合發小食

營業中

休息中

今日嚟到光輝圍嘅小食店 呢間舖頭真係好出名 價錢平 以前舊公司係附近成日嚟食 今次叫咗煎釀三寶 魚蛋 豆腐 青椒 矮瓜 尖椒 仲有兩隻薯餅 同埋麥樂雞 再加個碗仔翅加魚肉 😋煎釀三寶好唔好食就見仁見智，對於我嚟講都唔係因為好食只不過係不過不失，最緊要係平😍呢度嘅小食真係多款，而家仲可以用啲Apps叫外賣呢間小食店環境簡陋又用萬年油，姐姐好睇心情服務態度好彩唔需要等太耐總體嚟講 呢次小食店只可以係話平，大家都可以去試一試👍

煎釀三寶（$1@）一蚊一件嘅三寶已經唔知幾耐未見過，呢間小店應該平絕全港。三寶款式齊全，魚蛋、豆腐、紅腸、茄子、青椒、雲吞，應有盡有。味道合格有餘，對得住價錢。而且可要求炸番熱先食。除咗三寶，仲有好多炸嘢都好抵食。炸雞脾、炸雞全翼、炸雞中翼、薯條、薯角、薯餅。下次留肚試多幾樣。

第一次食佢魚旦酸酸地 然後又屙又嘔以為淨係啲魚旦唔乾淨 已經唔敢再食魚旦前日食完 紅腸同全翼 又係腸胃炎而家重好肚痛 痛左足足24個鐘呢間野係平 而家得反佢一間 生意多到做唔切 預備材料亦可能時間不足 但有心理準備啲野可能係唔乾淨…

有日我啱啱响隔離便利店買完嘢出嚟，行經呢間小食店前面，見到個阿姐唔小心整跌咗一舊三寶嘅物體，舊嘢瞬間轆咗去街道地下（黑蚊蚊好污糟），佢冇懸念，即刻夾起舊嘢，我一路慢慢行，望實佢，睇吓佢係咪會掉咗舊嘢。。。佢好似知道我望住佢，所以佢動作好緩慢，仲疾吓疾吓咁，然後將舊三寶夾住放响枱面一個鬼鼠位，等我過咗佢間店。。。我行過咗之後，即刻上咗自己架車繼續望住佢，果然佢望吓周圍冇人（佢唔知我仲望住佢），就夾返舊三寶出嚟重炸🤢🤢🤢，跟住放返去同其他三寶一齊賣😡😡😡

合發小食今次係我第二次食呢間「合發小食」，「合發小食」最出名係煎釀三寶，平絕香港，價錢係一蚊一件，上次我去到見到曱甴，今次乾淨好多，仲有排隊人龍，口痕買嚟試下都唔錯！1.煎釀三寶$1（一件）（8.5/10）買咗六款煎釀三寶，每樣六件，想要邊款同老闆講，老闆就會即時幫你即場翻炸！2.香腸$3（1條）（8/10）我估係廚師牌香腸，味道咸咗少少，叫咗三條！3.炸燒賣$10（8粒）（8/10）燒賣煙韌，主要係炸得唔夠脆，10蚊有八粒！3人總共價錢$55個人口味總評分：8.17/10地址：葵涌禾塘咀街珠寶大樓地下125D號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#合發小食 #煎釀三寶 #街頭小食 #掃街 #燒賣 #一蚊一件 #香港美食 #葵興美食 #葵興好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #h

屋村老字號街坊煎釀三寶小店～鍾意食炸嘢可以試一試～只做外賣冇堂食～日日都好多人排隊幫襯煎釀三寶一元一件大大件好抵食～有：青椒、茄子、炸豆腐、魚蛋、燒賣都係同一價錢～薯角、薯條、蟹柳、雞尾腸就貴D～另外仲有炸雞脾、雞全翼、雞中翼、雞軟骨、鹽酥雞款式好多～仲有碗仔翅、生菜魚肉唔肚餓嘅我都支持下試咗釀茄子、魚蛋～唔知係唔係重炸茄子皮開始乾～不過茄子肉好淋～魚蛋軟熟彈牙多D幫襯下有歲月痕跡嘅街坊小店～依家越嚟越少

在香港这种寸土寸金的地方，💰1蚊一件的煎酿三宝应该说仅此一家了吧！没减肥之前我每个月都要买点回家吃！炸鸡翅💰6一件，腌的入味 非常抵！！！每天都很多人排队，整体偏油！但味道对得起价格！

