台南皇麵線 (已結業)

係香港都食到台灣味好掛住阿宗麵線啊 近近地去葵廣就有雖然佢未做到台灣個隻淋身杰身個個效果但反而符合到香港人嘅口味 生意不錯.蚵仔麵線🥡🥢揀左細碗 份量都幾多 味道適中蚵仔都有五六隻 略嫌細隻左啲加上大量芫茜 炸蒜 幾重口味下當然 食辣嘅朋友加上辣醬會再惹味啲

一年講緊一定有一次去台北玩幾日，都有試過1年2次，因為近近地，機票吾貴，同埋台灣食係好啱我口味，尤其係夜市，至愛係士林食魯肉飯，阿宗麵線，度小月嘅擔仔麵…係香港食台灣野吾係太多，加上吾要食高級果種台菜，係街頭小食，葵涌廣場呢間真係幾啱胃口，而且好平，26蚊個魯肉飯好夠份量，好味又飽肚，加埋温泉旦好正，另外試左擔仔麵，味道都有水準，雖然係要等，因為我睇到佢係即整，大腸麵線好好味，我個人覺得好味過阿宗麵線，可惜吾記得同佢影相，下次再影過，因為呢檔我一定會再encore不過下次外賣好d, 葵廣人多到一個點，揾個位企係度食都

第一，唔好食。個味同以前食過正宗台南麵線差好遠蚵仔麵線蚵仔有殻/魚鱗嘅物體。芫茜/蔥梗好生好硬。第二，態度好差。唔嗌number，同阿姐講啦，佢話有嗌，嗌左幾次但我企喺隔離都完全聽唔到有嗌過囉⋯⋯

去親呢間都會去食溫泉蛋肉燥飯（月見肉燥飯）,都好少會考慮叫其他野食一來襟飽，二來廿幾蚊一個飯都算抵食，性價比唔錯不過佢d肉燥比較油, 有時d飯吸哂d豬油，食到後尾會比教膩

好耐冇喺香港食到好味的台灣麵線！平時行葵廣食到厭，今次試吓呢間新的台灣麵線，$25一碗細仲有配料，揀咗好耐先揀到花枝丸，但其實我樣樣都想食哈哈揀完餸，店員首先會潷起個麵底，再用另一裡鍋即時加熱配料，然後會放去後面畀另一個店員加調味，分別係烏醋、芫茜、炸蒜、辣醬同菜甫，之後再拎去前面畀客人台南口味偏甜，呢碗麵線真係幾甜，麵線係粗幼夾雜的手工麵線，一睇就知係正宗，雖然個碗滿晒，但食完先發覺有一半都係湯，麵得好少😭 唔緊要啦，都係過下癮，好味最緊要！可以喺香港食到咁正宗的台灣麵線，好感動🥰 下次要試埋魯肉飯！

今日黎到葵廣shopping,買左1碗42蚊大大碗既綜合魯肉飯😍裡面有1隻溫泉蛋自己打蛋落去+有2舊豆腐+有2隻雞翼+勁多飯第1次食味道唔錯喎雞翼好淋+入味。

We went for the beef egg rice. Having recently been to taiwan I wondered how this would fare in comparison to the authentic beef egg rice i had there and was surprised!!The rice used was like japanese rice (which is much nicer than your standard jasmine rice)It was soaked with the beef sauce which has a slight sweetness to it which is really appetising and topped with an egg on top was an absolute delight!

放工唔知買咩返屋企食 於是試下$26細月見魯肉飯。會愛上的 （第二次買了）可以揀要滷水蛋定溫泉蛋我心諗外賣溫泉蛋返屋企都變熟啦 原來佢係比一隻完整雞蛋你 等你食果時打落去先講魯肉飯 完全岩香港人口味 唔會偏咸 而且肉有肉燥同肥肉 肥肉既肥膏口感似啫哩但充滿魯肉汁味當我打隻溫泉蛋落去 蛋黃同未熟哂既蛋白混埋魯肉飯食係好豐富 蛋黃汁包住d飯 蛋白配肥魯肉有減油膩感. 唯一唔好既地方係魯肉可以比多少少因為食到尾 魯肉同汁都冇哂.

