台灣ET鹽水雞

營業中

休息中

常常經過都沒有吃到，今天終於買了外賣回家吃！但是結果是😑選了一人餐（🐔腿+🐖耳+🐔珍+百葉豆腐）再加了$10冷麵。本身是可以吃小辣的人，所以加$2元要了麻辣，飢腸轆轆回家途中一直口水直噴。滿懷期待地夾了一口🔥🔥，原來它的辣是用新鮮🌶️指天椒😡，難怪檔面有一碗大大的新鮮辣椒絲。每一箸都見到紅紅的椒絲和辣椒籽，麻就感覺不到，只有🔥🔥口腔的感覺...雖然它的🐔很有嚼勁，豆腐嫩滑適中，冷麵很有嚼頭，但是它的辣，我不能欣賞啊，你可以想像淨吃🌶️的感覺嗎！？所以，要吃辣的時候最好要考慮清楚...

係網上睇到依個商場好多野食, 就放工專登黎搵野食, 聽同事講話依間鹽水雞都唔錯而我一向都鍾意台灣既野食, 就諗住當係依個商場既冷頭盤咁試下叫既方法都係劃紙仔, 叫車仔麵咁,  我選擇左皮蛋, 招牌洋蔥同小黃瓜雞其實無咩味, 我以為會好似鹽焗雞咁, 有D咸味, 但可以話係咩味都無, 但雞就一D都唔"鞋"既而佢調既味道, 老實講, 只食到大量既五香粉味招牌洋蔥因為都係生既, 比較生既嗆辣味, 加上香蔥同五香味, 感覺只係有一大堆好重既味道我唔敢講係咪台灣既調味方法, 可能只係自己唔岩食, 但真係唔太好食

之前聽朋友講葵芳呢間鹽水雞好好食，今日特登入嚟買一盒返屋企試，點知就中伏啦。一盒鹽水雞70幾蚊，老實講雞肉都幾多，而且配料都唔少，係幾大盒好似幾抵食，但問題就嚟啦，成盒鹽水雞嘅味道都非常人工，感覺所有調味都非常化學，好唔真實，係啲調味粉出問題定係雞肉唔新鮮？同埋鹽水雞味道都比較淡，調味粉味道artificial 之餘，都唔夠濃味，屋企人食咗幾啖之後就冇再食了。

食完行完最多新野食既葵芳廣場臨走前見到有間et雞雖然我每年都去台灣一次但難得香港有 我又去試下 佢有分set abcd我就要seta要雞脾配料要豆乾 雞肝同 玉米分量比起台灣買 起碼小一半 真係太小太小味道都接近台灣風味 夠晒味 唔算太咸 但分量真係……我都明香港租貴 但很難有人回頭 收40幾蚊

依間台式鹽水雞係葵芳其實都已經開左一段時間,但係之前一直都冇機會試。一人份量嘅鹽水雞都算係幾多下,我選擇要雞脾,雞肉預先去晒骨所以食落啖啖肉,另外配菜我揀左西蘭花,海帶同豆干,嫩口嘅雞肉配埋爽口嘅配菜,口感豐富又好惹味。

一心想解台灣鹽水雞之喝，見到香港終於有啦，即刻帶埋朋友一齊去試，買左$1xx，誰不知換來極度難食，成盤雞像漿糊似的，雞像棉花，味道也不值一提，完全與鹽水雞不可相提並論，極之失望。

葵涌廣場出名有各式各樣既小食，今日朋友話地下有間鹽水雞唔錯，一於買返屋企加餸!揀左雞脾+四季豆+豬耳+黑木耳(小辣)拎到返屋企再放一放落雪櫃雪一雪，到開飯攞返出黎食。雞脾肉 - 味道ok，好食!四季豆 - 爽口，加埋小辣，好食!豬耳 - 普普通通!黑木耳 - 都爽口，好食!總括黎講，幾樣野既味道都幾好，下次會再試其他配料!

自從第一次喺度食過鹽水雞都忍唔住encore左幾次，因為無可否認佢好惹味啱晒重口味患者為食豬。我哋過下口癮要左個一人餐，要價42蚊，除左雞仲可以揀3個餸，我哋揀左杏鮑菇，芋絲同凍豆腐。可以自己揀辣唔辣，要唔要蔥蒜，我哋今次要中辣，都已經幾辣下。一人餐嘅分量真係好少下，雞可能只得6件，芋絲只有4紥仲要細細紥，杏鮑菇同凍豆腐分量就可以接受。其實味道係好濃味，除左蔥蒜味仲有濃郁五香粉味，雖然食完覺得又唔抵又口渴但下一次都係忍唔住會食。

