吉利尼 (已結業)

見到主打新加坡野，決定今日試一試用餐環境有分室內室外，室外方便有帶狗狗嘅主人可以同寵物一齊坐定定。室內環境都唔錯，就算2人枱都唔會坐得迫。衛生情況都唔錯。食物今次叫左豬頸肉喇沙，枷椰多士同美祿咖啡。喇沙方面，湯底真係lam lam脷！椰香味好夠，不過多咗少少油。由於預咗我會唔夠食，特登+$15 要份枷椰多士同新加坡嘅一樣！！！ 正呀！價錢方面一個餐加多士大約80個大洋。我覺得少貴，但味道都唔差，值得試下！服務方面舖仔細細，人手都唔係多，要自己岀去落單先。但我覺得店員都算有禮貌，收野都好快手。下次如果想high tea 都會再黎！！！

食物還可以，飲品也不錯。可是服務態度極之需要注意。他們請的員工像茶餐廳的服務一樣，可是我們惠顧的不是茶餐廳啊，為何付錢後其中一位員工永遠多謝一聲也沒有。我惠顧了很多次，廿四元一杯的飲料不是便宜，卻永遠一聲多謝也沒有，我有次看到她對其他顧客也一樣。而且是永遠都一樣與顧客有誤會時，他們第一時間就是像茶餐廳的員工一樣那麼隨意豪放呢？沒有禮貌地怪責客人呢？一點尊重也沒有。我會打電話去投訴，多謝你們的服務態度，非常出色令人嘆為觀止。

難得有室外既餐廳，其實我都係第一次黎呢條村，唔難揾，差在無泊車位。餐廳係屋村商場內，室外坐位坐得好舒服。下午茶餐又唔算好貴，味道可接受，不過凍飲就貴左dd喇，餐補差價+$4, 塊多士跟餐+$15, 等於出面單叫多士，但多士又真係好好味，2人食左$106, 都可接受，因為比帶狗坐室外係我最like。另如下午茶餐有海南雞飯就更加好，喇沙又係無係tea set, 麵餐tea得2 款，$36-38, 可以接受喇，都唔算少款，馬來西亞野來來去去都係得呢d, 黎到都預左，貴精不貴多，香港人又真係唔太接受。最重要悠閒坐多陣都無趕我走，如老遠食完即走就差緊d喇，不過就幾驚抄牌，一陣整張320 , 呢餐就貴lu, 不過可能有位泊而我地唔識路喇。

今午路過見有間星馬餐廳便嘗試一下。剛好是吃午飯時間，但餐廳的顧客寥寥可數，有些可能喜歡它比較靜，留在聊天打發時間。既來之則安之，點了招牌喇沙跟紅茶及一客所謂特制腸粉。收我83大洋，應該有些期待。在櫃臺點餐付費後，食物5 分鐘陸續送到。喇沙湯底還可以略嫌蝦味不夠。粉條及配菜一般。腸粉跟一般車仔檔沒分別，醬汁亦不濟。可以不叫。紅茶可能是一般茶包加糖，亦沒可取。如果叫價平百分之二十就較為合理。不過，不去你是沒有損失。

來到Killine 室內座位吃個早餐,室外食客不停抽煙,煙味湧入店舖內. 原來廣源邨有這樣一個吸煙好地方. 無管理員干涉的. 食物方面 , 可以, 只是份量比較少. 飲品都可以,不過未試飲過咖啡.

話說1/1單車團踩完大冷準備返歸, 見口痕同友人由孖橋踩上來食個tea...友人推介話個咖椰多一定要食嚟到打個凸, 屋企對面有啲咁清幽環境嘅屋邨茶仔嘅???咁2話不說就叫咗咖椰多啦, 店員見我哋踩完車慶恰恰, 就推介'凍酸桔', 既然係咁, 要埋啦等咗大約6-7分鐘, 兩樣都送到來; 一試, 個咖椰多咁邪惡嘅喂? 脆得來唔係硬嘅多士, 同埋滿滿一浸咖椰, 香得來唔係甜到漏嗰吓真係好得食咗件多士就隊啖嘢飲, 嗒落應該係柑桔蜜凍飲, 真係夠晒醒胃, 酸酸甜甜, 都真係幾啱運動完無乜胃口嘅我飲overall呢間嘢都幾得吓, 下次出完車都應該會再戰佢啲小食

可選擇的食物不多，價錢太貴。個人認為不太值這麼貴的價錢。但味道尚算可以接受。唯一可以說，比較好的地方就係餐廳環境同衛生都較茶餐廳好。本來打算高高興興去呢間餐廳食飯，而大部分店員都十分有禮貌，唯獨一位收銀戴住眼鏡既呀姐，服務態度超差。佢勁惡咁質疑"你呢張係咩學生證黎架？"講完仲好唔情願比優惠我，眼超超咁。作為一間公司，如果寫明有學生優惠，咁人地出示證件，你要比優惠都好正常。如果係唔想比優惠人，就唔應該寫出來。作為一個進修緊，讀緊書既學生，我覺得好似比人侮辱左咁。本人真誠地表示非常失望。

呢種類型的的星馬快餐店算少有，係屋邨開就更少有，所以特登走嚟試吓究竟質素如何。點咗『馬來米暹』，因為睇見嗰賣相幾唔錯。米暹原來係比較幼身嘅米粉，加上醬汁和西檸撈混而吃，幾爽口，米粉不會太淋，有點咬口，醬汁都幾夠濃，蝦算大隻都夠爽，另处頌有豆卜，雞蛋，芽菜等配菜。如果唔想越食越酸，就記得唔好濟太多西檸汁。至於杯星加坡咖啡就一般，唔係太夠熱。

