吉野家 (元朗廣場)

營業中

休息中

香港嘅天氣又凍返 咁啱吉野家又推出左新嘅火鍋叫做特盛相撲鍋 喺元朗廣場經過見到就好想去試吓一鍋有齊牛肉同半份雞肉如果唔食牛 要淨雞肉都得呢個鍋多咗三條蟹籽魚條 1粒芝士丸同1粒牛筋丸 其他既配菜就同平時一樣 味道都無乜特別 其實只係份量多左少少 講到底 吉野家岀過咁多花款既火鍋 我都係覺得芝士竹輪鍋係最好食同抵食不得不提既係呢間分店店員既服務態度好好 會幫手揾位 執抬抹抬又勤快 又會主動俾個爐你幫你點火 仲會細心咁幫你放好個鍋 真係受寵若驚 因為係其他分店 個阿姐會主動拎個爐俾你已經係好難得 你都唔期望佢會抹枱

今日(28/09/17) 報紙仔有coupon，叫吉野家番茄通粉系列可以減兩蚊，所以去試番下！呢個系列有四款餐，試左「M1」，有厚多士、炒蛋、雞肉腸、午餐肉、番茄通粉同飲品，咁多野食就咁點都只係$25，好相宜既價位，今日仲有折…多士軟硬適中既幾岩我口味，因為食過其他快餐店同類厚多士，你會feel 到果d 隻包中間個心都係硬，即係唔新鮮，烘麵包唔等於可以隔夜law…蛋呢就一般，我覺得「大xx」果d 滑蛋好食d，可能佢地加o左奶。腸仔午餐肉ok 既，唔會係好鹹。個粉你見到圖中好似幾正常咁，其實係我特登攝左隻羹落去，份量又唔係話好細既不過好大隻豌好多湯law…不過味道我覺得幾好，少少酸，多多甜。凍飲唔使加錢架。

晏晝自己一個孤伶伶去左吉野家食下午茶，又唔會食得太豪，所以就去左一向都岩哂自友一條去毒食既吉野家，叫咗個雞飯有溫泉蛋嘅餐。雞飯我唔記得咗攞雞汁，但係其實本身已經夠雞汁架啦。雞雖然都算滑，但係就完全冇雞味。珍珠米不過係產自大陸，質素都算係咁。另外隻溫泉蛋就唔係好有蛋味，一食就知唔係高級野。有啲紫菜都幾香，配埋個飯一齊食冇咁dry！不過個價錢咁低，食物質素一般亦都係預料之內。日本茶普普通通，有啲茶味算係唔錯啦，只係純粹濕下個口。

無無聊聊，特登行成半個鐘去元朗廣場食飯。上一次食吉野家已經係幾年前。今日點咗個最傳統嘅牛肉飯望落去好似好多牛肉。其實我miss果個味道，甜甜地，話佢好食又唔係。當係comfort food, 我淨係食晒面頭1吋嘅飯。下一次食，應該係幾年後.....

吉野家推出了新口味，黑松露芝士系列有牛肉， 豚肉，雞肉三種～睇完個餐牌，已經覺得相當吸引，因為黑松露同埋芝士我都好鍾意咁一定要試吓啦賣相還算可以不過食完之後有少少失望佢既黑松露聞落係好香既食落味道有點怪怪⋯而佢用既係好稀既芝士汁無咩芝士味，反而好似奶味好重咁我覺得用番佢地之前芝士玉子牛肉飯果種芝士會好味好多因為呢隻芝士汁令到成個飯變得有點濕立立整體來講，這一個配搭味道其實唔係咁夾價錢亦都不太抵，（大）$48細（$28），試一次就夠

到吉家吃火鍋是我們每年冬季必做之事！今年我們試他們新推出的海鮮鍋，選了日式濃湯湯底：海鮮鍋最吸睛是兩條巨型蟹棒，大得未能完全放在鍋內！另外鍋裏也有四隻體積不算小的青口，其餘就是一般配料包括粟米，豆腐和娃娃菜。日式濃湯底比較清，但不會淡。本人認為比味噌湯底好(我們在另一天試了味噌湯底)，因味噌湯底夠香但不夠鹹。蟹棒巨型之餘也很美味，建議可以開始時可先拿起來放一旁，待湯沸了再放下去，否則鍋蓋子是合不上的因為我們一鍋兩份吃(我們食量少，一人一鍋吃不下)，我們追加了另一盤牛肉，日式餐肉和金菇。肥牛是典型吉野家肥牛質素，肥瘦均勻又夠薄，入鍋輕輕一灼已可享用！加上附送的胡麻醬，極美味一人一盤五塊剛剛好。日式餐肉質素比想像中高，跟餐烏冬 (亦可選擇韓式粉絲，公仔麵或飯) 十分煙靭，不會＂太粉＂。熱切期待一整年的吉野家火鍋完全沒有令人失望！每人＄50＂恰吓恰吓＂飽餐一頓，在今日百物騰貴的社會已叫人感動得説不出話了