週日嚟到葵廣掃街去到3樓嘅時候，又俾我發現到新嘢! 就係呢間主打台式魯肉飯 嘅小店!除咗鹵肉飯之外仲有售賣蚵仔麵線等等。最後決定要一個魯肉飯細嘅, 可以選擇了滷水蛋或者溫泉蛋。月見魯肉飯細$26 店員會細心去問即刻食定外賣， 如果外賣嘅話溫泉蛋就唔會打落去。打開月見魯肉飯 ， 飯面鋪滿咗滷肉燥， 同一隻灑上七味粉嘅溫泉蛋。切開溫泉蛋，半凝固嘅蛋黃就呈現出黎。將 半流心 蛋白蛋黃同惹味內燥拌勻，真係好好味，好滿足。只要$26就填飽肚子了。

good good good帶台灣朋友來掃街，怕她們不習慣。拉左佢地來試試呢間麵線。基於佢地本身都好鐘意麵線，相信要求唔高掛。等左都幾耐，有15 分鐘(可能太多人).最後試左佢地話都唔錯幾好食，算正宗👍

呢度主打麵線 ,有多個選擇,除咗有最受歡迎嘅呵仔麵線之外， 仲有大腸麵線 。而我今次就試咗呢個 赤肉羹麵線 裏面有豬肉碎 同埋好豐富嘅芫茜 我本人就麻麻哋芫茜....不過喺呢度加上芫茜,竟然非常出色 令我大為驚嘆係阿仔麵線定係大腸麵線,麵線嘅質料大家都係一樣，只係配料唔同，所以如果唔食呵仔又唔想食大腸嘅朋友，可以試下呢個 赤肉羹麵線 ,特別在於係台灣都未試過架

👉🏻台灣麵線皇《蚵仔大腸麵線》$28細 $36大✍🏻 呢間唔係係台灣過江龍 但係 佢 真 係 好 似 啊 宗 麵 線！！！！如果大家有食過呀宗麵線 就會知佢既台灣味有幾咁濃厚 ， 去唔到台灣既 可以去呢到止止痕先㗎👍🏻👍🏻·🐷 💭份量夠 蚵仔大約5-6粒 大腸只有4舊 但味道濃厚 有蒜汁、乾蒜粒、莞茜、辣汁、 菜圃 好感豐富🦁💭特別要加多蒜汁 少辣 記得唔好加錯乾蒜！ 另外佢既月見魯肉飯都正！下次叫隻🐷寫埋先！～·～·～· ～·～·～· ～·～·～·～·～· ～·～·～· 📍 台南皇麵線 (葵芳)葵芳葵富路7號葵涌廣場3樓85A號舗～·～·～· ～·～·～· ～·～·～·～·～· ～·～·～·

綜合魯肉飯 $38（細）細細個都好足料😍除左魯肉🤣仲有豆腐、雞翼同滷蛋👫兩個食一個都夠分豆腐同雞翼都有兩舊👍🏿可以留肚食其他全陪都好入味😋但似肉燥飯多過魯肉飯

前日特登黎葵廣試下呢間一直都想食既麵線鋪大腸麵線超級好食，好足料！令我最佩服既係一間少少既鋪頭，員工只係得兩位，都可以整得好好睇睇，值得一讚！尤其是企鋪頭門口既男員工小孩，無論係收銀、幫客人包起麵線和飯…全部都係佢一人之力做的！（廚房入面好似有個帶眼鏡略肥女既好似禁緊手機？我睇唔清楚）雖然好細聲，但我都聽到男員工跟我說多謝哂，聽到我心都軟知你辛苦！所以特登上來讚下你！加油～

葵芳係我長大的地方，細個時候冇呢一間野㗎，今日途經此地，見到呢一間新嘅台灣餐廳，仲要係主打台南嘅麵線，記得以前去台南嘅時候食過當地嘅麵線，真係幾好食。呢一間鋪普通啦，蚵仔麵線始終都有一陣腥味，我覺得係貨源嘅問題，湯底個人認為始終有好多調味料，但始終台灣食物都比較濃味，無辦法。試咗滷肉飯幾啖，但真係太鹹。如果揀都係會寧願食麵線多啲。