合成茶餐廳

營業中

休息中

今日見廣成冇開，走左去隔離合成茶餐廳食，入到去環境竟然唔同左，連伙計都唔同埋，細問之下先知原來舊老闆退休，揾左個侄仔接手，果然後生仔係唔同d，衛生攪得唔錯，起呢個時候衛生真係好重要，就連個廁所都比以前乾淨左好多，呢一點一定要讚，食物方面估唔到好食左咁多😂個例湯係完全冇落味精同鹽，所以有小小淡，杯飲品大杯左好多👍本身真係諗住填飽個肚就算，估唔到今次真係有驚喜，有下次！！希望新掌舵人能夠keep住個水準

原本一心想去食廣成，因為好想好想食鮮手通🤪點知去到無開😭咁唯有就行左過黎合成度食鮮牛通😬入到去人唔算好多，環境係好舊式茶餐廳既格局，我就叫左個常餐，一個鮮牛通加咸牛治，飲熱奶茶，呢個餐盛惠$38 。我個人覺得幾抵食👍其實佢個鮮牛通味道唔差，仲幾好味，但可能廣成做到出哂名，所以啲人無留意呢間，如果想試鮮牛通既都可以黎試下呢間。

用新鮮豬骨餚制湯底做招徠來，絕無味精所以味道比較淡口。🤣我叫了一份常餐 $36有煎蛋配火腿牛油麵包，及鮮牛通粉。煎蛋無特別無蛋香，加工火腿我無食，主打鮮牛通粉，鮮牛滑有牛味，口感不錯軟嫩，配搭二棵提升味道。😋餐飲熱鴛鴦，茶味一般。

蠔仔泡飯不吝嗇用料 一碗湯飯滿佈住蠔仔 令每一啖都有 係正既如果要挑剔 只可以話 咁多隻裡面 得一隻係臭左啫 不過都唔影響胡椒枝竹豬肚泡飯勁濃湯 超正😁😁總括 價錢算係中上 樓面姨姨服務態度好好 知我帶住小朋友等外賣特登開道門比我 唔使咁焗

去呢度早餐，一入門口好大陣漂白劑味兼地下勁濕！地方殘舊！ 早餐選擇係普通正常茶餐廳都有嘅，我見有粉麵餐！就叫了個墨丸河粉！食物好快到！墨丸河：個湯無味，店內有大招牌寫有湯底無味精，但都唔係無味道架！ 河粉又淋又碎，墨丸味道好怪，顏色啞黃色！質地好「立」好怪，完全唔彈！雖然中央夾雜有墨魚碎！最後食到1/3已放棄！ 熱檸茶：雖然濃但好澀！飲唔到 店員爽手！唔多出聲！估唔到$31一碗粉麵可以咁難食！唔會再來!

下著微微雨，居然公眾假期正午 12 點行人疏落，水貨黨員都寥寥可數！整條街道即時寬敞開揚、空氣清新、地方整潔、寧靜舒適，是否因為時間還早呢？步入門口即時被股濃烈異味強襲，直擊嗅覺暈一暈，坐低幾分鐘後習慣左就無咁難受喇。望望牆上貼滿 menu，林羅滿目、眼花繚亂，是但見到有 feel 就食住先。潮州粉麵、蠔仔粥、魚麵、炒粉麵飯、蒸餸蒸飯、通粉即食麵、酸辣米線、等等。等食期間研究下 menu 先，有趣有趣！班腩、斑腩；金茹、金菇；方飽、方包；支竹、枝竹；沙爹、沙嗲；豬潤、豬膶；雞脾、雞髀；柱候、柱侯；揚洲、揚州；干燒豬扒炒公仔麵、干炒豬扒公仔麵。環境都好寬敞，服務算周到，難得見到一班職員仲會坐埋一檯用膳，人情味滿分。太陽蛋豬膶出前一丁，湯底濃郁甜美，充滿菜味膶味，非常好飲。奈何豬膶有點鞋硬，不爽不彈，不過潤味十分濃厚。菜芯高質，爽嫩甜美，半點渣也沒有。麵質尚可，剛剛好，合格。檯面沒有辣椒油啊，算數費事問，食完味都不錯。太陽蛋蛋白微燋香口，蛋黃甘甜味美，刺穿撈麵食，掛上黏黏滑滑蛋漿全部啜入口，無與倫比。炸雞髀，外觀不怎吸引，炸到變變形，普通炸髀，幸好索一索都彌漫著芳香氣味。發現隻膠碟好外凹洞

