台灣ET鹽水雞

營業中

休息中

呢間舖愈做愈差，野食唔新鮮，啲雞肉好霉之餘 其他配料放係食物盒度出哂水 菜又黃哂，唔好食都算 最怕肚痛。態度都超差 負責收錢個男人掛住玩電話，收錢落單黑口黑面。俾左錢行開幾分鐘返黎 以為未拎得係度等，企佢前面佢望住你又唔出聲 等成10分鐘問佢拎得未 佢話頭先已經嗌左你4 5次。嘩 你見住我個人企係度都唔會話聲拎得 收埋盒野係後面。完全唔會再幫趁呢間垃圾！浪費葵廣一個好地方既舖位！一間衛生差 態度差成咁既店舖 各位千其咪試！

配菜選了青蘋果 雞腎 蜂巢豆腐🤤 吃鹽水雞都喜歡加芭樂/青蘋果的請舉手🙋🏻☺️因為調味料之中加入了梅子粉 與水果是特別配的 又能增加口感 所以不妨試試 很清新的!! 無論配料或是雞肉 都攪拌得非常均勻 唯獨是價錢略貴 偶爾吃一次就滿足了😋🤘🏻

值得一等的台灣鹽水雞首先講吓點解值得一等，因為都真係起碼等20分鐘先有得攞！又排隊、又tick紙仔、等佢切、等佢撈⋯⋯好彩葵涌廣場係室內有冷氣，同埋有街行有嘢睇，可以行住等，最重要係鹽水雞個味道唔錯啲雞唔un、唔鞋～個汁夠味而唔太味精呢度配料有好多選擇，佢地切得個大細啱啱好，亦都雪得夠凍。啖啖食落都有齊雞肉同配料！呢間嘢啱晒好耐無去台灣玩、同埋食野嘅朋友～我叫嘅係一人份量$42，有啲少，肚餓嘅一定食唔飽！

前排朋友帶住依間外賣黎搵我，我覺得洋蔥同甜不辣，味道都吾錯。但老實說，行葵廣真係好少會落最下層食野，因為上面已經多款到花多眼亂( ´▽｀)返屋企經過，覺得有啲餓就行入去買野食我第一次黎買覺得有啲亂，人多之餘仲要擁晒喺櫃檯前面，如果唔係朋友提醒絕對唔知道可以拎紙填，填左A1一份雞＋三個配菜，我最鍾意嘅黑木耳＋雞腿＋洋蔥＋甜不辣，就可以企喺度等拎（不愁沒客人的服務態度）離譜的事情發生了唔使排隊，邊個快邊個買到已經覺得好亂，我以為張紙仔係確保佢哋唔會出錯，因為確實人多會記錯機會率大好多，我都因為有張紙信咗佢哋係唔會有錯，我唔可以賴晒佢哋，自己都冇check到！！我最後竟然得到嘅係兩份配菜，已經蝕左我一份配菜嘅價錢，仲要配錯左會令我敏感嘅豆乾你可能會話我係唔係拎錯人哋果一盒，但係佢會比牌仔又有張紙係手，咁其實仲邊有機會會錯呢(-｡-;已經好影響我對嘢食嘅評分心情🙄基本上就是普普通通的鹽水雞～雞腿肉如果無配料撈埋一齊，無乜雞既味道，黑木耳爽口，豆乾我吾食得真係唔知係咩味⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯比啲誠意，人地先會keep住幫襯你！

今次食既呢間鹽水雞其實已經食過幾次 見有d人會唔加麵淨要半隻腳加送 但係我就覺得個麵不能不加啦 D 雞 d 餸 好食就唔洗講既 但個麵係撈埋佢個汁 等你食到佢既撤撤底底平時就食開雞脾加個麵 咁今次就試下叫五餸加麵兩個配搭都係正同抵食既 五餸就叫左粟米旬 洋蔥 麵根 貢丸同凍豆腐 因為蜂巢豆腐好似缺貨缺左好耐 咁無計啦 如果大家見到有貨呢 唔洗諗啦 圈佢啦！ 因為真係好食 咁今日無就無計啦 試下其他餸 個洋蔥講明係秘制 食落都ok 有甜味少d辣味 麵根凍豆腐 唔洗講都係用黎撈個汁嫁啦 加埋個麵就又香又爽又彈牙 夏天食就岩曬 盛惠$45咁又順便又講豆對葵廣呢幾年既轉變有咩睇法啦 呢間鹽水雞就開係葵涌廣場地下 電梯後面呢個位以前賣模型同賣遊戲卡既鋪位 果時係比較靜d 但係見呢間鹽水雞越做越旺 仲帶旺呢個area 搞到越開越多小食鋪係附近 證明呢個用小食店吸引人流帶旺個場既策略係葵廣係好work 咁都係好事黎既 唔洗個個商場都一模一樣 波鞋鋪呀 謝院呀 無印良品呀咁

