台南皇麵線 (已結業)

有時候會好掛住台灣嘅阿宗麵線😢嚟葵廣掃街見到有麵線賣，一於買碗嚟食下😆有好多唔同配料選擇，例如蚵仔、赤肉羹、蜆仔、貢丸同花枝丸等等😚#大腸麵線 (細$25 大$32)😋好味指數：(7.5/10)掃街唔可以食太多，所以就嗌咗碗細😝食落去無論係湯定係麵線，都的確同阿宗麵線嘅感覺有幾分似😋上面就加咗啲蒜😍另外嗌咗小辣，有一啲類似辣菜脯嘅粒粒係上面😝如果加小小芫茜會香啲🤔食食下都真係feel都幾辣🤣大腸份量適中，但就有小小韌🤔.⭐溫馨小提示📌碗麵一拎上手都幾熱，要小心啲呀🤔

葵廣外賣之旅～正餐篇選好飲品後，就係要選正餐。因為外賣回家的關係，不是即食，要方便。本來想外賣軟殼蟹手卷，但心怕凍咗唔好食，加上紫菜會淋，所以放棄了。突然，見到一間專賣麵線的舖頭，就突然台灣情意結到，好想食返阿宗麵線。所以決定一試。叫了一碗細的，份量都幾多下，要了豬腸。欣賞豬腸洗得乾淨，唔會好似其他連埋好多肥膏係入面，容易咬開。麵線味道好似係台灣食咁，湯底唔會太鹹。當下一次台灣情意結又發作，可以再食😂

有好一段時間冇黎葵涌廣場，見到有間新開既麵線，所以諗住試下，因為自己對麵線有種情意結，而且香港好少食到正宗口味既麵線。咁我就買左個大腸麵線試下，點知一食就有種久違既台灣味道，味道方便真係有九成似台灣麵線，而且可以加辣，令到個層次更加豐富。如果下次想食麵線既時候，第一時間諗起呢間。唯一缺點就係要企係度食，而且份量比較少，因為我已經買大碗，好似唔係好夠飽😅😅同埋d 員工比較傲慢，所以要等耐d先有得食

這間皇麵線對不能去台灣的人係一個慰藉，因為同台灣勁出名嘅阿宗麵線有九成相似，不論湯底、麵線口感以及大腸都做得不錯👍🏻對我lee種一年要去幾次台灣，但又剛剛冇時間出行嘅人來講，真係一個非常好嘅食店!但係都有一個好大嘅缺點，就係店內的兩個員工做嘢非常之慢，前邊只有三張單，其實你都可能要最少等10分鐘，我覺得佢哋可以分工合作唔使一個人收錢，一個人出餐囉，收錢嗰個人其實可以過去幫幫手，咁樣就唔使等咁耐啦！

真心好食。好過好多話自己係正宗台灣麵線嘅舖頭。加左辣同醋更加惹味！但係我叫蚵仔麵線加大腸，佢冇俾大腸我。。還我八蚊!!!!!!!如果冇漏，我會俾笑哈哈。希望下次小心啲。

難得在葵涌廣場有台灣小食店開業，令人躍躍欲試。麵線款式有6-7款，有大小份量可選。圖中為小份量的蚵仔麵線。（愛吃辣的朋友可以加辣的。）麵線較為杰身，味道偏咸。之前曾在港吃過台灣麵線，「湯還湯 麵還麵」，有點失望。所幸今次未有此情況出現蚵仔大約有5-6隻。但味道偏淡，被麵線之味蓋過。食用時，感到有1隻有沙。希望店員在食材預備工序時，可以再多加留意。在香港，做台灣麵線的食店較少。偶爾旅行症發作，想吃特式台灣小食時，也可以來光顧一下！

突然心血來潮好想食麵線，見屋企附近新開走去試下。$25細大腸麵線，都幾大碗，味道唔錯。唯一係唔夠熱,熱D好會好食好多。鋪位只限於外賣或立食。售責員及整食物各一人。都好有禮貌。新都會橋過左之後上扶手電梯就見到架啦！

工作勞累，下班後希望買點好吃的，發現這所新的麵線店，點了一客蚵仔麵線外賣。回家開蓋，攪拌均勻後，整碗外賣麵線都不見蚵仔蹤影，店員漏加了。假如顧客多，工作忙，有出錯，也是難免。但配料是麵線的重要食材，漏加是百詞莫辯，況且我光顧時，在我之前輪候的只有3個「柯打」，我身後亦不見長龍。店內當時又有3個店員值班，這點工作量3人實在勝任有餘，可惜3人只顧談天說地，遊戲人間，連1份蚵仔麵線也能出錯，實在令人氣憤。沒有蚵仔的蚵仔麵線味道如何？若然你是嗜吃濃味食物，喜愛味精湯，享受大量灌水去沖淡味蕾上死鹹的感覺，這家麵線是你的必然選擇。口味是主觀感覺，總不能人人喜愛。但是店員的服務質素實在有待改善，這次「偶遇」確實讓我感到不快。最後，僅祝各位讀者食客，讀罷拙筆後仍抖膽一試的話，不會如我一般碰上「偶遇」！

