吉吉點 (已結業)

觀塘區真係好多野食，今日同女朋友黎開呢面睇中醫，因為我地兩個都係茶精，於是就順便來到<<吉吉點>>飲茶。門口好易認，好光猛，不過要注意的是門口位於橫街中。餐廳雖然唔大，但都坐得幾舒服。鍾意食乜就劃乜，同普通飲茶一樣。先來的是<<薑蔥牛柏葉>>，牛柏葉入口好爽，小小小辣得來惹味。<<蜜瓜脆脆卷>>，很特別，外面很像沒見過。入口脆脆的，密瓜味很濃。內層是流心的。<<奶皇包心煎堆仔>>一碟三粒。外層是芝麻粒，內層是流心的奶皇。外脆內軟，芝麻香與奶王香夾雜，層次豐富。<<鮮牛肉球>>，我最愛，夠野味。<<章魚雞粒飯>>，雞粒入口滑，章魚肉令到整個蒸飯變得野味，加上鼓油的配搭，非常開胃。

老友話帶我去飲茶，我問佢去邊間酒樓，佢答我去佢就知喎。行下行下，佢話到左，我話咪玩喎，邊有茶樓呀，佢指住條巷仔話裡面就係，我心諗咁隔攝邊會有好野先。個人比較鍾意食腸粉，老友介紹我呢個布拉腸粉，呢份腸粉係無餡，心諗應該無咩特別，腸粉質地夠薄，但係頗挺身，幾有口感，腸粉身夠滑，但唔係靠油所以滑，本身係幾乾身，所以腸粉味道係由自本身質地而非醬料。腸粉食完無餡就食有餡既，呢份係牛肉腸，腸粉皮夠薄夠嫩，牛肉餡就好飽滿，仲有蔥粒係裡面份外香滑，至於牛肉就僅熟，免治牛令腸粉更滑。至於蝦餃皇都係幾有皇既味道，因為蝦肉餡夠飽滿，而餃皮就係好煙un既口感。最後食埋甜品，係紫薯酥黎架，酥皮夠脆薄又好有油香，而酥皮一塊塊好薄咁包住紫薯餡，餡就唔會勁甜，趁熱食係幾鬼正，不過好飽肚食唔到好多舊。呢間本土小店俾到驚喜我，飲茶唔一定要酒樓既。

有時都會約個朋友去觀塘APM 行街加睇戲，睇完戲就緊係唔少得食番餐晩飯，一行去睇APM個水牌，全部都係連鎖餐廳，真係有d揀唔落手，朋友見我天然呆左一陣，就介紹我去牛頭角站附近既呢間用心製作既小店-吉吉點。平時都非常鍾意食點心，貪佢一盅兩件，可以點多幾樣，多d款揀~燒汁煎虎椒煎得好香，虎椒少少辣，更香口，而且以燒汁代替豉油，更加好味，咸咸地甜甜地，加埋木魚片，味道更加好！薑蔥牛栢葉牛栢葉爽口彈牙，煮得夠林又唔會好靭而且好入味，加上薑蔥絲，更加香口，比一般酒樓更好味蟹籽燒賣燒賣舊豬肉唔會太肥，因為冇乜肥豬肉，所以幾彈牙，有肉質，而蟹籽增強口感，match 得好好香煎餃子餃子煎到金黃色，個皮好脆，一咬肉汁標哂出哂，要小心燙口，好多肉汁，點少少醋，perfect楊枝金露芒果汁底好重芒果味，加上當造既芒果，又甜又香芒果味，加上少少柚子，加強口感，為今晚晚餐畫上完美既句號所有點心都整得好有心思，而且味道好好味，絶對好過好多酒樓，唔怪得知多客人到要等一陣先有位

同朋友兩個人第一次來，本心心情靚靚試新野，但由頭到尾都令我地好無語，心情直線下降。總結幾點:1.服務態度差2.冷氣不足3.坐的唔舒服，4.安排差，明明有位置卻由得客人係門口等，得我地一台等，都可以俾人打尖，重點係居然俾人打尖都冇發覺，總要我地指出有人打尖，距先立刻安排位置俾我地，真係好好笑咯，做生意做到咁，絕唔會介紹朋友來吃咯，費事吃到一肚氣。