$1/一件夠抵之餘仲好好味，魚蛋唔會死實，我買幾粒即食，老闆仲要倒返落油翻熱😍正下次會再過黎食😊豆腐比起其他舖還要大件少少☺️雲吞皮都唔錯😌最正係粒魚蛋，必食😋老闆好nice 🥳

機緣巧合之下來到葵興呢邊，本地人推薦我地可以夜晚過來 「光輝圍 」呢區宵夜，行行下發現圖中呢間 合發小食 一直人流不斷，要排隊幾分鐘左右等落單。佢地營業時間好長，凌晨過去幫襯，幾個鐘後早上經過仲開緊，搵資料先知開24小時😱。.主打做「一蚊一件 煎釀三寶」，款式有青椒、茄子、雲吞皮、紅腸、豆腐、魚蛋等，睇住前面每個人至少叫三四十件🫣。▼煎釀三寶 $1/件▼今次每款試少少，揀好炸物後會即時炸番熱，可以隨個人喜好加醬油、喼汁、辣醬等。基本上釀薄薄一層魚肉，自己最鍾意青椒🫑和茄子🍆濕潤唔會乾，主要食蔬菜本體多，紅腸大大塊，炸豆腐一大舊，有豆香味，但口感實在偏乾偏硬，魚蛋微咬口，口感不錯，而雲吞皮炸到薯片咁脆。剛炸好出爐較油，拎到番去岩岩好，一大袋廿件先廿蚊，宵夜飽到不得了，呢個價錢唔好要求太多，今時今日一蚊一件算抵食，食得幾開心😆！.另外仲有炸雞髀、麥樂雞、鹽酥雞一類炸物，等既時候見到連續幾個客都買大大隻炸雞髀，下次有機會一定要試！.

今日同🤴🏻特登過嚟買一蚊一件嘅煎釀三寶，睇吓係唔係真係咁底食先😁😁行到去已經有5-6個人排隊，有幾個仲自備膠盒，應該就係老顧客啦😆😆，每人起碼20-30件起跳，我前面嗰各仲叫咗70件😂😂煎釀三寶就有六款菜式，除咗青椒同錦鹵雲吞冇叫，其他四款加埋叫咗50件🤣🤣，另外🤴🏻叫咗一隻大雞髀🍗20蚊！☺️☺️～～～一蚊一件煎釀三寶～～～我同🤴🏻諗住一蚊一件會好細件，但原來同其他出面嘅size一樣，令到我哋有啲驚喜🤩🤩！紅腸同炸豆腐大大舊，紅腸味十足，豆腐味就爭少少可以接受😗😗茄子魚肉當中嘅魚肉非常之薄😅😅，只係當佢一嚿茄子食會開心啲😝😝魚蛋同其他地方比較就細粒點，但魚肉味一點都不差，除左正常醬油我們還加了一些辣油，食落十分野味，喜歡吃辣的十分推薦👍🏻👍🏻～～～$20大雞髀🍗～～～一蚊一件煎釀三寶，咁20蚊一隻雞髀🍗就顯得唔係好抵，但原來真係好大隻，特別係些髀位置有普通雞髀🍗嘅兩倍大！雞髀🍗味道就正常😋😋

由細到大都好鍾意食煎釀三寶今時今日應該得返光輝圍嘅合發仲係賣緊一蚊一件🤩係呢個年頭仲賣緊$1真係平到癲去開葵興都要特登行過去幫襯🤣每次都會買$20-$30買到成盒滿曬先滿意😆😆➼ 煎釀三寶有青椒🫑 茄子🍆 魚蛋、豆腐、紅腸、炸雲吞皮每件都釀咗薄薄嘅魚肉但$1仲想點😂揀完可以叫姐姐幫你炸返熱👍🏻 個人推介青椒🫑 茄子🍆 唔會太乾好食😋煎釀三寶一定油唔係日日食無問題嘅😆😆除咗煎釀三寶 合發仲有賣其他小食➼ 燒賣、腸粉、炸雞髀、炒米粉、生菜魚肉、花生豬骨粥……試過燒賣同腸粉都唔錯

