台灣麵 (已結業)

這間牛肉很窩心，你可以叫一個套餐，套餐內可以點兩種不同的麵食，因為他的碗是特別設計過的。我點了原味牛肉麵及蒜香雞翼新竹米粉，我的朋友點了紅燒牛肉粗麵和酸辣湯粗麵。🍜原味牛肉粗麵湯頭有香濃的牛肉味，牛肉是半筋半肉，牛肉層次分明，每一啖都好味道。面的軟硬適中，有點兒嚼勁。🍜香蒜雞翼新竹米粉香蒜雞翼煎得香脆，雞翼中還保存着肉汁，煎得剛剛好。而新竹米粉的湯頭有肉碎，增強了湯頭的味道，新竹米粉特別細，是我很喜歡的主食。🍜紅燒牛肉湯麵牛肉湯底有微微的辣，牛肉和原味牛肉是一樣的也是半筋半肉，喜歡吃辣的朋友這是一個不錯的選擇。🍜酸辣湯麵當中有不少的材料，酸味和辣味的拿捏剛剛好，配上了粗麵味道也不錯。

由於疫情，盡量減少出街。但頭髮實在太長太厚，不能再忍，所以到太子剪頭髮。既然出來了，那麼就在太子吃個午飯吧。Honey將車泊在始創中心，我們原本打算到和民，和民結業了，所以就到了對面的「台灣麵」，沒想到，很有驚喜！套餐有40多元到60多元不等，包飲品。台式飲品加4元。不需加一。Honey點台灣原汁牛肉麵。我點台灣紅燒牛肉麵。兩款牛肉麵都非常大碗！我們都選了粗麵，很有咬口。湯頭很甜，不肥膩，湯頭清。牛肉是牛筋肉，炆得很稔，很入味！還有一點先嫩筋，好好味呀！61元，包飲品(台飲品+4元)，實在太超值！自己煮也不止這個價錢！我叫了柑桔檸檬綠茶，Honey要薑母奶茶。兩杯都好好飲！綠茶甘味，解渴，也不太甜。而薑母奶茶，薑母也夠濃。不錯！不錯！加38元，有鹵水豬腸。非常好吃！豬腸不肥膩，而且是厚厚的豬大腸，炆得很入味，很夠稔。Honey讚不絕口！第一次到台灣麵，非常好！一定有下次😄😄

一般般如果唔是好得閒的無聊的時候都無必要去吃出去隔離街大把野食有酸辣粉扒台灣菜正宗，譚仔三哥或者冰室日本野，越南野或者top都祈求你無黎吃尼一間，我吃一個牛三寶台灣麵70幾外賣拎走比你想像下質素，只代表純粹普通顧客感受

作為一名健身教練, 今日試下始創間台灣麵係太子落堂都成9點, 肚餓到死想快快食個飯, 行入始創一落就係台灣麵, 問左話9點25分先LAST ORDER, 就即刻坐低叫野食。紅燒牛筋牛肉飯 $61牛筋爽彈唔會一PAT野咁, 牛肉係半筋半肉咁一層一層, 咬落好腍好有牛味, 真係幾好食! 而且我中意依度飯同餸分開碟上, 令到D汁唔洗滲哂落D飯度, 湯汁好濃, 撈少少落飯食已經好夠。鹵水鴨舌 $38好耐都冇食過咁樣一整隻既鴨舌啦, 雖然個樣有D似異形, 但係鹵水入哂味, 妹下妹下食落真係好過癮~胚芽奶茶胚芽奶茶跟餐+$4, 都幾大杯幾抵飲, 叫得胚芽奶茶最緊要梗係想佢多胚芽, 佢都不負我所望, 撈均之後飲到粒粒胚芽, 好香~

又食中學時代至愛台灣麵😚😚.涼拌蔥油海哲好凍好清涼，夏天作為前菜，消暑一流。入口嗦嗦聲，好爽脆彈牙。雙排雙格餐呢個餐係選擇困難人士福音，可以揀2款主食孖住一齊食。我揀左牛肉麵併滷肉蛋肉燥飯。 牛肉麵牛肉軟淋入味，麵條彈牙有咬口，口味幾正宗。滷肉蛋肉燥飯肉量超豐富，除咗一粒粒肉燥，仲要大大嚿豬五花，拌埋啲飯一齊食，完全啖啖肉。.青檸柑桔愛肉涷跟餐加$8有得轉特飲。超大杯，好抵飲。愛肉涷口感QQ，而且畀得一啲都唔孤寒，一路飲一路都着啜到好多愛肉出黎。.值得一提，呢到職員服務好殷勤有禮，成個用餐體驗都好愉快。.

