吉野家 (元朗廣場)

營業中

休息中

讀書時候好鍾意去食吉野家，貪佢又平又抵食兼且好食，傳統和風牛肉飯真係做到同日本當地食嘅味道一樣😋人年長了就少咗去食，因為碗飯實在太大碗，就算點細碗都一樣多😬今日路過元朗廣場，見到吉野家廣告牌，心血來潮突然有股衝動我要去食，就上咗一樓搵佢😛正值午飯時間，店內已經人頭湧湧👨‍👩‍👦‍👦原來E家佢地都有出學生餐👍🏻太耐冇嚟，種類多咗好多，除咗牛肉，仲有豬、雞、魚😛雖然係多咗有得揀，但我仍然鍾情牛肉飯😍🔸牛肉生薑燒$38同和風牛肉飯比較，洋蔥冇咁多，但多咗芋絲，牛肉片鋪滿飯面，我要多汁，店員會另外用醬油碗奉上，重點係唔駛加💰哦🤫🔸䐁肉飯$42對於唔食牛嘅朋友可以有得揀👏🏻👏🏻做法與牛肉飯冇分別👍🏻日後可以多番d機會再來😊

我諗香港人冇乜人唔識吉野家，特別係後生仔女，事關香港吉野家都算係一間高質素嘅連鎖店，尤其係夜晚6點後就有得打邊爐，一大班人食又得，一個人食都冇問題。平時食開芝士竹輪鍋，不過今期就轉咗款叫做「福袋鍋」，其實都只係多咗一件腐皮裝住年糕嘅食物。同女朋友一齊食，一人嗌一個餐，一個叫牛肉另一個叫雞肉，咁就可以一齊開心share ！吉野家邊爐都幾抵食，配料又足夠一個人食飽，有得配飯、麵、烏冬或粉絲！而且仲可以加其他配料，我特別鍾意食佢個「竹輪」，即係芝士獅子狗，個名夠晒翹口，但係一咬就爆芝士汁，好好食。不過今次味道就唔多講，因為我諗好多人都食過，反而想講下其他冇乜人會留意到嘅事。如果兩個人食的話，我就建議大家可以試下以下食法：食完所有配料，一個鍋淥肉，一個鍋淥烏冬，原因係淥肉的話會釋出大量油份，今次唔記得影相，如果大家試咗我以上所講嘅食法之後，就唔敢再撈埋一齊淥！因為真係好大分別，一鍋全部油，另一鍋冇乜油。元朗廣場分店最令人喜歡嘅係一個四眼姐姐態度好，服務好又有禮貌，相比起大部份吉野家分店員工真係差好遠，抵讚！

年初四食開D早餐店仍未營業，於是去咗好耐未去過嘅吉野家食早餐之前食開牛肉出前一丁麵或牛肉飯，都諗住食番其中一樣， 但係度見到有通心粉套餐 ，咁就試新嘢啦南瓜湯通粉通粉熱辣辣我鍾意 南瓜湯好飲，但配上海帶，味道就有啲怪怪哋啦， 稱不上係好配搭炒蛋加多士多士不是太厚身，也香口，炒蛋味道啱啱好唔會炒得太過火咖啡呢度嘅咖啡比其他快餐店香醇沒有苦澀味( 本人鍾意飲齋啡) 仲有少少回甘㖭以現在食早餐閒閒哋都要大約三十蚊嘅情況下， 呢度就親民得多，一定有下次啦

呢一日約左朋友去元朗掃食，我地係元朗西鐵站等，再轉輕鐵，搭到去豐年路落車，天氣凍凍地，我地就先入商場匿下，暖反個身先。其實元朗呢頭都幾多小店，好似車仔麵啦，大排檔，仲有啲西餐小店，不過我哋下午茶唔想食咁飽，都係搵啲快餐店嘅下午茶餐食，份量啱啱好。行吓行吓，咁岩比我見到吉野家，就提議不如食吉野家下午茶啦，朋友都話好記掛住佢個牛肉汁。我哋一人叫一個餐，我叫咗個野菜煎雞米粉，佢叫咗個牛肉米粉，每人都係$30有找，性價比好高，又夠熱辣辣，食落去暖胃之餘仲暖埋身。

開始轉涼，早餐食返啲熱嘢暖暖胃就最好不過，同凍嘅時候有飽肚啲感覺良好啲！點左牛肉昆布烏冬，加個熱茶，正！！牛肉昆布烏冬個湯底先係癥結所在！有陣陣嘅香味，再配埋肥牛、獅子狗卷同昆布，食哂都唔會覺得悶！再加包酸薑，更開胃醒神！不過，吉野家嘅牛肉烏冬好似越來越貴，不知不覺已經去到$29，其實真係唔太抵！街外$29嘅早餐選擇都好多！同而家攞袋裝酸薑都要蓋印先有得攞，一個餐可以攞一包，應該為左打擊攞得太過分多嘅人🧐

