吉利尼 (已結業)

恒豐中心地庫吉利民，行過幾次都冇入去試，某日想試點知有工程唔營業。這間小店環境似cafe, 原來有叻沙食。叫咗雞肉叻沙配熱檸茶$66材料有豆腐卜，雞肉，半隻蛋，芽菜。雞肉好滑，雞皮爽脆，應該是海南雞，米線份量唔算多但好彈牙有口感。最讚就係個湯底，好香濃又好味，湯底俾我清晒。檸茶唔知佢用咩茶葉，茶味唔濃但味道幾得意。隔離檯食緊海南雞飯，看似好好味，因佢都清晒碟，等我下次試下先。環境清靜，只是選擇不多。