吉野家 (已結業)

金蝦天丼 $40 配汽水/麵豉湯/日本茶早兩晚到吉野家吃晚飯，發現他們推出了金天丼系列，都蠻有新鮮感的，見價錢不算貴便試試看。這個價錢來說賣相尚可吧，都知道不能跟日本料理那些七八十元的天丼作比較的。這款的配料有兩隻天婦羅蝦，一條蟹棒，一件香菇及兩塊南瓜，另有碗醬汁可用來拌飯吃。這個系列還有款是唐揚雞天丼（沒有天婦羅蝦）和極尚天丼（有齊唐揚雞和天婦羅蝦但就貴$8）。整體味道都是一般而已，除了蟹棒之外，其他都炸得尚算脆口，可惜蟹棒炸到非常乾硬，完全沒有蟹棒的口感。。感覺這款飯製作得蠻馬虎的。。雖然價錢不算貴，但已吸引不到我再叫這款飯了，下次還是點牛肉飯會比較穩當吧。

今晚同黃兔試下吉野家新野龍蝦火鍋，叫兩個龍蝦湯火鍋就可以加＄68有一隻龍蝦，會分開兩邊。感覺好抵食！湯底有香濃龍蝦湯味，至於火鍋料有青口（細隻好彩無沙），蝦（估不到好爽口），肥牛（太肥肉色比較暗，比較遜色），冬菇玉米菜等等，而主角龍蝦以68蚊來說size算大隻, 蝦身重長過對筷子，而且重有蝦膏，都唔錯再煮熱返佢，龍蝦肉不會大縮水，肉質還爽口呢龍蝦鉗竟然啖啖肉，感覺好抵食，但嫌食半隻唔夠喉不過最後都食到好飽

吉野家有如童年回憶，學生哥時期貪佢又平又好食。出黎做野之後都好少食啦，今晚屋企冇煮飯，呀媽心血來潮話想食牛肉飯，咁就陪佢去食啦。呀媽叫左個大牛肉飯餐，都算好大碗，食完夠晒飽，牛肉入晒味，保持到一向的水準。我就叫左佢的牛肉火鍋餐，58蚊包埋個讚岐烏冬，另外仲可以加錢配埋其他小食，我就加左個午餐肉（$9 三塊）。湯底有幾款，我叫左個濃湯，但都好淡味，食落好似冇味咁，要加豉油點先得，記得以前食過乜都唔洗點已經好夠味。以而家物價咁高食個吉野家晚飯都算抵食，但味道感覺已經比以前遜色了

今期吉野家有新款邊爐蕃茄牛肉/雞肉蜆肉海鮮窩😍等緊既時間已經好香，都多蜆肉唔會得殼加了好多餸，金菇、流心芝士丸和響鈴等等。加好多餸都唔會好貴。而且淘大既吉野家好大，冷氣又夠，所以食得好舒服，唔會好逼。所以我成日都同朋友去食，又飽又傾到計。

每次來吉野家都必食火鍋。點左例牌的芝士竹輪火鍋，熱燙燙的，最喜歡日式清湯底，之前試過日式濃湯但嫌太咸，清湯味道較適中。配料的芝士竹輪咬開就有芝士爆出，小心燙傷舌頭。味道好好。最後用烏冬配芝麻醬塞飽自己，完成簡單的一餐。

是咁的，某日收到某電訊商嘅客戶優惠，話買個餐送溫泉玉子，咁我平時都唔會特別加錢食隻蛋，難得有 offer 當然要食下啦呢日做完野就係時候拎個優惠出黎食 lunch，原本諗住求其食個牛肉飯，點知去到發現佢新出左個黑松露芝士牛肉飯，黑松露我平時都唔會食到，既然只係貴牛肉飯幾蚊就當然試下啦跟餐小弟指定係飲麵豉湯，得閒飲下熱野都好嘅，不過唔係主角嘅野，唔係太難飲就得啦至於隻溫泉蛋呢，正宗嘅食法係煮完要放係低溫度（好似係），所以隻蛋凍凍地咁其實幾好，同埋蛋黃都做到流心嘅效果，整體都唔錯，不過如果加翻啲冷麵汁會仲正然後就到（搶左溫泉蛋 focus 嘅）黑松露芝士牛肉飯啦黑松露芝士牛肉飯（跟餐有野飲 $46）首先講下黑松露，我食落去係 feel 到幾大陣唔知係咪黑松露味嘅黑松露味，咁講係因為我真係未食過黑松露，我只可以話個味道都幾重，只要果啖係有小小黑松露就一定食到果陣味如果真係要形容，我會形容為「唔係變壞左嘅腥味」（😂），強調一下，唔係變壞左，唔係變壞左，唔係變壞左如果真係想試下係咩味，即管食一次啦，我唔敢寫包單你一定會鐘意，但係最少我都接受到嘅（但係唔會無黑松露不歡囉）至於芝士呢，我覺得係配翻黑