三餸鹽水雞.三款配料選料選了蘿蔔皮蛋芋絲 都是正正常常😌 雞肉選了雞脾位 肉質嫩滑 沒有雪味👍🏼 不過調味方面與台灣的鹽水雞不同 用了很多味粉 吃完會口渴 而且以小食來說 價錢不便宜

味道 1成都不及台灣夜市食到既特色跟味道 !! A 1 人餐據稱有一隻雞脾加 3款配菜，但只得幾件雞件，而且切件大件，一點台灣特色都沒有。配菜份量亦不多。垃圾，不值一試！Rating 根本連一粒星都比唔落。

今次你都葵芳食雞😍A餐可自選雞胸/雞腿，再另外自選3個配菜，如洋蔥、海帶、貢丸、青蘋果、冰豆腐等😜今次就嗌左豬耳，皮蛋同薯仔店員會拎蒜同辣粉將所有野撈起佢😋雞肉嫩滑，調味後都幾惹味，但肉既份量不多😭而豬耳，皮蛋同薯仔辣辣地都吾錯，但我就中意質地較粉既薯仔多d💩整體食落冰冰涼涼，好開胃👍🏻但我就覺得吾算特别平喔

我很愛吃台灣正宗的鹽水雞，每次去台灣總會買來食，正如我每次到葵芳都會去呢這店間買一樣，無他，雖說神不似，至少有形。若形神不備，我還要繼續光顧嗎？這店開鋪不久，水準都能保持，日子久了，份量開始少，味道調的每次不同，要辣沒有加，我明白忙中總有錯，偶有一次配少了一款菜是情有可原，不過 貴店亦沒有理由以此作借口，所以我曾經要求此店配還上次欠加的菜，雖然店員是願意配還，但我總覺得他們的眼神在訕笑我。當然我沒有錯，我不會理會，還有一句"不好意思"我都沒有收集到。今日會寫這篇食評，確實用了十蚊買了難以接收的冷面，相對地其他的配菜份量又少了，3分2是面，3分1是菜，感覺是受剝削了。奉勸大家....十蚊，不值。雖然錯漏百出，形不像神不似，我會繼續幫襯嗎？我...相信孔子。

同男朋友星期六去葵芳行街，咁岩經過見到好多人排隊，忍唔住望一望，就已經中左伏，又想排埋一份去買黎食，因為我之前係台灣都有食過，真係好好食，重點係依家唔洗飛去台灣，就已經有得食唉，說好的減肥呢？佢好似車仔面咁，有張紙俾你揀自己想食咩，醬汁都可以因應自己既合味選擇　，哈哈老套都要講 ：有辣有唔辣。我同男朋友2個人就嗌左B餐 － 即係半隻手撕雞 ＋3個自選配菜 ＋招牌洋蔥唔知係咪佢地新開同多人買既關係，我地都等左差唔多成十分鐘。望落都好大份，其實2個人黎講，呢度既份量可以話當做一份小食，食完都唔會話好多。雖然點餐紙話半隻雞，但我個人真係覺得無咁多，但D雞肉肉質都算係滑身。而配料我地就揀左皮蛋、黑木耳同蓮藕。皮蛋味道正常，而黑木耳同蓮藕都係爽口。而佢地醬汁相比係台灣係無咁濃味同辣。我個人比較重口味，都加左蒜同蔥，選擇左中辣。但就算選擇左中辣，辣度都係偏少。下次有機會要試試大辣。而環境方面比較尷尬，因為呢間店鋪位於地下層，附近店鋪係賣文具、日用品、衣服等等，企係度食好似好古怪，哈哈，因為3樓個度有一條 '美食街'，好多途人都會企定定一齊陪你食野，但係呢間鋪頭買完野食就得你自己一個企係度食。哈哈

今晚要自己煮飯，所以專登落葵芳買一個鹽水雞做餸。六點到，已經好多人排隊自己。填好要什麼餐和配料，然後就等做好。 我選B餐，即半隻雞加白蘿蔔、冰豆腐及豬耳，小辣。 小辣其實只係有微微辣味，如果可以吃辣，其實可以選擇中辣或大辣。隻雞嘅玉桂味比較重，而且因為加左蒜蓉，所以都幾惹味。然而白蘿蔔唔夠甜，有少少苦，豬耳好爽脆，和鹽水雞原本的味道很配合，冰豆腐就一般。

味道雖然是唔錯，但係我食完佢麻辣（小辣）嗰個之後就超級肚痛，搞到我有D後悔去咗嗰一間食，同埋D雞有小小難咬，所以我都係比差評。 如果要囉呢間同台灣嗰間比，咁真係台灣嘅好味好多，起碼唔會肚痛吖係唔係先？