吉野家 (已結業)

平時我沒有寫關於連鎖快餐店的食評，因為我覺得快餐店的質素都是差不多的，不過剛剛所吃的吉野家下午茶雞串司華力腸拼烏冬實在令我太失望，不得不寫一寫。本身我挺喜歡吉野家下午茶的烏冬，除了晚上吃火鍋時有烏冬吃，就要下午茶才有。在取餐的時候，發現吉野家的烏冬都轉換了，不是平日所吃的日本稻庭烏冬，現在這烏冬明顯是一般超市隨處可買的那種，粉粉的，欠缺烏冬應有的彈性和滑溜，湯底更是出前一丁的豬骨湯味粉煮成。雞串燒得乾巴巴的，略帶腥味，連燒汁都省卻，不好入口，唯一可取的是司華力腸，腸皮夠脆。可能吉野家要控制成本，一改以往平價高質的路線，將貨就價，唉，我少了一個下午茶選擇。

📍HongKong能估到是哪家的丼嗎🍱🙈❤️▪️👦🏻說我這張也拍很太犯規了吧🤣🐰我覺得還好🙉-這是吉家的🌿野菜煎雞飯對上一次食係... 有無十年前😂🤔-外賣盒比想像中高質，餸和飯是分隔開上下兩層，欣賞這點☺️-雞排都有5~6件，煎得有點過火，用醬油蓋過有點焦了的色澤，但沒有很焦脆🙁肉質有點韌，沒有彈性。-很喜歡吃菜，也是為了騙自己健康一點的才選這個🙉据齒紋蘿蔔很吸引🥕西蘭花，花菜也是。口感爽脆。-唯獨早早就煮好了的四季豆暴露了不新鮮的身分，色澤暗淡枯黃😖-吉家自助醬料的辣粉，加了後味道有昇華😎🤘🏾更惹味。-單叫了細一碗($37)什麼時候脹價了🙈之前好似($27)?!我會寧願($33)食雙餸飯🤤.....#japan #tokyo #tokyofood #wwhkfood #uhkfood #hkfoodies #eater #hkig #hkeat #hkfood #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #foodpics #hkf

自從上期扭龍珠卡嘅熱潮過咗之後就冇再食過吉野家心血來潮掛住個牛肉飯一個下午茶餐都係20幾蚊兩個加埋60都唔使啊下午三點幾去買又唔使排隊買完好似冇等過就有由買到拎走成個過程2分鐘就搞掂食牛肉飯最緊要一定要多牛汁本身好唔鍾意食洋蔥但係吉野家嘅洋蔥加埋牛肉汁之後嘅就係勁好食又lam身

有時食下快餐都希望有好質素晚飯叫老公買飯比我食選擇左吉野家打邊爐我比較喜歡，但外賣不可所以唯有食飯可能熱天，人無咁多 好快買到見到佢有個新野而我又好喜歡食鯖魚。。。又唔知點解平時可以加16蚊一舊鯖魚今晚無所以就選左呢個套餐回到家打開條魚，同平時加16蚊差不多只係有微微燒過咁同多左好多汁。。。個飯有d脆脆紫菜都叫有d誠意嘅。。。仲有粒溫泉蛋加落去食。。不過我都係覺得有d唔值可能因為平時16蚊就食到。。只係加個飯而老公叫左個特盛牛肉飯我唔覺d牛肉多左。。。錢就加左8蚊算啦。。。除非叫左個普通牛肉飯可以對比如果唔係邊個知？唯一覺得好嘅係飯同牛肉分開上，好好👍🏻

自己一個收左工去試出左一排既濃い芝士雞鍋，雖然上次個芝士雞鍋都係伏架啦，但人類總要重複同樣的錯誤 ，原來今鋪又係中伏，應到杰撻撻 由排隊比錢拎餐到座底起埋火都唔洗5分鐘，係值得讚一眾員工既效率 其實煲野賣相唔差，見到有幾種份量又幾多既芝士係面，正！話咁快就見到個煲出煙，就要開始不斷搞，如果咪真係會又痴又燶到，到時成煲燶味就唔洗食。－＿－搞搞下發覺原來成個煲底都係洋蔥，青椒同黃椒，雖然我都鐘意食，但係咁多就over左，真係寧願配番娃娃菜！ 另外，個煲睇落幾多芝士，點知係得一開頭半溶個時有味 ，後期成煲完全冇芝士味。芝士包冇想象中濃味，雞肉質素一般，食落有陣血味。 咁算啦，一路食一路搞。但係堂食前後左右都打緊邊爐，冷氣又唔夠凍，仲熱過平時晏就比太陽晒住咁打波 ，坐係到都可以出晒汗， 食到一半個時就飲晒杯可樂，仲有碗烏冬都未開始食，最後真係熱到有小小燥，冇食完就走人！番屋企仲要自己煮個麵食先得

