台灣ET鹽水雞

營業中

休息中

有時候 我會覺得香港的ET鹽水雞比台灣吃得 更香、更好吃！為什麼呢？我猜是 香港的鹽水雞調味方面比台灣 更切合港人的口味喔！加上 價錢方面 十分親民！可以自行 加菜個人推薦：甜不辣、椰菜、金菇🥰🥰

頭先係葵廣買ET鹽水雞，落完單，先見到個男人係個廚房位置，點解成個頭濕曬，先發現佢個頭有泡，下？！洗緊頭？而個廚房位置對住門口，咩料呀🤢有無諗過衛生問題呀？！

食過好多次葵芳依間同旺中個間分店，小食黎講我覺得有點貴，次次都叫3個餸，$46，所以久唔久懷念個陣，先會食一次🤣.通常我都係叫甜不辣同金菇，雞就一定係叫雞胸/雞腿，最近就叫雞腿多，好似比較滑🤣.雞胸⭐️⭐️⭐️.雞腿⭐️⭐️⭐️⭐️較滑，份量多.甜不辣⭐️⭐️⭐️⭐️一片片的，彈牙，份量較小.金茹⭐️⭐️⭐️⭐️十分入味，份量適中.環境：5/10服務：6/10好味指數：8/10回頭率：8/10

行開葵廣，一定會掃商場美食，今次選擇了鹽水雞。台埔細細的，沒有獨立廚房，衛生環境一般。選了半隻鹽水雞，份量沒有想像中多，價錢也不是特別吸引。但味道是ok的，但不是介紹中好食，不像是台灣風味呢。

ET鹽水雞在葵芳廣場地下，地方不大，沒有座位，不過店面開揚，驟眼看衛生情況尚可。周末晚上7點半到達，需等待約20分鐘。點餐時店家告知已經沒有雞脾。菜單：我們點了一人份，份量不大，價錢絕不便宜，不過味道對得起價錢。套餐加豆漿$5。豆腐超級甜，豆味十足。鹽水雞肉質嫩滑，肉汁飽滿，鹽香撲鼻，顏色鮮亮。醬汁非常惹味，我們點的小辣是大概譚仔十小辣，很對我的味兒。雞件去骨，雞皮完整保留，不過我們另點的雞翅配菜雖有斬件卻沒有去骨，吃起來比較麻煩。總結：果然好吃！台灣風味完整呈現！

番通宵班既日子好鐘意買呢個鹽水雞做宵夜，夜晚同埋同事一齊嘆。一碗雞肉去晒骨，又可以隨意加配料，而且係凍既當冷盤食，夏天岩晒！我個人就鐘意青瓜，薯仔，同豬耳。佢地既味道調得好好，真係食極唔厭，同事都一齊讚好味！

超惹味Der! 好懷念台灣夜市既鹽水雞 近近地 係葵廣都可以食到！雖然都有人龍 但等候時間都唔算太耐雞髀好嫩滑 叫左 青瓜、豆干、雞珍做配菜 加上蔥 蒜 小辣 好豐富既口感一人份量絕對可以填飽你 值得推介！

第一次食鹽水雞係台北 一食難忘 每次去台灣差唔多日日都要食去葵芳行街行到最底層見到 即刻買黎食我地叫左個二人餐 有半隻雞+洋蔥+3樣餸（$75） 因為太多野餸想食 最後叫多1樣（加$7）D餸我地叫左小黃瓜、甜不辣、杏鮑菇同芋絲 加蒜同小辣寫完紙仔俾左錢 佢會俾個牌仔你 等叫number等左5分鐘到就拎得 個雞同D餸都撈得好入味 D雞皮好爽 雞唔韌 小黃瓜、芋絲同杏鮑菇 索晒d汁 好入味而且味道岩岩好 甜不辣煙煙韌韌咁 係香港都食到台灣嘅味道

鹽水雞有分唔套餐揀，一人餐入面雞既份量夠一個女仔食，男仔就應該唔夠飽。雞方面可以揀雞脾/雞胸/雞翼，唔怕鞋口既可以揀雞胸，少Ｄ脂肪！一人餐價錢仲會包三個配菜，配菜既選擇都唔少，佢櫃台前亦有個櫃，SHOW晒所有配菜出黎，有時間既可以睇下當日邊樣材料新鮮先揀！而我通常都會揀芭樂+杏鮑菇+甜不辣!　杏鮑菇好索味，口感滑劣劣，同鞋口嘅雞胸好夾!而甜不辣煙煙韌韌，好似魚蛋咁。至於芭樂! 係我推介大家要必加既配菜,酸酸味味既生果同辣既雞係會有一個意想不到效果。調味方面，可以揀蔥,蒜,同辣,辣度亦可以選擇大中小,我自己推介蔥+蒜+小辣,香得黎帶點微辣,既唔會辣到你要狂飲水,又好鬼惹味。如果怕餓既話，可以加$10 加個冷面。不過以葵廣小食黎講，我認為都唔平，再加埋飲品就要成$60！

