕃茄，酸甜微辣。臭豆腐，外皮酥脆，配上豆瓣醬味道更昇華。黑松露牛舌滷肉飯，配上溫泉蛋和香葱，加上黑松露，美味頓時升級。鹹酥雞，少咸，雞肉皮脆而且肉保持多汁。另外叫咗一個排骨酥湯麵附上紅茶或冬瓜茶。最鐘夏天飲冬瓜茶，非常解暑。