吉利尼 (已結業)

裝修前都經常嚟食，今日重新開業，d野非常差。 平時食開既椰子雞湯冇左。 今日食香矛番茄都唔好食，冇左以前既香矛味。 餐紙仲轉左用劣質廁所紙！ 失望！之後唔會再嚟食！！！！

新加坡菜來說，這間的食物味道尚算ok，喇沙湯底算濃，少少辣，咖咉的醬和牛油都做得幾好味，包烘得可以再脆少少。。另外還點了海南雞飯，雞肉一般，都唔會鞋，但又唔太滑，飯的味道一般，唔夠香，醬料都只是一般奶茶來說都是一般，雖然都有茶香味，但稍為偏甜了一點。總括味道和價錢來說，整體一般吧，不過不失

今日唔係咁lucky,食到既餐廳都唔係太滿意。好似哩間食馬拉野既餐廳，我一心諗住黎食個叻沙，南洋feel一下，點知d野食好似仲差過我d手勢！話說我同個fd行街行到腳仔軟，又見個天落住毛毛雨，咁就六點鐘都未夠就去食dinner。間餐廳其實都係快餐店果款咁上下，之但係入面居然冇咩客，得一個女人冇幫襯坐係度同得一枱sell緊保險，我地坐低冇耐都散埋水。可能冇咩客既關係，連職員都得兩個咋，一個收銀一個廚房。我同朋友就叫左一碗米粉一碗喇沙一份咖央多士一杯美綠恐龍同一杯白色恐龍。去圖先～哩碗米粉酸酸甜甜咁，個味其實唔差，兼且佢d蝦居然係新鮮彈牙真係好難得。之但係佢個豆卜根本冇煮透，而且因爲冇乜湯既關係，d豆卜浸唔濕要乾哽又硬又鞋真係超難頂！d米粉就煮過籠，一夾即斷仲融左d米槳出黎，要用匙羹畢黎食。叻沙個樣睇落好似好過碗米粉好多，但其實都係好差。唔知大家有冇煮過麵，將面夾左落碗唔即刻落湯，果塊麵餅就會結成一pat，就算之後放番d湯落去，d湯都只留係面果層而滲唔到落底。哩碗叻沙exactly就係哩個情況，所以即使哩幅相睇落好似有湯咁，其實只要用筷子將米線鬆開番就即刻唔見唔晒d湯。叻沙個湯底咁重要，居然

這幾天天氣寒冷，幾乎任何時候都手腳冰冷...是日在佐敦街頭覓食，特別想找湯麵吃，暖暖身子剛到就想到了附近的吉利尼，而且我還未試過，正好趁機嚐鮮這裡食物的款式不多，但有新加坡最signature的喇沙和咖央多我想吃湯麵，所以二話不說就點了一個喇沙套餐，+4配薑茶我點的是基本款，餐廳還有加了其他加肥牛或雞肉的喇沙。喇沙套餐($62)：配料有魚片、雞蛋、豆卜、蝦和芽菜，麵底是米線。配料中規中矩，但喇沙湯底十分滋味椰香和辣味並重，寒冷天氣下更覺惹味薑紅茶(+$4)：配了杯薑茶驅寒

同女朋友去佐敦買野就順便係附近食埋晚飯啦先去counter order 左食物先,就會俾個號碼牌你,之後就會送餐過來~米暹 好吸引呀有4隻蝦,半隻蛋,豆卜,芽菜...啲蝦好鮮甜又爽口啲米粉吸左的汁再加埋青檸,酸酸辣辣,好味又醒胃.個湯底好濃,好香椰汁味啲米線煮得啱啱好,好滑...跟餐只要加$16, 中間夾住好多咖椰醬&一大塊牛油,真係好好味呀

同男朋友去完新加坡旅行之後就愛上左食喇沙今日黎試下口碑好好嘅吉利尼我同男朋友都叫左個正宗喇沙我仲叫左薏米水喇沙嘅麵係米線吸曬D湯嘅味道非常好味蝦🦐同魚片都好新鮮最驚喜嘅係豆卜索曬D汁本身又有D脆好好食而薏米水都好有驚喜好濃郁嘅薏米味好多薏米 真材實料又可以解辣一定會再黎食！

本人一向對喇沙麻麻，但呢個真係好味😋最好味既都係雞肉味粉快係煮到岩岩好最正都係個湯，一d都吾油一般我喜翻叫兩個土司，呢個係白糖烘到都係正好又鬆又軟，口感十分好來個咖央味既，好味點左個姜紅茶☕️甜奶紅茶都吾錯

是日晚餐想吃星加坡食品，剛好經過此店便試下。晚上人很少及寧靜，坐得舒適。我點了經典叻沙，咖椰多士同跟餐薏米水(加$4元)叻沙好好味，湯底有濃香椰奶，有很多豆卜，2隻蝦，魚片及芽菜，豆腐卜吸收了湯的精華，俾Txxxx Box 好味，才料亦俾他多。與星加坡吃的差不多。咖椰多士味道不錯，咖椰漿及牛油頗多但多士不夠脆，相對之下坤x較好味。薏味水好味有好多薏味。侍應及收銀服務不錯，有主動提我跟餐較平宜。我會再來的，下次試其他嘢。

