吃茶三千 (MOKO新世紀廣場)

營業中

休息中

之前同朋友飲過一次，欣賞佢有一條麻繩吊住飲品嘅設計，今次同朋友行旺角再encore。呢間飲品嘅特色係茶底是用萃茶機現萃茶葉而成，所以茶飲值得等待⌛️。飲品類別主要集中係鮮萃研磨茶，當然仲有一啲水果茶，同埋少不了嘅珍珠奶茶可以選擇，價格都係一般飲品店，不過性價比都幾高。凍頂烏龍鮮奶茶 $35用咗鮮萃既凍頂烏龍，再加上香醇嘅鮮奶。朋友係半糖主義，好欣賞呢隻茶有種淡淡的烏龍清香。松針芒果茶 $33作為芒果🥭控既我，當然少不了要揀選有芒果元素嘅茶飲。呢一款混合咗有種夏日清新感覺嘅松針綠茶，再加上粒粒彈牙嘅芒果果果露，非常之清爽。由於啲茶全部都係鮮萃，所以要等大約10至15分鐘先有得拎，於是我就喺MOKO嗰度行多陣先。店入面都有啲座位可以坐住等嘅，環境都舒適。食物：⭐️⭐️⭐️⭐️環境：⭐️⭐️⭐️⭐️整體：⭐️⭐️⭐️⭐️

平時覺得依間台灣過江龍既茶飲店比較貴，所以比較少飲，今次咁岩行街經過見到有我中意飲既西柚就即係買番杯試下先。我簡左柚粒冰茶，水仙茶底，可能因為假日關係落左order要等大概半個鐘頭左右先拎到，個包裝真係幾靚又有條繩比你拎住飲都幾好，至於味道方面，都算濃既西柚味，佢係有d新鮮既西柚粒，飲既時候就會有啲咬口，味道非常清新，同埋我叫左少甜都唔算話好甜，不過我就唔係好飲到茶底水仙，應該比較淡，主要係西柚為主，整體黎講如果經過口渴想飲清新野都可以試下既。

在繁忙的旺角區，MOKO新世紀的「吃茶三千」是一個讓人放鬆心情的好地方。餐廳採用明亮的色調和簡約的裝潢，有少量坐位。水仙桂花蜜以新鮮的水仙烏龍茶為底，搭配香甜的桂花蜜，讓人感受到茶香與花香的完美結合。每一口都好清新，建議加配果子，可以令口感富有層次感。凍頂烏龍鮮奶茶使用了高品質的凍頂烏龍茶，經過萃茶機現萃而成，保證每一杯都能釋放出濃郁的茶香。凍頂烏龍帶有淡淡的果香和堅果味，與鮮奶相結合後，更添滑順口感。值得一提的是，由於這些飲品都是現萃製作，因此需要稍作等待，但這正是品味好茶的一部分樂趣。可以行住商場先，轉個頭就有得拎。

有日放工好頸渴，同朋友去咗旺角新世紀嘅台灣茶飲店「吃茶三千」買嘢飲🤭飲品店仲有Open area俾朋友坐低飲杯嘢chill下傾吓偈💛我同朋友點咗「國王珍珠奶茶」、另外仲有「青檸雪芙」😁飲品嘅包裝勁靚，即刻拎住打咗好多卡😝「國王珍珠奶茶」係由鳳眉紅茶，配合皇家厚奶同埋國王珍珠沖調而成👏🏻揀咗半糖口味，甜度剛剛好，珍珠十分煙靭有口感，紅茶味都好濃，啱晒我胃口，唔似其他出面嗰啲完全冇味得個甜字🫢「青檸雪芙」選用特濃牛乳，採用新鮮生乳加純蔗糖熬製而成，再注入來自台灣嘅青檸原汁，香醇濃郁的滋味，飲落淡淡青檸香味，飲到停唔到口😜😜唯一缺點係略嫌舖頭有啲細，如果可以大啲有空間感啲，就會更好☺️👍🏻👍🏻

本身行過，平平無奇，於是口渴買咗一杯招牌珍珠奶茶飲，飲完之後愛上咗，係飲過最好飲嘅珍珠奶茶。包裝好細心，好靚，雖然價錢有啲貴，不過有時見到都會忍唔住想買一杯，因為味道真係好好。