今日同家姐去行街shopping，差不多行畢整個太子咁濟，有點攰，所以走左去始創中心搵食，好耐未黎過，亦都未睇到食咩嘅時間，家姐二話不話就走左入黎台灣麵……我都好麵食，亦好珍珠奶茶，我當然來者不拒啦。入到黎就叫左兩份餐，我地兩個都係叫台式飲品 – 珍珠奶茶少甜少冰。呢杯珍珠奶茶都算台式，唔係鮮奶茶，珍珠好嚼口。我個主菜就係蒜香雞翼沙律，雞翼同沙律都係好食嘅，而家姐都話個炸雞髀沙律好食，但我唔記得映相😅

好耐之前行始創都已經見到佢成日都好多人, 依排勁想食台灣牛肉麵, 醒起依度就過左黎食飯~酥炸花枝丸 $38新鮮炸起超級熱辣辣, 花枝丸彈牙而且外層仲有少少脆脆地, 香口好味~紅燒牛筋牛肉麵 $61目標明確又中意食辣既我梗係揀紅燒牛肉麵啦!! 湯底好濃郁, 帶微微辣辣地, 但香味多過辣味, 麵條彈牙而且都幾掛湯, 而且個湯底夠濃郁, 所以啖啖麵都好好味~ 至於牛筋我就中意佢唔會過腍, 仲保留左彈牙又帶膠質既口感, 牛肉就好軟腍, 正!紅柚話梅凍頂烏龍茶原本要成三十幾蚊既特飲, 跟SET加$8就有, 酸酸甜甜而且話梅味好開胃, 茶味清新, 仲好大杯添!

琴日大食妹喺始創附近做嘢, 到左食晏時段, 就去左台灣麵醫肚<台灣三寶粗麵>禮拜六要做野真係好傷心所以一定要食好啲補償番自己大食妹嗌嘅呢份台灣三寶粗麵其實係紅燒牛三寶麵裏面有牛展、牛肚同牛筋, 一次俾你滿足三個願望牛展口感比較紮實牛肚非常爽口, 而且吸收晒紅燒湯底嘅精華牛筋就比嫩, 入口即溶<酥炸花枝丸>酥炸花枝丸上枱嘅時候熱辣辣, 上高灑左椒鹽調味花枝丸口感彈牙, 而且裏面真係有粒粒嘅花枝好好食<菲芒鳳梨水果茶>牛肉麵加8蚊仲可以飲埋水果茶, 好抵呢

估唔到太子始創有間台灣菜式唔算太貴份量幾多，性價比幾高😛🍜萬巒豬腳關廟麵 $61豬腳肉中帶筋，啖啖肉外皮勁彈牙，浸喺秘製滷汁裡面嘅豬腳好入味，有眼前一亮嘅感覺🤩配搭秘製ok醬，帶有少少甜，豬腳更加香口。鐘意有埋配菜去除油膩感👍🏻關廟麵麵條幾彈牙同有啲爽口，碗麵勁份量勁多😂乎合呢個價錢啊！呢個送熱飲或者凍豆漿🥛🥣燻蹄配海蜇 $60冷盤燻蹄彈性較強勁，外皮比較韌😂海蜇喺雖然無味唔鹹但就勁爽口，沾沾白醋汁一齊食好開胃🍡酥炸花枝丸 $33有6大粒花枝丸，太肚餓關係即刻食咗粒😂外層炸完再撒上胡椒粉同香料，味道較香濃，花枝味道較淡膠彈幾好😛

台式下午茶朋友推介太子始創地下既台灣菜，又平又多選擇又大碟夾抵食，下午茶人太多我地安排坐响vip房間內，哈哈，vip房真係第一次坐，同其他人搭台但房間真的比較靜，餐廳入面好闊落，裝飾精美光猛，我地叫左一碗香煎雞扒拉麵雞扒大大塊多汁，一碟吉烈豬扒咖哩汁飯，可以選擇其他醬汁，大大碟飯豬扒炸得香脆可口，仲有兩個豬扒包，脆既包面，大大塊厚肉豬扒軟熟，仲有加7蚊換左換細細碗既手撕雞米線，好抵，飲品叫左珍珠奶茶，香芋奶茶，椰香杏仁奶露同水蜜桃柑桔蘆薈。

慘慘又抽到返夜地獄更😵適逢日頭要幫朋友去太子始創拎啲野🙉還掂拎完撞正Lunch Hour🍴🐷趁未落地獄前去返尋一下台香味吃個最後午餐先🙈🇹🇼牛三寶魯肉飯個人比較喜好牛筋軟滑既口感☺️店內亦採用牛展部位更加爽口🤤牛展牛筋同樣地煮得嫩腍夠哂入味😋而經慢火細熬鹹香既魯肉汁☺️魯肉汁中既魯肉肥肪比例均勻🤪🐷淋上飯中每一口都回味在心☺️🍚鹽酥雞鹽酥雞沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔

天氣炎熱， 仍然無阻我到旺角shopping的決心😁😁， 喺附近街道買完寵物用品之後， 不經不覺已經嚟到晚飯時間，始創中心 真的好方便， 又多嘢食又近搭車返屋企。朋友推薦到台灣麵， 主要是全天候套餐好抵食， 加幾蚊就有台式特飲， 套餐連埋枱識得飲都只不過係六十幾蚊。紅燒牛肉新竹米粉紅燒牛肉香辣入味， 肉質淋滑鬆軟， 而且份量多， 厚切牛展 有五至六件。 新竹米粉爽口煙韌， 吸收牛肉湯的精華。椒鹽排骨關廟麵椒鹽排骨炸至金黃香脆， 分量非常驚喜， 有兩塊厚切豬排， 關廟麵煙韌彈牙， 湯底香濃， 加埋肉燥真係好好食。荔枝茉莉沙冰荔枝沙冰清新透心涼😍😍😍， 沙冰綿密幼滑， 荔枝肉香甜美味。鳳梨百香烏龍茶烏龍茶回甘 茶味香濃 ， 百香果果味濃郁 ，甜度適中。 還有最愛的新鮮鳳梨肉， 消暑解渴。

經過始創中心, 入嚟試吓呢間台灣麵.我冇叫台灣牛肉麵，反而叫了酸辣湯雲吞麵，我揀咗粗麵, 晚餐配一杯凍飲，我叫了豆漿.酸辣湯味道少辣。這裏屬於一間普通的台灣麵餐廳。

受疫情關係影響…冇得去台灣 於是男朋友話帶我去食台灣菜，等我有返左家鄉嘅感覺原來係旺角新開咗間台灣麵， 價錢又唔貴又有啲餓， 我哋決定豪食番餐彌補我返唔到家鄉之痛我哋先叫咗個二人餐，本身都包幾多嘢…前菜有涼拌三小碟， 即係 涼拌海帶絲，腐皮絲同青瓜幾開胃味道剛剛好， 酸酸地帶少少bb辣時菜 有肉燥時菜 份量都唔少…小食有兩款，我哋揀咗鹽酥雞同埋台式炸豆腐鹽酥雞真係有家鄉嘅感覺！完全係同一陣味！連熱氣嘅感覺都好似 因為全部都係新鮮出爐所以全部都熱辣辣！豆腐真係做得好好，外脆內軟而滑！ 不過啱啱到真係要小心食， 因為入面真係好熱，我已經辣親了……主食當然要等台灣牛肉啦成碟餸咁上！仲要件件牛肉都大大件！ 咬落非常鬆軟仲有啲牛嘅肉汁， 真係食台灣牛肉麵嘅感覺！ 唔知點樣可以煮到咁腍身，好好食… 淨係食完呢碟台灣牛肉都飽了……跟餐仲有兩碗肉燥飯或者肉燥麵本身唔知道份量有咁多，我哋仲加咗啲小食…涼拌蔥油海蜇， 海蜇幾特別比一般食嘅海蜇更加爽口同煙韌 ，要咬比較耐先可以吞酥炸花枝丸炸得好香口而且一啲都唔厚粉！ 點埋佢附上嘅醬汁就更加好食跟餐仲有兩杯飲品，我哋都轉咗做特飲男朋友應該係青檸柑桔愛玉凍，

2020年5月9日 星期六“我懷念的 是無話不說 我懷念的 是一起作夢”突然之間女朋友話好懷念台灣，特別係台灣嘅食物，於是今日就去到太子食台灣野雖然店名叫台灣麵，不過睇到餐牌上面唔只得麵一款，仲有好多嘢食，真係唔知揀邊款好，於是就叫咗個二人套餐，再加少少食物首先嚟嘅竟然係主菜台灣牛肉麵，冇諗過牛肉會同麵分開上，平時都係放埋落一碗，咁樣睇落去發現牛肉嘅份量好多，一咬落去超腍，而且好入味，完全係台灣嘅味道之後先有涼拌三小碟，青瓜好爽脆，又多水分，而其餘兩款嘅涼拌小菜酸酸地，幾開胃跟住我既飲品就黎到，係青檸金桔愛玉凍，愛玉嘅份量都有三分之一杯，而且飲落去酸酸甜甜咁，甜度啱啱好跟住有我另外叫嘅小食，蔥油海蜇，嚟到嘅時候已經充滿蔥油味，海蜇咬落去係爽嘅呢個係酥炸花枝丸，感覺上唔係太多油，但係又炸得好脆再嚟係二人份量嘅鹽酥雞，但係兩個人真係食唔晒，大嚿得來仲要炸漿唔厚，裏面嘅肉質仲係嫩滑嘅最後有台式炸豆腐，呢個真係冇得彈，裡面既豆腐竟然唔係硬身，仍然保持着一夾即散既質感，所以入口唔會有死實既感覺叫左勁多野食，埋單都不過係每人$150