想平平地食個火鍋，又唔想自己整，又唔想貴，又食唔到幾多，去一啲連鎖快餐店就最啱了，今次就選擇左位於元朗廣場嘅吉野家囉。睇下食咩先，其實好多大型連鎖店都有一人一煱嘅火煱食，做到人有我有，為求方便廣大嘅市民，咁點解黎吉野家呢？無乜特別原因，就因為近我。咁這次就點了芝士竹輪煱，配肥牛，裹面有獅子狗，豆腐，豆卜，大白菜，粟米，金菇，南瓜，蟹柳，配料也相當豐富。肉類就選了肥牛，吉野家不嬲都係食牛專家，所以很有牛肉味，當然無法跟最高級嘅牛肉比較， 但咁嘅價錢已經很好。水滾茶靚開飯囉。

是日放假, 下午要出去買餸煮飯~買餸前就去左喺合益街市旁嘅吉野家嘆返個下午茶先下午茶平時返工食唔到, 一係就放平日時去食, 如果唔係星期6/日先有得食。但星期6/日就比較多人, 難搵位~同埋係下午茶先特別抵食~ 如果唔係平時我都唔會去食D飯, 比較貴, 都係夜晚去打邊爐多講返個下午茶先, 今次我叫左1個和風牛肉飯(細)配綠茶($24) , 再另加一件36層丹麥多士配榛子醬($8),仲有一隻溫泉玉子($5), 同埋一個茶碗蒸蛋($7)。好豐富和風牛肉飯(細)呢個由細食到大嫁啦~ 唔特別點寫了~ 都係咁既味~但下午茶$24, 真係抵食既~ 我就1定要另加多個牛汁倒落去~再加多隻溫泉玉子, 篤穿佢, 撈埋D蛋汁一齊食, 好味~茶碗蒸蛋呢個真係不得了~ 自從我第1次喺吉野家食完呢個之後, 我幾乎次次去親都加$7叫來食因為呢個茶碗蒸真係超級出色! 蛋超滑又夠味! 一D都唔會老! 每次都熱辣辣滑luilui咁!真係超!!!  入面有蟹柳同鳴門卷~ $7真係抵食! 大愛36層丹麥多士配榛子醬另外仲加左$8要呢個~ 呢個呢, 係近排先出綠茶味~ 之前係原味多士來~我覺得呢個多士好好食, 好似牛角包質感

原本今天想起去蓮花素食,不過剛好他們沒有開,那樣就改了去吉野家吃晚餐,在這裡有一個清單,我選了野菜煎雞飯並配麵鼓湯,可選澤多汁或少汁,然後選了適中的汁量吃,這碟飯的雞汁不錯,很有燒汁那種味道,至於看看雞扒及雜菜,於是繼續吃,燒汁就用鼓油汁,粟米就用罐頭那種,雞扒應該是雪藏的那款,而麵鼓湯像巳開好了的,通風不太好,因為食客比較多,而好的地方是環璄夠方便,地方總算容易找到,在豐年路輕鐵站上天橋後行3分鐘行到,即是在元朗廣場3樓,!!!

剛去完下白泥睇日落，搭車出番元朗，在元朗廣場經過吉野家，仲係下午茶時間，立即速食呢個綠茶丹麥奶醬多士迷你牛肉飯，塊多士都幾厚幾大塊，食完呢個餐晚飯都可以慳番。超值！

吉野家已是我打工仔的飯堂，每到返工時候，吃飯的時候，都只會吃吉野家，一來又平價，又平民，座位又舒適，下午茶分了很多款式，分別有煎雞飯，豚肉飯，牛肉飯等！今次我便試了豚肉飯，豚肉飯外表好像牛肉飯，都是一絲絲的，豚肉脂肪分布平均，就過肥/過瘦！而且份量也很多，不會因為下午茶已減少！果然是平價餐廳！

一起身⋯下午十二點😹超級肚餓，嚟個速食揀咗最近嘅吉野家《忌廉蘑菇煎雞飯》，加$3轉凍檸茶（飯可以唔食，但凍檸茶係必飲嘅！😆😆）個飯嚟到⋯⋯平時好肚餓嘅我，食乜都會覺得好好食。但係今次⋯⋯首先，《忌廉汁》好杰😹然後，飯食到三分一已經無曬啲《忌廉汁》最後，煎雞無味⋯

