合發小食

營業中

休息中

係香港竟然仲有一蚊一舊煎釀三寶買，仲要係開24小時。今日黎到葵興既合發小食尋寶，一蚊一舊真係難以抗拒呀，呢個價錢簡直係時光創流十幾年前呀。煎釀三寶有茄子，尖椒，豆腐，紅腸，魚蛋，雲吞皮，麥樂雞都係一蚊一舊。除左炸雲千吞皮同魚蛋之外，每樣都有薄薄既魚肉仲有炸大波浪薯條，炸雞脾，三角薯餅，司華力腸，炸雞翼，炸雞粒同雞軟骨。唔想食咁多炸野既話，可以試下碗仔翅，生菜魚肉，粉米，粉河，糯米雞，仲有花生豬骨粥添。

話說星期六真係太早食飯，11點未訓著就覺得肚餓，所以又再渣車出動，今日要去既地方係 - 光輝圍😋夜媽媽11點、12點，光輝圍永遠都有間舖排隊買野食，店舖雖然舊，但勝在阿叔阿姐夠串(但未去到澳牛級數😎)，去到最重要係買佢地既煎釀三寶，真係搵唔到咁平既野食，1蚊1件真係邊到搵呀？除左煎釀三寶，其實佢地重有其他野食買，例如炸野系列，有薯條、麥樂雞、炸雞髀、當然唔少得港式薯餅啦～另外佢地都有得叫港式快餐店飯，即係咩？就係茄汁腸仔煎蛋飯個d，但我已經唔記得左幾錢(都係30幾蚊左右)，如果真係想食飯，不妨叩黎食下，超級大份架～今日我買左咩食？－ 煎釀三寶 x 10件－ 生菜魚肉雖然煎釀三寶係1蚊1件，但係絕對交足功課，件件都有大大舊魚肉，最鍾意食佢地茄子，不過要記住，佢地既青椒係辣椒黎，所以唔食得辣既朋友就唔好叫喇～生菜魚肉亦都係好抵，只係13蚊就可以食到，呢個價錢真係出邊搵唔到食咩，就黎係7仔買個杯麵都唔夠錢呀，都係1樣，好足料，啖啖魚肉，唔係以為平野就冇好野～冇叫到但推介系列：港式薯餅 － 絕對好食過出邊，抵食，有機會再影俾你地睇～總結:  雖然香港依家過左12點冇啖好食，但係都重有好多宵夜好

🌟好物推介🌟🤩🤑一蚊一件高質煎釀三寶🤑🤩有買趁手📢📢📢🤩🤩🤩🤩🤑🤑🤑🤑🤩🤩🤩🤩🤑🤑🤑🤑有一日喺附近參加左個event鬼咁晏先放😴又要social又要飲酒又剩🍷重點係細佬個肚一點之後就冇野落肚一捱捱到十一點幾呀…哇…大佬……啲食得嘅都閂曬😫咁我一個醉酒佬就遊遊蕩蕩去地鐵啦咦喂👀未閂喎👁👁埋去再睇睇哇……喺咁多人排嘅喂👃🏼香香哋喎都👃🏼就呢間啦碌大對死人眼一睇😦➡️😧➡️😨➡️😰➡️😱喂咩呀😨我醉左係咪？😰🌟一蚊一件煎釀三寶呀喂❗🌟🌟一蚊一粒燒賣魚蛋呀喂❗🌟😦😦😦😦😦😦………………哇我好似執到寶咁每樣嗌左好幾件🤨🤨喂🤨🤨好❗好❗味❗呀❗❗❗唔係佢平我先咁講平時出面嗰啲度縮小食鋪呢求其吻半下薄薄哋魚膠就當自己係煎釀三寶嫁啦嘛吖佢真係厚厚一層炸得又香同埋啲菜都係脆脆哋嘅再加埋我肚餓呢啲魚蛋同豆腐堅係香脆可口然後特別係個豆腐個豆香真係好impressive😲😲😲又冇我最憎嗰啲死人萬年油味其實😹😹我仲嗌左兜腸粉嘅熱辣辣就基本啦吖衰鬼又幾薄幾滑幾有米香幾好食喎🤩姐係本身十一點幾仲有野食已經有啲眼濕濕一蚊一件我已經想跪謝佢仲要好食嘅我真係唔知講咩好個老闆真係再世佛陀菩薩心腸🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻

估唔到呢間都有得寫食評！作為我日常晚餐大機率會食嘅嘢，冇理由唔寫下寫評吧🤣🤣污糟就一定㗎啦，條街都已經夠多曱甴，不過呢度勝在真係好鬼平，一蚊一件煎釀三寶真係好少見，當然啦，佢係比出邊貴啲嘅細舊啲，但係都無礙我愛佢嘅心，因為$1件，任我揀，想食咩就食咩，真係好爽除咗煎釀三寶，我最鍾意嗌佢嘅山菜魚肉，平時屋企冇湯水飲，飲吓呢啲味精湯都好呀，重點係，佢啲魚肉超級多，我成日都同佢講俾多啲菜我，我唔想食咁多魚肉😅另外仲有好好食嘅就係炸雞比同雞翼，唔知點解佢隻炸粉好似有種魔力，令人食上癮嘅魔力，每次都要嗌兩三隻雞翼，未試過雞髀嘅真係要食一次😼

光輝圍名物$1件煎釀三寶！對一蚊一粒嘅期望唔高，正因為咁反而覺得都唔錯啦😆魚蛋、紅腸、青椒、豆腐、茄子各2Total十蚊雞😬抵到爛！

依家仲係1蚊1件煎釀三寶🤩#trashmouthig 如果你起地下執到一蚊雞，你又諗唔諗到可以買到啲咩呢？🤔 住葵涌區無奶油唔知合發小食既～🤪每次口痕都會買20-30蚊煎釀三寶🙈 🐖都好鐘意買黎食🤣1蚊1件 抵到飛起☺️🐛仔推薦：茄子、尖椒、魚蛋味道：⭐️⭐️⭐️🌜 （3.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️ （3/5）抵食：⭐️⭐️⭐️ （3/5）總分：❤️❤️❤️ （3/5）📍合發小食 (葵涌)葵涌禾塘咀街珠寶大樓地下125號D舖#香港美食 #香港人 #葵涌 #光輝圍 #煎釀三寶 #1蚊1件 #抵到爛 #最愛煎炸嘢 #茄子 #尖椒 #魚蛋 #好有魚味 #做宵夜 #食左先講

🦸‍♂️老公最近返夜班，放12點，而我又未訓覺，加上天氣好凍，個人好想食高熱量食物。🦹‍♀️我就同佢講，我想食煎釀三寶🤤啲同事就叫佢去輝圍買，不過唔好彩駕車比阿叔駕手推車介花咗少少，心痛死佢啦🙈❤紅腸，好好食，外皮香脆💛茄子，唔會好油，好軟滑💚炸雞全翼，味道好懷舊，好耐未食過呢種味道，食完一隻，好想再食❣️💙鱼蛋同豆腐，我就唔鐘意，覺得魚蛋口感好淋，又唔夠彈牙，另外豆腐口感好硬，又無咩豆香味，平時食炸豆腐，我可以食好多嫁，今次食完一件，已經唔想再食😛我下次一定再光顧，支持小店😎

葵涌站📍合發小食-$1一件煎釀三寶去邊度搵？係合發就搵到！成日都有人排隊買，原因就係價錢十分親民！煎釀三寶（$25）要左每款五件，分別有紅腸釀魚肉、青椒釀魚肉、茄子釀魚肉、魚蛋、炸豆腐。$1嘅價錢，都唔會有太高嘅期望，overall黎講係抵食，紅腸、青椒、茄子還好，不過魚肉就一定唔多，薄薄一層。魚蛋就食唔太到魚味，一般。炸豆腐唔推薦，好乾同比較硬身。姐姐可以幫手返炸煎釀三寶，熱d更好味😋呢個價錢，唔會有太高expectation，不過的確係口痕嘅時候食下都唔錯。環境方面，小店唔算太企理，不過都係外賣走，返屋企慢慢食。

放工最需要嘅係熱量💥blue cat又有好介紹啦！葵興站附近嘅合發有好多本地小食買，除左小食都有提供盅頭飯同車仔面，好多選擇👍🏻最勁最正係煎釀blue cats已經食過幾次，但今日一查先知，原來佢已經被採訪、介紹好多次啦！咁多年都咁平，老闆娘話都係為咗我地食得開心😼（梗係開心啦！呢餐二人食飽飽都係$63咋！）味道都ok，三寶推介叫茄子、魚蛋。係豆腐炸得乾少少。其他都好juicy，梅菜肉餅飯都好味👍🏻生菜魚肉啲魚肉好大舊😻