放工都已經三四點，下午茶時間真係唔三唔四食午餐份量又怕飽，突然醒起附近有間點心店一直都好想試，所以就去左哩間點心店試下又唔洗叫太多嘛。巧合撞正下午茶時間，唔洗等位即刻坐低，我地一行三人叫左好多樣野，整體上都幾好食，特別我幾欣賞叉燒腸粉，腸粉入面有生菜，一般既腸粉涵都無菜，但哩度既腸粉食入口似生菜魚肉味，我幾中意。而千層珍珠雞都係哩度幾有名之一，食左一啖，好有層次同埋糯米又軟熟，味道岩岩好，容易入口食落唔會覺得濟。我地亦都叫左聽落好普通既鍋貼，熱呼呼咬左啖，好味皮又薄涵多有湯汁，係意想不到既，係點心店可以食到鍋貼店既質素

今日假日有個住係觀塘既朋友佢帶左我黎呢間點心舖食。相信真係只有街坊先識黎，因為佢係街市旁既小巷裏面。但入到去好光鮮，好明顯係新式點心舖，依家啲新式點心舖好似手工啤酒咁周圍都有一兩間。潮流興fusion，點心都要革新!咸水角都加入左芝士，芝味濃。又香又濃，外脆內軟，外皮煙韌。咬開一半，你會見到裏面粒粒肉粒都有芝士包圍，芝味滿滿。一盎兩件既歲月已經過左，但無阻我地叫飯食既決心。意外地，個飯好大碗。章魚雞粒都好多，好足料!好彩兩個人黎，但同女生黎要量力而為啊!最後重叫左蝦餃，但佢唔係普通既餃，係鮮蝦蒜蓉餃。蝦肉係好彈，蒜蓉好香，但唔會太濃味太搶，不過餃皮唔夠晶瑩剔透，要比心機啊!睇好你地。

是夜沒有飯開剛好跟朋友經過牛頭角見到有手工點心，即叫即蒸，又可外賣自取，幾好，而且款式夠多選擇，款式新穎，可以試試，2人回家一同品嚐想不到其環境亦不錯係花多眼亂下我選了以下幾款另外提提大家，外賣係每個盒需加HKD1架有飯有湯有點心甜品，不錯又經濟的晚餐仲可食多幾款個湯好清，不過愛吃湯料的我喜歡多些'渣'吃而不是單單飲湯有湯當然有飯點心個人頗喜歡其食物及款式，下次帶喜歡中式食物的家人再來嚐嚐！^_^

以前食點心，都一定係要朝早、中午又或者下午茶喺酒樓先有得飲，但係近黎開左好多間點心餐廳，而家早午晚都可以食點心，我咁鍾意食點心，啱哂我!而且有部分點心好有特色，而且可以加少少錢飮花茶，好特別!晶瑩蝦餃大大粒，皮薄餡靚，蝦肉大大舊，而且好爽口，味道仲好過某d大型連鎖酒樓薑蔥牛柏葉薑蔥味加上莞茜碎同少少辣椒仔，好香好惹味，牛栢葉好入味，蒸得夠哂林，又林又入味，食牛栢葉既人，一定要點呢個點心香滑牛肉腸粉腸粉皮好滑，牛肉好有牛味，而且又好滑，加上甜豉油，perfect燒汁木魚煎虎皮椒煎得非常之香，煎到椒味好香，而且魚肉釀得不太厚，所以煎得好香脆，加上燒汁，堅．好好好好味真係估唔到點心餐廳既點心仲好食過好多連鎖酒樓，而且有d點心好有特色，一定會兩來!

今日去探朋友呀，所以朋友介紹呢間餐廳話好多街坊都like, 我初頭以為門面似係食雞煲或者火鍋之類，入到去先知係食點心既，的確有點估佢唔到呀。呢度點心都係寫紙，但係佢地既點心有傳統，又有特別既點心。先黎一客奶皇煎堆仔，煎堆仔黑古特日，比平時既煎堆仔呈金黃色係較為失色喎。表面係佈滿芝麻，而外皮係黑芝麻味，而且幾脆口喎，裡面既餡係奶黃，細細舊餡唔會溜，起碼無奶皇包咁劑呀。跟著試左客類似春卷既物體，青BB我初頭仲以為係wasabi, 外皮一咬係超脆既，比春卷還要脆係因為皮係用酥炸既皮，呢層皮的確無得輸，內餡係蜜瓜蓉，甜甜地但係唔會流心咁誇張，而家開估呢客叫做蜜瓜脆脆。食左咁多甜野，要食返樣鹹野先。叫左鍋經典既鳳爪排骨飯呀。雖則係迷你版，但用料唔馬虎，排骨係半肥瘦所以比較滑身，鳳爪就入晒豆鼔味道，至於飯底滲入左排骨同鳳爪香所以幾惹味。欣賞呢度除左傳統點心外，有好幾樣特色點心，有創意之外又有水準。