吃茶三千，一飲忘記三千煩惱，係唔係？ 😂叫咗兩杯～ 本來係想試吓季節限定嘅西柚系列，點知售罄～ 大家想飲就要等到10月下旬～ 最後我飲芒果茶少甜，朋友飲水果茶，絕無失望～ 真係好好飲～ 難怪咁多人，買完都等咗陣～松針芒果茶⭐️⭐️⭐️⭐️⭐️茶香逼人，同芒果嘅甜香成絕配～ 少甜剛剛好， 令綠茶香味更突出～ 清涼傷沁好解渴～寶島經典水果茶⭐️⭐️⭐️⭐️⭐️勁多百香果 又橙又檸檬又士多啤梨～ 水果百匯，唔會太甜，清新果香配紅茶～ 怕凍仲可以飲熱，咩季飲都得～ 旺角moko呢間比較寬敞，有座位提供，可以坐陣抖抖，同朋友吹水，好friendly~

係旺角東行過見到呢間茶飲店竟然唔洗點排隊🤩已經想試好耐所以即刻買返杯嚟試下💘夏天太熱所以都叫左兩款比較清新解渴嘅飲品嚟試💦 茶底是用萃茶機現萃茶葉而成，所以茶香超足🤩🥭松針芒果茶茶底好清香，配上自然嘅芒果果香😍我加左纖玉菓子有啲口感，咬下咬下啜下啜下就飲曬，呢杯我都會回頭喎🥳🍐柚粒冰茶 （玉露青茶）我發現吃茶三千嘅特色係茶香好夠，作為一個中意飲茶同埋怕太甜嘅老人家嚟講覺得好適合🤣🤣

吃茶三千進駐左香港都一段幾長時間，著名既程度不亞於其他連鎖茶店，在港分店都愈開愈多🧋到底點解咁出名？ 原因只有一個：。茶底是用萃茶機現萃茶葉而成！ 所以等既時間就需長小小。今日等朋友期間 係新世紀廣場 見到依間店， 緊係買杯黎解解渴👍🙂‍↕️店內環境舒適，仲有得坐低慢慢飲tim ☺️🧋寶島經典水果茶($38) : 話明水果茶，緊係多水果，單單浮面都多🤣 茶底係用鳳尾紅茶加上新鮮水果 ， 中和左紅茶既濃味❤️香味也幾濃烈😋 除左檸檬之外 仲有熱情果😮 口感一流。本身加左檸檬 驚會澀 但完全係冇！🧋凍頂烏龍鮮奶茶（$35） ： 話明烏龍鮮奶茶 緊係用凍頂烏龍茶做加上鮮奶而成，絕非奶精，相對較健康，而茶味也很濃郁！

今次嗌咗決明子紅烏龍加奶蓋同國王珍珠奶茶，等咗大約15分鐘左右，唔算太多人。質素嚟講，烏龍茶茶味非常之香濃，茶底是用萃茶機現萃茶葉而成，飲得出非常之新鮮而且等候嘅時間唔算太長，價錢嚟講，30幾蚊一杯，喺香港嚟講價錢都幾平，質素有保證，非常滿意！另外，奶蓋嘅份量足夠，奶蓋夠厚，味道濃郁，又有芝士香，食過返尋味！另外我叫咗比較特別嘅熱珍珠奶茶，茶都非常之濃厚，入口香滑細膩，而且珍珠嘅數量都好多，咬落去好煙煙韌韌，好食又好飲，飲完一杯都非常之飽肚，又滿足感整體嚟講會係我平日放工經常會買飲品，推介

上網經常都見到呢款用麻繩作手抽設計嘅茶飲，今日睇完戲見唔係太多人，終於有機會試了。呢度嘅茶飲可以自由搭配茶底、調味及配料，剩係茶底都有六款咁多，每款茶底都係用萃茶機現萃茶葉而成，所以等候需時。除咗自由搭配之外，亦有八款人氣茶飲，懶得諗嘅我就揀咗珍珠奶茶及水果茶。國王珍珠奶茶 :茶底係鳳眉紅茶，入口茶味甘香濃郁，皇家厚奶令奶茶更絲滑，再加埋Q彈嘅珍珠，味道口感都好滿足。寶島經典水果茶 :同樣係鳳眉紅茶茶底，加入水果又係另一番風味，味道酸酸甜甜，清新之餘亦份外消暑解渴，飲完仲可以食埋杯入面嘅水果片，感覺好健康。

