吉利尼 (已結業)

Killiney 已搬了去佐敦5年今晚我去了食以前覺得laska 好有星加坡味今日覺得湯底稀了啲芽菜變了椰菜，因為芽菜貴，唔留得耐？薏米水仍好飲8點幾已開始關門，因無客返7點經過澳牛，唔使排隊，因為無遊客

食咗伽椰吐司 醬料好足好好味但係如果整吐司嘅staff可以戴手套就好因為佢一邊負責收錢 一邊負責整吐司搽醬我有小小擔心....呢個疫情下如果可以留意返衛生方面 是否會更好如果佢收完錢有洗手再整吐司咁都好d 但係據我觀察好似係冇..

有排無得去旅行，唯有食多D各國美食，扮去旅行止下咳頂一頂啦。今次我就決定扮去了新加坡旅行。新加坡美食離不開叻沙肉骨茶同咖央多，晨早流流就無乜理由食叻沙肉骨茶呢D咁Heavy的食物，於是我就選擇了咖央多，仲叫埋新加坡滾水蛋。整體味道還可以，不過如果件多士可以再熱D同埋脆D就更加之好了，滾水蛋配甜豉油同胡椒粉，真係好有新加坡的風味。

一星期總會有一日係冇帶住家飯今日又咁岩出左去公司做野見佐敦好多人話有好野食 就心絲絲想搵下有咩正野食見到一間門面唔樣既 叫Killiney食海南野既餐廳就一個女仔行入去 叫到有叻沙 加 芝士 喱個組合 作為一個cheese lover一定要叫啦！加上又好耐冇食過叻沙 咪叫喱個精選叻沙組合- 芝士叻沙加$4 飲凍南洋鴛鴦個叻沙味道比賽重口味 我自己係中意既 芝士份量都唔小 個口味好夾 好獨特 正南洋鴛鴦就正正常常 無咩太大特色 都唔錯！係唔知點解多左隻蛋比我😂

今日星期三黎到呢度，約左個朋友食野，佢話牙痛，想食粥粉面，我地就黎到呢個地方食野。呢到入到黎，俾我感覺係空曠，人唔係太多，見倒個餐牌，就咁叫杯野飲都係貴，20幾數杯，仲要可以揀到有新加坡特色既野飲，可以係同人飲杯coffee吹水，呢間地方唔錯。我同朋友係黎食lunch, 我叫左個海南雞Laksa米線 ， Singapore coffee同埋Kaya toast.Laksa湯底唔錯，夠曬味，米線硬度適合，coffee 飲到新加坡風味，kaya toast 都好食，舊牛油果然邪惡👍😎

經過佐敦， 實在太多好嘢食啦 真係好鬼難揀 ，如果大家鍾意食新加坡嘢嘅，就一定要幫襯呢一間嘅喇沙喇！ 不過佢哋嘅位置就比較難搵啦 ！ 雖然都係喺商場入面 ，佢哋嘅地方唔係一間店舖裏面， 有啲似一個food court咁樣！ 佢哋嘅喇沙湯底充滿咗椰子香味又大鲜甜， 味道濃厚， 啲麵又有掛湯， 我通常都會叫海南雞喇沙，不過有點兒辣， 記得叫埋佢哋嘅桔仔水呀 !我哋會叫佢哋嘅美祿沙冰亦都係另一個推介畀大家！ 美碌嘅味道充滿曬成個杯好似食緊美祿朱古力！

今日同朋友黎佐敦試下新加坡菜 係佐敦站E出口恆豐酒店附近 位置都算方便 一入到去見到環境都吾錯 就坐低試下啦設計雖然簡單但都有心思我叫左個海南雞叻沙套餐加熱咖啡($64) 話哂都係主打 而朋友就叫左個海南雞飯套餐加凍新加坡拉茶($66) 價錢係佐敦食個晚飯黎講都算平 最啱我呢啲未出糧但又吾想食太頹既人 😂侍應用一個盆上哂啲野食 方便快捷😎碗叻沙真心好大碗 啲雞肉非常嫩滑 配埋啲湯汁無得彈朋友都大讚啲雞肉好正 不過就嫌碗雞油飯鹹左少少 不過都仍然推薦大家黎試下

今日陪朋友覆診，就係隔離南豐中心見到有餐廳以前行過正門唔會有食店，多數只得地庫或留上先有，近近地就試下啦。以前係尖沙咀食過喇沙👉🏻(一般), 朋友話未食過想試。Tea time 👉🏻 tea set (最基本咖椰多士+半熟🥚🥚幾好味👍🏻，👉🏻本身個餐二隻食完先記得影相😅)連咖啡 $40 👉🏻個咖椰唔夠香中間有舊厚牛油👎🏻另外叫個出名👉🏻海南雞椰漿飯餐🐔🐔連咖啡$72(🐔🐔👍🏻好滑但冇雞味，個飯太爛又唔夠香)只可以話CP 都值嘅。杯咖啡可以嘅👍🏻VS 出面同類型餐廳🐔🐔算唔錯，個飯就少d 男人唔夠食，女士就啱啱好

The food is good but the staff keep closing earlier every day. The sign at the door says 21.30pm and openrice says 21.00pm but then today I went and the staff at the cashier said they are already closed at 20.18pm, wow. Too bad because the food is better than TOASTBOX

食過好多次 但次次都order呢個海南雞飯 因為真係好正。環境幾好 係商場入邊 地鐵站E出口行上兩層就到。雖則每次都係lunch去 但次次都唔洗點等位 一般都會有位。我今日先知 原來係有前菜可以自己整咯。之前食過咁多次都唔知～今日有蛋🥚有沙律🥗菜。我係食肉獸 所以沙律菜就算了 剝咗個雞蛋 然後整碎 再加d沙律醬 超正。😋😋😋講返個海南雞飯先 😂 d雞肉真係好滑 再配我最鍾意嘅黑色醬 超美味。再加上個油飯 唔會好油膩 適中。 之後會再去幫襯呀～