因為收工要去拎淘寶，又未食野，路經呢間話2蚊點心，即入去醫下肚先。入到去地方整齊乾淨，炎夏入去冷氣都幾足，哈哈，坐得都舒服，兩人嗌下嗌下嗌左八樣野，但價錢平得過分，真係平靚正丫！流沙包：好好食丫，即嗌即蒸，包好軟，流沙多，但又吾太甜，我自己一個人食左兩個都仲想食丫！蜜瓜脆脆卷：呢個最特別，因為出面冇食過，而且又平，做特價先2蚊，但吾會hea，大大條，脆卜卜，入面係蜜瓜流心，熱辣辣正！蘿蔔糕：又係2蚊特別嗌嘅，煎得好香，外脆內嫩，仲要份量多，共六件丫，好多人客都有嗌呢個！鮮蝦蒜芯餃：飲茶緊係要食返蝦餃先叫飲茶啦，又係冇得輸，皮薄涵靚，好味道！鮮蝦腸粉：喜歡它切到大小適中，放便食，腸粉好滑，件件都食到一至兩粒蝦，落足料！蟹子燒賣皇：兩大粒，但好像蒸完少少乾左d，係呢個期望高左d，不過都係好食嘅，係乾少少姐。牛拍葉：係我個人喜好，落左薑蒽，少少辣椒，分外惹味。香滑鮮奶凍：作為飯後甜品，奶味濃郁，凍透心，好味又圓滿丫。最驚喜係個價錢，大家估下食左八樣，嗌左香片茶，total幾錢？？？先129咋，真係堅平，正！值得推介！

相信好多外國人知道香港有樣野叫鴛鴦既時候，都會覺得好奇怪同不可思議。但如果佢地知道有樣點心店係可以飲咖啡既話，相信會以為自己置身火星，因為地球真係好危險。唔好講外國人，我自己初初聽到既時候都嚇一跳，心諗，乜兩樣野夾得埋既咩。不過兩樣都係我鍾意食既，所以我就黎食下啦。鍾意飲咖啡既我，黎依度點左個"仙履奇緣"，即係鐵觀音咖啡。到既時候嚇我一跳，因為個拉花絕不欺場，就像正宗咖啡店的華麗水准，甘味道又係點既呢? 飲落溫暖，味道方面，就茶味比較重啲，咖啡味就偏淡，但不會相沖，都算幾好飲。不過，可能我都係鍾意飲真，咖啡多啲。跟住我又食個手拉腸粉，睇下佢啲點心究竟有冇質素，估唔到又幾好食，真係新鮮整既腸粉，薄而柔軟，帶有米香味，十分不俗!

今日朋友介紹呢間新派點心店試下，環境ok唔會好似酒樓咁嘈，岩哂鐘意食點心但又唔洗同人逼既我。店鋪細細雖然冇酒樓咁大，但點心既選擇種類都唔輸蝕"冬菇鴨胸荷香籠仔飯"份量十足，上枱時荷葉飄香，米飯粒粒分明，冬菇及鴨胸味道滲入飯粒裡面，食時香味十足 "蜜瓜脆脆卷"炸起冇耐，十分香脆可口，食時要小心裡層既流心餡燙嘴，呢款點心真正做到外脆內軟既效果，食落甜滋滋，小妹我超鐘意食啊~~~"馬拉糕"平時飲茶必定會食既，熱辣辣食落非常鬆軟，但冇話特別好食 "鳳瓜排骨飯"細細盅，同樣冇咩特別"蒜心鮮蝦餃"外皮同普通蝦餃皮冇咩分別，餡料既蒜心同鮮蝦配搭都唔錯，蒜心香味十足，蝦肉彈牙