今日4pm行過見到鹽水雞係台灣食過想買番屋企試下，買了$72的set. 在等待當中，好奇望進裡邊的員工在拆雞，手勢純熟，但突然看見可怕情況，一個穿藍tee短髮中年女員工態度極惡劣在大力掉盆子在地上，然後剪雞一大堆雞肉掉在dirty的地上，下一步她拾起後混進將賣給客人的透明長方膠盒中，真的太嚇人，因為太多客人不想影響他們生意所以沒有即時指出，但買完後我立即打電話給他們負責人，因不想其他食客吃了不潔食物，是一個五十多歲的老男人，他表達極度輕視及輕兆回覆我不覺有問題，所以我才很少打中文也報告在此，希望大家留意這店不潔情況，我買的也沒吃掉了

由剛開店至今本人經常光顧因為本人對冷盤雞非常鍾愛它們做的雞很幼嫩配菜味道都入味可口直至今天再來同樣是叫兩人份有三種配料和洋蔥那種吃下口就發現雞肉太硬配料不入味青瓜就是青瓜的味 沒有辣味汁味更有一塊有雞屁股味味道以外服務亦變差男店員態度極差在他們叫號我們去拿雞時他問我們拿牌號但女店員忘記給我們（我們亦忘記要拿牌號）但女店員有記下號碼在單上女店員來對我們叫了甚麼對過正確後便叫男店員給我們雞但男店員卻一臉不肖好像我們偷了牌號一樣最後我們走了兩步便發現是我們後一位客人拿了我們的牌（或是女店員發錯）我們便轉身告知他們但整件事發生後心裡真的很不舒服那男店員的態度實在令人不爽不會再有下次光顧

食過嘅朋友都知道依間係要自己幫自己落單嘅，選擇有ABCD，約4個餐左右，主要係由雞，加上同其他自選嘅小菜配搭而成，大約39蚊起，一人餐就42蚊，有分一人餐，餐上嘅雞除左翼尖之外，大多數都有起骨，唔想食到骨嘅朋友可以留意下，但係我覺得一個人食個一人餐略為多，細食又怕肥嘅當然可以同朋友分享下，其次對比起其他同類嘅食店，依度啲雞比較林同比較滑，啲油又唔算多，唔會有太過油膩嘅感覺，反而好香好入味，易入口，味道方面都唔會出現內外不一，濃淡分別太大嘅情況，所以性價比高，可以用好味形容。

每次星期六日行過都會見到一大班人係到排隊，今日收工見無乜人，即管就試下你有冇台灣既味道。一人套餐，可選雞脾或雞胸肉，另揀3款配菜，價值42大元。以價錢黎講 就梗係貴過台灣架喇，但勝在可以過過癮，一解單思之愁。對本人黎講，鹽水雞d配菜先係主角，反而雞肉先係其次。今次我就揀左雞胸肉，每次係台灣食都必點西蘭花，青瓜，蓮藕，小辣。重口味既調味料，配上清新既蔬菜，咬落口chokchok聲，一路食一路行返屋企，異常地滿足，至於雞肉？Who cares ！以cp值計算的話 就一定唔高，但係香港地可以食返台灣情懷，得閒食一兩次又何妨呢。

行葵涌廣場已知道有很多美食，經過這間主打台灣鹽水雞，見有很多人排隊就試一試！店員簡單介紹過之後，我們兩人選擇了一人份量加三個餸，分別係小黃瓜.豆干同豬耳！因為我地都食得辣，所以要麻辣中辣！因為好多人嘅關係等了大約十分鐘！色看上來都不錯，香也有陣陣麻辣香味，先吃一口小黃瓜係辣嘅但可以接受少少麻沒有帶酸嘅感覺，這個辣會令人越食越想食！雞都好滑，豬耳配麻辣不用多說簡直是一絕！豆干比較硬又吸唔到醬汁，只可以說有咬口！一人份量兩個人食都夠，少食多知味！整體來說係跟台灣有點不同，但也可以止止渴，不用坐飛機都可以食到！下次也可試試其他款色！

