台灣麵

營業中

休息中

預約辦理証件o既時間未到…有空檔就响左近簡單食個lunch先……..吧!!...哩個餐廳店真係來得簡單...就叫"台灣麵"?!......假設問…”不如去食台灣麵呀?”…可能就會答…”咁邊間台灣麵好味呀?” 之類…哩段時間…上班族亦放飯中…但都係速戰速決多…所以雖則見滿座…都吾算要點等…自己亦簡單點左碗…白菜豬肉餃麵 ($44)…可+$8 有飲料…麵到來...大大碗…賣相ok…湯頭味濃, 喜歡加上冬菜…而雪白麵條質地好煙韌彈牙…啊!!...不過呢….5粒脹卜卜菜肉餃o既味道…就令人有D失望…菜少肉多但冇乜肉香…亦冇菜o既爽甜…實實一舊質地怪怪o既…感想係…….超市可買到o既藏姑娘出品…仲好味過佢!!!就算麵同湯ok…但敗在D餃…認真尼評…都係要俾個”喊臉”!

放左工⋯要出荃灣拎野！拎完野⋯簡簡單單揀附近間台灣麵食晚餐！其實哩度食下午茶最抵食⋯晚餐麵唔算貴！我最鐘意食雙拼套餐⋯揀左雲吞麵拼滷水蛋肉燥飯⋯有好幾個月無來食⋯發覺d肉燥少左好多⋯男友就揀左排骨麵，哩度排骨好似豬扒甘⋯啖啖肉，岩晒我男友🤣🤣仲叫左兩個小食-花枝丸&雞皮粉絲⋯花枝丸送麵一流⋯脆脆地香口⋯雞皮粉絲雖然係凍食⋯但撈住芝麻醬⋯味道唔錯！最後當然要叫台式飲品！男友個杯叫焦糖奶茶，味道佢覺得ok!而我呢⋯叫錯野⋯叫左杯芒果蘆薈XX⋯原來要加$13，超貴😱😱😱飲落口都係一般⋯不過男友話算啦叫錯野⋯哩餐佢請！

台灣紅燒牛肉麵都有三至四舊牛肉 份量都唔孤寒！！😼😼 牛肉煮得好腍 帶少少牛筋位 好好味哦😻😻😻 不過湯底就望落油左少少😿😿 味道都okay 有牛骨味😼 bb辣😼😼麵條都有好多選擇 新竹米粉都有 不過我就要番粗麵算了haha滷豆干就唔得了😾😾 唔夠滷水味 而且太細粒又無口感😿😿食其他小食好過😿😿珍珠奶茶就加$4就有啦😽😼都幾抵飲 珍珠算煙un😼😼不過茶味唔夠 奶既分量佔多😿 不過加$4都值既😸😸

鮮茄濃湯手撕雞麵- 湯底微稠，蕃茄味濃郁香甜- 蔥花沒味道、沒添香- 新竹米粉幼滑吸湯- 手撕雞更似雞柳，頗滑但沒雞味*吃後口渴了一整天#湯麵 #鮮茄濃湯 #手撕雞 #新竹米粉

宜間店都開左好耐，但一直都未食過，位置好方便，係行人天橋旁邊。座位都幾多，當日午餐時間，我大約等左二十分鐘先入坐，食物的味道都可以，叫左紅燒牛肉麵同雞扒麵，紅燒牛肉麵比較好食，牛肉都煮得幾霖，雞扒係燒的，同我想像中唔同，因為一般台式的雞扒都係炸，味道都可以無特別，至於的麵條都好食的。有好多台式飲品選擇，叫左珍珠奶茶同芒果熱情果蘆薈，珍珠奶茶正常無特別，芒果熱情果蘆薈有的甜，但都好飲的，有一粒粒的蘆薈，有清涼的感覺。

晏晝心血來潮想食台灣野，醒起都好耐冇食過呢間，就決定去食返個late lunch。三點倒去到，都唔洗等位，但係三個人都淨係淨返六人枱，不過都無所謂。枱上面張紙有介紹好多小食，但鑑於三點幾先食晏，我地就冇叫到。睇左陣menu，下午茶餐冇紅燒台灣牛肉麵，咁就唯有叫返個全日套餐，包杯豆漿，咖啡奶茶要加三蚊，價錢就比下午茶貴左少少，成set要60蚊。賣相都唔錯，好多牛肉，麵底就麻麻，比以前差，份量較少。同行友人叫左個煎豬排拉麵，拉麵都係麻麻低，而豬排比較乾。整體黎講食物質素下降左，性價比唔高。

已經食過第三次見到晚市都係60蚊左右到 價錢都仲接受到叫左一個雞排米粉 同豬頸肉肉燥飯雞排都叫入味仲脆口 米粉幾好但豬頸肉就略嫌太鞋 亦都唔太夠味但呢到勝在加4蚊就可以有台式野飲飲環境都好好 服務員有禮貌

好耐冇食過台灣麵既紅燒牛肉麵喇，以前覺得D間係香港黎講味道方面真係似返台灣果邊的，所以之前點都會掛住佢....今日去開荃灣整野前搵間野食下先，之後突然想起不如食返D間丫...一來近我整野既地方二來叫做坐得舒服，不過，我地入到去坐左10分左右，發覺唔對路，完全勁焗好似冇開冷氣，同店員講左之後叫做開大左少少冷氣咁多，但一樣咁焗。坐低之後岩岩到下午茶時段，不過紅燒牛肉麵果類係冇下午茶優惠，要比返正價價錢，正價都冇所謂，最緊要好吃。之不過....【紅燒牛筋腩麵】我叫左個紅燒牛筋腩麵，一來到第一啖一定試返個湯先，湯底同以前有少許分別，冇之前咁香濃，份量又比以前細碗左，但好彩牛腩肉質非常軟滑腍身，牛肉味相當香濃，牛筋嘅質感好軟滑彈牙！但係麵方面真係又同以前好大分別，唔知係咪唔同廠做所以個質地掛不到湯入唔到味，((即係好似個麵入到個湯到你又你我又我既感覺))完全答唔上咀。真係比以前差左....