雖尚未七老八十 但我最喜歡假日到茶樓喝茶瘋狂時更會自己一個人去喝早茶 吃特價點心坐一個上午 十足老奶奶的生活近年很多店家加入不同的創意元素為點心翻盤 吸引年輕一代的注意力這天就相約朋友在吉吉點一探究竟我們點了：餐單上說明手工點心是現點現做 需時等候 但這道煎餃外皮完全不脆 照理說現做的咬下去應該會有「卡嚓」的聲音吧？ 餡料是不錯的 也夠熱 懷疑是蒸熟而不是現煎的？這個流沙包一籠三隻 富有蛋黃香 色澤金黃 趁熱吃非常流心伏中之伏！ 看其他評論推薦這道點心的人不少 但我只吃到滿嘴油渣味 紫薯餡很足也救不了外層的鐵鏽味 三件我們都只吃了一口就放棄了很正常 我本人很愛吃蒜 這個對我而言略嫌清淡味道就是少了芫茜的叉燒腸好吃！ 入味！ 爽口！我們就是沖著這道創意料理來的 結果。。。香精味太多 不真實 而且太甜了 吃一口已經不想繼續 嗜甜的可以一試不值這個價錢 我印象中的灌湯餃就算不是真材實料的魚翅也會有幾根粉絲吧 這個只有一些蟲草？的東西飄在湯裡 而且湯頭的味道也很怪 菌味很重 相信這才是現點現炸的！香脆可口 蝦肉鮮嫩彈牙今天最令人歡喜的一道菜 外面的白芝麻很足 咬下去很有口感 黑色外皮是黑芝麻味

今日放假, 咁啱媽咪今日又係屋企, 就一齊去飲下茶喇. 不過今日唔係去酒樓, 而係去咗一間位於觀塘的點心餐廳. 食完野順便可以去APM行下街. 呢間點心餐廳之前食過一次覺得唔錯, 今日特登帶媽咪黎食下.叫咗幾款點心: 潮洲蒸粉果, 灌湯餃, 鳳爪, 牛肉球同埋馬拉糕加埋個老火湯 (好多野食 XD). 同一般酒樓唔同的係, 除咗會有普通茶, 仲有花茶同埋咖啡可以揀, 我本身想叫花茶, 不過媽咪鍾意普洱. 就揀咗普洱喇. 坐位方面以4人枱為主, 適合返小家庭黎食. 不過坐位唔迫, 坐得都幾舒服.食物方面, 呢間點心調味做得幾好, 甜品同咸味都唔會過火. 我自己比較喜歡粉果: 一客4粒, 皮夠煙韌, 裏面D餡料夠爽口唔會一pat pat, 唔錯. 灌湯餃: 個湯好濃 (看圖) 而且有蟲草花, 灌湯餃裏面都好多餡料好豐富, 味道做得幾好! 鳳爪同酒樓個D唔同, 佢個"Hin"唔會打得好杰, 鳳爪食落軟硬度適中, 我同媽咪都幾鍾意.總括黎講, 呢間點心做得唔錯, 足料又無乜味精, 如果得閒會再黎幫襯

本身Lunch 時間九龍灣附近已經好多人, 加埋落雨就更加唔想落街. 所以今日決定叫外賣上公司食. 呢間吉吉點之前堂食已經試過一次, 質素唔錯. 後來見佢有做送外賣, 所以今日試下叫. 手機落咗單, 等40分鐘左右已經送到上黎公司喇.一個人食唔到咁多野, 叫咗個老火湯, 蝦餃燒賣同一個鳳爪排骨飯. 老火湯好多料, 而且飲落夠火喉夠味, 飲得出真係煲出來無味精, 而且冬瓜好啱夏天飯, 好消暑呢~ 蝦餃燒賣可以叫半份(2粒), 啱晒我呢D鍾意獨自嘆點心的人, 可以食多款. 兩款都好飽滿足料, 蝦肉都好彈牙, 雖然話係外賣但送到上黎個皮無爛亦都無淋patpat, 質素都keep 到! 鳳爪排骨飯 - 飯粒夠爽口而且都好香, 值得一讚係豉油會另外附上, 唔會浸到淋晒. 整體來講外賣質素都可以keep 到, 實在難得. 重點係, 叫夠$60就可以送貨, 自己一個人食少少野都OK.