勁唔好彩咁需要係佐敦度一個人等朋友個半鐘，但正值晚餐時間，又唔想去個食完又趕你走既地方，係佐敦行左接近半個鐘既時間先醒起附近有間餐廳成日經過，又無食過既，於是就膽粗粗咁自己一個去左果度，其實講真，初頭我唔係幾敢食呢間野，因為間野真係比較少人去食（唔知點解）我見個價錢都叫公道，一個餐60-70蚊，而且又近地鐵站不過唔探討咁多，直接去餐廳啦～餐廳睇落好乾淨同整齊，雖然唔係高級樣，但係木枱同木凳既感覺係好舒適，而且餐廳唔多人，唔會好嘈，又唔會有人趕我走，點完餐之後，拎左個號碼牌就可以隨便坐低，服務員會送餐過黎，佢地都好有禮貌架！今次叫左個吉利尼米暹$62同一杯洛神花茶（額外加錢)首先落料真係好多，蝦都俾足三隻我，湯底酸酸甜甜又帶有少少辣味，不過新加玻風味唔會太辣，所以就算我唔食得辣都可以食哂佢而佢入面既豆卜吸哂Ｄ湯汁，食落超正！米粉唔會太冧，食完成碗都好有飽足感！

咖咉多士(單點) $22多士會等耐少少 因為即刻烘俾你個包係好脆😍而且入面係滿滿既咖咉醬同牛油😚好邪惡😈食落好香唔會覺得膩 平時唔食牛油都會食呢個😌🤤個人認為香港既吉利尼好食過亞坤 因為亞坤冇咗新加坡食個種味道🤔評分:9/10🌟喇沙泡飯 $62喇沙材料都多 而且好香椰奶味🤤湯底好濃而且辣味都似新加坡當地既喇沙 可以一解思念喇沙既癮😂🙈唯一份量比較少 對大部分人應該唔夠😂😳 我自己就覺得飯會多過麵🤔奶茶都冇乜特別 係比較香評分:8/10🌟

在恆豐中心地庫下午茶吃了連鎖式經營的新加坡菜 Killiney, 店內差不多坐滿人, 在聖淘沙吃叻沙的感覺返晒來!首先點了吉利尼肥牛叻沙, 辣味程度拍得住新加坡當地的風味, 肥牛爽口, 豆腐吸收了叻沙湯汁, 味道既香且辣再來一個蜜桃梳打冰解解辣, 味道雙得益彰店內正推銷各式新加坡特飲餐牌一覽, 之前也幫襯它們的外賣吃了海南雞飯, 味道可口, 只是比起九龍城的略遜一籌, 其實已是十分好吃的了點了菜在Ｃａｓｈｉｅｒ俾錢後，會給堂食的客人一個小牌子，以茲識別，方便侍應生傳遞食物，等候上菜時間甚短，值得一讚

巴斯德無菌雞蛋都幾好食，多士的份量也足夠，牛油都幾大塊，仲有好多糖（因為叫Butter Sugar)叻沙比比起其他對手的份量實在太少，吃完之後只有一半飽的感覺，肉類同D粉有點抽離的感覺，不是一起，本來對馬來鋪的期望是很高的,但是有點失望海南雞飯稍嫌唔夠滑，份量都是一般，飯是足夠的，味道一般，不是特別出色飲品味道都可以，如果鍾意飲甜嘅話都冇問題，美祿恐龍D美祿並不如餐排上相片滿滿的，這是不足侍應生服務態度一般，不是太差但有不太好。上菜的速度不錯，不過有機會落錯單，可能是太新的關係

之前行街經過過，今日係專登去試食,叫左個普通同肥牛喇沙仲有伽央多士一份仲有2杯凍檸茶。估唔到果個沒落既地方都食到比較好既喇沙，放心，一定好味過xx工房，唯一唔好只係覺得湯比較少，同埋隻蝦有啲「梅」，最唔滿意就係杯凍檸茶，2人都覺得有啲怪味，另外伽央味道比較淡少少食唔到新加坡既味道但總算熱同脆，唔錯。

今日去佐敦交貨......去到恆豐中心.....試吓一間朋友極力推薦嘅餐廳見佢環境都幾特別....但係對於我少食牛肉同雞嘅人來講.....選擇又真係比較少不過唔緊要啦....朋友想試吓就試吓啦不過選擇真係唔係太多......我朋友選擇咗一個吉利尼1919經典多士餐......個感覺幾特別.....第一次見到食多士會有雞蛋半碟....仲要係生蛋.....但係我朋友話個多士好好食而且個咖也奬吾太甜......可惜隻雞蛋太生佢冇食到我自己就叫咗個參岩肉碎飯.....裏面有啲脆bob bob既魚仔.....又有幾多番茄仔......不過玉水口感冇一般嘅泰國店肉碎好食.....味道一般般......勝在個生蛋撈飯味道吾錯不過個多士可以再encore

恒豐中心地庫吉利民，行過幾次都冇入去試，某日想試點知有工程唔營業。這間小店環境似cafe, 原來有叻沙食。叫咗雞肉叻沙配熱檸茶$66材料有豆腐卜，雞肉，半隻蛋，芽菜。雞肉好滑，雞皮爽脆，應該是海南雞，米線份量唔算多但好彈牙有口感。最讚就係個湯底，好香濃又好味，湯底俾我清晒。檸茶唔知佢用咩茶葉，茶味唔濃但味道幾得意。隔離檯食緊海南雞飯，看似好好味，因佢都清晒碟，等我下次試下先。環境清靜，只是選擇不多。