還未過農曆初八，有部份食舊式食店仍在放假中，原先想去廣成冰室來個新鮮牛肉通粉，但經過合成時，想起都有一段日子沒光顧了，也好試試。鮮牛肉餐肉公仔麵公仔麵特意叮囑要夠腍，效果不錯，鮮牛肉略嫌醃得過火，肉質雖然鬆軟，但肉味欠奉，午餐肉煎過，油份豐腴，跟公仔麵可說是絕配。熱檸檬茶天寒地凍時呷一口熱茶真好，而且茶香比預期好，苦澀味輕盈。埋單不到$30，作為下午茶，份量不多，剛剛好。

今日午餐搵咗好耐都無車位，上水午餐時間好繁忙！終於有個標位！泊低架車在呢間餐廳門口！都唔唸咁多入去食！已經下午茶時間，餐廳三四枱客！我哋坐到卡位，餐廳普通茶餐廳格局！陳設殘舊！見個男店員用極重嘅漂白水味嘅毛巾抹桌椅！以為餐廳好乾淨？可惜實際唔係！所有牆角邊嘅位都黑嗎嗎，我食完個好味嘅炒飯，去個廁所，比個廁所倒盡胃口（好在食完先去）行去廁所段路，滑到好似踩冰一樣，入到廁所！地下又係滑過冰地（實在好危險），仲要踎廁，個廁所所有隙縫全部黑色的（包括踏腳位置），門鎖已壞，用一塊木條代替！（我唔想倒大家胃口，唔影個廁坑）我明白清潔廁所係一件厭惡性工作，但點解可以容忍個廁所咁差嘅情況？（員工都係去呢個廁所啫！）即使食物唔錯，我有得揀一定唔會再去呢度！（如果餐廳嘅人睇到，真心希望你哋會改善下）咸魚雞粒炒飯：雖然係下午茶，份量都好大碟，炒得金黃色飯粒，粒粒分明，簡單只有生菜絲、雞肉、咸魚（咸魚真係見到一粒粒咸魚仔碎）咸魚咸香，好搶味，雞肉淋身唔嚡，生菜絲爽脆，咸咸香香好味！熱檸茶微澀，加糖都可接受！店員好爽手，落單上菜收錢，好爽快！如果唔係個廁所，我一定會讚！

某日下晝4點做完野路經新成路諗住去隔離茶餐廳試下好多好評既茶餐廳~點知原來休星期四咁見呢間野都有位於是同同事入去食...普通茶餐廳隔局圓台, 卡位...揀左個近門口既卡位...睇下餐牌....$21 有雞翼薯條+熱野飲雞脾都係一樣價...咁梗係雞脾啦.....等呀等....等左15-20分鐘....杯熱檸水都凍咁濟...問個侍應...佢話...."即叫即整, 而且要整耐d...怕佢唔熟...以前就易d, d人最like就係近骨個度有d唔熟都ok~沙士之後就唔得啦, 要整熟d..."又過左3分鐘...終於有得食真係熱辣辣...薯條辣口架...雞脾皮好脆....唔怕好咸, 又唔怕冇味....整得岩岩好...又夠晒大隻....唔似有d 又細又乾又番炸又唔熟又咸....總結:如果唔係等咁耐先有得食我覺得真係一流!!!!!不過服務同味道都唔錯...下午茶推介