元朗係一個被大媽霸佔了的區分， 今日去到元朗廣場既吉野家，見識得到~去到點餐， 排我前面既三位大媽， 全部都係講東瓜話， 不單止佢地， 連收銀果個， 都係講東瓜話。。。雞飯餐 $40非常大碗， 雜菜煮得好淋，雞塊都煮得好味， 皮有少許脆口， 佢既汁撈埋飯食， 正。。。

嘅相信個個香港人都會食過吉野家，除左價錢平之外，質量也不俗，而小弟今次就叫左佢新出嘅蕃茄牛肉公仔麵。牛肉依然係平時食嘅一樣，有肉汁，也有獨家嘅汁嘅香味。公仔麵就唔係出前一X，所以就不過不失不失。另外個餐仲包左腸仔。加2蚊仲有檸樂＊同加可樂係一樣價錢，所以檸樂係著數啲呢＊

好耐冇响吉野家食過早餐了, 今日有事請咗假, 所以可以一早去食, 叫咗一個粟米紫菜牛肉飯加埋凍飲都只係$20咋, $20有埋凍飲o既早餐真係冇乜邊處有, 仲有最愛o既牛汁, 加埋酸薑一齊食, 真係正, 本人最中意將d牛肉浸响牛汁肉, 加強牛肉味, 食完真係好有滿足感

奶茶，吉野家的奶茶還可以，奶味同茶味都OK米粉，味道都OK,口感不算好硬,就唔夠爽口，湯底味道好淡腸仔炒蛋牛肉，炒蛋唔夠滑,牛肉就一般,腸仔冇咩特別今日放假在家,早起身陪屋企人去吃早餐，就揀去吉野家,樓下茶記座位太迫，只有吉野家坐得較舒服，只志在陪下屋企人吃下悠閒早餐，我們去到元朗廣場分店並不太多人 ，而家吉野家有八達通方便好多，我們點了想要早餐，屋企人去揾位,我負責拎餐，我拎了早餐後就在屋企人搵到座位坐下,2人一起品嘗，我同屋企人一起吃一個早餐，這裡早餐都還可以，味道只是一般 ，吉野家勝在坐得舒服同可以坐耐一些都冇問題，可以慢慢享受悠閒時間

今日放下午去了博愛做物理治療，做完物理治療之後揾阿媽去下午茶，就去了元朗廣場吉野家吃下午茶，元朗廣場分店搬到這位置，第一次來這間分店，店鋪地方比以前個位就細咗些小，我們點了一個下午茶一起吃,叫了牛肉米粉(24元),屋企人加錢 要了什果賓治,牛肉米粉只是一般,牛肉冇以前咁好吃，口感好鞋,米粉就OK，反而賓治幾好飲，整體OK,服務都OK，環境都OK,我覺得飲品幾好,反而牛肉米粉十分一般 ，只可以是不過不失食物水準牛肉米粉，牛肉口感太鞋,米粉就OK ，湯冇咩味道可言什果賓治,我同屋企人覺得好好味服務我覺得都OK,另外，冇八達通俾錢十分不方便價錢我覺得不算太貴番吃較小來元朗分店

本來有15分鐘，可以買老麥，但星期六太多人，附近快餐只有吉野家，儘管一試早餐。煙肉、餐肉、炒蛋、多士早餐開盒就是上述各種食品，清楚排列，像展覽一樣，毫無連繫，好像寫了一段各句散亂的英文，完全沒關係、沒連接詞。炒蛋可說是早餐精髓，這兒的炒蛋，又老又實、又鞋口，是炒蛋中的劣品。煙肉較咸，但有肥有瘦，還好。餐肉薄薄一片，又鞋又鞋口。。。多士真的是純正多士，厚一點也沒有，牛油亦不見。反而熱奶茶夠濃夠茶味，加糖後不失茶香。但$26.9吃這樣的頹餐，實在不值，以後不吃。

Summer 時在元朗返part-time, 我的朋友帶了我來吉野家食lunch!我都是第1次來吉野家, 一食就愛上了!野菜煎雞飯簡單些來說就是日式雞扒飯 ~這個野菜煎雞飯賣相perfect! 雞扒及野菜近乎平均地鋪在飯上, 醬汁鋪了在雞扒上, 晶瑩通透!食落去, 飯靚, 夠熱, 出晒煙, 醬汁香濃, 好開胃! 雞扒亦煎得恰到好處及夠熱, perfect ! 但不太夠汁! (我第2次去其他分店先知可以問佢拎多d 汁)野菜包括西蘭花, 椰菜花, 蘿蔔, 四季豆, 在大快朵頤, 食雞扒飯同時, 也有蔬菜作伴菜, 非常健康!$30 多元一個這麼好吃及健康的飯, Service 及Environment 均令人滿意, 抵食!

自從吉野家搬到一樓後，感覺就是不就腳。這個鋪曾經營過不同的食肆，但最後都是結業收場。今次吉野家要爭氣啊！今天點了最簡單的和風牛肉飯餐及日本茶。這裡的牛肉算是不韌，牛味也不差，加上炒過的洋蒽及牛肉汁，飯也有咬口。以這個價錢真的不錯了，只是牛肉比較肥吧！奈何，身邊的家人朋友都不喜歡吉野家的出品，希望這廉價食肆能夠繼續生存吧！