    本人一 直十分支持吉野家, 前幾日剛去天水圍探朋友, 朋友提議去天瑞商場吉野家食午餐. 我們點了兩個牛肉飯(每客$22), 兩碗飯既肥牛都有好多肥膏,肉同肥膏既比例唔成正比..... 點知一路食一路簡肥膏, 兩個牛肉飯簡左半碗肥膏出黎, 而且牛肉飯味道同質數冇其他吉野家分店質數好, 可能呢間係加盟店, 從來冇試過呢個情況, 真係好失望!!!

又到早餐時間，見差唔多11點，那那林係佢冇早餐之前落到去，點知前面嗰個人排隊排得勁耐搞到冇晒早餐，最後叫咗一個海苔粟米雞飯。其實唔知有冇人發覺吉野家啲雞嗰啲皮係有一陣窿窿地嘅味道，但係食落去又幾好食，起碼唔會鞋颯颯先。份量來講早餐都唔算話好少，但係亦都唔會好多，都算夠飽。

又到早餐時間，屋企樓下多咗好多唔同嘅餐廳自從裝修咗之後，吉野家不嬲都係我食早餐嘅選擇之一，又平又夠飽肚。今日嘅早餐我就叫咗一個關東煮烏冬。烏冬好滑好煙韌，而且魚蛋又夠晒彈牙，個湯又唔會太過濃。如果有任何人想減肥，呢個餐係明智之選，另外配埋杯綠茶，簡直就係完美嘅配搭。

昨天同阿女去天瑞行街，行到咁上下時間又到午餐時間，揾下有咩好吃，就去番吉野家，2人共同吃1個午餐，就叫了黃金吉列咖哩蝦飯(42元)，飲品要了味僧湯,份量2人夠吃，咖哩都好好味,味噌湯有些小咸,我覺得這個餐都幾好吃，環境都唔錯，只收現金，服務都OK味道:整體幾好服務:我覺得OK環境:我覺得都唔錯價錢:42元

平時好少去吉野家, 今日黎到食下午茶, 發現原來都幾平好多餐都唔過$20, 今次選左$16既野菜牛肉飯(如果和風牛肉飯, 都係$17.x!)野菜就係平時雪藏個D雜菜, 不過佢地都算整得好, 無咩雪味, 但就唔夠新鮮既咁有益健康啦. 作為吉野家既招牌菜, D牛肉飯都幾好味~成碗飯加杯茶先係$16, 我對依個下午茶好滿意

天瑞商場翻新後，引入了幾間連鎖食店，吉野家是其中一間。這裡地方寬敞，員工效率高，最重要是冷氣夠涼，很多街坊都會來捧場。天氣開始轉涼，我與女友來打邊爐。現在推廣的是吉野家海鮮祭－法國黃金螺鍋定食，可配牛肉或雞肉，有三款湯底選擇。我選了日式濃埸，即Shabu Shabu那種甜的醬油湯底。吃到最後，湯底變得太甜了！嗜辣的女友點了地獄番茄湯底，但她說所謂地獄，只是微微辣而已。不過時下的快餐店都是雷聲大，又慢煮什麼法寶都出齊，圖片只供參考是行規嘛！還是那一句：認真就輸了！牛肉是一份份預先包好的，比起其他快餐店提供的火鍋牛肉，這裡的算是很不錯了！配的是日式焙煎芝麻醬，是吃豬腸粉蘸的麻醬，只是帶點酸味而已。這芝麻醬跟帶有湯底味道的牛肉其實不太夾…至於主角的法國黃金螺， 一看就覺得是翡翠螺的朋友原來很多賣生蠔、三文魚等食材店都有售賣法國黃金螺，價錢由每一公斤$65到$75，分別在於螺的大小。法國黃金螺的殼是薄而表面光滑，有黃褐色或深褐色的，多於溪流或池塘生長。法國黃金螺跟翡翠螺一樣都煮熟了才急凍的，味道鮮甜，肉質沒有翡翠螺的硬。即使在鍋內多煮一會，也不會變韌。火鍋內還有冬菇、金菇、南瓜片、蟹柳（鱈場蟹