想進行低碳飲食，在這裡買外賣回家。一人套餐，44元。雞脾、冰豆腐、雞珍、雞腳筋，小辣加蔥蒜。五香粉很香，加少許蔥蒜，很惹味，又不會油膩。雞腳筋很彈牙脆口，冰豆腐吸了調味，很好吃。雞是滑的。整体俗

每次經過葵芳都想試，但選擇太多，最後都冇肚食鹽水雞，但今次朋友極推薦我試這個，他說旺角店冇這間咁好食，當然要來試試。吾便宜：A餐$44可選雞胸或雞腿或3隻雞翅+3種配菜，另外可加蔥、蒜及辣度（免費）。先劃單，俾錢、拎牌仔、等待…配料選擇很多，花多眼亂…選了雞腿肉，勁滑，又惹味，小辣剛好不蓋其它配料味道，吾辣就吾好食啦配料：蜂巢豆腐、鳳梨、甜不辣。蜂巢豆腐勁吸汁鳳梨香甜；甜不辣蔫韌…佢哋撈埋我都搵吾倒想食既野（因為太岩口味，所以吃了很多，才照）另一個配料：皮蛋、秋葵、米血糕皮蛋，冇特別；秋葵真係好夾，但吾係個個鍾意；米血糕，失望，因為同台灣冇得比1人份女仔可以share，話曬葵芳咁多美食，但CP值低，略厭有點貴。貴但好惹味，吊下台灣癮之選，久吾久一次朋友說加「青蘋果🍏」好好味，下次會試下…

唔知點解香港人真係好鍾意食鹽水雞, 上次同個台灣朋友傾開計佢都發現到香港人熱愛鹽水雞呢間ET鹽水雞都開左好耐, 起初只係見到葵芳有, 而家開到好多區都有葵芳呢間都幾多棒場客介紹下佢既落單方法先, 係雪櫃上面會放左D紙同筆,好似食車仔面咁揀你自己鍾意食既野然後比店員埋單, 當然都會有套餐選擇啦, 第一次食既朋友就會建議試下A餐$44 有雞同埋自選三款配菜, 配菜既款式都好多由於個人唔太鍾意食果D配菜, 所以都只會淨係點雞以下呢個係雞胸肉, 貪佢啖淡肉, 蔥, 蒜我都要左, 其實平時食開中辣既, 但太耐冇食怕會好辣所以叫左小辣返到屋企終於開餐啦, 雞肉唔算好滑, 雞胸肉係咁上下啦, 叫左小辣個味唔係好夠, 我指既唔係辣味, 係整體既味道, 食中辣個調味就會岩岩好可能我比較重口味, 因為D雞原本冇乜味, 真係好需要靠個調味味道同台灣食既一定唔可以相提並論, 只係間唔中食下過下癮

食完無辣不歡之後仲係有少少肚餓，就同男朋友去咗買鹽水雞😎都幾多人排隊啵🤔#A餐 1人用 ($44)😋好味指數：(7.5/10)+$2 麻辣雞胸/雞腿或三隻雞翼+3個配菜我就揀咗雞腿肉🐥高麗菜、蜂巢豆腐同埋貢丸😛雞腿肉食落去都幾嫩滑😍麻辣真係堅辣，後勁好凌厲🌶🤣食到出汗，條脷又痛👅唔食得辣真係唔好嗌😫後記💁🏻💁🏻‍♂其實都幾好味，不過以40幾蚊嚟講份量就有啲小🤔

葵涌廣場已經行過多次，想試鹽水雞多次都搵唔到，今次行勻全商場終於見到，雖然已經好飽同喉嚨有小小唔舒服，但一樣照買走辣同留宵夜食試小小就揀半隻雞同3款配料半隻雞連半個盒都唔滿，雞肉好滑皮薄但有小小腥，可能唔辣連味都冇埋，豆卜冇汁可以索完全冇味，高麗菜白烚一樣淥到好林連甜味都冇晒，杏鮑菇爽口總結-名氣咁大又多人排隊點知，貴唔在講失望最慘

買了半隻雞，配三種配菜，要七十五元，幸好沒有外賣整隻雞，叫咗小辣。啲汁唔夠鹹，好淡口，得個辣字，主角雞唔夠嫩滑，配菜木耳反而好爽口，小黃瓜都唔錯。豬耳都幾好食，但總括來說，真的很一般，不建議試，因為不太便宜。回家食時，要自己另外再點麻辣醬，本身自己唔係食開重口味。加上只有一位店員負責攪拌和切小黃瓜，令人都等得比較多時間。唯一好地方，雞肉不多骨，變相可以食到多些肉，但佢啲雞肉就咁放係舖面，有放係盒中，唔知會否容易滋生細菌？