在朗屏站下車後完天橋一直行好快就到元朗廣場😝現在是午餐時間四周圍都很多人😌元朗廣場入面都有很多食肆，但是都要排隊😢落到一樓就見到吉野家😍也是排長龍😝所以我決定買外賣返屋企食😆在外面望入去座位已擠滿，亦有很多人等位中忌廉蘑菇牛肉飯，忌廉汁味非常淡反而牛肉汁的味道更香濃，加入了一些洋蔥去煮，肥牛很多脂肪，太過肥了！加咗$9有日式野菜食，可惜大部分都是紅蘿蔔，西蘭花和椰菜花比例較少，青豆味道淡口，要自己家一些鹽😆由於人太多外賣我等了大約15分鐘😢

今日上完training可以早收工，但係又唔係太肚餓，所以就去左食吉野家既烚下烚下。可能19:00仲算早既關係，唔使排隊買野食，於是拿拿臨點個豚肉併雞肉既鍋先，點夠$120仲可以免費upgrade大汽水添。雖然冇乜人，但等左8分鐘先有得拎，捧到埋位姐姐（侍應）即係拎左個爐過來，幫手點火同將個鍋拎上去，非常貼心。煮多幾分鐘就香噴噴，啲湯開始滾啦，但一打開蓋想食既時候，啲豚肉原來放最頂，掂唔到啲湯，未熟。。。唯有攪拌一下再等。再過多幾分鐘就正式開餐了，濃湯非常入味，而且鍋裡的食物也好豐富，個人覺得好味過大X樂的火鍋，下次一定再食

今天離開濕地公園後，乘坐小米口中＜偉大嘅輕鐵＞，來到豐年路的大商場覓食。自己是首次來到這商場，但小米竟然在這個陌生的商場內發現＜吉野家＞。小米還要用Sales語氣Hard Sell：廿几蚊一碗牛肉飯，好抵食嫁！　　原來小米平時放學後，間中會光顧下午茶的特價牛肉飯。　估計是因為啖啖肉，所以小米特別記得。　　加上小米超強的觀察力，其實是肚餓引發小米覓食的本能，我倆很快到達目標餐廳了！今天就在此Tea一Tea吧！　餐牌大部份都是飯類，對自己來說，真係份量超大。幸好發現有西式食物～多士好吸引。付款後，先去找座位，再慢慢等待職員叫號。不過座位迫，椅背貼椅背，出入有點困難。幸好今天衣著不算太臃腫。   小米的細牛肉飯　　跟子米身高對比，真係好大碗！廿几蚊，真係好抵食。   烏冬　　豬骨濃湯烏冬，湯底當然夠味，夠鹹。烏冬夠煙韌，並非十蚊四包的貨色。     36層丹麥多士配楓糖　　酥皮丹麥條變為多士形狀，細紋不多，没有層層的結構。不似丹麥條，反而似法國Brioche。雖然多士密度高，空隙不多，但是楓糖粘度不高，容易倒出來，很快就滲透至多士之中了。楓糖不太甜，丹麥多士很鬆軟。　加９蚊的野菜　　今天午餐

小妹食吉野家，通常都係匆匆食個快飯，醫飽個肚就算，啲牛肉飯、雞飯、野菜飯、三文魚飯係咩味，我真係唔知，因為食快餐就係要快，話之佢咩味！不過原來吉野家都有值得慢慢歎嘅美食，自從佢推出高質鰻魚飯之後，進入寒冷冬日，竟然推出「波士頓龍蝦火鍋」，實行食得招積，歎得高質。不過話晒係快餐出品，質素又如何？小妹試食完同大家匯報一下！話說小妹同朋友特登約埋去試食，個餐一到，小妹即刻心心眼，因為真係大大隻波士頓龍蝦喺眼前呀！仲要大過同長過隻手掌，小妹即刻磨拳擦掌準備開餐。點知打開隻龍蝦一睇，竟然係冇橙色膏嘅，我忍唔住望吓隔離嗰枱一家三口，佢哋都係嗌龍蝦，但佢哋嗰隻有大大嚿橙色膏喺入面呀，小妹即刻面色一沉，覺得非常唔公平，不過咁又點？如果命運能選擇… …呢啲就係命，所以嗌呢個火鍋之前，要睇彩數，如果你好介意有冇膏，不如自己去超市買有膏嘅返屋企打邊爐仲開心。好唔容易等啲湯滾，小妹就食住鍋入面啲料先，有兩隻蝦、幾塊「黃牙白」、兩塊魚腐同一注金針菇，連冬菇都唔見咗，朋友嗰鍋就有大大隻冬菇！比起大家樂嘅蔬菜盛盒真係有啲輸蝕。小妹夾咗啲菜食，湯底味道冇大家講嘅龍蝦味濃，可能又係睇分店位置同彩數，但呢個價錢，食到少少