今天和友人到美孚參觀完饒宗頤文化館，友人提議到不遠的葵芳廣場逛逛，據說那裡是中學時代一個熱門的蒲點。原來廣場比我想像中大，有好幾層，而且層層都有五花八門的食肆，有點台灣逛夜市的感覺。這次吃的這間鹽水雞是在最底層，人流不多。但友人似乎對台灣美食很感興趣，於是我們叫了一份試試。點餐紙有選項可供大家按喜好挑選，我們選了雞腿肉，配料方面原本想要蜂巢豆腐，但缺貨，於是改為百葉豆腐。另外我選了一向喜愛的菇類，友人則選了海帶。我們蔥蒜皆要，還點了小辣。食物是涼拌在一起的，配料挺足，很大份，兩個人分吃一份剛好。味道比我想像中要濃味香口。最有驚喜的是百葉豆腐，有彈性，不是一般軟豆腐。至於海帶和菇都薄身，很入味。不過雞肉是連雞皮的，我們自行把雞皮挑走。我覺得雞肉味道一般，並不嫩口，而且有點生的感覺。倒是配菜和醬汁令我挺喜愛。

作為吃貨，葵廣是我天堂，可是由於我住將軍澳😢，和葵廣的距離是令人沮喪的，都要成個鐘先去到。早排去附近上堂，趁中午lunch time 和朋友去掃街。第一站行過ET鹽水雞 ,一人份($42) 可選🐔雞胸雞翼或雞脾🍗，再選三個配料，好花多眼亂呀。最後我地揀左小黃瓜，杏鮑菇和豆腐，加雞胸！雞胸鞋身就一定不過食得健康點啦，配料就好多都想揀，點了小辣汁，好惹味唔會搶鏡，三個女仔食份量唔錯因為仲要留肚食其他嘢，配料好吸汁❤️️第一次食鹽水雞，係好食！夏天應該仲正，因為凍凍地幾開胃！

叫一隻雞脾已經24蚊, 用手撕雞形式, 已經撕好哂, 但幾舊肉已經24?食落去, 嘩, 凍得滯LAW, D 味道同一般鹽焗雞無分別, 唔點汁基本上是乾爭爭, 點D 汁先有番D味, 唔抵又普通

每次去台灣總愛到西門町的一間檔口買姨姨親手撈製的鹽水雞🐔，水晶晶的雞皮加上重口味的醬汁總教我念念不忘!原來葵涌廣場地下開了這間「ET鹽水雞」講明是台中逢甲夜市必吃美食😋 一場黎到一定要試下吧!連紙媒體都大力推介👆老實說，價錢略貴但勝在多選擇! A-D餐，水果餐及配菜餐等，不同組合可以配合不同的需要📋以叫車仔麵的劃紙仔形式選出心水配搭，而且有得選蔥/蒜/小辣/中辣/大辣/麻辣等多種口味，我就選了A餐(1人用) 雞腿+3種(雞胗，杏鮑菇，青蘋果) 超過三十種配菜可以選擇，比較特別的是有台式的米血糕，蜂巢豆腐，甜不辣及芭樂😌以一人份來說，份量比想像中要多，杏鮑菇及雞胗切得薄薄的，如果能厚切一點，想必咬下去口感更佳! 今次選了的青蘋果🍏 我覺得有畫龍點晴之效果，完全沒想過水果跟鹽水雞可以那麼配合，青蘋果清甜爽脆，帶來一份清新的感覺與咸咸味濃的口腔形成新沖擊🌿雞腿肉跟台灣夜市檔口一樣拆骨撕成小條雞絲，最愛啖啖肉，雞肉滑嫩雞味濃🐤 醬汁惹味但偏咸，調味粉重，給我一種「味粉未撈勻」的感覺! 岩哂一眾重口味人仕👌我覺得打著台灣正宗鹽水雞的旗號🚩就有點兒那個，能稱得上是其影子👥，雞肉配菜等食材做得不錯

外賣至家中一打開有強烈的驚豔感一直覺得要打食評不過當時忘了拍照香料帶淡淡藥材味雞肉細嫩菜肉比例比起台灣略少了點菜不過可能要就返一眾香港食肉狂徒還有和肉質相映成趣的百頁豆腐把香料在味覺深度的光譜拉到最闊我明白香港人可能唔理解暴力咸和一味Overcook以外的美味（豪大大咪岩晒大家囉係咪？）不過如果你曾經旅／居台灣又有欣賞／佩服過他們的麻油麵線／雞，薑母鴨，肉骨茶，藥膳排骨，甚至豆漿紅茶，的話你會欣賞他們對食物的細膩和認真即使是快，餐單設計者也有著自己對食物要求和心思認真 我覺得真係可以試下