吉利尼 (已結業)

難得有室外既餐廳，其實我都係第一次黎呢條村，唔難揾，差在無泊車位。餐廳係屋村商場內，室外坐位坐得好舒服。下午茶餐又唔算好貴，味道可接受，不過凍飲就貴左dd喇，餐補差價+$4, 塊多士跟餐+$15, 等於出面單叫多士，但多士又真係好好味，2人食左$106, 都可接受，因為比帶狗坐室外係我最like。另如下午茶餐有海南雞飯就更加好，喇沙又係無係tea set, 麵餐tea得2 款，$36-38, 可以接受喇，都唔算少款，馬來西亞野來來去去都係得呢d, 黎到都預左，貴精不貴多，香港人又真係唔太接受。最重要悠閒坐多陣都無趕我走，如老遠食完即走就差緊d喇，不過就幾驚抄牌，一陣整張320 , 呢餐就貴lu, 不過可能有位泊而我地唔識路喇。