今日經過見到合成茶餐廳~門口貼住好多唔同款式ge食物~價錢又唔貴~就行入去試下la~入面有卡位.環境都幾舒服~一坐低~就見到水吧個哥哥係度沖茶~感覺都幾開揚同乾淨~跟手就叫左個椒鹽豬扒炒公仔麵同埋熱奶茶~椒鹽豬扒就咸左少少~但整體都幾惹味~(下次叫佢淡少少先~因為本人食得比較淡)個奶茶就好香好滑~! 望望佢個水吧~先見到原來呢度仲用緊黑白淡奶~的確係呢種淡奶先沖得又香又滑~而家好多地方都冇用lu~老闆果然識貨~!相信我下次會因為杯奶茶而再返黎幫襯~整體黎講其實都好抵食~成個餐連熱飲都係$28~通漲下都算係一間抵食ge飯堂黎ga la!

今日去了上水，本來打算下午茶時間試一試區內人氣極盛的廣成冰室，可惜是日星期四休息，於是便去了隔離的合成茶餐廳。店內人不多，衛生一般，座為不多，約廿多個，卡位較窄，坐得不舒服。點了一個奶醬西多士拼薯條及熱奶茶~奶醬多炸得過了一點點火喉，而且蠻油淋淋的，奶醬也不夠多，味道麻麻......薯條是粗身波浪紋那種，炸得夠脆，亦夠熱，味道可以，只是怕熱氣，只吃了一、兩條就停手而熱奶茶，不夠滑，很普通很普通，沒有什麼特別~找不到什麼理由會再去光顧......

今日去了上水，本來打算下午茶時間試一試區內人氣極盛的廣成冰室，可惜是日星期四休息，於是便去了隔離的合成茶餐廳。店內人不多，衛生一般，座為不多，約廿多個，卡位較窄，坐得不舒服。點了一個奶醬西多士拼薯條及熱奶茶~奶醬多炸得過了一點點火喉，而且蠻油淋淋的，奶醬也不夠多，味道麻麻......薯條是粗身波浪紋那種，炸得夠脆，亦夠熱，味道可以，只是怕熱氣，只吃了一、兩條就停手而熱奶茶，不夠滑，很普通很普通，沒有什麼特別~找不到什麼理由會再去光顧......

來到年初，七人日探訪友人以先，又心思思想重溫廣成冰室。未想到高竇的廣成要到初十才開，失落之下唯有改投同街的合成，想不到這個後備水準認真麻麻....　熱奶茶-看來口味地道，喝起來卻茶香欠奉又不香滑，除了夠熱真是一無是處。　西多士-炸得很深的西多士，口感很油很油，需大量加糖漿去掩蓋油益味，結果西多士變得超甜又熱氣，肥膩度爆燈之餘又不好吃，完全有浪費quota之感。　暫時價錢平是此店唯一賣點，西多士餐共銀$18，十分相宜；如來日能提昇食物質素，其實可以食到很多廣成的水尾!

平時叫外賣都會叫呢間,因為而家$25-$30一個飯黎講係正常價錢,而家我屋企同佢\間野都有15min時間,叫一個飯都肯送,不過可能等耐小小...但份量都幾多...味道ok la...我覺得一分錢,一分貨,而且係外賣,唔可以要求太高,但可以接受有餘!!!

之前..收到呢間野既外賣紙..咁就試試啦...打電話去...個男人聽(可能係老闆),態度好好,好有禮貌之后一陣有個女人送上黎...態度極差,又悔氣..一d禮貌都冇.....我諗如果老細知道一定晨早炒左佢仲有之前聽過鄰居講....有次外賣d人拍門,不過佢聽緊歌聽唔到....過左一陣先聽到....點知外賣d人鬧佢..-0-"""嘩....d service真係差到.....叫外賣廿蚊就會送...不過一個飯都要25蚊...而且d飯幾硬....可以話唔係咁好食....