應該冇乜人記得呢間鋪叫咩名，只會直接叫佢「一蚊一件煎釀三寶」。我冇打錯、你冇睇錯，$1一件，真係平到癲😱！呢間合發小食，少少地一、兩草嘢*就可以塞飽自己，幾草嘢*嘅話簡直可以飽到嘔🤢🤮，份量相當驚人！以量嚟講，不得不提君島美緒，尤其2018同2019兩年，好似開咗無雙咁瘋狂拍片，重點係，窈窕纖幼同時應大則大，演技又有水準，唔係交行貨，題材又多樣。合發小食情況差唔多，煎釀三寶質素見得人，款式都足夠：魚蛋、豆腐、紅腸、茄子🍆、青椒🫑、尖椒、炸雲吞皮。唔只煎釀三寶，仲其他各式各樣食品，幾乎全部十草嘢*埋到單：魚肉生菜🥬、碗仔翅、燒賣、牛肉球、粉果、糯米雞、豉油皇炒麵、麥樂雞、炸雞中翼、雞全翼、薯餅、炸雞髀🍗⋯⋯仲有粥粉麵飯薯條🍟糖水，數唔晒。犀利嘅係，所有炸物可以現場炸返熱辣辣先畀你，營業時間相當長，最遲試過凌晨3、4點幫襯。至於嗰啲「好油」、「好肥」、「好唔健康」諸如此類，唔該自己肅靜迴避，最好彈開九丈遠。*註：幾蚊=幾雞嘢；幾十蚊=幾草嘢；幾百蚊=幾嚿水；幾千蚊=幾叉嘢；幾萬蚊=幾皮嘢；幾百萬=幾球⋯⋯越數越傷心💔我冇😢

今時今日竟然仲有煎釀三寶賣一蚊一件?⁉️無錯真係$1 only🤩 葵興有間傳統嘅街坊小食店 @合發小食, 由兩夫婦經營, N年無加價,明益街坊. 應該係太抵,其實去到都見到有好多人排緊隊,排我前面個哥仔仲好似唔洗錢咁掃咗兩大盒 !講真呢街坊福利價,真係只有舊式小店先做到,朋大家經過葵興不防去支持吓!🔮煎釀三寶🍢  三寶有紅腸,青椒,茄子,豆腐,魚蛋,雲吞,雖然魚肉有D薄,但係$1你仲想點, 店家仲可番炸幫你整翻熱,推介食佢嘅魚蛋,成粒都係魚肉,感覺仲抵D 🔮生炸大雞脾🍗  所謂越邪惡嘅嘢越好味!必食炸大雞批,原隻炸脾超大隻,最後翻炸一下,熱辣辣,個雞皮脆到食薯片咁,非常香口,再加上少少淮鹽,勁惹味呀！ 仲有其他小食 雞翼,雞軟骨,腸粉....等等。

係香港竟然仲有一蚊一舊煎釀三寶買，仲要係開24小時。今日黎到葵興既合發小食尋寶，一蚊一舊真係難以抗拒呀，呢個價錢簡直係時光創流十幾年前呀。煎釀三寶有茄子，尖椒，豆腐，紅腸，魚蛋，雲吞皮，麥樂雞都係一蚊一舊。除左炸雲千吞皮同魚蛋之外，每樣都有薄薄既魚肉仲有炸大波浪薯條，炸雞脾，三角薯餅，司華力腸，炸雞翼，炸雞粒同雞軟骨。唔想食咁多炸野既話，可以試下碗仔翅，生菜魚肉，粉米，粉河，糯米雞，仲有花生豬骨粥添。

話說星期六真係太早食飯，11點未訓著就覺得肚餓，所以又再渣車出動，今日要去既地方係 - 光輝圍😋夜媽媽11點、12點，光輝圍永遠都有間舖排隊買野食，店舖雖然舊，但勝在阿叔阿姐夠串(但未去到澳牛級數😎)，去到最重要係買佢地既煎釀三寶，真係搵唔到咁平既野食，1蚊1件真係邊到搵呀？除左煎釀三寶，其實佢地重有其他野食買，例如炸野系列，有薯條、麥樂雞、炸雞髀、當然唔少得港式薯餅啦～另外佢地都有得叫港式快餐店飯，即係咩？就係茄汁腸仔煎蛋飯個d，但我已經唔記得左幾錢(都係30幾蚊左右)，如果真係想食飯，不妨叩黎食下，超級大份架～今日我買左咩食？－ 煎釀三寶 x 10件－ 生菜魚肉雖然煎釀三寶係1蚊1件，但係絕對交足功課，件件都有大大舊魚肉，最鍾意食佢地茄子，不過要記住，佢地既青椒係辣椒黎，所以唔食得辣既朋友就唔好叫喇～生菜魚肉亦都係好抵，只係13蚊就可以食到，呢個價錢真係出邊搵唔到食咩，就黎係7仔買個杯麵都唔夠錢呀，都係1樣，好足料，啖啖魚肉，唔係以為平野就冇好野～冇叫到但推介系列：港式薯餅 － 絕對好食過出邊，抵食，有機會再影俾你地睇～總結:  雖然香港依家過左12點冇啖好食，但係都重有好多宵夜好