必試極尚茶底以萃茶機現萃茶葉而成，所以製作需時，但絕對值得等待松針柚粒立纖果冰茶用茶葉皆來自台灣茶產區，以台灣茶葉自家茶葉烘焙廠製作，茶韻悠傳。用以台灣直送當季葡萄柚，果肉清新，柚味香濃，配上清爽綠茶茶底和Q彈纖果，夏日必飲水仙柚粒冰茶仙香處處✨幽香的水仙茶底，帶來嶄新賞茶體驗，加入葡萄柚果露，果香與茶底非常之匹配，再加上葡萄柚果粒，果味升級，非常醒神。吃茶三千📍旺角太子道西193號MOKO新世紀廣場1樓158號舖

今天難得在晚餐前有些時間，經過「吃茶三千」時發現人不多，於是我和朋友決定試一試呢間既飲品，悠閒地等齊人。熔岩黑糖波霸鮮奶這款熔岩黑糖波霸鮮奶的口感順滑，珍珠自帶甜味，每一口都讓人驚喜。雖然是熔岩黑糖，但甜度恰到好處，讓人一試就上引，回味無窮！玉露青檸這款飲品的茶底由萃茶機現萃而成，再加上青檸，絕對是消暑的最佳選擇。青檸的酸味與清香的青茶完美結合，瞬間令你清新舒暢，真是夏天的必備飲品。還有一個小驚喜：杯套設計有繩子，方便外賣，隨時隨地都可以享受這些美味。

每次諗住飲吃茶三千 都會勁多人排隊起碼要等30分鐘咁啱經過唔多人 一定要買 等左5分鍾就有得飲了 必飲國王珍珠奶茶🧋茶味香濃 奶味十足 加埋Q彈嘅珍珠 飲完心情都好啲😂真係飲一杯都唔夠 啱啱見到有新出西袖系列 每日限量150杯因為想飲芒果🥭既關係 叫左鳳芒柚粒厚奶基底玉露清茶 少許鳳梨味 飲落去好多芒果果蓉加柚子果粒上面覆蓋住厚厚嘅奶蓋！ 清爽又帶點層次！買兩杯西柚系列 仲有嘉頓威化餅送重點手提設計拎去行街太方便 可以邊行邊飲

一直對這間茶飲店很有興趣，今次路過見到排隊人龍不算太多人，就終於試到 吃茶三千 🥤 不過選的不是原始 Menu 上的茶飲，而是選了「鳳來系列」的飲品。材料會是選用台灣金鑽鳳梨，有三款可以選擇。 自帶繩子可以手抽的杯套應該是這店的噱頭之一，我是第一次見。🍍鳳來雪霜 (HKD 45)頂層是奶蓋慕思再灑上香酥脆餅，奶蓋很厚身。加上香醇鮮奶便是更上一層樓的奶香，不算太甜又不會很膩。反而底下的金鑽鳳梨湯就那鳳梨乾每粒都超甜，用飲管亦很難吃到。拋開甜膩的鳳梨乾來說，其實這杯都幾清新解喝。或者下次應該試試茶系列的就好。

夏日炎炎，最岩飲番杯台式手調消暑，平時自己都好鐘意去呢間人氣茶飲店「吃茶三千」，最欣賞佢地個茶底係用左萃茶機現萃茶葉而成，要等待都好值得飲 呢間分店仲有位坐，行街累可以同朋友坐底休息下上次試左佢地既珍珠奶茶，今次試左兩杯果茶，味道都有驚喜，甜度剛好夠清爽🍊香橙冰茶茶底今次揀左店員推介既水仙桂花，清新香濃，配上香橙酸酸甜甜好開胃🍎鮮果百匯基底係香橙風味水果茶，鐘意水果既朋友仔要試下呢杯，搭配新鮮水果，香甜又Juicy