光輝圍依頭都好多食店，但晚上好多時候已經閂晒，尤其深宵時段。但係如果揸車經過附近，總會發現有間舖頭，夜晚11，12點都仲有好多人喺出邊排隊。咁係邊間舖頭呢？就係依間小食店啦佢夠哂平同夠晒快，喺好容易肚餓既宵夜時段鐘用黎醫肚真係無得彈今次我叫咗20件煎釀三寶都只係$20煎釀三寶一蚊就有一件，平到癲入邊有釀茄子🍆，釀青椒，釀紅賜，炸豆腐，炸魚蛋，釀香菇。選擇種類繁多，唔會因為價錢平就偷工減料。仲有釀尖椒，麥樂雞，雲吞皮揀選。另外佢既魚肉湯同碗仔翅都好多人叫外賣黎食，想平平地醫肚既話真係一個好選擇！

光輝圍愈來愈多小店，去左間開左好多年都無加價既合發小食，煎釀三寶一蚊一件。平時食開都係十蚊五件，而家一蚊一件，勁抵食👍🏻👍🏻種類多，每樣要一件都係10蚊，無可能唔買。有翻炸服務。其他炸物有炸雞全翼、炸雞中翼、炸雞髀等。叫左20件，都係$20。係咪真係賺到錢嫁🤣好耐無去飲茶，見到有得賣粉果，忍唔住買左2粒。勁大粒粉果，皮唔會好厚。天氣涼，最岩食碗仔翅，滿滿都是配料，有雞蛋絲、冬菇、木耳，口感豐富。

有日行過葵興做完嘢又口痕，想搵啲小食食吓，走入去光輝圍好多餐廳，麵包舖賣包都好平好吸引，但今次都係選擇傳說中$1蚊1件嘅煎釀三寶😍😍平時$10最多3件，今次$10/10件真係可以狂食，但自己又唔算餓，都係買咗$10試吓填吓肚就算😆😆見到有炸雞翼，估唔到連呢樣都有得揀😳$5/隻價錢都好合理，叫咗隻試吓咁啦味道方面，其實水準還可，$1/1件都唔要求佢好好食…而且仲有翻炸服務，想食熱嘢嘅朋友都可要求再翻熱㗎

煎饟三寶吾掂，不過一蚊件冇野好期望，但麵完全吾合格，panda嗌左個餐蛋米同回鍋肉麵，餐蛋米啲湯粉就咁落水，連攪都吾攪，上面完全冇味，下面鹹到死，回鍋肉得竹筍冇肉咁齌，個湯直程就滾水開，成碗野淡到死，吾知自己食緊乜，話係出前一丁，都吾好話係咪丁，食落福字麵仲好食過佢，已經分左湯，但佢好似食糊仔咁，一碗仲要30蚊，兩碗都mark左分湯，但佢就分一碗吾分一碗，好心一係分，一係就兩碗都分左佢啦！就比人當左次水魚一定冇下次

早排電視介紹呢間小食店，今日經開呢頭當然要去撐一撐場！係今時今日可以一蚊一件煎釀三寶真係見少賣少！同友人一齊買左十件醫下牙癮，我揀左茄子、魚蛋、豆腐、青椒、雲吞皮！雖然size係無出面其他檔咁大件，而且溫度係有點涼，但因為要一次準備定咁多份量方便客人選購是正常的！而每樣野食配上豉油，一咬落去油炸的感覺就是爽！而且味道都叫唔錯嫁啦！最緊要係有番讀書時期放學買呢d野食既回憶浮出黎！咁既價錢與咁既水準既小店值得支持！

一蚊一件三寶,最好食係呢一間,香港仲有煎三寶賣1蚊件得返2間,但呢度勝在流量多幾乎每次買都係新鮮炸起既出品,新鮮炸起點會唔好食?末上厚厚既魚肉再炸香,我自己買返屋企仲會加少少麻油一齊食,更加香之餘味道更好食買返黎已經忍唔住先食左幾件再影相魚蛋係最高CP值,大大粒有魚味,仲有腥味,咁先夠鮮味,茄子同紅腸都係抵食！厚切大件！阿姐仲話你又黎呀！每次都黎買一盒當飯食，廿蚊食到飽！距離地鐵站十分鐘唔算太遠！