有冇人好似我咁 鍾意放哂所有料落去煲粥？😛再落薑片同好多辣椒片(雖然都唔辣😅)好似食緊粥底火鍋咁架😋雞肉keep住有八舊 但細左好多牛肉亦少左 啲粟米又愈來愈短😂不過$12x食個晚餐又真係幾抵 久唔久都會黎😋

上個星期去左食吉野家100分鐘一人一鍋任食任飲火鍋放題🔥大人 $149 位小童 $109 位四人惠顧仲可以加 $1 得到一板海膽！德福分店有雪糕櫃枱所以火鍋放題仲可以任食雪糕㖭～性價比都算幾好!食物款式都唔少出面少有嘅芝士竹輪真係好好味可以任食佢已經大滿足 可以食番夠本雪糕味道正常，仲有toppings加落去服務黎講出奇地好收碟速度理想唯一缺點真係枱太細同座位之間迫同窄依個火鍋放題喺德福分店只係做幾日不過佢不定期喺唔同分店推出所以大家可以留意下

Al dante Japanese rice, onsen tomago, char grilled fish with drink is only around $50, Hong Kong fast food restaurants should learn from that.

好耐無食吉野家 見佢有新野試下先芝士黑松露豚肉飯 $42連飲品實物同圖相差吾算大中間真係有一pat黑松露同芝士個醬汁都幾杰身 撈云食個飯會有點濟胃味道方面真係一般 個芝士無芝士香 成個飯淨係好重味好漿口 豚肉份量又吾多 得幾片仲要好薄身整體吾算難食但一定吾可以叫好食囉下次我一定食番三文魚子算喇

除了吃雞之外，我最享受的就是一個人食飯。就像某個節目話齋：好在一個人。一個人看電影，一個人食飯，雖然孤獨但自由自在，飲食不受限制，多好。九龍灣淘大花園有幾個好處：戲院票價便宜、食肆選擇多、鄰近港鐵站。剛剛觀看完電影，又想吃下午茶，心血來潮想試試「吉野家」，於是跑去光顧。看見有個「午後手作＿鍋」的新玩意，好奇之下買了一個餐試試。「吉野家」近年晚市經常有火鍋套餐供應，比起「K _ C」，「吉野家」推出火鍋並不稀奇，奇就奇在午間也有一人火鍋，不試試怎對得起江東父老？沒有雞肉火鍋，我選了金菇牛肉火鍋。湯底攪不清楚是甚麼，大概應該是蕃茄湯底吧。麵底他們說是韓式拉麵，沒所謂啦，反正湯底並不辣。吉野家長期有牛丼賣，肥牛一定不愁沒有貨，牛肉是一貫吉野家的水準，沒有特別驚喜，合格有餘就行。温泉蛋我懷疑我滾得太耐，快熟透了。整體來說，這火鍋算是合格了，很美味，我把它吃完了。

如果你工作累了 去吉野家食飯個21蚊下午茶 再加兩蚊叫飲咖啡 簡直係醒腦提神叫吉野家牛肉飯是一定要加一個牛汁， 唔好睇個牛肉汁好似好多油咁樣，呢個係一個食細牛肉飯的精髓黎另外咖啡簡直既餐既精髓 ，一路以來吉野家既咖啡都係非常之好飲既 我最鍾意飲既就係齋啡記住 走糖走奶

我有一點牛丼和shabu shabu的心癮，平均每星期都會食一次吉野家！多數不是到最大間的旺角旗艦店，就是到鄰近屋企的分店，今次朋友有約才特意走過來九龍灣淘大分店。原來淘大分店是新裝修重開，環境寬敞且非常企理，有不同類型的枱椅供選擇，還驚發現有電磁爐枱！@0@ 不過午飯時間沒有火鍋，就嚐嚐新推的豚丼吧！醬煮豚肉飯豚丼很快到手，看看賣相有點似牛丼，只是中間多了一點紫紅色的漬物。豚丼舖滿薄薄的豚肉，份量比想像中多，想必一定吃不下整碗飯。一吃之下，非常有驚喜，汁煮的豚肉味道濃郁之餘，鹹度輕怡、略帶甜味，入口爽口軟腍，卻不覺半點肥膩，我相信豚肉是來自丹麥的，沒有騙人吧？！吃厭了牛丼，間中吃一下豚丼是不錯的選擇呢！美味指數：★★★★☆星星蜜桃茶（套餐加$7）雖然我是吉野家常客，沒留意飲品有其他選擇，還以為只可樂、綠茶和奶茶，朋友將飲品升級做星星蜜桃茶... 難道來自星星的蜜桃茶？！​原來星星是茶裡的蒟蒻啫喱，蜜桃茶的蜜桃味與茶味都算是來得自然，但甜度輕一點更好，蒟蒻啫喱微甜的爽彈煙靭，我很是喜歡，把所有星星都掏出來吃光！美味指數：★★★★☆