係佐敦黎講，呢個價錢食到呢個質素嘅海南雞飯都好難得😌相信出面起碼七 八十蚊先食到呢個質素了佢啲海南雞係去左骨嘅，本身以為52蚊得好少，點知真係俾足料，下面仲有啲菜😚而個油飯好好食，係我食過最好食嘅油飯💕佢香得黎唔會有種食落好油嘅感覺，真係好好食😗而佢有三款醬，三款之中我覺得黑色個款最好食💕聽講係新加坡嘅海南雞飯先有呢種黑色醬，泰國嘅無呢種黑色醬配落海南雞到真係好好食，甜甜咸咸咁😻有機會一定要再食😆😆

其實我第一次黎呢間killiney 係係食叻沙嘅 呢間主打新加坡喇沙嘅餐廳 叻沙固然唔錯 佢嘅湯底好濃郁 有好多香料 椰奶 所以都幾豐富 但自從我叫過一次海南雞飯之後 就成日叫佢地嘅海南雞飯 😂😂😂佢嘅海南雞飯都幾好食下 首先講舊雞 雞肉鮮嫩 皮肉無分離 而且舊舊分布都幾均勻 唔會夾起一舊得成塊皮咁 其實我試左南洋椰漿海南雞飯 但對於我黎講 油飯真係更吸引 點埋黑豉油 呢個組合好perfect池 有驚喜呀個海南雞飯今次加左個咖椰多士 wuu有啲意外 其實呢次係我第一次食咖椰多士 覺得幾好食 多士烘得岩岩好 而加上咖椰醬 甜甜地 入口椰香 但我冇食過其他 比較唔到 但個人幾鐘意食嘅

難得lunch早收,即去佐敦搵朋友食個午飯傾下計！下雨天,唔想走太遠,所以朋友就帶我嚟試下食呢間餐廳啦！首先要去櫃枱點餐及付款,點好餐後拿着號碼牌子去搵坐位,之後店員就會跟著號碼牌送餐到你的坐位上,感覺幾好,唔錯,冇限時坐幾耐都可以!我地選擇了海南雞飯套餐：無骨海南雞飯$62 配蜂蜜紅茶+$4海南雞冇乜特別,都係凍冰冰的！芝士叻沙組合：芝士叻沙麵$58配蜜桃冰紅茶+$8叻沙味濃郁,好味！有芝士,雪場蟹爪棒,片頭,豆卜,芽菜及雞蛋！平民餐廳,唔錯！lunch可以一試！

吉利尼歷史悠久，在馬來西亞、印尼、越南、澳洲也有分店。有留意新加坡美食的話，相信大家對它不會太陌生。今次來到佐敦店，居然要俾負評。我對佢太失望！甚至食到有反胃的感覺。點餐時店員的態度是比較奇怪，算是有點愛理不理的，餐牌設計亦比較散亂，不過這都不重要。可以八達通付款，點好餐之後，拿著牌子坐著等。點了 精選叻沙組合($76)海南雞叻沙米線＋新加坡檸檬茶，加$16點了吉利尼咖椰多士。首先，吉利尼咖椰多士是好食的。吉利尼的官網稱它們的咖椰醬是「手工製作，無添加、無防腐劑，用新鮮斑蘭葉、椰漿及雞蛋，細膩慢煮，火候考究」的確是好食邪惡的牛油配他們的咖央醬，加上鬆脆香口的多士，很香，很滑，很回味！屬於超乎預期的好。然而，海南雞叻沙就出事。首先，海南雞係凍既，放入暖既叻沙入面。溫度上很奇怪。亦都唔知佢放咗幾耐。第一舊都仲OK，然後發覺後面幾舊都係肥油同雞皮，肉的比例極少。凍既肥油瓊住晒，好膩好難食即時有反胃之感。難食到不能下嚥。揭起兩塊雞件後，原來下面全部係豆卜黎，扮晒多肉，唔老實。另一方面，米線過淋亦是致命傷。湯底雖然蝦味突出，但說不上鮮美，除豆卜外亦無乜配料可言。是一碗徹底不合格的叻沙。順帶一提，

今日過黎食午餐，叫咗海南雞飯，花生醬多士同海鮮喇沙，隔離枱都係海南雞飯，不過佢係海南雞喇沙，點菜部分我唔太清楚，不過家姐話佢都講得好清楚，埋去見到個哥仔玩緊玩話，叫野就叫另外一個男仔黎，佢又係放底手上部手機唔情願咁過黎落單。叫咖央多冇咖央(午餐時間就冇……)，其實如果係主打新加坡食品，就最好keep 多少少貨，冇得試，有d失望。到食物ready, 個四眼哥哥就咁比咗隔離枱就走，首先,呢d應該係我地張枱，你送餐唔對吓自己個號碼牌就閃咗，我碟飯就比咗人地食，又再比多一碟(呢碟我架，佢力咗返去) 算啦，咁再黎個喇沙又攪錯咗，又力返去，明明見到我地仲有野未到行兩步check 一check就唔洗走黎走去，之前已經力住碟多士頭昂昂咁，而家姐碗喇沙就唔會比咗錯人地，又攪到淋晒吸晒水。味道方面，我地食花生多士，好味嘅不過可能力黎力去，上菜碟野亂亂地。喇沙湯底夠香，不過傳菜時間耐咗，淋晒海南雞，飯好食，雞就冇乜味，個熱檸檬茶好難飲。會唔再食呢間。