之前一直都想吃台灣麵線,對上一次在旺角吃已經係n年前的事,好喜歡吃那種麵線的口感和配料。想不到今次在葵芳就有得吃,今日有空就外賣左一碗細的辣蚵仔麵線。我一拎番屋企一開蓋,只係睇到d辣油,辣菜脯碎到要吃麵個時,先吃到dd...蚵仔也只有2大粒咁大把,配料偏少,麵線我覺得有點長。。。吃完之後我覺得辣菜脯碎係好味,蚵仔都鮮,但兩者都太少。配料係職員加,冇得自己加囉唔值25蚊。如果口癢或想試下的話,我覺得可以一試。

我一向鐘情於台灣麵線，可惜係香港食過咁多間台灣麵線，始終覺得味道遠遠不及台灣。直至葵廣開左呢間小店，終於可以好好懷緬台灣既味道。同台灣阿宗麵線既味道有至少七成相似，不過當然冇得好似阿宗咁可以瘋狂加芫莤啦！-其實我都食過好幾次，當中大腸麵線同花枝丸麵線最得我心。大腸洗得好乾淨，Size切得大細適中。而花枝丸亦都好好食，小碗份量用黎做下午茶就岩岩好，而大碗都只不過係$30，價錢都幾實惠。同埋有得選擇辣同唔辣，個人就覺得唔辣比較好食～呢種辣好似同台灣麵線唔太夾咁。-花枝丸麵線，大碗($30)-

葵芳商場成日都有新野，今次試左台南皇麵線，味道同係台灣食唔差得遠，好正宗，而且餸都唔少，一個人食都好有飽足感，不過要等耐少少時間，而且都多人買。。下次去會再食。

清明節，十分悶熱，口淡淡沒有什麼胃口。經過被譽為平民美食廣場的葵涌廣場，到3樓一逛，見到一間新開張的台南皇麵線，想起都有一段時間沒有去台灣，決定緬懷一下。查看一下餐牌，小小的店舖，都有7款麵線選擇，今次就點【大腸麵線加配一份魷魚再加辣】，取回家中品嚐。開動喇，味道相當不錯，大腸和魷魚一樣爽口，湯內還有芫茜、菜脯、乾蒜，加上酸辣味道，五味雜陳，非常驚喜，食完相當醒胃。這間小店真的值得一試，誠意推介。

葵涌廣場3/F又有新舖開張, 今次是一間賣台南手工麵線的小店, 即是類似台灣經常食到的柯仔麵線無異。記得店舖前身是賣雪糕的, 如今已變成賣麵線, 可見小店經營亦非易事, 當然要支持一下啦。睇睇menu, 價錢非常實惠, 20多元的價錢已可食到台灣麵線的味道。小妹今次叫外賣,柯仔麵線+魷魚(小) HKD28回家後即時打開品嘗啦, 份量適中, 如男士可以叫大份。柯仔份量十足, 數一數最少有5-6粒, 而且並非"蚊型"size, 柯仔鮮味啖啖肉, 惟魷魚份量偏少, 只有2-3舊, 但以$28的價錢已非常超值。

去完台灣旅行，食過阿宗麵線後，一直都好掛住佢既味道。✈️早前見到葵涌廣場開左一間專食台灣麵線既店，當然即去試下，一解我既癮。我叫左一碗辣既大腸麵線。🌶1️⃣佢有別於台灣既係佢既辣唔係落辣椒醬，而係落辣菜脯。可惜佢唔可以比人自己落配料，而係員工落，所以好唔過癮。😅2️⃣而大腸麵線唔係一齊煮，而係你嗌完之後，店員先會攞大腸出來切細，放落碗，再落麵線。所以覺得兩者味道唔太夾。3️⃣而麵線真係要盡快食用，因為好快變晒水。4️⃣食完後，覺得菜脯仲好味過麵線。如果真係有排都唔得閑去台灣，都可以買一碗試下，解下癮先。不過我試完一次後，就未必會再食第二次，寧願等下次得閑去台灣再食

很有特色的台灣麵線。比想像中要好吃。挑了肉羹麵線，小辣，辣得很過癮。麵線內有花枝丸，吃起來感覺很滿足。價錢亦不算很貴，小碗的份量亦很足夠。下次去葵廣一定會再食！