復活節假期第一日,一早起身去行山,相約好友先去台灣麵食早餐。呢到可算係我既假日早餐飯堂,除左大份飽肚,價錢仲好經濟,味道又唔差☺️🍳奄列餐配方包🍞係我最常點,朝早我其實從來都唔會食粉麵,所以我覺得台灣麵非常好嘅係有好多唔同配搭比食客選擇,例如有普通厚多士餐或者扒餐又或者大碗粉面餐(好岩男士享用)👨🏻💁🏻今次揀咗茄汁蘑菇腸仔奄列配方包走油落完單,3分鐘有得食!⏰呢度啲奄列其實都幾大份足料,味道當然唔能夠媲美高級餐廳慢慢同你煎蛋皮,不過勝在性價比高,方包軟熟,都可以加錢轉多士,早餐係會跟一杯餐飲,都只係三十零蚊左右🤑好多人假日早餐鍾意慢活,邊食邊睇報紙,呢間台灣麵面積都算大,所以唔會有催趕你嘅感覺👏🏻👏🏻👏🏻

下午請了事假辦一點私人事情完成後便看看附近有什麼好吃的看見荃灣台灣面出面的餐牌蠻吸引於是便跟媽媽一試究竟當時還是下午茶時段侍應哥哥很快就把餐牌給了我們還給我們下單我叫了炸雞髀配沙律姨媽媽叫了一個面配蒜香雞翼飲品叫了香芋鮮奶以及杏仁奶茶食物很快便上桌非常好面看起來也不少 而3隻雞翼是分開上的雞翼非常香脆 配上肉燥及粗麵口感味道非常不錯至於炸雞髀炸得非常出色外皮香脆內裏肉汁非常多肉質亦算嫩滑對比食物飲料就不太出色了兩杯都好甜 咩料啲香芋香精亦太假下次都係叫設返普通野算

外面看落好乾淨，但杯碗都沒有洗乾淨。豆漿是酸的，很奇怪的味道。牛肉麵的湯也很奇怪，不太似牛肉麵應有的味道。價錢也不平，不值這個價。但侍應服務態度不錯，這是唯一可以讚的地方。

由於之前嚟食過覺得出品都幾好，所以今次我們又係喺附近做完嘢之後，就特意再嚟荃灣荃勝大廈嘅「台灣麵」食下午茶！我們叫咗鮮茄牛肉粗麵嘅牛肉係鮮滑牛肉，肉質好鮮嫩爽滑，但鮮茄味就唔係好濃郁，而且份量亦都相當少，祇得一小件蕃茄，感覺比較失望！紅燒牛筋腩粗麵同原味台灣牛肉粗麵嘅牛腩肉質非常軟滑腍身，牛肉味相當香濃，牛筋嘅質感好軟滑彈牙！咖哩吉列豬扒飯嘅炸粉比較厚身，豬扒嘅肉質亦都比較硬實，咖哩汁嘅味道唔係好夠辣，真係令我們覺得好失望呀！

今日下午我們喺荃灣做完嘢之後，諗著喺周圍附近睇吓有咩好食？行到去荃勝大廈見到呢間「台灣麵」都幾都人食，心諗出品應該唔錯，所以我們就決定入去食下午茶！我們叫咗台式豬腳粗麵嘅豬腳質感好爽滑，而且滷得好入味，但賣相就唔算太好，粗麵嘅麵質相當彈牙！紅燒牛筋腩拉麵同清湯牛筋腩米線嘅筋同腩份量都好多好足料，牛筋嘅質感好煙韌彈牙，牛腩嘅肉質相當鬆軟，紅燒湯底嘅味道係微微辣，比較醒胃，清湯湯底嘅味道就比較清香！紅燒牛肉關廟麵嘅牛肉肉質非常軟綿腍身，牛肉係𦟌腩位置，牛肉味亦相當濃郁，而且好厚身，中間仲有軟滑嘅筋，真係好正呀！珍珠奶茶「熱」嘅奶茶味都幾香濃，但因為係熱嘅關係，所以珍珠比較腍身，唔係好彈牙！

午餐時段，所以比較多人，。台灣牛肉麵，麵質比以前退步了，沒有硬得來爽的感覺，牛肉切成比較大舊，不是一片片的，而且非常啉身，但是湯底不夠辣；鹽酥雞，新鮮炸，不是番炸，雞肉質地可以，但炸粉比較喊；珍珠奶茶（熱），熱飲所以珍珠比較林，奶茶啲茶味不夠香。

跟餐早餐,必欠出食物,味道尚可!我地叫2個早餐,食完早餐,個多士都重未有(已崔了多次),之前都已經試過叫雞扒拼沙爹牛面,就漏雞扒,每次食早餐都要三崔四請,挭有野漏!