收工後又突然懶煮飯, 咁不如搵下野食先 . . Click下Click下諗起廣源有間馬來西亞野食。好耐冇幫襯下咁就造就左依次既晚餐。位置唔算難搵, 巴士總站行去都係5分鐘內既路程! 可能時間尚早, 唔使等位. 點左餐就會有人拎餐埋位,方便。黎到依度當然要點杯奶茶。香滑有餘 . . 係甜左少少。下次一定要叫少甜!野食就睇相啦 . . 主菜甜品

沙田呢間Killiney位置真係幾偏僻,仲要搭巴士先上到,所以去到時都無咩人食,十分清靜.我地下午茶時間去到,3個人每人叫左個兒童海南雞飯餐,因為店員話比正常餐只係少1/10,仲要多2隻蛋,岩晒女仔食個海南雞飯唔錯,不過D雞有少少老,唔夠滑,但加晒入味,份量充足而咖椰多士加$12就可以換,食落好鬆脆,個咖椰醬甜得黎又唔漏,好重椰香味,食多一碟都仲得!

有時番學Lunch，都會上黎呢間星馬菜餐廳食，因為我覺得佢算係全廣源最好食同最有特色既一間。平日的中午1點幾黎到，唔洗等位，全間餐廳得意四、五木台客人，完全冇逼既感覺。餐廳主要使用啡色及深黃色等既木製傢俱和設計，令人感到心懭神怡。新加坡喇沙＄55黎到呢度，一定要試既非新加坡喇沙莫屬。喇沙除左米線外，配料有蝦、魚片、豆卜、芽菜、熟蛋，湯汁惹味唔辣，食得出係用椰奶調製，一試難忘。如果第一次食既話，你可能會覺得份量睇落好似太少，一定唔夠飽，但食到底你會發覺湯底中的椰奶會令有‘滯’既感覺，異常滿足。 

有時番學Lunch，都會上黎呢間星馬菜餐廳食，因為我覺得佢算係全廣源最好食同最有特色既一間。平日的中午1點幾黎到，唔洗等位，全間餐廳得意四、五木台客人，完全冇逼既感覺。餐廳主要使用啡色及深黃色等既木製傢俱和設計，令人感到心懭神怡。新加坡喇沙＄55黎到呢度，一定要試既非新加坡喇沙莫屬。喇沙除左米線外，配料有蝦、魚片、豆卜、芽菜、熟蛋，湯汁惹味唔辣，食得出係用椰奶調製，一試難忘。如果第一次食既話，你可能會覺得份量睇落好似太少，一定唔夠飽，但食到底你會發覺湯底中的椰奶會令有‘滯’既感覺，異常滿足。

係廣源呢個屋村入面，Killiney算係數一數二好食既餐廳，價錢都過得去，份量都算幾多下，但選擇就比較少，因為餐牌從來都唔會變。呢間鋪都算幾細，平日黎到都冇乜人，係假期先會滿座，今日夜晚黎到都唔使等位，因為成間鋪得兩檯客。落單形式係要自己行出收銀買同俾錢，之後就會有人送到去你張檯到，唔使自己拎餐咁麻煩，都算幾好。今次嗌左個星洲喇沙，都算係招牌菜式架啦，份量幾大碗，賣相幾好，落單等左幾分鐘就有得食，效率一流！配菜都十分之豐富：雞蛋，芽菜，蝦，魚片等等，湯底十分惹味同開胃。另外可以用$12加錢換一份多士，新鮮焗起又香又脆，牛油同咖耶醬既比例岩岩好，同friend share一份真係飽到不得了，望到都流哂口水呀！另外杯奶茶就係用淡奶沖既，幾香，亦都夠大杯，食完一大堆惹味既主食飲番啖都當堂冇咁滯~環境黎講都算坐得幾舒服，位置夠闊落之餘仲有梳化卡位，值得繼續幫襯呀~！

小編常在學校，通常只得1小時左右的時間去吃飯，所以通常都只可以去些附近的餐廳草草了事。來到廣源村，眼見都是些普通的餐廳，如McDonald和大快活，稍有失望。誰料到在另一邊有Killiney！Killiney是間專門售星馬菜的餐廳，小編不管了，就決定是Killiney了。以環境來說其實Killiney不像普通的茶餐廳，裝潢上也頗講究的，感覺上也頗整潔，令人稍有放鬆。餐廳的點餐模式和大家樂類似，需客人自行找位子，然後到點餐處點餐，不同之處就是這裡不必客人自己拿餐。小編以前在尖沙咀店吃過一次，叫了「咖哩雞飯」，所以這次想點些別的，所以便點了「新加坡喇沙」再加一份「咖椰」。食物很快便送到，只等了10分鐘便有了。2款食物的外貌也不錯，叫人食慾大增。先說說「咖椰」。咖椰來到的時候，其實小編完全沒有期待過會是熱熱的，但是這份咖椰超出小編的期望。熱熱的，裡面也是甜度適中，比起小編在外面吃過的咖椰更為美味。另一方面就是「新加坡喇沙」。喇沙辣的程度是小編可接受的範圍內，材料質感也新鮮，麵條的軟硬程度更是適合小編。總體來說，Killiney榮登小編廣源餐廳中的最愛。

今次是第二次到訪，吃的是「新加坡叻沙」。濃湯十分惹味，很重的椰奶口味，而且有些辣。一絲絲軟硬適中的米線上，有魚餅、中蝦仁、芽菜、豆腐卜、一全熟蛋，可惜份量不大，令人意猶未盡! 碗上有香草碎，加上一匙羹森巴辣椒醬，在炎熱的夏天，吃了令人大汗淋漓!甜奶紅茶: 甜度十足，奶味重而茶味淡。冰量數粒。希望將來menu上可新增更多食品和飲料。